Tæna Harra
76 versir um "Tæna Harra"
Versir
Síða 1 av 2Matteus 6:24 Matteus
Eingin kann tæna tveimum harrum; tí annaðhvørt hatar hann annan og elskar annan, ella heldur hann seg til annan og vanvirðir annan. – Tit kunnu ikki tæna Gudi og mammon.
Malakias 3:14 Malakias
Tit hava sagt: „Einki spyrst burtur úr at tæna Gudi! Hvat hava vit vunnið við at akta eftir boðum Hansara og ganga í syrgibúna fyri HARRANS Guds herskaranna skuld!
Malakias 3:15 Malakias
Nei, vit prísa hini hugmóðigu lukkulig! Hjá teimum gongur uppeftir, sum liva í gudloysi; tey freista Gud og sleppa órevsað!“
Malakias 3:16 Malakias
Tá talaðu tey saman, tey, sum óttast HARRAN, og HARRIN lurtaði eftir og hoyrdi tað; fyri ásjón Hansara varð skrivað minnisbók um tey, sum óttast HARRAN og hugsa um navn Hansara.
Malakias 3:17 Malakias
Og tann dag Eg útinni verk Mítt – sigur HARRIN Gud herskaranna – skulu tey vera ogn Mín, og Eg skal spara tey, eins og maður sparir son sín, ið tænir honum.
Malakias 3:18 Malakias
Tá skulu tit aftur síggja mun á hinum rættvísa og hinum gudleysa, á tí, sum tænir Gudi, og tí, sum ikki tænir Honum.
Josva 24:15 Josva
Men líkst tykkum ikki á at tæna HARRANUM, so veljið í dag, hvørjum tit vilja tæna – gudunum, ið fedrar tykkara dýrkaðu hinumegin Ánna, ella gudum Amorita, í hvørja landi tit búgva! Men eg og hús mítt, vit skulu tæna HARRANUM!“
Orðtøkini 3:1 Orðtøkini
Sonur mín! Gloym ikki tað, ið eg læri teg, lat hjarta títt goyma boð míni!
Orðtøkini 3:2 Orðtøkini
Tí langt lív og mong ár at liva og frið skulu tey geva tær í ríkum máli.
Orðtøkini 3:3 Orðtøkini
Lat ikki kærleika og trúfesti víkja frá tær, bind tær tey um hálsin, skriva tey á talvu hjarta tíns!
Orðtøkini 3:4 Orðtøkini
So skalt tú finna náði og fáa yndi, í eygum Guds og manna.
Orðtøkini 3:5 Orðtøkini
Lít á HARRAN av øllum hjarta tínum, men lít ikki á vit títt!
Orðtøkini 3:6 Orðtøkini
Kenn Hann á øllum leiðum tínum! So skal Hann gera gøtur tínar rættar.
Orðtøkini 3:7 Orðtøkini
Ver ikki vísur í egnum eygum, óttast HARRAN og vík frá illum!
Orðtøkini 3:8 Orðtøkini
Tað skal vera likami tínum grøðing og geva nýggja megi í bein tíni.
Orðtøkini 3:9 Orðtøkini
Ær HARRAN við tí, ið tú eigur, og við tí fyrsta av allari grøði tíni!
Orðtøkini 3:10 Orðtøkini
So skulu úthús tíni fyllast av yvirflóð, og vínberjaløgurin skal renna útav í persum tínum.
Orðtøkini 3:11 Orðtøkini
Sonur mín! Virð ikki lítið tykt HARRANS, og ver ikki ótolin, táið Hann revsar teg!
Orðtøkini 3:12 Orðtøkini
Tí HARRIN revsar tann, ið Hann elskar, Hann straffar sonin, ið er Honum kærur.
Orðtøkini 3:13 Orðtøkini
Sælur er tann, ið hevur funnið vísdóm, sælt er tað menniskja, ið vinnur sær vit.
Orðtøkini 3:14 Orðtøkini
Tí betri er at vinna vísdóm enn at vinna silvur, og vinningurin, ið hann gevur, er betri enn gull.
Orðtøkini 3:15 Orðtøkini
Hann er dýrabarari enn perlur, og av øllum dýrgripum tínum er eingin sum hann.
Orðtøkini 3:16 Orðtøkini
Langt lív hevur hann í høgru hond, ríkdóm og heiður í vinstru.
Orðtøkini 3:17 Orðtøkini
Vegir hansara eru lívsælir vegir, og allar gøtur hansara eru lukka.
Orðtøkini 3:18 Orðtøkini
Hann er teimum lívsins træ, sum grípa hann, og lukkuligur tann, ið ikki sleppir honum!
Orðtøkini 3:19 Orðtøkini
Við vísdómi hevur HARRIN grundfest jørðina; við viti hevur Hann bygt himmalin.
Orðtøkini 3:20 Orðtøkini
Við kunnskapi Hansara streymaðu hini djúpu vøtn fram, og við honum lata skýggini døgg dryppa niður.
Orðtøkini 3:21 Orðtøkini
– Sonur mín! Lat ikki vísdóm og klókskap víkja frá eygum tínum, gev teimum gætur!
Orðtøkini 3:22 Orðtøkini
So skulu tey vera sál tíni lív og hálsi tínum prýði.
Orðtøkini 3:23 Orðtøkini
Tá skalt tú trygt ganga leið tína og ikki sláa fótin ímóti.
Orðtøkini 3:24 Orðtøkini
Táið tú legst, skalt tú ikki óttast, og táið tú ert lagstur, skal svøvnur tín vera søtur.
Orðtøkini 3:25 Orðtøkini
Tá nýtist tær ikki at óttast fyri bráðari ræðslu ella fyri ódnini, táið hon brestur á yvir hinum gudleysu.
Orðtøkini 3:26 Orðtøkini
Tí HARRIN skal vera álit títt, og Hann skal varða fót tín frá snerruni.
Orðtøkini 3:27 Orðtøkini
Sýt ikki teimum hjálp, sum hava hana fyri neyðini – so satt sum tú ert mentur at lata hana!
Orðtøkini 3:28 Orðtøkini
Sig ikki við næsta tín: „Far, og kom aftur! Eg skal geva tær í morgin!“ – táið tú fært gjørt tað alt fyri eitt!
Orðtøkini 3:29 Orðtøkini
Legg ikki upp ónd ráð móti næsta tínum, táið hann heldur seg búgva tryggan hjá tær!
Orðtøkini 3:30 Orðtøkini
Kjakast ongan við uttan grund, táið hann einki ilt hevur gjørt tær!
Orðtøkini 3:31 Orðtøkini
Øvunda ikki yvirgangskropp, og vel onga av øllum leiðum hansara!
Orðtøkini 3:32 Orðtøkini
Tí hin falski er HARRANUM andstygd, men hini sannhjartaðu eru næstu vinir Hansara.
Orðtøkini 3:33 Orðtøkini
Í húsi hins gudleysa er bann HARRANS, men bústað rættvísra signar Hann.
Orðtøkini 3:34 Orðtøkini
Spottarar spottar Hann, men eyðmjúkum gevur Hann náði.
Orðtøkini 3:35 Orðtøkini
Hini vísu arva heiður, men dárarnir fáa skomm í løn.
Matteus 20:28 Matteus
eins og Menniskjasonurin ikki er komin at lata onnur tæna Sær, men at tæna sjálvur og geva lív Sítt sum loysigjald fyri mong.“
Jóhannes 4:34 Jóhannes
Jesus segði við teir: „Matur Mín er at gera vilja Hansara, sum sendi Meg, og fullføra verk Hansara.
Jóhannes 15:1 Jóhannes
„Eg eri hitt sanna víntræið, og Faðir Mín er víngarðsmaðurin.
Jóhannes 15:2 Jóhannes
Hvørja grein á Mær, sum ikki ber ávøkst, tekur Hann burtur, og hvørja, sum ber ávøkst, reinsar Hann, so hon skal bera meiri ávøkst.
Jóhannes 15:3 Jóhannes
Tit eru longu reinir – við orðinum, ið Eg havi talað til tykkara.
Jóhannes 15:4 Jóhannes
Verðið í Mær, so verði Eg í tykkum! Eins og greinin kann ikki bera ávøkst av sær sjálvari, men bert, táið hon verður verandi á víntrænum, so kunnu tit tað heldur ikki, uttan tit verða verandi í Mær.
Jóhannes 15:5 Jóhannes
Eg eri víntræið, tit eru greinarnar. Tann, sum verður í Mær, og sum Eg verði í, ber nógvan ávøkst; tí skildir frá Mær kunnu tit einki gera.
Jóhannes 15:6 Jóhannes
Tann, sum ikki verður í Mær, verður kastaður út sum grein og følnar; tær verða sankaðar saman og kastaðar í eldin og brenna.