at gera sjálvmorð

Markus 15:17 Markus

Teir lótu Hann í purpurkappa og flættaðu tornakrúnu og settu hana á Hann.

2

Markus 15:18 Markus

So fóru teir at heilsa Honum: „Heilur, Jødakongurin!“

2

Markus 15:19 Markus

Og teir slógu Hann í høvdið við rørstavi og spýttu á Hann og fullu á knæ og tilbóðu Hann.

2

Markus 15:20 Markus

Táið teir høvdu háðað Hann, lótu teir Hann úr purpurkappanum og lótu Hann í Hansara egnu klæði. So fóru teir út við Honum at krossfesta Hann.

2

Markus 15:21 Markus

Og teir noyddu ein at bera kross Hansara, ein, sum kom framvið, sum kom av markini, Símun úr Kýrene, faðir Aleksander og Rufus.

2

Markus 15:22 Markus

Teir fóru so við Honum út til staðið Golgata, tað er Skallastaðin.

2

Markus 15:23 Markus

Og teir góvu Honum vín at drekka við myrra í; men Hann tók ikki av.

2

Markus 15:24 Markus

So krossfestu teir Hann, og teir býttu klæði Hansara og kastaðu lut um, hvat hvør skuldi fáa.

2

Markus 15:25 Markus

Tað var um triðja tíman, teir krossfestu Hann.

2

Markus 15:26 Markus

Yvirskriftin við tí, sum Hann var klagaður fyri, ljóðaði so: „Kongur Jødanna.“

2

Markus 15:27 Markus

Tveir ránsmenn krossfestu teir saman við Honum, annan høgrumegin Hann og annan vinstrumegin.

2

Markus 15:28 Markus

Tá gekk skriftin út, sum sigur: „Hann varð roknaður millum illgerðarmenn.“

2

Markus 15:29 Markus

Tey, sum gingu framvið, spottaðu Hann, ristu við høvdinum og søgdu: „Tví vorði Tær, Tú, sum brýtur niður templið og byggir tað upp aftur eftir trimum døgum!

2

Markus 15:30 Markus

Frels Teg sjálvan og kom niður av krossinum!“

2

Markus 15:31 Markus

Á sama hátt háðaðu høvuðsprestarnir Hann sínámillum, og eisini hinir skriftlærdu, og søgdu: „Onnur hevur Hann frelst; Seg sjálvan kann Hann ikki frelsa!

2

Markus 15:32 Markus

Kristus, kongur Ísraels – lat Hann nú koma niður av krossinum, so vit kunnu síggja tað og trúgva!“ – Eisini teir, sum krossfestir vóru við Honum, háðaðu Hann.

2

Markus 15:33 Markus

Táið sætti tímin var komin, legðist myrkur yvir alt landið, og tað vardi líka til níggjunda tíman.

2

Markus 15:34 Markus

Um níggjunda tíman rópti Jesus við harðari rødd: „Elo’i, Elo’i! Lama sabaktani?“ Tað er útlagt: „Gud Mín, Gud Mín! Hví ert Tú farin frá Mær?“

2

Markus 15:35 Markus

Nakrir av teimum, ið stóðu har, søgdu, táið teir hoyrdu tað: „Hann rópar eftir Eliasi!“

2

Markus 15:36 Markus

Men ein leyp til, fylti svamp við ediki og setti hann á rørstav, gav Honum at drekka og segði: „Bíðið, latið okkum síggja, um Elias kemur at taka Hann niður!“

2

Markus 15:37 Markus

Men Jesus rópti við harðari rødd og andaðist.

2

Markus 15:38 Markus

Tá skrædnaði forhangið í templinum í tvey, frá í erva líka niður ígjøgnum.

2

Markus 15:39 Markus

Men táið høvuðsmaðurin, ið hjá stóð, beint yvir av Honum, sá, at Hann andaðist á henda hátt, segði hann: „Sanniliga var hesin maður Sonur Guds!“

2

Markus 15:40 Markus

Har vóru eisini nakrar kvinnur, ið stóðu langt burturfrá og hugdu at; millum teirra vóru eisini Maria Magdalena og Maria, móðir yngra Jákup og Jóses, og Saloma –

2

Markus 15:41 Markus

sum høvdu fylgt Honum og tænt Honum, táið Hann var í Galilea, og nógvar aðrar kvinnur, ið vóru farnar niðan til Jerusalem við Honum.

2

Markus 15:42 Markus

Við tað at kvøldið longu var komið, og tað var tilreiðingardagur – tað er dagurin fyri sabbatin –

2

Markus 15:43 Markus

kom Jósef úr Arimatea, avhildin ráðharri, sum eisini sjálvur væntaði ríki Guds; hann tók mót til sín og fór inn til Pilatus og bað um likam Jesusar.

2

Markus 15:44 Markus

Tá undraðist Pilatus á, at Hann longu skuldi vera deyður;

2

Markus 15:45 Markus

og hann rópti høvuðsmannin og spurdi hann, um tað var langt síðani, Hann doyði; táið hann hevði fingið tað at vita frá høvuðsmanninum, gav hann Jósefi líkið.

2

Markus 15:46 Markus

Jósef keypti tá fínt línklæði, tók Hann niður, sveipaði Hann í línklæðið og legði Hann í grøv, sum høgd var inn í klett. So velti hann stein fyri gravarmunnan.

2

Markus 15:47 Markus

Men Maria Magdalena og Maria, móðir Jóses, sóu, hvar Hann varð lagdur.

2

Markus 16:1 Markus

Táið sabbaturin var farin, keyptu Maria Magdelena, Maria, móðir Jákup, og Saloma angandi salvur til at fara og salva Hann.

2

Markus 16:2 Markus

Og ógvuliga tíðliga um morgunin fyrsta dagin í vikuni komu tær til grøvina, táið sólin kom undan.

2

Markus 16:3 Markus

Tær søgdu nú hvør við aðra: „Hvør skal velta okkum steinin frá gravarmunnanum?“

2

Markus 16:4 Markus

Men táið tær hugdu upp, fingu tær at síggja, at steinurin var veltur burtur; hann var ógvuliga stórur.

2

Markus 16:5 Markus

Og táið tær komu inn í grøvina, sóu tær ungan mann í síðum hvítum klæðum sita høgrumegin; og tær ræddust.

2

Markus 16:6 Markus

Men hann segði við tær: „Ræðist ikki! Tit leita eftir Jesusi úr Nazaret, hinum krossfesta; Hann er risin upp, Hann er ikki her; hyggið, har er staðið, har teir løgdu Hann!

2

Markus 16:7 Markus

Men farið avstað, sigið við lærisveinar Hansara og við Pætur, at Hann fer undan tykkum til Galilea. Har skulu tit síggja Hann, sum Hann hevur sagt tykkum.“

2

Markus 16:8 Markus

Tá fóru tær út og flýddu burtur frá grøvini; tí bivan og ræðsla var komin á tær; og tær søgdu ongum nakað, tí tær óttaðust.

2

Markus 16:9 Markus

Men táið Hann var risin upp, árla fyrsta dagin í vikuni, opinberaðist Hann fyrst fyri Mariu Magdalenu, sum Hann hevði rikið sjey illar andar út úr.

2

Markus 16:10 Markus

Hon fór og segði teimum tað, sum við Honum høvdu verið, og sum nú syrgdu og grótu.

2

Markus 16:11 Markus

Men táið teir hoyrdu, at Hann livdi og var sæddur av henni, trúðu teir tí ikki.

2

Markus 16:12 Markus

So opinberaðist Hann í øðrum líki fyri tveimum av teimum á vegnum, meðan teir vóru á ferð út á bygd.

2

Markus 16:13 Markus

Eisini teir fóru og søgdu hinum tað; men heldur ikki teimum trúðu teir.

2

Markus 16:14 Markus

Tá opinberaðist Hann fyri hinum ellivu sjálvum, meðan teir sótu til borðs; og Hann hevði at teimum fyri vantrúgv teirra og harða hjarta, at teir høvdu ikki trúð teimum, sum høvdu sæð Hann risnan upp.

2

Markus 16:15 Markus

Og Hann segði við teir: „Farið út í allan heimin og prædikið evangeliið fyri øllum skapninginum!

2

Markus 16:16 Markus

Tann, ið trýr og verður doyptur, skal verða frelstur; men tann, ið ikki trýr, skal verða fordømdur.

2

Markus 16:17 Markus

Og hesi tekin skulu fylgja teimum, ið trúgva: Í navni Mínum skulu tey reka út illar andar; tey skulu tala við nýggjum tungum;

2

Markus 16:18 Markus

tey skulu taka ormar upp í hendurnar; drekka tey eitur, skal tað ikki saka tey; á sjúk skulu tey leggja hendurnar, og tey skulu verða grødd.“

2

Markus 16:19 Markus

So varð Harrin, eftir at Hann hevði talað við teir, tikin upp til Himmals, og Hann settist við høgru hond Guds.

2