Samson og Delilah

Dómararnir 15:9 Dómararnir

Filistarar komu nú og tóku støðu í Juda, og teir breiddu seg út í Lehi.

4

Dómararnir 15:10 Dómararnir

Tá søgdu Judamenn: „Hví eru tit komnir móti okkum?“ Teir svaraðu: „Vit eru komnir higar at binda Samson og gera við hann, sum hann hevur gjørt við okkum!“

4

Nú fóru 3000 mans úr Juda til gjónna við Etam og søgdu við Samson: „Veitst tú ikki, at Filistarar eru harrar okkara! Hví hevur tú tá gjørt okkum hetta?“ Hann svaraði teimum: „Eg havi gjørt við teir, sum teir hava gjørt við meg!“

4

Dómararnir 15:12 Dómararnir

Men teir søgdu við hann: „Vit eru komnir higar at binda teg og geva teg í hendur Filistara.“ Tá segði Samson við teir: „Gerið mær eið uppá, at tit drepa meg ikki!“

4

Dómararnir 15:13 Dómararnir

Teir svaraðu honum: „Nei, vit skulu bert binda teg og geva teg í hendur teirra – drepa teg skulu vit ikki!“ So bundu teir hann við tveimum nýggjum togum og fóru upp úr gjónni við honum.

4

Dómararnir 15:14 Dómararnir

Men táið hann kom til Lehi, og Filistarar við gleðirópum lupu ímóti honum, kom Andi HARRANS yvir hann; togini um armar hansara vórðu sum brendur líntráður, og bondini fullu av hondum hansara, sum tey høvdu verið rotin.

4

Dómararnir 15:15 Dómararnir

So fann hann nýtt esilskjálkabein; og hann rætti út hondina og tók tað og høgdi niður við tí 1000 mans.

4

Dómararnir 15:16 Dómararnir

Tá segði Samson: „Við esilskjálkabeini drap eg ein flokk, ja, tveir, við esilskjálkabeini drap eg 1000 mans!“

4

Dómararnir 15:17 Dómararnir

Táið hann hevði sagt hetta, blakaði hann kjálkabeinið frá sær; tí fekk hetta stað navnið Ramat-Lehi.

4

Dómararnir 15:18 Dómararnir

Men við tað at hann var ógvuliga tystur, rópti hann til HARRAN og segði: „Tú hevur givið henda stóra sigur við hond tænara Tíns, og skal eg so nú doyggja av tosta og falla í hendur óumskorna manna?“

4

Dómararnir 15:19 Dómararnir

Tá opnaði Gud kulluna, sum er í Lehi, og vatn rann upp úr henni; táið hann hevði drukkið, fekk hann lívsmegi sína aftur. Tí fekk henda keldan navnið En-Hakkore; hon er í Lehi enn í dag.

4

Dómararnir 15:20 Dómararnir

Hann var 20 ár dómari í Ísrael – í filistaratíðini.

4

Dómararnir 16:22 Dómararnir

– Men hárið á høvdi hansara fór at vaksa aftur, eftir at tað var rakað av.

4

Dómararnir 16:23 Dómararnir

Filistarahøvdingarnir komu nú saman at bera fram stórt sláturoffur til Dagon, gud sín, og halda høgtíð, tí teir søgdu: „Gud okkara hevur givið okkum Samson, fígginda okkara, í hendur!“

3

Dómararnir 16:24 Dómararnir

Táið fólkið fekk at síggja hann, lovaðu tey gudi sínum og søgdu: „Gud okkara hevur givið okkum fígginda okkara í hendur, hann, sum oyddi land okkara og drap so mangar av fólki okkara!“

3

Dómararnir 16:25 Dómararnir

Táið tey nú vóru komin í gott lag, søgdu tey: „Farið eftir Samson, so vit kunnu hava stuttleika av honum!“ So varð farið í fangahúsið eftir Samson, og tey stuttleikaðu sær av honum. Teir lótu hann standa millum stólparnar.

3

Dómararnir 16:26 Dómararnir

Men Samson segði við drongin, ið leiddi hann: „Slepp mær, og lat meg fáa nomið við stólparnar, ið húsið hvílir á, so eg fái hallað mær inn at teimum!“

3

Dómararnir 16:27 Dómararnir

Húsið var fult av monnum og kvinnum; har vóru allir filistarahøvdingarnir; og á takinum vóru úti við 3000 menn og kvinnur, sum hugdu at, meðan tey høvdu stuttleika av Samson.

3

Dómararnir 16:28 Dómararnir

Tá rópti Samson til HARRAN og segði: „Harri HARRI, kom meg í hug og gev mær styrki, á Gud, bert hesa einu ferð, so eg fái hevnt meg á Filistarar fyri annað av báðum eygum mínum!“

3

Dómararnir 16:29 Dómararnir

So tók Samson í báðar miðstólparnar, sum húsið hvíldi á; hann spenti móti øðrum við høgru hond og móti hinum við vinstru.

3

Dómararnir 16:30 Dómararnir

Og Samson segði: „Lat meg doyggja saman við Filistarum!“ So trýsti hann á, alt ið hann orkaði; tá raplaði húsið saman oman yvir høvdingarnar og oman yvir alt fólkið, ið har var inni; tey, sum hann drap í deyða sínum, vóru fleiri enn tey, sum hann hevði dripið alla tíð sína.

3

Dómararnir 16:31 Dómararnir

Men brøður hansara og allir skyldmenn hansara komu hagar, tóku hann við sær heim og løgdu hann í grøv Manoa, faðirs hansara, millum Zora og Estaol. – Í 20 ár hevði hann tá verið dómari í Ísrael.

3

Fjórða Mósebók 6:1 Fjórða Mósebók

HARRIN talaði framvegis við Móses og segði:

2

Fjórða Mósebók 6:2 Fjórða Mósebók

„Tala við Ísraelsmenn og sig við teir: „Táið maður ella kvinna ger heilagt lyfti um at vilja vera Nasireari og víga seg HARRANUM,

2

Fjórða Mósebók 6:3 Fjórða Mósebók

so skal hann halda seg frá víni og sterkum drykki; edik av víni ella annan sterkan edik má hann ikki drekka, ei heldur nakran drykk, ið er gjørdur úr vínberum; og hvørki bleyt ella turkað vínber má hann eta.

2

Fjórða Mósebók 6:4 Fjórða Mósebók

So leingi sum nasirearatíð hansara varir, má hann einki eta av tí, ið kemur av víntrænum, líka frá kjarna til skal.

2

Fjórða Mósebók 6:5 Fjórða Mósebók

So leingi sum nasirearalyfti hansara varir, má rakiknívur ikki koma á høvd hansara; inntil tíðin er úti, sum hann vígir seg HARRANUM, skal hann vera heilagur og lata hárið vaksa sítt.

2

Fjórða Mósebók 6:6 Fjórða Mósebók

So leingi sum hann er Nasireari HARRANS, má hann ongum líki koma nær.

2

Fjórða Mósebók 6:7 Fjórða Mósebók

Um tað so er faðir, móðir, bróðir ella systir hansara, ið doyr, má hann ikki fyri teirra skuld gera seg óreinan; tí hann ber á høvdinum merki uppá, at hann er Nasireari Guds síns.

2

Fjórða Mósebók 6:8 Fjórða Mósebók

So leingi sum nasirearatíð hansara varir, er hann HARRANUM halgaður.

2

Fjórða Mósebók 6:9 Fjórða Mósebók

Men doyr onkur hjá honum óvart og knappliga, og hann soleiðis kemur at gera høvd sítt, sum hann ber nasirearamerkið á, óreint, so skal hann raka høvd sítt, tann dagin ið hann aftur verður reinur; sjeynda dagin skal hann raka tað.

2

Fjórða Mósebók 6:10 Fjórða Mósebók

Og áttanda dagin skal hann koma til prestin við tveimum turtildúvum ella tveimum dúvuungum – at durum samkomutjaldsins.

2

Fjórða Mósebók 6:11 Fjórða Mósebók

Presturin skal ofra annan fuglin sum syndoffur og annan sum brennioffur og gera bót fyri hann og reinsa hann, við tað at hann hevur syndað við at nema við lík. Síðani skal hann aftur sama dag halga høvd sítt

2

Fjórða Mósebók 6:12 Fjórða Mósebók

og uppaftur víga seg til Nasireara fyri HARRANUM, líka langa tíð sum hann av fyrstum hevði vígt seg, og koma við veturgomlum seyði sum skyldofri; tíðin, ið gingin er, verður ikki uppíroknað, við tað at hann gjørdi vígda høvd sítt óreint.

2

Fjórða Mósebók 6:13 Fjórða Mósebók

Hetta er lógin um Nasirearan: Táið nasirearatíð hansara er at enda, skal hann verða leiddur fram at durum samkomutjaldsins;

2

Fjórða Mósebók 6:14 Fjórða Mósebók

og hann skal bera HARRANUM fram offur sítt, veturgamlan, lýtaleysan veðr til brennioffur, lýtaleysa gimbur til syndoffur og lýtaleysan veðr til takkoffur,

2

Fjórða Mósebók 6:15 Fjórða Mósebók

kurv við ósúrgaðum breyði av fínum mjøli, køkur við olju í, og ósúrgaðar flatkøkur, smurdar við olju – umframt matofrið og drykkjuofrini, ið til hoyra.

2

Fjórða Mósebók 6:16 Fjórða Mósebók

So skal presturin bera tað fram fyri ásjón HARRANS og ofra syndoffur og brennioffur hansara.

2

Fjórða Mósebók 6:17 Fjórða Mósebók

Veðrin skal hann ofra HARRANUM sum takkoffur saman við teimum ósúrgaðu breyðunum í kurvini; síðani skal presturin ofra matoffur og drykkjuoffur hansara.

2

Fjórða Mósebók 6:18 Fjórða Mósebók

So skal Nasirearin fyri durum samkomutjaldsins raka høvd sítt, sum hann ber nasirearamerkið á, og hann skal taka hárið – nasirearamerki sítt – og leggja tað á eldin, ið er undir takkofrinum.

2

Fjórða Mósebók 6:19 Fjórða Mósebók

Presturin skal taka annan bógvin av veðrinum – kókaðan – og eina ósúrgaða køku og eina ósúrgaða flatkøku úr kurvini og leggja tað í hendur Nasirearans, eftir at hann hevur rakað nasirearamerkið av sær.

2

Fjórða Mósebók 6:20 Fjórða Mósebók

Hesar gávur skal presturin sveiggja fyri ásjón HARRANS; tað er heilagt og skal hoyra prestinum til, umframt sveiggibringuna og offurgávutjógvið. – Síðani kann Nasirearin aftur drekka vín.

2

Fjórða Mósebók 6:21 Fjórða Mósebók

– Hetta er lógin um tann, ið ger nasirearalyfti; hetta er tað, ið hann skal ofra HARRANUM, við tað at hann hevur gjørt nasirearalyfti – umframt tað, ið hann annars hevur ráð til; hann skal halda seg eftir lyftinum, ið hann hevur gjørt, og fylgja tí, ið lógin um vígslu hansara krevur.““

2

Dómararnir 13:1 Dómararnir

Men Ísraelsmenn gjørdu við sama lagi tað, ið ónt var í eygum HARRANS; og HARRIN gav teir í hendur Filistara í 40 ár.

2

Dómararnir 13:2 Dómararnir

Í Zora búði maður av ætt Danita; hann æt Manoa. Kona hansara var ófruktbør; hon hevði aldri átt barn.

2

Dómararnir 13:3 Dómararnir

Nú opinberaðist eingil HARRANS fyri kvinnuni og segði við hana: „Tú ert jú ófruktbør og hevur aldri átt barn; men tú skalt verða við barn og eiga son.

2

Dómararnir 13:4 Dómararnir

Varða teg tí nú – drekk ikki vín ella sterkan drykk, og et einki óreint!

2

Dómararnir 13:5 Dómararnir

Tí nú skalt tú verða við barn og eiga son, og rakiknívur má ikki koma á høvd hansara; tí drongurin skal vera Nasireari Guds líka frá móðurlívi, og hann skal fáa gongd á at frelsa Ísrael úr hondum Filistara.“

2

Dómararnir 13:6 Dómararnir

Kvinnan fór nú og segði við mann sín: „Ein gudsmaður kom til mín; hann sá út sum eingil Guds, sára øgiligur; eg spurdi hann ikki, hvaðani hann var, og ikki segði hann mær, hvussu hann æt.

2

Dómararnir 13:7 Dómararnir

Hann segði við meg: „Nú skalt tú verða við barn og eiga son; drekk nú ikki vín ella sterkan drykk, og et einki óreint, tí drongurin skal vera Nasireari Guds frá móðurlívi og líka til deyðadag sín!““

2