Seinna Krønikubók kap. 27

Uppsetan
Bíbliu útgáva
American Standard Version EN Danska Bíblian DK King James Version EN Victor Danielsen FO
Tema
Ljóst tema Myrkt tema
Skriftstødd
Lítil Miðal Stór
Fleir
Strong's Orð Jesusar í reyðum Yvirskriftir
j. Jotham
27:1-9:1
1 Jótam var 25 ár, táið hann gjørdist kongur, og 16 ár stýrdi hann í Jerusalem; móðir hansara æt Jerusa og var dóttir Zadok.
2 Hann gjørdi tað, sum rætt var í eygum HARRANS, á allan hátt sum Uzzias, faðir hansara, hevði gjørt – og hann fór ikki inn í halgidóm* HARRANS. Men atburður fólksins var ringur við sama lagi.
3 Hann læt reisa Ovara Portur á húsi HARRANS, og at Ofelsmúri bygdi hann nógv.
4 Hann reisti eisini býir í Judafjøllum, og í skógunum bygdi hann borgir og torn.
5 Hann bardist við ammonitakongin og vann sigur á teimum, so at Ammonitar noyddust tað árið at geva honum 100 talentir av silvuri, 10000 kor av hveiti og 10000 kor av byggi; eisini annað og triðja árið noyddust Ammonitar at lata hann fáa hetta sama.
6 Soleiðis fekk Jótam stórt vald – av tí at hann trúliga gekk leið sína fyri ásjón HARRANS Guds síns.
7 Tað, ið annars er at siga um Jótam, um allar bardagar hansara og alt, ið hann tók sær fyri, er skrivað í bókini um kongar Ísraels og Juda.
8 Hann var 25 ár, táið hann gjørdist kongur, og 16 ár stýrdi hann í Jerusalem.
9 So legðist Jótam til hvíldar hjá fedrum sínum, og teir jarðaðu hann í Dávidsstaði. Sonur hansara Akaz tók ríkið eftir hann.
0 vers vald

Trýst á vers fyri at leggja afturat ella taka burtur.

Fyrri kapittul
Næsti kapittul