førleiki
595 versir um "førleiki"
Versir
Síða 3 av 12Sálmarnir 7:2 Sálmarnir
HARRI Gud mín, hjá Tær søki eg mær skjól, frels meg og bjarga mær frá øllum, ið liggja eftir mær,
Sálmarnir 7:3 Sálmarnir
so at fíggindin ikki eins og leyva skræðir sál mína sundur, rívur hana burt, uttan at nakar bjargar!
Sálmarnir 7:4 Sálmarnir
HARRI Gud mín, havi eg borið meg so at, er órættur í hondum mínum,
Sálmarnir 7:5 Sálmarnir
havi eg lønt honum við illum, sum livdi í friði við meg, ella gjørt teimum skaða, sum uttan grund vóru óvinir mínir
Sálmarnir 7:6 Sálmarnir
– so elti fíggindin sál mína og fái hana aftur, traðki lív mítt til jarðar og leggi æru mína í dustið! – Sela.
Sálmarnir 7:7 Sálmarnir
HARRI! Reis Teg í vreiði Tíni, rís upp móti øði fígginda mína, vakna, mær til hjálpar – Tú hevur jú givið boð um dóm!
Sálmarnir 7:8 Sálmarnir
Lat fólkasløgini savnast rundan um Teg, og far Tú yvir teimum aftur upp á hæddina!
Sálmarnir 7:9 Sálmarnir
HARRIN heldur dóm yvir fólkasløgum. Lat meg náa rætti mínum, HARRI, eftir rættvísi míni og sakloysi mínum, sum í mær er!
Sálmarnir 7:10 Sálmarnir
Ger enda á óndskapi hinna gudleysu, og lat hin rættvísa standa fastan! Tú ert jú tann, ið rannsakar hjørtu og nýru, rættvísi Gud!
Sálmarnir 7:11 Sálmarnir
Skjøldur mín er hjá Gudi, sum frelsir hini sannhjartaðu.
Sálmarnir 7:12 Sálmarnir
Gud er rættvísur dómari og Gud, ið vreiðist hvønn dag.
Sálmarnir 7:13 Sálmarnir
Vendir hann* ikki við, so hvessir Hann** svørð Sítt, spennir bogan og miðar,
Sálmarnir 7:14 Sálmarnir
ger til reiðar móti honum drepandi vápn; pílar Sínar ger Hann brennandi.
Sálmarnir 7:15 Sálmarnir
Hygg, nú føðir hann misgerð, hann gongur við vanlukku og føðir lygn!
Sálmarnir 7:16 Sálmarnir
Grøv hevur hann grivið og gjørt hana djúpa; men hann fellur sjálvur í grøvina, sum hann hevur gjørt.
Sálmarnir 7:17 Sálmarnir
Vanlukkan, sum hann hevði í huga, kemur yvir hansara egna høvd, og órætturin, sum hann ætlaði at volda, rámar hann sjálvan í hvirilin.
Sálmarnir 7:18 Sálmarnir
Eg skal takka HARRANUM fyri rættferð Hansara, lovsyngja navni HARRANS, hins hægsta.
Sálmarnir 8:1 Sálmarnir
Til songmeistaran. Eftir gittit. Sálmur. Eftir Dávid.
Sálmarnir 8:2 Sálmarnir
HARRI, Harri okkara, hvussu dýrt er ikki navn Títt um alla jørðina, Tú, sum hevur breitt út dýrd Tína yvir himmalin!
Sálmarnir 8:3 Sálmarnir
Av munni smábarna og bróstabarna hevur Tú grundfest Tær vernd, fyri teirra skuld, sum eru óvinir Tínir, fyri at teppa fíggindan og hin hevnisama.
Sálmarnir 8:4 Sálmarnir
Táið eg síggi himmal Tín – verk fingra Tína – mánan og stjørnurnar, ið Tú hevur gjørt,
Sálmarnir 8:5 Sálmarnir
hvat er tá menniskjað, at Tær kemur tað í hug, menniskjabarnið, at Tú tekur Tær av tí!
Sálmarnir 8:6 Sálmarnir
Tú gjørdi tað lítið lægri enn Gud, við heiðuri og dýrd krýndi Tú tað;
Sálmarnir 8:7 Sálmarnir
Tú setti tað at ráða yvir handaverkum Tínum, alt legði Tú tí undir føtur,
Sálmarnir 8:8 Sálmarnir
smáfæ og neyt, øll somul, ja, tey villu dýrini á markini,
Sálmarnir 8:9 Sálmarnir
fuglarnar undir himli og fiskin í havinum, alt tað, ið ferðast vegir havsins.
Sálmarnir 8:10 Sálmarnir
– HARRI, Harri okkara, hvussu dýrt er ikki navn Títt um alla jørðina!
Sálmarnir 9:1 Sálmarnir
Til songmeistaran. Eftir mutlabbén. Sálmur. Eftir Dávid.
Sálmarnir 9:2 Sálmarnir
Eg skal takka HARRANUM av øllum hjarta mínum, kunngera øll undur Tíni,
Sálmarnir 9:3 Sálmarnir
gleðast og frøast í Tær, lovsyngja navni Tínum, Tú hin hægsti
Sálmarnir 9:4 Sálmarnir
– tí fíggindar mínir víkja, falla og ganga til grundar fyri ásjón Tíni.
Sálmarnir 9:5 Sálmarnir
Ja, Tú hjálpti mær til rætt og dóm, Tú setti Teg í hásætið sum rættvísur dómari!
Sálmarnir 9:6 Sálmarnir
Tú straffaði heidningarnar, forkomst hinum gudleysu, navn teirra strikaði Tú út í allar ævir.
Sálmarnir 9:7 Sálmarnir
Burtur er fíggindin, oyddur í allar ævir, býirnar hevur Tú brotið á grund – eingin minnist teir longur!
Sálmarnir 9:8 Sálmarnir
Og HARRIN situr í hásæti allar ævir, Hann reisti hásæti Sítt til dóms;
Sálmarnir 9:9 Sálmarnir
Hann dømir jarðarríki við rættvísi, fellir dóm yvir fólkasløg við rætti.
Sálmarnir 9:10 Sálmarnir
HARRIN er hinum kúgaða ein borg, ein borg á neyðartíðum.
Sálmarnir 9:11 Sálmarnir
Tey líta á Teg, tey, sum kenna navn Títt; tí Tú hevur ikki svikið tey, ið søkja Teg, HARRI!
Sálmarnir 9:12 Sálmarnir
Lovsyngið HARRANUM, sum býr á Zion, kunngerið millum fólkini tað, ið Hann hevur gjørt!
Sálmarnir 9:13 Sálmarnir
Tí Hann, sum hevnir blóð, minnist hini ørmu, Hann gloymir ikki róp teirra.
Sálmarnir 9:14 Sálmarnir
Ver mær náðigur, HARRI, hygg tað, ið eg má líða av teimum, ið hata meg, Tú, sum lyftir mær upp frá portrum deyðans,
Sálmarnir 9:15 Sálmarnir
fyri at eg skal kunngera alt prís Títt í portrum dóttur Zions, rópa av gleði um frelsu Tína.
Sálmarnir 9:16 Sálmarnir
Heidningarnir sukku í grøvina, teir gróvu, fótur teirra kom fastur í garnið, teir settu!
Sálmarnir 9:17 Sálmarnir
HARRIN varð opinberur, Hann helt dóm; Hann letur hin gudleysa verða fastan í hansara egna handaverki. – Higgajon. Sela.
Sálmarnir 9:18 Sálmarnir
Í deyðaríkið fara hini gudleysu niður, allir heidningar, ið gloyma Gud.
Sálmarnir 9:19 Sálmarnir
Tí ikki skal hin fátæki allar dagar verða gloymdur, ikki skal vón hinna eyðmjúku í allar ævir verða til einkis.
Sálmarnir 9:20 Sálmarnir
Reis Teg, HARRI, lat ikki menniskju verða við yvirlutan, lat heidningarnar verða dømdar fyri ásjón Tíni!
Sálmarnir 9:21 Sálmarnir
Slá teir við ræðslu, HARRI, lat heidningarnar sanna, at teir eru menniskju! – Sela.
Sálmarnir 10:1 Sálmarnir
Hví stendur Tú so langt burtur, HARRI, hví fjalir Tú Teg á neyðartíðum?
Sálmarnir 10:2 Sálmarnir
Av hugmóði hins gudleysa eru hini ørmu í angist, tey verða fangað í teimum óndu ráðum, hann upphugsar.