Traust kærleiki
76 versir um "Traust kærleiki"
Versir
Síða 1 av 2Sorgarsongirnir 3:22 Sorgarsongirnir
Tað er náði HARRANS, at tað er ikki úti við okkum, hon er ikki uppi enn.
Sorgarsongirnir 3:23 Sorgarsongirnir
Hon er nýggj hvønn morgun, stór er trúfesti Tín.
Sálmarnir 118:1 Sálmarnir
Takkið HARRANUM, tí Hann er góður, náði Hansara varir í allar ævir!
Sálmarnir 118:2 Sálmarnir
Tað sigi Ísrael, tí náði Hansara varir í allar ævir!
Sálmarnir 118:3 Sálmarnir
Tað sigi hús Árons, tí náði Hansara varir í allar ævir!
Sálmarnir 118:4 Sálmarnir
Tað sigi tey, ið óttast HARRAN, tí náði Hansara varir í allar ævir!
Sálmarnir 118:5 Sálmarnir
Út úr trongdini kallaði eg á HARRAN; HARRIN svaraði mær og leiddi meg út á rúmt land.
Sálmarnir 118:6 Sálmarnir
HARRIN er við mær, eg óttist ikki; hvat kann maður fáa gjørt mær!
Sálmarnir 118:7 Sálmarnir
HARRIN, Hann er hjálpari mín; eg skal við gleði skoða teir, ið hata meg.
Sálmarnir 118:8 Sálmarnir
Betri er at søkja sær skjól hjá HARRANUM enn at líta á menniskju;
Sálmarnir 118:9 Sálmarnir
betri er at søkja sær skjól hjá HARRANUM enn at líta á høvdingar.
Sálmarnir 118:10 Sálmarnir
Allir heidningar kringseta meg; í navni HARRANS skal eg høgga teir niður;
Sálmarnir 118:11 Sálmarnir
teir eru rundan um meg, ja, teir kringseta meg; í navni HARRANS skal eg høgga teir niður;
Sálmarnir 118:12 Sálmarnir
sum býflugur eru teir rundan um meg, men teir sløkna sum eldur í tornum; í navni HARRANS skal eg høgga teir niður.
Sálmarnir 118:13 Sálmarnir
Hart varð eg raktur, fyri at eg skuldi falla; men HARRIN hjálpti mær.
Sálmarnir 118:14 Sálmarnir
Styrki og lovsongur mín er HARRIN, og Hann varð mær til frelsu.
Sálmarnir 118:15 Sálmarnir
Fagnaðar- og sigursróp hoyrast í tjøldum hinna rættvísu; høgra hond HARRANS ger stórverk.
Sálmarnir 118:16 Sálmarnir
Høgra hond HARRANS setur høgt, høgra hond HARRANS ger stórverk.
Sálmarnir 118:17 Sálmarnir
Eg skal ikki doyggja, men liva og bera boð um verk HARRANS.
Sálmarnir 118:18 Sálmarnir
Hart tyktaði HARRIN meg, men til deyðan gav Hann meg ikki upp.
Sálmarnir 118:19 Sálmarnir
Latið mær upp rættvísiportur! Eg fari inn um tey og takki HARRANUM.
Sálmarnir 118:20 Sálmarnir
Hetta er portur HARRANS; rættvís fara inn um tað.
Sálmarnir 118:21 Sálmarnir
Eg takki Tær, tí Tú svaraði mær og vart mær til frelsu.
Sálmarnir 118:22 Sálmarnir
Steinurin, sum teir, ið bygdu, vrakaðu, er vorðin hornsteinur.
Sálmarnir 118:23 Sálmarnir
Frá HARRANUM er hetta komið, tað er undurfult í eygum okkara.
Sálmarnir 118:24 Sálmarnir
Hesin er dagurin, ið HARRIN hevur gjørt; latið okkum fegnast og gleðast á honum!
Sálmarnir 118:25 Sálmarnir
Á HARRI, frels! Á HARRI, lat tað eydnast!
Sálmarnir 118:26 Sálmarnir
– Signaður veri Hann, sum kemur, í navni HARRANS! Vit signa tykkum úr húsi HARRANS.
Sálmarnir 118:27 Sálmarnir
HARRIN er Gud, og Hann læt verða ljóst hjá okkum. Bindið hátíðarofrið í togum líka inn at altarhornunum!
Sálmarnir 118:28 Sálmarnir
Tú ert Gud mín – eg takki Tær; Gud mín – eg geri Teg stóran!
Sálmarnir 118:29 Sálmarnir
Takkið HARRANUM, tí Hann er góður, náði Hansara varir í allar ævir!
Sálmarnir 117:1 Sálmarnir
Lovið HARRANUM, allir heidningar, prísið Honum, øll fólk!
Sálmarnir 117:2 Sálmarnir
Tí stór er náði Hansara yvir okkum, og trúfesti HARRANS varir í allar ævir. – Halleluja!
Sálmarnir 86:15 Sálmarnir
Men, Harri, Tú ert miskunnsamur og náðigur Gud, langmóðigur og ríkur í náði og sannleika.
Rómverjabrævið 5:8 Rómverjabrævið
men Gud vísir kærleika Sín til okkara við, at Kristus doyði fyri okkum, meðan vit enn vóru syndarar.
Fimta Mósebók 7:9 Fimta Mósebók
Tú skalt tí nú vita, at HARRIN Gud tín, Hann er Gud, hin trúfasti Gud, sum í túsund ættarlið heldur fast við sáttmála Sín og miskunn Sína móti teimum, ið elska Hann og halda boð Hansara,
Sálmarnir 51:1 Sálmarnir
Til songmeistaran. Sálmur. Eftir Dávid.
Sálmarnir 51:2 Sálmarnir
Ta ferðina ið Natan kom til hansara, eftir at hann hevði verið inni hjá Batsebu.
Sálmarnir 51:3 Sálmarnir
Gud, ver mær náðigur eftir góðsku Tíni, strika út brot míni eftir stóru miskunn Tíni!
Sálmarnir 51:4 Sálmarnir
Tváa meg heilt reinan frá skyld míni, reinsa meg frá synd míni!
Sálmarnir 51:5 Sálmarnir
Tí eg kenni misbrot míni, og synd mín er mær altíð fyri eyga.
Sálmarnir 51:6 Sálmarnir
Móti Tær er tað, eg havi syndað, eina móti Tær, og tað, sum ónt er í eygum Tínum, havi eg gjørt – fyri at Tú skalt standa rættvísur, táið Tú talar, vera reinur, táið Tú dømir.
Sálmarnir 51:7 Sálmarnir
Tú sært, eg eri føddur í misgerð, og í synd varð eg til í móðurlívi.
Sálmarnir 51:8 Sálmarnir
Tú elskar jú sannleik innast í hjartanum – so lær meg tá vísdóm í hjartadýpinum!
Sálmarnir 51:9 Sálmarnir
Reinsa meg við isopi frá synd, so eg verði reinur, tváa meg, so eg verði hvítari enn kavi!
Sálmarnir 51:10 Sálmarnir
Ger, at eg fái at hoyra frøi og gleði, lat beinini, ið Tú hevur sorað sundur, fegnast!
Sálmarnir 51:11 Sálmarnir
Fjal ásjón Tína fyri syndum mínum, og strika út allar misgerðir mínar!
Sálmarnir 51:12 Sálmarnir
Gud, skap í mær reint hjarta, og gev av nýggjum støðugan anda innan í mær!
Sálmarnir 51:13 Sálmarnir
Kasta meg ikki burtur frá ásjón Tíni, og tak ikki Heilaga Anda Tín frá mær!
Sálmarnir 51:14 Sálmarnir
Gev mær aftur at gleðast um frelsu Tína, og halt mær uppi við fúsum anda!