kvinnafaldari
581 versir um "kvinnafaldari"
Versir
Síða 8 av 12Matteus 14:15 Matteus
Men táið kvøldið var komið, fóru lærisveinarnir til Hansara og søgdu: „Staðið her er oyðið, og tað seinkar; lat fólkið fara avstað, so tey kunnu fara í bygdirnar og keypa sær mat!“
Matteus 14:16 Matteus
Jesus segði við teir: „Teimum nýtist ikki at fara avstað; gevið tit teimum at eta!“
Matteus 14:17 Matteus
Teir svaraðu Honum: „Vit hava einki her uttan fimm breyð og tveir fiskar!“
Matteus 14:18 Matteus
Men Hann segði: „Fáið Mær tað higar!“
Matteus 14:19 Matteus
So beyð Hann, at fólkið skuldi seta seg niður í grasið. Og Hann tók hini fimm breyðini og fiskarnar báðar, hugdi upp móti himli og signaði. So breyt Hann breyðini og gav lærisveinunum tey, og lærisveinarnir góvu fólkinum tey.
Matteus 14:20 Matteus
Tey ótu nú øll og vórðu mett. Síðani savnaðu teir saman avlopið av bitunum, tólv fullar kurvar.
Matteus 14:21 Matteus
Teir, sum etið høvdu, vóru um 5000 menn – umframt kvinnur og børn.
Matteus 14:22 Matteus
Við tað sama noyddi Hann nú lærisveinar Sínar at fara í bátin og fara undan Sær yvir um aftur vatnið, meðan Hann læt fólkið fara.
Matteus 14:23 Matteus
Táið Hann hevði latið fólkið fara, fór Hann niðan á fjallið fyri Seg sjálvan at biðja, og táið seint var vorðið, var Hann har einsamallur.
Matteus 14:24 Matteus
Báturin var tá longu mitt úti á vatninum og var illa staddur av bylgjunum; tí andróður var.
Matteus 14:25 Matteus
Í fjórðu náttarvøku kom nú Jesus til teirra, gangandi á vatninum.
Matteus 14:26 Matteus
Táið lærisveinarnir sóu Hann ganga á vatninum, kom ræðsla á teir, og teir søgdu: „Hatta er spøkilsi!“ og róptu av ræðslu.
Matteus 14:27 Matteus
Men alt fyri eitt talaði Jesus til teirra; Hann segði: „Verið hugreystir, tað eri Eg – óttist ikki!“
Matteus 14:28 Matteus
Tá svaraði Pætur Honum: „Harri, er tað Tú, so sig við meg, at eg skal koma til Tín á vatninum!“
Matteus 14:29 Matteus
Hann segði: „Kom!“ Tá steig Pætur út úr bátinum og gekk á vatninum fyri at koma til Jesus.
Matteus 14:30 Matteus
Men táið hann sá hitt ringa veðrið, varð hann ræddur, og táið hann nú fór at søkka, rópti hann: „Harri, frels meg!“
Matteus 14:31 Matteus
Alt fyri eitt rætti Jesus út hondina og tók í hann, og Hann segði við hann: „Tú trúarveiki, hví ivaðist tú?“
Matteus 14:32 Matteus
Táið teir vóru komnir inn aftur í bátin, makaði hann vindin.
Matteus 14:33 Matteus
Men teir, sum á bátinum vóru, fullu niður fyri Honum og søgdu: „Sanniliga ert Tú Sonur Guds!“
Matteus 14:34 Matteus
Táið teir vóru komnir yvirum, løgdu teir at landi í Genezaret.
Matteus 14:35 Matteus
Táið fólkið har á staðnum nú kendi Hann aftur, sendu tey boð allastaðni har á leið, og tey komu til Hansara við øllum hinum sjúku.
Matteus 14:36 Matteus
Og tey bóðu Hann um bert at sleppa at nema við faldin á klæðum Hansara; og øll, sum numu við Hann, vórðu grødd.
Matteus 15:1 Matteus
Tá komu Farisearar og skriftlærdir úr Jerusalem til Jesus og søgdu:
Matteus 15:2 Matteus
„Hví bróta lærisveinar Tínir viðtøku hinna gomlu? Teir vaska sær jú ikki um hendurnar, táið teir fara at eta.“
Matteus 15:3 Matteus
Hann svaraði teimum: „Hví bróta tit sjálvir boð Guds við viðtøkum tykkara?
Matteus 15:4 Matteus
Gud gav jú hetta boð: „Ær faðir tín og móður tína!“ og: „Tann, ið bannar faðir ella móður, skal vissuliga doyggja.“
Matteus 15:5 Matteus
Men tit siga: „Tann, ið sigur við faðir ella móður: „Tað, sum tú skuldi fingið frá mær til hjálpar, lati eg sum tempulgávu!“ er ikki bundin at æra faðir sín ella móður sína.“
Matteus 15:6 Matteus
Soleiðis hava tit gjørt lóg Guds til einkis við viðtøkum tykkara.
Matteus 15:7 Matteus
Hyklarar tykkara! Beint profeteraði Esaias um tykkum, táið Hann segði:
Matteus 15:8 Matteus
„Hetta fólk heiðrar Meg við vørrunum; men hjarta teirra er langt frá Mær.
Matteus 15:9 Matteus
Tey dýrka Meg til einkis, við tað at tey læra lærdómar, ið eru menniskjaboð.““
Matteus 15:10 Matteus
Hann kallaði nú fólkið til Sín og segði við tey: „Hoyrið og fatið!
Matteus 15:11 Matteus
Ikki tað, sum inn fer í munnin, ger menniskjað óreint; nei, tað, sum út fer av munninum, ger menniskjað óreint.“
Matteus 15:12 Matteus
Tá komu lærisveinarnir til Hansara og søgdu við Hann: „Veitst Tú, at Fariseararnir tóku sær ilt av hasum orði, ið teir hoyrdu?“
Matteus 15:13 Matteus
Hann svaraði: „Hvør planta, ið himmalski Faðir Mín ikki hevur plantað, skal verða rykt upp við rót.
Matteus 15:14 Matteus
Latið teir fara! Blindir vegleiðarar eru teir blindum; og táið blindur leiðir blindan, falla báðir í grøvina.“
Matteus 15:15 Matteus
Tá tók Pætur til orða og segði við Hann: „Útlegg okkum hatta líknilsið!“
Matteus 15:16 Matteus
Hann segði: „Fata eisini tit so lítið enn?
Matteus 15:17 Matteus
Skilja tit ikki, at alt tað, sum inn fer í munnin, fer í magan og verður leitt út hin náttúrliga vegin?
Matteus 15:18 Matteus
Men tað, sum út fer av munninum, kemur úr hjartanum, og tað er tað, sum ger menniskjað óreint.
Matteus 15:19 Matteus
Tí út úr hjartanum koma ringar hugsanir: Manndráp, hor, siðloysi, stuldur, rangur vitnisburður, spottan.
Matteus 15:20 Matteus
Hetta er tað, sum ger menniskjað óreint; men at eta við óvaskaðum hondum ger ikki menniskjað óreint.“
Matteus 15:21 Matteus
Jesus fór so haðani og kom Sær burtur til landið við Týrus og Sidon.
Matteus 15:22 Matteus
Tá kom kánaneisk kvinna haðani av leið; hon rópti: „Harri, sonur Dávids, miskunna mær! Dóttir mín verður svárt plágað av illum anda.“
Matteus 15:23 Matteus
Men Hann svaraði henni ikki orð. Tá komu lærisveinarnir til Hansara og bóðu Hann: „Slepp Tær frá henni, tí hon rópar eftir okkum!“
Matteus 15:24 Matteus
Hann svaraði: „Eg eri ikki sendur út til onnur enn hinar burtmistu seyðir av húsi Ísraels.“
Matteus 15:25 Matteus
Men hon kom, fall niður fyri Honum og segði: „Harri, hjálp mær!“
Matteus 15:26 Matteus
Tá svaraði Hann: „Tað er ikki rætt at taka breyð barnanna og kasta tað fyri hinar smáu hundar.“
Matteus 15:27 Matteus
Men hon segði: „Tað er satt, Harri! Men hinir smáu hundar eta jú av molunum, ið falla niður av borði harra teirra!“
Matteus 15:28 Matteus
Tá svaraði Jesus henni: „Kvinna! Trúgv tín er stór; tær verði sum tú vilt!“ Og dóttir hennara varð grødd frá somu stund.