ættartal Jesu

Matteus 1:1 Matteus

Ættartal Jesu Krists, sonar Dávids, sonar Ábrahams.

4

Matteus 1:2 Matteus

Ábraham átti Ísak; Ísakur átti Jákup; Jákup átti Juda og brøður hansara;

4

Matteus 1:3 Matteus

Juda átti Perez og Zera við Tamar; Perez átti Hezron; Hezron átti Ram;

4

Matteus 1:4 Matteus

Ram átti Amminadab; Amminadab átti Nason; Nason átti Salmon;

4

Matteus 1:5 Matteus

Salmon átti Boas við Rahab; Boas átti Obed við Rutt; Obed átti Ísai;

4

Matteus 1:6 Matteus

Ísai átti Dávid kong; Dávid átti Sálomon við konu Urias;

4

Matteus 1:7 Matteus

Sálomon átti Roboam; Roboam átti Abia; Abia átti Asa;

4

Matteus 1:8 Matteus

Asa átti Jósafat; Jósafat átti Jóram; Jóram átti Ozias;

4

Matteus 1:9 Matteus

Ozias átti Jótam; Jótam átti Akas; Akas átti Ezekias;

4

Matteus 1:10 Matteus

Ezekias átti Manasse; Manasse átti Amon; Amon átti Josias;

4

Matteus 1:11 Matteus

Josias átti Jekonja og brøður hansara, um ta tíðina táið herleiðingin til Bábylon fór fram.

4

Matteus 1:12 Matteus

Eftir herleiðingina til Bábylon átti Jekonja Sealtiel; Sealtiel átti Zerubbabel;

4

Matteus 1:13 Matteus

Zerubbabel átti Abiud; Abiud átti Eljakim; Eljakim átti Azor;

4

Matteus 1:14 Matteus

Azor átti Sadok; Sadok átti Akim; Akim átti Eliud;

4

Matteus 1:15 Matteus

Eliud átti Eleazar; Eleazar átti Mattan; Mattan átti Jákup;

4

Matteus 1:16 Matteus

Jákup átti Jósef, mann Mariu; av henni varð Jesus føddur, Hann, sum kallast Kristus.

4

Matteus 1:17 Matteus

Soleiðis eru øll ættarliðini frá Ábrahami til Dávid fjúrtan lið; frá Dávidi til herleiðingina til Bábylon fjúrtan lið; frá herleiðingini til Bábylon til Kristus fjúrtan lið.

4

Matteus 1:18 Matteus

Við føðing Jesu Krists gekk so til: Maria, móðir Hansara, var trúlovað við Jósefi; men áðrenn tey komu saman, royndist hon at vera við barn við Heilaga Andanum.

4

Matteus 1:19 Matteus

Men við tað at Jósef, maður hennara, var rættvísur og vildi ikki gera hana til skammar fyri almenningi, ætlaði hann loyniliga at skiljast frá henni.

4

Meðan hann nú hugsaði um hetta, vísti eingil Harrans seg fyri honum í dreymi og segði: „Jósef, sonur Dávid! Óttast ikki at taka til tín Mariu, konu tína! Tí tað, sum í henni er gitið, er av Heilaga Andanum.

4

Matteus 1:21 Matteus

Hon skal eiga son, og tú skalt kalla navn Hansara Jesus; tí Hann skal frelsa fólk Sítt frá syndum teirra.“

4

Matteus 1:22 Matteus

Alt hetta hendi, fyri at tað skuldi ganga út, sum talað er av Harranum við profetinum, sum sigur:

4

Matteus 1:23 Matteus

„Moyggin skal verða við barn og eiga son, og navn Hansara skal verða kallað Immanuel“ – sum útlagt er: „Gud við okkum.“

4

Matteus 1:24 Matteus

Táið nú Jósef var vaknaður upp úr svøvni, gjørdi hann, sum eingil Harrans hevði álagt honum, og tók til sín konu sína;

4

Matteus 1:25 Matteus

men hann helt seg ikki til hennara, fyrrenn hon hevði átt son sín. Og hann kallaði navn Hansara Jesus.

4

Lukas 3:23 Lukas

Jesus sjálvur var um 30 ár, táið Hann byrjaði verk Sítt; og Hann var – sum tey hildu – sonur Jósef, son Eli,

4

Lukas 3:1 Lukas

Fimtanda árið ið Tiberius var keisari – táið Pontius Pilatus var landshøvdingi í Judea, Heródes fjórðingshøvdingi í Galilea, Filip, bróðir hansara, fjórðingshøvdingi í Iturea og landspartinum Trakonitis, og Lýsanias fjórðingshøvdingi í Abilene –

3

Lukas 3:2 Lukas

meðan Annas og Kaifas vóru høvuðsprestar – kom orð Guds til Jóhannes, son Zakarias, í oyðimørkini.

3

Lukas 3:3 Lukas

Hann fór út og prædikaði allastaðni í landinum við Jordan umvendingardóp til syndafyrigeving,

3

Lukas 3:4 Lukas

soleiðis sum skrivað er í bókini við orðum Esaiasar profets: „Rødd eins, sum rópar í oyðimørkini: „Gerið Harranum vegin til reiðar, javnið gøtur Hansara!

3

Lukas 3:5 Lukas

Hvør dalur skal fyllast upp, og hvørt fjall og hvør heyggjur skal slættast niður; tað, sum bogið er, skal beinast; hitt óslætta skal verða slættir vegir;

3

Lukas 3:6 Lukas

og alt hold skal síggja frelsu Guds.““

3

Lukas 3:7 Lukas

Hann segði nú við fólkið, ið kom út at verða doypt av honum: „Ormaavkom! Hvør lærdi tykkum at flýggja undan vreiðini, ið kemur?

3

Lukas 3:8 Lukas

Berið tí ávøkst, ið svarar til umvending! Og farið ikki og sigið við tykkum sjálvum: „Vit hava jú Ábraham til faðir!“ Tí eg sigi tykkum, at Gud er mentur at vekja Ábrahami upp børn av hesum steinum.

3

Lukas 3:9 Lukas

Øksin liggur eisini longu við rót træanna; tí verður hvørt træ, sum ikki ber góðan ávøkst, høgt niður og kastað í eldin.“

3

Lukas 3:10 Lukas

Fólkið spurdi hann: „Hvat skulu vit tá gera?“

3

Lukas 3:11 Lukas

Hann svaraði teimum: „Tann, ið hevur tveir kyrtlar, skal geva honum, ið ongan hevur, annan, og tann, ið hevur mat, skal gera á sama hátt.“

3

Lukas 3:12 Lukas

Eisini tollarar komu at verða doyptir, og teir søgdu við hann: „Meistari, hvat skulu vit gera?“

3

Lukas 3:13 Lukas

Hann svaraði teimum: „Krevjið ikki meir, enn tykkum er fyriskrivað!“

3

Lukas 3:14 Lukas

Eisini hermenn spurdu hann: „Hvat skulu vit tá gera?“ Hann svaraði teimum: „Gerið ikki yvirgangsverk móti nøkrum, brúkið ikki svik móti nøkrum, og verið nøgdir við løn tykkara!“

3

Lukas 3:15 Lukas

Táið nú fólkið gekk í væntan, og øll hugsaðu í hjørtum sínum um Jóhannes, um hann mundi ikki vera Kristus,

3

Lukas 3:16 Lukas

svaraði Jóhannes teimum øllum: „Eg doypi tykkum við vatni; men tann kemur, sum er sterkari enn eg, og sum eg ikki eri verdur at loysa skóreimina hjá; Hann skal doypa tykkum í Heilaga Andanum og eldi.

3

Lukas 3:17 Lukas

Kastiskuplu Sína hevur Hann í hondini, fyri at Hann skal gjølla reinsa gólv Sítt og savna hveitina inn í løðu Sína; men dumbuna skal Hann brenna í ósløkkjandi eldi.“

3

Lukas 3:18 Lukas

Eisini mangar aðrar áminningar gav hann fólkinum og kunngjørdi teimum evangeliið.

3

Lukas 3:19 Lukas

Men táið Heródes fjórðingshøvdingi varð átalaður av honum viðvíkjandi Heródias, bróðurkonu síni, og fyri alt hitt illa, ið Heródes gjørdi,

3

Lukas 3:20 Lukas

legði hann eisini tað aftrat øllum hinum, at hann setti Jóhannes í fangahús.

3

Lukas 3:21 Lukas

Meðan nú alt fólkið varð doypt, hendi tað, táið eisini Jesus var doyptur og bað, at Himmalin opnaðist,

3

Lukas 3:22 Lukas

og Heilagi Andin dalaði niður yvir Hann í likamligum líki sum dúva, og rødd kom av Himli: „Tú ert Sonur Mín, hin elskaði; til Tín havi Eg tokka.“

3

Lukas 3:24 Lukas

son Mattat, son Levi, son Melki, son Jannai, son Jósef,

3

Lukas 3:25 Lukas

son Mattatias, son Amos, son Na’um, son Esli, son Naggai,

3

Versir