Tú kanst leita eftir orðum ella versum. Tú kanst t.d. skriva "1 pat 2 1" sum gevir fyrsta Pætursbrævið kap. 2 vers 1.

At siga farvæl

450 versir um "At siga farvæl"

Versir

Síða 6 av 9
Sálmarnir 18:30 Sálmarnir

Tí við Tær haldi eg á fíggindaskarar, við Gudi mínum leypi eg um múrar.

2
Sálmarnir 18:31 Sálmarnir

Vegur Guds er fullkomin, orð HARRANS er reint, Hann er øllum teimum skjøldur, sum søkja sær skjól hjá Honum.

2
Sálmarnir 18:32 Sálmarnir

Ja, hvør er Gud uttan HARRIN, hvør er klettur uttan Gud okkara,

2
Sálmarnir 18:33 Sálmarnir

tann Gud, sum gyrðir meg við styrki og javnar mær vegin,

2
Sálmarnir 18:34 Sálmarnir

gevur mær føtur sum hindanna og letur meg standa á hæddum mínum,

2
Sálmarnir 18:35 Sálmarnir

venur hendur mínar til hernað, so armar mínir spenna koparbogan!

2
Sálmarnir 18:36 Sálmarnir

Tú gevur mær frelsu Tína til skjøld, høgra hond Tín styðjar meg, lítillæti Títt ger meg stóran.

2
Sálmarnir 18:37 Sálmarnir

Tú gert tað rúmt hjá mær at stíga, øklar mínir riða ikki.

2
Sálmarnir 18:38 Sálmarnir

Eg elti fíggindar mínar og fái teir aftur, vendi ikki við aftur, fyrrenn eg havi gjørt enda á teimum.

2
Sálmarnir 18:39 Sálmarnir

Eg slái teir niður, so teir eru ikki mentir at reisa seg, men liggja falnir undir fótum mínum.

2
Sálmarnir 18:40 Sálmarnir

Tú gyrðir meg við styrki til bardaga, boyggir mótstøðumenn mínar undir meg.

2
Sálmarnir 18:41 Sálmarnir

Tú letur fíggindar mínar flýggja fyri mær; eg týni teir, ið hata meg.

2
Sálmarnir 18:42 Sálmarnir

Teir rópa, men eingin hjálpir – til HARRAN, men Hann svarar teimum ikki.

2
Sálmarnir 18:43 Sálmarnir

Eg mylji teir sundur í dust fyri vindinum, sópi teir burt sum skarn á vegnum.

2
Sálmarnir 18:44 Sálmarnir

Tú frelsir meg frá fólkaófriði, setur meg til høvd heidninganna; fólkasløg, sum eg kenni ikki, tæna mær.

2
Sálmarnir 18:45 Sálmarnir

Bert tey frætta um meg, verða tey mær lýðin, fremmand krúpa fyri mær;

2
Sálmarnir 18:46 Sálmarnir

fremmand følna burtur og fara skelvandi út úr borgum sínum.

2
Sálmarnir 18:47 Sálmarnir

HARRIN livir, hálovaður er klettur mín, høgt situr Frelsugud mín,

2
Sálmarnir 18:48 Sálmarnir

tann Gud, sum gevur mær hevnd og leggur fólkasløg undir meg,

2
Sálmarnir 18:49 Sálmarnir

frelsir meg frá fíggindum mínum! Ja, Tú lyftir meg høgt yvir teir, sum standa mær ímóti, bjargar mær undan yvirgangskroppum!

2
Sálmarnir 18:50 Sálmarnir

Tí prísi eg Tær millum fólkasløg, HARRI, og lovsyngi navni Tínum,

2
Sálmarnir 18:51 Sálmarnir

Tú, sum gevur kongi Tínum stóran sigur og vísir hinum salvaða Tínum náði, Dávidi og ætt hansara, í allar ævir!

2
Sálmarnir 19:1 Sálmarnir

Til songmeistaran. Sálmur. Eftir Dávid.

2
Sálmarnir 19:2 Sálmarnir

Himlarnir kunngera dýrd Guds, hvølvið ber boð um handaverk Hansara.

2
Sálmarnir 19:3 Sálmarnir

Ein dagurin talar við annan um tað, ein náttin kunnger aðrari tað;

2
Sálmarnir 19:4 Sálmarnir

uttan orð og uttan talu, uttan at ljóðið hoyrist,

2
Sálmarnir 19:5 Sálmarnir

gongur rødd himmalsins út um alla jørðina, tala hansara til enda jarðarríkis. Á himli reisti Hann sólini tjald.

2
Sálmarnir 19:6 Sálmarnir

Og hon er sum brúðgómur, ið kemur út úr brúðarkamari sínum; sum kappi gleðir hon seg til at renna skeið sítt.

2
Sálmarnir 19:7 Sálmarnir

Við enda himmalsins er tað, hon kemur undan, og umferð hennara er til hin enda hansara; einki er fjalt fyri hita hennara.

2
Sálmarnir 19:8 Sálmarnir

Lóg HARRANS er fullkomin, hon lívgar sálina; vitnisburður HARRANS er trúfastur, hann ger hin einfalda vísan;

2
Sálmarnir 19:9 Sálmarnir

fyriskipanir HARRANS eru rættar, tær gleða hjartað; boð HARRANS er reint, tað lýsir upp eyguni;

2
Sálmarnir 19:10 Sálmarnir

ótti HARRANS er skírur, hann stendur fastur allar ævir; lógboð HARRANS eru sannleiki, tey eru rættvís øll somul.

2
Sálmarnir 19:11 Sálmarnir

Tey eru dýrabarari enn gull, ja, enn mongd av fínum gulli, og søtari enn hunangur, ja, enn reinasti hunangur.

2
Sálmarnir 19:12 Sálmarnir

Eisini tænari Tín verður ámintur við teimum; tann, ið heldur tey, hevur stóra løn.

2
Sálmarnir 19:13 Sálmarnir

Hvør er varur við, hvussu mangan hann villist! Fyrigev mær loyniligu syndir mínar!

2
Sálmarnir 19:14 Sálmarnir

Varðveit eisini tænara Tín frá skammiligum syndum, lat tær ikki ráða yvir mær! Tá verði eg lýtaleysur og ikki sekur í stórum misbrotum.

2
Sálmarnir 19:15 Sálmarnir

Lat orð muns míns og hugsanir hjarta míns líka Tær, HARRI, klettur mín og endurloysari mín!

2
Sálmarnir 20:1 Sálmarnir

Til songmeistaran. Sálmur. Eftir Dávid.

2
Sálmarnir 20:2 Sálmarnir

HARRIN bønhoyri teg neyðardagin, navn Jákups Guds bjargi tær!

2
Sálmarnir 20:3 Sálmarnir

Hann sendi tær hjálp úr halgidóminum, av Zion styði Hann teg!

2
Sálmarnir 20:4 Sálmarnir

Hann minnist øll matoffur tíni og taki brennioffur títt fyri gott! – Sela.

2
Sálmarnir 20:5 Sálmarnir

Hann gevi tær tað, ið hjarta títt tráar eftir, og lati øll ráð tíni fáa framgongd

2
Sálmarnir 20:6 Sálmarnir

– so vit kunnu rópa av gleði um frelsu Tína, í navni Guds okkara lyfta sigursmerkið – HARRIN uppfylli allar bønir tínar!

2
Sálmarnir 20:7 Sálmarnir

Nú veit eg, at HARRIN frelsir salvaða Sín; úr heilaga Himli Sínum svarar Hann honum við frelsandi stórverkum høgru handar Sínar.

2
Sálmarnir 20:8 Sálmarnir

Summir líta á hestar, summir á vagnar, men vit sigra við navni HARRANS Guds okkara.

2
Sálmarnir 20:9 Sálmarnir

Teir hokna og falla, men vit reisast og koma aftur á føtur.

2
Sálmarnir 20:10 Sálmarnir

Gev sigur, HARRI! Ja, kongurin svari okkum, tann dag vit rópa!

2
Sálmarnir 21:1 Sálmarnir

Til songmeistaran. Sálmur. Eftir Dávid.

2
Sálmarnir 21:2 Sálmarnir

HARRI, kongurin gleðist um veldi Títt – hvussu stórliga frøist hann ikki um frelsu Tína!

2
Sálmarnir 21:3 Sálmarnir

Tað, ið hjarta hansara ynskti sær, gavst Tú honum; tað, ið varrar hansara bóðu um, sýtti Tú honum ikki. – Sela.

2
Aftur til evni