rættarmál
230 versir um "rættarmál"
Versir
Síða 4 av 5Fimta Mósebók 28:67 Fimta Mósebók
Um morgunin skalt tú siga: „Eg vildi, at kvøldið var komið!“ og um kvøldið: „Eg vildi, at morgunin var komin!“ – Slíka angist skalt tú kenna í hjartanum, og so ræðuligt verður tað, ið tú sært fyri eygum tínum.
Fimta Mósebók 28:68 Fimta Mósebók
HARRIN skal á skipum flyta teg aftur til Egyptalands – ta leiðina, ið Eg lovaði tær, at tú aldri skuldi fáa at síggja aftur; har skulu tit verða boðin fíggindum tykkara til keyps sum trælir og trælkvinnur, men eingin skal vilja keypa tykkum.“
Matteus 5:38 Matteus
Tit hava hoyrt, at sagt er: „Eyga fyri eyga, og tonn fyri tonn!“
Matteus 5:39 Matteus
Men Eg sigi tykkum, at tit skulu ikki seta tykkum ímóti hinum illa; nei, slær onkur teg undir høgra vanga, so vend honum hin við!
Matteus 15:1 Matteus
Tá komu Farisearar og skriftlærdir úr Jerusalem til Jesus og søgdu:
Matteus 15:2 Matteus
„Hví bróta lærisveinar Tínir viðtøku hinna gomlu? Teir vaska sær jú ikki um hendurnar, táið teir fara at eta.“
Matteus 15:3 Matteus
Hann svaraði teimum: „Hví bróta tit sjálvir boð Guds við viðtøkum tykkara?
Matteus 15:4 Matteus
Gud gav jú hetta boð: „Ær faðir tín og móður tína!“ og: „Tann, ið bannar faðir ella móður, skal vissuliga doyggja.“
Matteus 15:5 Matteus
Men tit siga: „Tann, ið sigur við faðir ella móður: „Tað, sum tú skuldi fingið frá mær til hjálpar, lati eg sum tempulgávu!“ er ikki bundin at æra faðir sín ella móður sína.“
Matteus 15:6 Matteus
Soleiðis hava tit gjørt lóg Guds til einkis við viðtøkum tykkara.
Matteus 15:7 Matteus
Hyklarar tykkara! Beint profeteraði Esaias um tykkum, táið Hann segði:
Matteus 15:8 Matteus
„Hetta fólk heiðrar Meg við vørrunum; men hjarta teirra er langt frá Mær.
Matteus 15:9 Matteus
Tey dýrka Meg til einkis, við tað at tey læra lærdómar, ið eru menniskjaboð.““
Matteus 15:10 Matteus
Hann kallaði nú fólkið til Sín og segði við tey: „Hoyrið og fatið!
Matteus 15:11 Matteus
Ikki tað, sum inn fer í munnin, ger menniskjað óreint; nei, tað, sum út fer av munninum, ger menniskjað óreint.“
Matteus 15:12 Matteus
Tá komu lærisveinarnir til Hansara og søgdu við Hann: „Veitst Tú, at Fariseararnir tóku sær ilt av hasum orði, ið teir hoyrdu?“
Matteus 15:13 Matteus
Hann svaraði: „Hvør planta, ið himmalski Faðir Mín ikki hevur plantað, skal verða rykt upp við rót.
Matteus 15:14 Matteus
Latið teir fara! Blindir vegleiðarar eru teir blindum; og táið blindur leiðir blindan, falla báðir í grøvina.“
Matteus 15:15 Matteus
Tá tók Pætur til orða og segði við Hann: „Útlegg okkum hatta líknilsið!“
Matteus 15:16 Matteus
Hann segði: „Fata eisini tit so lítið enn?
Matteus 15:17 Matteus
Skilja tit ikki, at alt tað, sum inn fer í munnin, fer í magan og verður leitt út hin náttúrliga vegin?
Matteus 15:18 Matteus
Men tað, sum út fer av munninum, kemur úr hjartanum, og tað er tað, sum ger menniskjað óreint.
Matteus 15:19 Matteus
Tí út úr hjartanum koma ringar hugsanir: Manndráp, hor, siðloysi, stuldur, rangur vitnisburður, spottan.
Matteus 15:20 Matteus
Hetta er tað, sum ger menniskjað óreint; men at eta við óvaskaðum hondum ger ikki menniskjað óreint.“
Matteus 15:21 Matteus
Jesus fór so haðani og kom Sær burtur til landið við Týrus og Sidon.
Matteus 15:22 Matteus
Tá kom kánaneisk kvinna haðani av leið; hon rópti: „Harri, sonur Dávids, miskunna mær! Dóttir mín verður svárt plágað av illum anda.“
Matteus 15:23 Matteus
Men Hann svaraði henni ikki orð. Tá komu lærisveinarnir til Hansara og bóðu Hann: „Slepp Tær frá henni, tí hon rópar eftir okkum!“
Matteus 15:24 Matteus
Hann svaraði: „Eg eri ikki sendur út til onnur enn hinar burtmistu seyðir av húsi Ísraels.“
Matteus 15:25 Matteus
Men hon kom, fall niður fyri Honum og segði: „Harri, hjálp mær!“
Matteus 15:26 Matteus
Tá svaraði Hann: „Tað er ikki rætt at taka breyð barnanna og kasta tað fyri hinar smáu hundar.“
Matteus 15:27 Matteus
Men hon segði: „Tað er satt, Harri! Men hinir smáu hundar eta jú av molunum, ið falla niður av borði harra teirra!“
Matteus 15:28 Matteus
Tá svaraði Jesus henni: „Kvinna! Trúgv tín er stór; tær verði sum tú vilt!“ Og dóttir hennara varð grødd frá somu stund.
Matteus 15:29 Matteus
Jesus fór nú burtur haðani og kom til vatnið í Galilea. Hann fór niðan á fjallið og settist har.
Matteus 15:30 Matteus
Tá kom nógv fólk til Hansara; tey høvdu við sær lamin, blind, stumm, kryplar og mong onnur; tey løgdu tey fyri føtur Hansara; og Hann grøddi tey –
Matteus 15:31 Matteus
so at fólkið undraðist, táið tey sóu, at stumm talaðu, kryplar vórðu grøddir, lamin gingu, og blind sóu; og tey prísaðu Gudi Ísraels.
Matteus 15:32 Matteus
Men Jesus kallaði til Sín lærisveinar Sínar og segði: „Mær tykir hjartaliga synd í fólkinum; tey hava longu verið her hjá Mær tríggjar dagar, og tey hava einki at eta. Og lata tey fara fastandi frá Mær vil Eg ikki, fyri at tey skulu ikki fáa maktarloysi á vegnum.“
Matteus 15:33 Matteus
Lærisveinarnir søgdu við Hann: „Hvaðani skulu vit her í oyðimørk fáa so mong breyð, at vit kunnu metta hetta nógva fólk!“
Matteus 15:34 Matteus
Jesus segði við teir: „Hvussu mong breyð hava tit?“ Teir svaraðu: „Sjey, og so nakrar fáar smáfiskar.“
Matteus 15:35 Matteus
Tá beyð Hann fólkinum, at tað skuldi seta seg niður á jørðina.
Matteus 15:36 Matteus
So tók Hann hini sjey breyðini og fiskarnar, takkaði og breyt tey og fekk lærisveinunum; og lærisveinarnir góvu fólkinum.
Matteus 15:37 Matteus
Og tey ótu øll og vórðu mett. Síðani savnaðu teir saman avlopið av bitunum, sjey fullar kurvar.
Matteus 15:38 Matteus
Tey, sum etið høvdu, vóru 4000 menn, umframt kvinnur og børn.
Matteus 15:39 Matteus
Og táið Hann hevði latið fólkið fara, fór Hann í bátin og kom til landið við Magadan.
Markus 7:1 Markus
Fariseararnir og nakrir av hinum skriftlærdu, sum komnir vóru úr Jerusalem, savnaðust nú um Hann.
Markus 7:2 Markus
Teir fingu tá at síggja nakrar av lærisveinum Hansara eta við „vanheilagum“, tað er óvaskaðum, hondum.
Markus 7:3 Markus
Tí Fariseararnir og allir Jødar eta ikki, uttan teir fyrst vaska sær um hendurnar, bæði væl og virðiliga; tí teir halda fast við viðtøku hinna gomlu.
Markus 7:4 Markus
Táið teir koma av torginum, eta teir heldur ikki, fyrrenn teir hava vaskað sær; og mangt annað er, sum teir hava viðtikið at halda, vask av bikarum, krússum, koparíløtum og beinkjum.
Markus 7:5 Markus
Tí spurdu Fariseararnir og hinir skriftlærdu Hann: „Hví ganga lærisveinar Tínir ikki eftir viðtøku hinna gomlu, men eta við vanheilagum hondum?“
Markus 7:6 Markus
Men Hann svaraði teimum: „Beint profeteraði Esaias um tykkum, hyklarar tykkara! – sum skrivað er: „Hetta fólk heiðrar Meg við vørrunum, men hjarta teirra er langt frá Mær.
Markus 7:7 Markus
Og tey dýrka Meg til einkis, við tað at tey læra lærdómar, ið eru menniskjaboð.“