stúdentafeløg og stúdentakvinnufeløg

Fjórða Mósebók 6:3 Fjórða Mósebók

so skal hann halda seg frá víni og sterkum drykki; edik av víni ella annan sterkan edik má hann ikki drekka, ei heldur nakran drykk, ið er gjørdur úr vínberum; og hvørki bleyt ella turkað vínber má hann eta.

3

Fjórða Mósebók 6:4 Fjórða Mósebók

So leingi sum nasirearatíð hansara varir, má hann einki eta av tí, ið kemur av víntrænum, líka frá kjarna til skal.

3

Fjórða Mósebók 6:5 Fjórða Mósebók

So leingi sum nasirearalyfti hansara varir, má rakiknívur ikki koma á høvd hansara; inntil tíðin er úti, sum hann vígir seg HARRANUM, skal hann vera heilagur og lata hárið vaksa sítt.

3

Fjórða Mósebók 6:6 Fjórða Mósebók

So leingi sum hann er Nasireari HARRANS, má hann ongum líki koma nær.

3

Fjórða Mósebók 6:7 Fjórða Mósebók

Um tað so er faðir, móðir, bróðir ella systir hansara, ið doyr, má hann ikki fyri teirra skuld gera seg óreinan; tí hann ber á høvdinum merki uppá, at hann er Nasireari Guds síns.

3

Fjórða Mósebók 6:8 Fjórða Mósebók

So leingi sum nasirearatíð hansara varir, er hann HARRANUM halgaður.

3

Fjórða Mósebók 6:9 Fjórða Mósebók

Men doyr onkur hjá honum óvart og knappliga, og hann soleiðis kemur at gera høvd sítt, sum hann ber nasirearamerkið á, óreint, so skal hann raka høvd sítt, tann dagin ið hann aftur verður reinur; sjeynda dagin skal hann raka tað.

3

Fjórða Mósebók 6:10 Fjórða Mósebók

Og áttanda dagin skal hann koma til prestin við tveimum turtildúvum ella tveimum dúvuungum – at durum samkomutjaldsins.

3

Fjórða Mósebók 6:11 Fjórða Mósebók

Presturin skal ofra annan fuglin sum syndoffur og annan sum brennioffur og gera bót fyri hann og reinsa hann, við tað at hann hevur syndað við at nema við lík. Síðani skal hann aftur sama dag halga høvd sítt

3

Fjórða Mósebók 6:12 Fjórða Mósebók

og uppaftur víga seg til Nasireara fyri HARRANUM, líka langa tíð sum hann av fyrstum hevði vígt seg, og koma við veturgomlum seyði sum skyldofri; tíðin, ið gingin er, verður ikki uppíroknað, við tað at hann gjørdi vígda høvd sítt óreint.

3

Fjórða Mósebók 6:13 Fjórða Mósebók

Hetta er lógin um Nasirearan: Táið nasirearatíð hansara er at enda, skal hann verða leiddur fram at durum samkomutjaldsins;

3

Fjórða Mósebók 6:14 Fjórða Mósebók

og hann skal bera HARRANUM fram offur sítt, veturgamlan, lýtaleysan veðr til brennioffur, lýtaleysa gimbur til syndoffur og lýtaleysan veðr til takkoffur,

3

Fjórða Mósebók 6:15 Fjórða Mósebók

kurv við ósúrgaðum breyði av fínum mjøli, køkur við olju í, og ósúrgaðar flatkøkur, smurdar við olju – umframt matofrið og drykkjuofrini, ið til hoyra.

3

Fjórða Mósebók 6:16 Fjórða Mósebók

So skal presturin bera tað fram fyri ásjón HARRANS og ofra syndoffur og brennioffur hansara.

3

Fjórða Mósebók 6:17 Fjórða Mósebók

Veðrin skal hann ofra HARRANUM sum takkoffur saman við teimum ósúrgaðu breyðunum í kurvini; síðani skal presturin ofra matoffur og drykkjuoffur hansara.

3

Fjórða Mósebók 6:18 Fjórða Mósebók

So skal Nasirearin fyri durum samkomutjaldsins raka høvd sítt, sum hann ber nasirearamerkið á, og hann skal taka hárið – nasirearamerki sítt – og leggja tað á eldin, ið er undir takkofrinum.

3

Fjórða Mósebók 6:19 Fjórða Mósebók

Presturin skal taka annan bógvin av veðrinum – kókaðan – og eina ósúrgaða køku og eina ósúrgaða flatkøku úr kurvini og leggja tað í hendur Nasirearans, eftir at hann hevur rakað nasirearamerkið av sær.

3

Fjórða Mósebók 6:20 Fjórða Mósebók

Hesar gávur skal presturin sveiggja fyri ásjón HARRANS; tað er heilagt og skal hoyra prestinum til, umframt sveiggibringuna og offurgávutjógvið. – Síðani kann Nasirearin aftur drekka vín.

3

Fjórða Mósebók 6:21 Fjórða Mósebók

– Hetta er lógin um tann, ið ger nasirearalyfti; hetta er tað, ið hann skal ofra HARRANUM, við tað at hann hevur gjørt nasirearalyfti – umframt tað, ið hann annars hevur ráð til; hann skal halda seg eftir lyftinum, ið hann hevur gjørt, og fylgja tí, ið lógin um vígslu hansara krevur.““

3

Fjórða Mósebók 6:22 Fjórða Mósebók

Framvegis talaði HARRIN við Móses og segði:

3

Fjórða Mósebók 6:23 Fjórða Mósebók

„Tala við Áron og synir hansara og sig: „Táið tit signa Ísraelsmenn, skulu tit siga við teir:

3

Fjórða Mósebók 6:24 Fjórða Mósebók

„HARRIN signi teg og varðveiti teg!

3

Fjórða Mósebók 6:25 Fjórða Mósebók

HARRIN lati andlit Sítt lýsa yvir teg og veri tær náðigur!

3

Fjórða Mósebók 6:26 Fjórða Mósebók

HARRIN lyfti ásjón Sína yvir teg og gevi tær frið!““

3

Fjórða Mósebók 6:27 Fjórða Mósebók

– Soleiðis skulu teir leggja navn Mítt á Ísraelsmenn, og Eg skal signa teir.“

3

Prædikarin 8:1 Prædikarin

Hvør er sum hin vísi, og hvør dugir at týða lutirnar? Vísdómurin fær andlit menniskjans at lýsa, og hitt harða í andliti hansara verður umskift.

3

Prædikarin 8:2 Prædikarin

Eg sigi: Gev boði kongsins gætur, ja, ger tað, við tað at tú hevur svorið eið um Gud!

3

Prædikarin 8:3 Prædikarin

Ver ikki ov skjótur at fara burtur frá honum, og kom tær ikki upp í nakað, sum ilt er! Hann kann jú gera alt, ið hann vil.

3

Prædikarin 8:4 Prædikarin

Tí orð kongsins hevur vald, og hvør torir at siga við hann: „Hvat gert tú!“

3

Prædikarin 8:5 Prædikarin

Tann, ið heldur boðið, skal ongum illum vita av, og hjarta hins vísa skal fáa at kenna tíð og dóm.

3

Prædikarin 8:6 Prædikarin

Tí hvør fyritøka hevur tíð sína og dóm sín; tí óndskapur mansins hvílir tungur á honum;

3

Prædikarin 8:7 Prædikarin

hann veit jú ikki, hvat ið fer at henda; hvør kann siga honum, hvussu fer at ganga!

3

Prædikarin 8:8 Prædikarin

Einki menniskja hevur vald á vindinum, so hann kann halda honum aftur, og líka lítið er nakar harri yvir deyðadeginum; bardaganum kann eingin sleppa sær undan, og gudloysi bjargar ikki honum, ið fremur tað.

3

Prædikarin 8:9 Prædikarin

Hetta havi eg alt sæð, og eg havi givið mær far um alt tað, sum hendir undir sólini, á eini tíð táið eitt menniskja ræður yvir øðrum, tí til vanlukku.

3

Prædikarin 8:10 Prædikarin

Líkaleiðis sá eg, at gudleys komu í grøv og gingu inn til hvílu; men tey, sum rætt høvdu gjørt, noyddust at fara burtur frá bústaði hins Heilaga og vórðu gloymd í staðnum. Eisini hetta er fáfongd.

3

Prædikarin 8:11 Prædikarin

Av tí at hin ónda gerð fær ikki dómin oman yvir seg við tað sama, fær hjarta menniskjabarnanna dirvi at gera tað, ið ilt er

3

Prædikarin 8:12 Prædikarin

– við tað at syndarin hundrað ferðir kann gera ónt og livir tó leingi. – Men eg veit kortini, at teimum skal gangast væl, sum óttast Gud, aftur fyri at tey óttast ásjón Hansara,

3

Prædikarin 8:13 Prædikarin

men at ikki skal gangast hinum gudleysa væl, og at hann sum skuggin skal ikki liva leingi, við tað at hann óttast ikki Gud.

3

Prædikarin 8:14 Prædikarin

Fáfongd er, sum á jørðini hendir: At rættvís eru, ið verða fyri tí, sum gudleys hava uppiborið, og at gudleys eru, ið verða fyri tí, sum rættvís hava uppiborið. Eg sigi: Hetta við er fáfongd.

3

Prædikarin 8:15 Prædikarin

Eg prísaði tí gleðini; tí menniskjað hevur einki annað gott undir sólini enn at eta og drekka og verða glaður; og hetta fylgir honum í strevi hansara lívsdagarnar, ið Gud hevur givið honum undir sólini.

3

Prædikarin 8:16 Prædikarin

Táið eg vendi hjarta mínum at læra vísdóm at kenna og at hyggja at stríðinum, ið tey gera sær á jørðini – tí hvørki dag ella nátt fáa tey blund í eyguni –

3

Prædikarin 8:17 Prædikarin

tá dugdi eg at síggja, at so er við øllum verki Guds, at menniskjað er ikki ment at fata tað, ið undir sólini hendir; tí hvussu nógv menniskjað so pøsir seg við at granska tað út, er hann ikki mentur at fata tað kortini, og um so hin vísi hugsar, at víst skal hann skilja tað, er hann ikki mentur at fata tað kortini.

3

Lukas 1:46 Lukas

Tá segði Maria: „Sál mín setur Harran høgt,

3

Lukas 1:47 Lukas

og andi mín gleðist í Gudi, Frelsara mínum;

3

Seinna Korintbrævið 6:13 Seinna Korintbrævið

Gevið okkum tá líka fyri líka – eg tali sum til børn míni – rúmkið eisini tit hjørtu tykkara!

3

Seinna Korintbrævið 6:14 Seinna Korintbrævið

Farið ikki undir ójavnt ok saman við vantrúgvandi! Hvønn felagsskap hevur rættvísi við lógloysi, og hvat samfelag hevur ljós við myrkur!

3

Seinna Korintbrævið 6:15 Seinna Korintbrævið

Hvat samljóð er millum Kristus og Belial, og hvønn lut hevur trúgvandi við vantrúgvandi!

3

Seinna Korintbrævið 6:16 Seinna Korintbrævið

Hvussu kann tempul Guds sameinast við avgudar! – Vit eru jú tempul hins livandi Guds – sum Gud hevur sagt: „Eg skal búgva hjá teimum og ganga millum teirra; Eg skal vera Gud teirra, og tey skulu vera fólk Mítt.“

3

Seinna Korintbrævið 6:17 Seinna Korintbrævið

„Farið tí út frá teimum og skiljið tykkum frá teimum – sigur Harrin – og nemið einki óreint! Tá skal Eg taka ímóti tykkum“;

3

Seinna Korintbrævið 6:18 Seinna Korintbrævið

„og Eg skal vera tykkum Faðir, og tit skulu vera Mær synir og døtur – sigur Harrin hin Alvaldi.“

3