Syngja nýggj sangir
89 versir um "Syngja nýggj sangir"
Versir
Síða 1 av 2Sálmarnir 40:3 Sálmarnir
Og Hann dró meg upp úr undirgangsgrøvini, úr hinum botnleysa díki, Hann setti føtur mínar á klett, gjørdi stig míni føst.
Sálmarnir 98:1 Sálmarnir
Sálmur. Syngið HARRANUM nýggjan song! Tí Hann hevur gjørt undur, Hann hevur vunnið sigur við høgru hond Síni og heilaga armi Sínum.
Sálmarnir 96:1 Sálmarnir
Syngið HARRANUM nýggjan song! Syng fyri HARRANUM, øll jørðin!
Sálmarnir 96:2 Sálmarnir
Syngið fyri HARRANUM og lovið navni Hansara, kunngerið dag eftir dag frelsu Hansara!
Sálmarnir 96:3 Sálmarnir
Sigið millum fólkini frá heiðuri Hansara, millum øll fólkasløg frá undrum Hansara!
Sálmarnir 96:4 Sálmarnir
Tí HARRIN er stórur og hálovaður; øgiligur er Hann yvir øllum gudum.
Sálmarnir 96:5 Sálmarnir
Tí allir gudar tjóðanna eru einki, men HARRIN er tann, ið hevur gjørt himmalin.
Sálmarnir 96:6 Sálmarnir
Stórleiki og dýrd eru fyri ásjón Hansara, styrki og prýði eru í halgidómi Hansara.
Sálmarnir 96:7 Sálmarnir
Gevið HARRANUM, tit fólkaættir, gevið HARRANUM heiður og prís!
Sálmarnir 96:8 Sálmarnir
Gevið HARRANUM heiður navns Hansara, berið fram gávur og komið í forgarðar Hansara!
Sálmarnir 96:9 Sálmarnir
Tilbiðið HARRAN í heilagum prýði! Skelv fyri ásjón Hansara, øll jørðin!
Sálmarnir 96:10 Sálmarnir
Sigið millum fólkasløgini: „HARRIN hevur víst, at Hann er kongur; tí stendur jarðarríki fast, tað vikast ikki; við rættvísi dømir Hann fólkini.“
Sálmarnir 96:11 Sálmarnir
Himmalin gleðist, jørðin fegnist! Havið brúsi, og alt, sum í tí er!
Sálmarnir 96:12 Sálmarnir
Markin frøi seg, og alt, ið henni er á! Tá rópa tey av gleði, øll trø í skóginum
Sálmarnir 96:13 Sálmarnir
– fyri ásjón HARRANS; tí Hann kemur, Hann kemur at døma jørðina; Hann dømir jørðina við rættvísi og fólkini í trúfesti Síni.
Sálmarnir 33:1 Sálmarnir
Fegnist í HARRANUM, tit rættvísu! Sannhjartaðum sømir lovsongur.
Sálmarnir 33:2 Sálmarnir
Prísið HARRANUM við streingjaleiki, takkið Honum á tíggjustreingjahørpu,
Sálmarnir 33:3 Sálmarnir
syngið Honum nýggjan song, sláið streingirnar vakurt við fagnaðarrópi!
Sálmarnir 33:4 Sálmarnir
Tí orð HARRANS er satt, og øll verk Hansara eru gjørd í trúfesti.
Sálmarnir 33:5 Sálmarnir
Hann elskar rættferð og rætt, jørðin er full av náði HARRANS.
Sálmarnir 33:6 Sálmarnir
Við orði HARRANS er himmalin skaptur, allur herur hansara við andanum úr munni Hansara.
Sálmarnir 33:7 Sálmarnir
Hann savnar vøtn havsins sum dunga, leggur hini djúpu vøtn í goymslur.
Sálmarnir 33:8 Sálmarnir
Øll jørðin óttist HARRAN, fyri Honum bivi tey, øll, sum á jarðarríki búgva!
Sálmarnir 33:9 Sálmarnir
Tí Hann talaði – og tað varð, Hann beyð – og har stóð tað!
Sálmarnir 33:10 Sálmarnir
HARRIN ger ráð heidninganna til einkis, Hann ger fólkasløg til skammar í tí, sum tey hava upphugsað.
Sálmarnir 33:11 Sálmarnir
Ráð HARRANS stendur fast í allar ævir, hugsanir hjarta Hansara mann eftir mann.
Sálmarnir 33:12 Sálmarnir
Sælt er tað fólk, ið hevur HARRAN til Gud, tað fólk, ið Hann hevur valt Sær til arv.
Sálmarnir 33:13 Sálmarnir
Úr Himli skoðar HARRIN niður, Hann sær øll menniskjabørnini;
Sálmarnir 33:14 Sálmarnir
haðani sum Hann býr, hevur Hann eyguni eftir øllum, ið á jørðini búgva,
Sálmarnir 33:15 Sálmarnir
Hann, sum hevur skapt hjørtu teirra alra, sum gjølla skilir øll verk teirra.
Sálmarnir 33:16 Sálmarnir
Ei sigrar kongur við stóra heri sínum, ei verður kappi bjargaður við miklu kraft síni;
Sálmarnir 33:17 Sálmarnir
svikaligur er hestur til at sigra við; hann frelsir ikki við allari stóru styrki síni.
Sálmarnir 33:18 Sálmarnir
Nei, eyga HARRANS er vent til teirra, ið óttast Hann, og sum vóna á náði Hansara;
Sálmarnir 33:19 Sálmarnir
Hann skal bjarga sál teirra frá deyða og halda lív í teimum, táið hungur er.
Sálmarnir 33:20 Sálmarnir
Eftir HARRANUM bíðar sál okkara, Hann er hjálp og skjøldur okkara.
Sálmarnir 33:21 Sálmarnir
Í Honum gleðist hjarta okkara, tí vit líta á heilaga navn Hansara.
Sálmarnir 33:22 Sálmarnir
– Lat náði Tína vera yvir okkum, HARRI, sum vit vóna á Teg!
Opinberingin 5:9 Opinberingin
Tey sungu nýggjan song og søgdu: „Verdur ert Tú at taka bókrulluna og lata upp innsigli hennara, tí Tú vart dripin og keypti við blóði Tínum Gudi menniskju av øllum ættum, tungumálum, fólkum og fólkasløgum
Sálmarnir 95:1 Sálmarnir
Komið, latið okkum fegnast fyri HARRANUM, rópa av gleði fyri frelsukletti okkara!
Sálmarnir 95:2 Sálmarnir
Latið okkum við tøkk stíga fram fyri ásjón Hansara, rópa av gleði fyri Honum við sálmum!
Sálmarnir 95:3 Sálmarnir
Tí HARRIN er veldigur Gud, kongur, stórur yvir øllum gudum;
Sálmarnir 95:4 Sálmarnir
í hond Hansara eru jarðardjúpini; fjallatindarnir eru Hansara;
Sálmarnir 95:5 Sálmarnir
havið er Hansara, Hann hevur skapt tað; og hendur Hansara hava gjørt turrlendið.
Sálmarnir 95:6 Sálmarnir
Komið, latið okkum falla niður og boyggja okkum, latið okkum falla á knæ fyri HARRANUM, skapara okkara!
Sálmarnir 95:7 Sálmarnir
Tí Hann er Gud okkara, og vit eru fólkið, ið Hann røktar, fylgið, ið hond Hansara leiðir. – Høvdu tit tó í dag viljað lurtað eftir rødd Hansara!
Sálmarnir 95:8 Sálmarnir
Herðið ikki hjørtu tykkara sum við Meriba, sum hina ferðina við Massa í oyðimørkini,
Sálmarnir 95:9 Sálmarnir
táið fedrar tykkara freistaðu Meg, táið teir royndu Meg, teir, sum tó høvdu sæð verk Mítt!
Sálmarnir 95:10 Sálmarnir
Í 40 ár beyð tann ættin Mær ímóti, og Eg segði: „Tey eru fólk við vilstum hjarta, tey kenna ikki vegir Mínar!“
Sálmarnir 95:11 Sálmarnir
So svór Eg í vreiði Míni: „Sanniliga, tey skulu ikki koma inn til hvílu Mína!“
Esaias 42:10 Esaias
Syngið HARRANUM nýggjan song, prís Hansara frá enda jarðarinnar, tit, sum út á havið fara, og alt tað, sum í havinum er, tit oyggjar og tit, ið har búgva!