songur við endurtøku

Fyrra Kongabók 18:44 Fyrra Kongabók

Sjeyndu ferðina, tá segði hann: „Nú stígur lítið skýggj, til støddar sum manshond, upp úr havsbrúnni.“ Tá segði hann: „Far avstað og sig við Akab: „Set hestarnar fyri vagnin og far oman, meðan framkomandi er fyri regni!““

2

Fyrra Kongabók 18:45 Fyrra Kongabók

Eftir eini løtu var himmalin svartur av stormskýggjum, og ógvuligt regn kom. Akab fór upp í vagn sín og helt avstað til Jizre’el;

2

Fyrra Kongabók 18:46 Fyrra Kongabók

men hond HARRANS kom yvir Elias; hann gyrdi lendar sínar og rann undan Akab líka til Jizre’el.

2

Sálmarnir 97:1 Sálmarnir

HARRIN hevur víst, at Hann er kongur; jørðin fegnist, hinar mongu oyggjar gleðist!

2

Sálmarnir 97:2 Sálmarnir

Skýggj og myrkur eru rundan um Hann, rættferð og rættur eru grundvøllir hásætis Hansara.

2

Sálmarnir 97:3 Sálmarnir

Eldur gongur undan Honum og logar millum fíggindar Hansara.

2

Sálmarnir 97:4 Sálmarnir

Snarljós Hansara lýsa upp jarðarríki; jørðin sær tað og nøtrar;

2

Sálmarnir 97:5 Sálmarnir

fjøllini bráðna sum vaks fyri ásjón HARRANS, fyri Harranum yvir allari jørðini.

2

Sálmarnir 97:6 Sálmarnir

Himlarnir kunngera rættvísi Hansara, og øll fólkasløg síggja heiður Hansara.

2

Sálmarnir 97:7 Sálmarnir

Til skammar verða øll, ið dýrka útskornar myndir, tey, ið eru stolt av avgudum sínum; tilbiðið Hann, allir gudar!

2

Sálmarnir 97:8 Sálmarnir

Zion hoyrir tað og gleðist, døtur Juda fegnast um dómar Tínar, HARRI!

2

Sálmarnir 97:9 Sálmarnir

Tí Tú, HARRI, ert hin Hægsti yvir allari jørðini, sára høgt situr Tú yvir øllum gudum!

2

Sálmarnir 97:10 Sálmarnir

Tit, ið elska HARRAN, hatið hitt illa! – Hann varðar sálirnar í hinum heilagu Sínum og fríar tey úr hondum hinna gudleysu.

2

Sálmarnir 97:11 Sálmarnir

Ljós rennur upp fyri rættvísum, og gleði fyri sannhjartaðum.

2

Sálmarnir 97:12 Sálmarnir

– Gleðið tykkum í HARRANUM, tit rættvísu, lovsyngið heilaga navni Hansara!

2

Sálmarnir 134:1 Sálmarnir

Songur. Á hátíðarferðunum. Upp, lovið HARRANUM, allir tit tænarar HARRANS, tit, ið um næturnar standa í húsi HARRANS!

2

Sálmarnir 134:2 Sálmarnir

Lyftið upp hendur tykkara móti halgidóminum og lovið HARRANUM!

2

Sálmarnir 134:3 Sálmarnir

HARRIN signi teg av Zion, Hann, sum skapti himmal og jørð!

2

Sálmarnir 135:1 Sálmarnir

Halleluja! Lovið navni HARRANS, lovið tí, tit tænarar HARRANS,

2

Sálmarnir 135:2 Sálmarnir

sum standa í húsi HARRANS, í forgørðum hús Guds okkara!

2

Sálmarnir 135:3 Sálmarnir

Lovið HARRANUM, tí HARRIN er góður! Lovsyngið navni Hansara, tí tað er lívsælt!

2

Sálmarnir 135:4 Sálmarnir

Tí HARRIN hevur útvalt Sær Jákup, Ísrael til ogn Sína.

2

Sálmarnir 135:5 Sálmarnir

Ja, eg veit, at HARRIN er stórur, Harri okkara er størri enn allir gudar.

2

Sálmarnir 135:6 Sálmarnir

HARRIN ger alt tað, ið Hann vil, í Himli og á jørð, í havinum og øllum veraldardjúpunum.

2

Sálmarnir 135:7 Sálmarnir

Hann letur skýggj stíga upp frá enda jarðarinnar, fær snarljósini at geva regn, sendir stormin út úr goymslum Sínum.

2

Sálmarnir 135:8 Sálmarnir

Hann sló hinar frumbornu Egyptalands, bæði fólk og fæ,

2

Sálmarnir 135:9 Sálmarnir

og sendi tekin og undur yvir teg, Egyptaland, yvir Farao og allar tænarar hansara.

2

Sálmarnir 135:10 Sálmarnir

Hann sló stór fólkasløg og drap mektigar kongar,

2

Sálmarnir 135:11 Sálmarnir

Sihon amoritakong og Og, kongin í Basan, og øll kongaríkini í Kána’an,

2

Sálmarnir 135:12 Sálmarnir

og gav land teirra í arv, gav Ísrael, fólki Sínum, tað í arv.

2

Sálmarnir 135:13 Sálmarnir

HARRI, navn Títt er ævigt, minnið um Teg, HARRI, er mann eftir mann!

2

Sálmarnir 135:14 Sálmarnir

Tí HARRIN skal døma fólk Sítt, og Honum skal tykjast synd í tænarum Sínum.

2

Sálmarnir 135:15 Sálmarnir

Avgudar heidninganna eru silvur og gull, handaverk manna;

2

Sálmarnir 135:16 Sálmarnir

teir hava munn, men tala ikki, eygu, men síggja ikki;

2

Sálmarnir 135:17 Sálmarnir

teir hava oyru, men hoyra ikki, og eingin andadráttur er í munni teirra.

2

Sálmarnir 135:18 Sálmarnir

Sum teir eru, so verða tey, ið gera teir, ein og hvør, ið lítur á teir.

2

Sálmarnir 135:19 Sálmarnir

Lova HARRANUM, hús Ísraels! Lova HARRANUM, hús Árons!

2

Sálmarnir 135:20 Sálmarnir

Lova HARRANUM, hús Levi! Lovið HARRANUM, tit, ið óttast HARRAN!

2

Sálmarnir 135:21 Sálmarnir

Av Zion veri HARRIN lovaður, Hann, sum býr í Jerusalem! – Halleluja!

2

Esaias 1:15 Esaias

Hvussu nógv tit so rætta út hendurnar, lati Eg eyguni aftur fyri tykkum; hvussu nógv tit so biðja, hoyri Eg ikki – tí hendur tykkara eru fullar av blóði!

2

Matteus 6:1 Matteus

„Varðið tykkum, at tit útinna ikki rættvísi tykkara fyri menniskjum – fyri at verða sædd av teimum! Tí so hava tit onga løn hjá Faðir tykkara, sum í Himli er.

2

Matteus 6:2 Matteus

Táið tú gevur olmussu, mást tú tí ikki lata blása í lúður fyri tær, sum hyklararnir gera í sýnagogunum og á gøtunum – fyri at teir kunnu njóta lov av menniskjum. Sanniliga, sigi Eg tykkum: Teir hava longu fingið løn sína.

2

Matteus 6:3 Matteus

Nei, táið tú gevur olmussu, lat tá ikki vinstru hond tína vita, hvat hin høgra ger –

2

Matteus 6:4 Matteus

fyri at olmussa tín kann vera í loyndum! Tá skal Faðir tín, sum sær í loyndum, løna tær.

2

Matteus 6:5 Matteus

Táið tit biðja, mugu tit ikki vera sum hyklararnir; tí teimum dámar at standa í sýnagogum og á vegamótum og biðja, fyri at teir kunnu verða sæddir av menniskjum. Sanniliga, sigi Eg tykkum: Teir hava longu fingið løn sína.

2

Matteus 6:6 Matteus

Men tú, táið tú biður – far inn í kamar títt, lat aftur hurð tína, og bið til Faðir tín, sum er í loyndum! Tá skal Faðir tín, sum sær í loyndum, løna tær.

2

Matteus 6:8 Matteus

Líkist tí ikki teimum! Tí Faðir tykkara veit, hvat tykkum tørvar, áðrenn tit biðja Hann.

2

Matteus 6:9 Matteus

Tí skulu tit biðja soleiðis: „Faðir okkara, Tú, sum ert í Himli! Heilagt verði navn Títt!

2

Matteus 6:10 Matteus

Komi ríki Títt! Verði vilji Tín, sum í Himli, so á jørðini við!

2

Matteus 6:11 Matteus

Gev okkum í dag dagliga breyð okkara!

2