Ukraina

Fyrsta Mósebók 10:2 Fyrsta Mósebók

Synir Jafet vóru Gomer, Magog, Madai, Javan, Tubal, Mesek og Tiras.

5

Fyrsta Mósebók 10:3 Fyrsta Mósebók

Synir Gomer vóru Askenaz, Rifat og Togarma.

5

Fyrsta Mósebók 12:1 Fyrsta Mósebók

HARRIN segði við Ábram: „Far úr landi tínum, frá skyldfólki tínum og frá húsi faðirs tíns – til landið, ið Eg skal vísa tær!

4

Fyrsta Mósebók 12:2 Fyrsta Mósebók

Eg skal gera teg til stórt fólk; Eg skal signa teg og gera navn títt stórt, og tú skalt verða signing.

4

Fyrsta Mósebók 12:3 Fyrsta Mósebók

Eg skal signa tey, ið signa teg, og tann, ið tær bannar, honum skal Eg banna; og í tær skulu allar ættir á jørðini verða signaðar.“

4

Jeremias 1:5 Jeremias

„Áðrenn Eg myndaði teg í móðurlívi, kendi Eg teg, og áðrenn tú komst út úr móðurfangi, halgaði Eg teg; til profet tjóðanna setti Eg teg.“

4

Matteus 5:9 Matteus

Sæl eru tey, sum fáa frið í lag; tí tey skulu kallast børn Guds.

3

Ápostlasøgan 2:9 Ápostlasøgan

Vit, Partar, Medar og Elamitar, vit, sum búgva í Mesopotamia, Judea, Kappadokia, Pontus og Asia,

3

Seinna Krønikubók 7:14 Seinna Krønikubók

– um tá fólk Mítt, sum er uppkallað eftir navni Mínum, eyðmýkir seg, biður, søkir ásjón Mína og vendir um av óndu leiðum sínum, so skal Eg hoyra í Himli, fyrigeva synd teirra og grøða land teirra.

2

Og Eg skal gera tekin millum teirra og senda nøkur av teimum, sum undansloppin eru, til tjóðirnar, til Tarsis, Pul og Lud – bogamenninar – til Tubal og Javan, til oyggjarnar langt burtur, sum ikki hava hoyrt tíðindini um Meg og ikki sæð dýrd Mína; og tey skulu millum fólkasløgini kunngera dýrd Mína.

2

Ezekiel 38:1 Ezekiel

Orð HARRANS kom til mín; Hann segði:

2

Ezekiel 38:2 Ezekiel

Menniskjasonur! Vend andliti tínum móti Gog í Magogslandi, høvdinga yvir Ros, Mesek og Tubal – profetera móti honum!

2

Ezekiel 38:3 Ezekiel

Tú skalt siga: So sigur Harrin HARRIN: Eg komi yvir teg, Gog, høvdingi yvir Ros, Mesek og Tubal!

2

Ezekiel 38:4 Ezekiel

Eg skal venda tær við, krøkja krókar í kjálkar tínar og leiða teg út við øllum heri tínum, hestum og hestmonnum – allir eru teir í vøkrum klæðum, veldigur skari við stórum og smáum skjøldum, allir við svørði í hond.

2

Ezekiel 38:5 Ezekiel

Persarar, Etioparar og Putearar eru við teimum, allir við skjøldi og hjálmi.

2

Ezekiel 38:6 Ezekiel

Gomer við øllum herflokkum sínum, Togarmafólk úr ytsta Norðurlandi við øllum herflokkum sínum – mong fólkasløg eru við tær.

2

Ezekiel 38:7 Ezekiel

Vápna teg og ger alt liðugt, tú og allir skarar tínir, sum saman eru komnir hjá tær! Tú skalt vera yvirmaður teirra.

2

Ezekiel 38:8 Ezekiel

Táið long tíð er gingin, skulu boð koma eftir tær; táið árini eru at enda, skalt tú koma til tað land, sum aftur er vunnið undan svørðinum, til tjóð, ið savnað er saman frá mongum fólkasløgum, niðan á Ísraelsfjøll, sum so leingi lógu í oyði, tjóð, ið flutt er burt frá fólkasløgunum og nú býr trygt har tilsamans.

2

Ezekiel 38:9 Ezekiel

Tú skalt fara niðan hagar; sum stormur skalt tú koma, sum skýggj skalt tú vera til at fjala landið, tú og allir herflokkar tínir og mong fólkasløg við tær.

2

Ezekiel 38:10 Ezekiel

So sigur Harrin HARRIN: Tann dag skulu hugsanir koma upp í hjarta tínum, og tú skalt leggja upp ónd ráð

2

Ezekiel 38:11 Ezekiel

og siga: „Eg skal fara móti landi við opnum býum; eg skal koma yvir friðarlig fólk, sum búgva trygt, sum øll somul búgva við ongum múrum og hvørki hava porturstengur ella portur“

2

Ezekiel 38:12 Ezekiel

– til at ræna og taka herfong, til at venda hond tíni móti toftum, sum upp aftur eru bygdar, og móti fólki, ið savnað er saman frá heidningunum, sum hevur vunnið sær fæ og góðs, og sum býr á nalva* jarðarinnar.

2

Ezekiel 38:13 Ezekiel

Sjeba, Dedan, keypmenninir úr Tarsis og allar ungu leyvur teirra skulu siga við teg: „Kemur tú at ræna? Hevur tú savnað skarar tínar til at taka herfong, til at fara avstað við silvuri og gulli, til at ræna fæ og góðs, til at taka rán í stórum?“

2

Ezekiel 38:14 Ezekiel

Profetera tí, menniskjasonur, og sig við Gog: So sigur Harrin HARRIN: Ja, tann dag Ísrael, fólk Mítt, býr trygt, skalt tú fáa at vita av tí.

2

Ezekiel 38:15 Ezekiel

Og tá skalt tú koma úr landi tínum, úr ytsta Norðurlandi, tú og mong fólkasløg við tær, allir samlir ríðandi á hestum, stórur skari, veldigur herur.

2

Ezekiel 38:16 Ezekiel

Sum skýggj skalt tú koma móti Ísrael, fólki Mínum, og fjala landið. Á síðstu døgum skal hetta henda; tá lati Eg teg koma yvir land Mítt – fyri at tjóðirnar skulu læra Meg at kenna, táið Eg fyri eygum teirra prógvi Meg heilagan á tær, Gog!

2

Ezekiel 38:17 Ezekiel

So sigur Harrin HARRIN: Er tað um teg, Eg havi talað í fornum døgum við tænarum Mínum profetum Ísraels, teimum, ið profeteraðu á teimum døgum, ár eftir ár, at Eg skuldi lata teg koma yvir tey?

2

Ezekiel 38:18 Ezekiel

Men sama dag, tann dag Gog kemur yvir Ísraelsland – sigur Harrin HARRIN – skal vreiði Mín stíga upp í ásjón Mína.

2

Ezekiel 38:19 Ezekiel

Og í vreiði Míni – í vreiðieldi Mínum – sigi Eg: Sanniliga, tann dag skal stórur jarðskjálvti verða í Ísraelslandi.

2

Ezekiel 38:20 Ezekiel

Fiskarnir í sjónum, fuglarnir undir himli, dýrini á markini, øll skriðdýr, ið á jørðini skríða, og øll menniskju, ið á jørðini búgva, skulu skelva fyri ásjón Míni, og fjøllini skulu detta umkoll, hamrarnir skulu rapla niður, og hvør múrur skal falla til jarðar.

2

Ezekiel 38:21 Ezekiel

Eg skal á øllum fjøllum Mínum kalla á svørðið móti honum – sigur Harrin HARRIN; svørð eins skal verða vent móti øðrum.

2

Ezekiel 38:22 Ezekiel

Eg skal halda dóm yvir honum við pest og við blóði, við grovregni og við grótheglingi; eld og svávul skal Eg lata regna niður yvir hann og skarar hansara og yvir tey mongu fólkasløg, ið við honum eru.

2

Ezekiel 38:23 Ezekiel

Eg skal prógva Meg stóran og heilagan og gera Meg kendan, so mangar tjóðir síggja – og tær skulu sanna, at Eg eri HARRIN.

2

Ezekiel 39:1 Ezekiel

Tú, menniskjasonur! Profetera móti Gog og sig: So sigur Harrin HARRIN: Eg komi yvir teg, Gog, høvdingi yvir Ros, Mesek og Tubal!

2

Ezekiel 39:2 Ezekiel

Eg skal venda tær við, reka teg fram, lata teg koma úr ytsta Norðurlandi og leiða teg niðan á Ísraelsfjøll.

2

Ezekiel 39:3 Ezekiel

Eg skal sláa bogan úr vinstru hond tíni og lata pílarnar detta úr høgru hond tíni.

2

Ezekiel 39:4 Ezekiel

Á Ísraelsfjøllum skalt tú falla, tú og allir skarar tínir og fólkasløgini, ið við tær eru; alskyns rovfuglum og hinum villu dýrunum á markini gevi Eg teg til føði.

2

Ezekiel 39:5 Ezekiel

Á markini skalt tú falla; tí Eg havi talað – sigur Harrin HARRIN.

2

Ezekiel 39:6 Ezekiel

Eg skal senda eld móti Magog og móti teimum, ið trygt búgva á oyggjunum – og tey skulu sanna, at Eg eri HARRIN.

2

Ezekiel 39:7 Ezekiel

Eg skal kunngera heilaga navn Mítt millum Ísrael, fólk Mítt, og ikki longur lata heilaga navn Mítt verða vanhalgað – og tjóðirnar skulu sanna, at Eg eri HARRIN, hin heilagi í Ísrael.

2

Ezekiel 39:8 Ezekiel

Ja, tað kemur, og tað verður – sigur Harrin HARRIN; hetta er dagurin, ið Eg havi talað um.

2

Ezekiel 39:9 Ezekiel

Tá skulu teir, sum búgva í býum Ísraels, fara út og kynda eld og halda hann brennandi við herklæðum, við smáum og stórum skjøldum, við bogum, pílum, støvum og spjótum; í sjey ár skulu teir halda eldin brennandi við hesum;

2

Ezekiel 39:10 Ezekiel

teir skulu ikki fara út á markina eftir viði og ikki høgga í skógunum; nei, við herklæðunum skulu teir halda eldin brennandi. Teir skulu ræna frá ránsmonnum sínum og herja herjarar sínar – sigur Harrin HARRIN.

2

Ezekiel 39:11 Ezekiel

Tann dag skal Eg geva Gog gravstað í Ísrael, Ferðamannadal eystan fyri havið;* hann skal steingja ferðafólki vegin. Har skulu teir jarða Gog og alt lið hansara, og teir skulu rópa hann Gogsliðsdal.

2

Ezekiel 39:12 Ezekiel

Sjey mánaðir skal hús Ísraels vera um at jarða teir og soleiðis reinsa landið.

2

Ezekiel 39:13 Ezekiel

Alt fólkið í landinum skal vera um at jarða teir, og tað skal vera teimum til rós, tann dag Eg opinberi dýrd Mína – sigur Harrin HARRIN.

2

Ezekiel 39:14 Ezekiel

Teir skulu velja nakrar menn, sum støðugt skulu ferðast um landið, og aðrar, sum saman við teimum, ið ferðast um landið, skulu jarða allar, ið enn liggja eftir á markini um alt landið – til at reinsa tað. Táið sjey mánaðir eru umlidnir, skulu teir leita við sama lagi.

2

Ezekiel 39:15 Ezekiel

Táið ein teirra, sum ferðast um landið, á ferð síni sær menniskjabein, skal hann seta upp merki har, inntil teir, ið jarða skulu, fáa jarðað tað í Gogsliðsdali.

2

Ezekiel 39:16 Ezekiel

Eisini skal býur har bera navnið Hamona.* Soleiðis skulu teir reinsa landið.

2

Ezekiel 39:17 Ezekiel

Og tú, menniskjasonur! So sigur Harrin HARRIN: Sig við alskyns fuglar og við øll hini villu dýrini á markini: Savnist saman og komið, tyrpist saman úr øllum ættum til sláturofrið, ið Eg drepi fyri tykkum, veldigt sláturoffur á Ísraelsfjøllum – tit skulu eta kjøt og drekka blóð!

2

Versir