strangur kærleiki

Fyrra Korintbrævið 13:4 Fyrra Korintbrævið

Kærleikin er langmóðigur, er mildur; kærleikin ber ikki øvund, kærleikin reypar ikki, blásist ikki upp;

5

Fyrra Korintbrævið 13:5 Fyrra Korintbrævið

hann ber seg ikki ósømiliga at, søkir ikki sítt egna, goymir ikki agg, tilroknar ikki hitt illa;

5

Fyrra Korintbrævið 13:6 Fyrra Korintbrævið

hann gleðist ikki yvir órættvísi, men gleðist yvir sannleika;

5

Fyrra Korintbrævið 13:7 Fyrra Korintbrævið

hann breiðir yvir alt, trýr øllum, vónar alt, tolir alt.

5

Fyrra Korintbrævið 13:8 Fyrra Korintbrævið

Kærleikin fellur aldri burtur. Men profetagávur – tær skulu fáa enda; somuleiðis tungutala – hon skal halda uppat; og kunnskapur – hann skal fáa enda.

5

Fyrra Pætursbrævið 4:8 Fyrra Pætursbrævið

Og havið fram um alt brennandi kærleika hvørt til annað, tí kærleikin fjalir fjøld synda!

5

Seinna Timoteusarbrævið 4:1 Seinna Timoteusarbrævið

Eg vitni fyri Gudi og fyri Kristi Jesusi, sum skal døma livandi og deyð, og við opinbering og ríki Hansara:

3

Seinna Timoteusarbrævið 4:2 Seinna Timoteusarbrævið

Prædika orðið, ver íðin í tíð og í ótíð, sannfør, revsa, áminn, við øllum langmóði og lærdómi!

3

Seinna Timoteusarbrævið 4:3 Seinna Timoteusarbrævið

Tí tann tíð skal koma, táið tey ikki vilja vita av hini heilnæmu læru, men eftir sínum egnu lystum taka sær lærarar í hópatali, alt eftir sum tað kitlar tey í oyruni;

3

Seinna Timoteusarbrævið 4:4 Seinna Timoteusarbrævið

og tey skulu venda oyrunum frá sannleikanum og venda sær til ævintýr.

3

Seinna Timoteusarbrævið 4:5 Seinna Timoteusarbrævið

Men ver tú edrúur í øllum, líð ilt, ger verk evangelists, fullfør tænastu tína!

3

Seinna Timoteusarbrævið 4:6 Seinna Timoteusarbrævið

Tí eg verði longu ofraður, og tíðin er komin hjá mær at fara avstað.

3

Seinna Timoteusarbrævið 4:7 Seinna Timoteusarbrævið

Eg havi strítt hitt góða stríð, havi runnið skeiðið at enda, eri vorðin standandi í trúnni.

3

Seinna Timoteusarbrævið 4:8 Seinna Timoteusarbrævið

Nú liggur rættvísikransurin mær til reiðar; Harrin, hin rættvísi dómari, skal geva mær hann hin dag – og ikki bert mær, men eisini øllum, sum hava elskað opinbering Hansara.

3

Seinna Timoteusarbrævið 4:9 Seinna Timoteusarbrævið

Royn, alt tað tú kanst, at koma til mín skjótt!

3

Seinna Timoteusarbrævið 4:10 Seinna Timoteusarbrævið

Tí Demas fór frá mær, av tí at hann fekk kærleika til heimin, ið nú er, og fór til Tessalonika; Kreskens fór til Galatia, Titus til Dalmatia.

3

Seinna Timoteusarbrævið 4:11 Seinna Timoteusarbrævið

Eingin er hjá mær uttan Lukas. Tak Markus og hav hann við tær! Hann er mær til góða hjálp í tænastuni.

3

Seinna Timoteusarbrævið 4:12 Seinna Timoteusarbrævið

Týkikus havi eg sent til Efesus.

3

Seinna Timoteusarbrævið 4:13 Seinna Timoteusarbrævið

Táið tú kemur, hav tá við tær kappan, sum eg legði eftir í Troas hjá Karpusi, og bøkurnar, serliga skinnbøkurnar!

3

Seinna Timoteusarbrævið 4:14 Seinna Timoteusarbrævið

Aleksander koparsmiður hevur gjørt mær nógv ilt; Harrin fer at løna honum eftir verkum hansara.

3

Seinna Timoteusarbrævið 4:15 Seinna Timoteusarbrævið

Varða eisini tú teg fyri honum! Hann stóð orðum okkara hart ímóti.

3

Seinna Timoteusarbrævið 4:16 Seinna Timoteusarbrævið

Fyrstu ferð eg vardi meg, kom eingin mær til hjálpar, nei, øll sviku meg – hevði tað ikki verðið teimum tilroknað!

3

Seinna Timoteusarbrævið 4:17 Seinna Timoteusarbrævið

Men Harrin stóð hjá mær og styrkti meg, fyri at prædika orðsins skuldi verða fullførd við mær, og øll fólkasløg fáa hana at hoyra; og eg varð frelstur úr gapi leyvunnar.

3

Seinna Timoteusarbrævið 4:18 Seinna Timoteusarbrævið

Og Harrin skal bjarga mær frá øllum óndum verki og frelsa meg inn í himmalska ríki Sítt. Honum veri dýrd í aldur og allar ævir! Amen.

3

Seinna Timoteusarbrævið 4:19 Seinna Timoteusarbrævið

Heilsa Prisku og Akvila og húsi Onesiforusar!

3

Seinna Timoteusarbrævið 4:20 Seinna Timoteusarbrævið

Erastus varð eftir í Korint; Trofimus læt eg sjúkan eftir í Milet.

3

Seinna Timoteusarbrævið 4:21 Seinna Timoteusarbrævið

Royn, alt tú kanst, at koma, áðrenn veturin kemur! Eubulus, Pudens, Linus, Klaudia og allir brøðurnir lata heilsa tær.

3

Seinna Timoteusarbrævið 4:22 Seinna Timoteusarbrævið

Harrin Jesus veri við anda tínum! Náðin veri við tykkum!

3

Hebrearabrævið 12:11 Hebrearabrævið

Víst tykist øll tykt, meðan vit líða hana, ikki at vera til gleði, men til sorg; men aftaná gevur hon teimum, ið við henni eru uppfostrað, friðarávøkst rættvísinnar.

3

Matteus 7:1 Matteus

„Dømið ikki, fyri at tit skulu ikki verða dømd! Tí við dóminum, ið tit døma við, skulu tit verða dømd,

2

Matteus 7:2 Matteus

og við málinum, ið tit mála við, skal tykkum verða mált.

2

Matteus 7:3 Matteus

Hví sært tú flísina í eyga bróður tíns, men verður ikki varur við bjálkan í tínum egna eyga?

2

Matteus 7:4 Matteus

Ella hvussu fært tú sagt við bróður tín: „Lat meg taka flísina út úr eyga tínum!“ – tú, sum sjálvur gongur við bjálka í eyganum!

2

Matteus 7:5 Matteus

Hyklari tín! Tak fyrst bjálkan út úr tínum egna eyga, og tá kanst tú síggja væl at taka flísina út úr eyga bróður tíns!

2

Matteus 7:6 Matteus

Gevið ikki hundum hitt heilaga! Og kastið ikki perlur tykkara fyri svín – fyri at tey skulu ikki traðka tær niður við fótum sínum – og venda sær og skræða tykkum sundur!

2

Matteus 7:7 Matteus

Biðið, so skal tykkum verða givið! Leitið, so skulu tit finna! Bankið uppá, so skal tykkum verða latið upp!

2

Matteus 7:8 Matteus

Tí hvør tann, ið biður, fær; tann, ið leitar, finnur; tann, ið bankar uppá, honum skal verða latið upp.

2

Matteus 7:9 Matteus

Ella hvør er tann maður tykkara millum, sum gevur syni sínum stein, táið hann biður hann um breyð,

2

Matteus 7:10 Matteus

ella gevur honum orm, táið hann biður hann um fisk!

2

Matteus 7:11 Matteus

Vita nú tit, sum ónd eru, at geva børnum tykkara góðar gávur, hvussu mikið meiri skal tá ikki Faðir tykkara, sum í Himli er, geva teimum góðar gávur, sum biðja Hann!

2

Matteus 7:12 Matteus

Alt, sum tit tí vilja, at menniskju skulu gera tykkum, skulu tit eisini gera teimum; tí hetta er lógin og profetarnir.

2

Matteus 7:13 Matteus

Farið inn um hitt tronga portrið! Tí portrið er vítt, og vegurin er breiður, sum førir til undirgang, og tey eru mong, sum fara inn um tað;

2

Matteus 7:14 Matteus

og portrið er trongt, og vegurin er smalur, sum førir til lívið, og tey eru fá, sum finna hann.

2

Matteus 7:15 Matteus

Varðið tykkum fyri lygiprofetunum, sum koma til tykkara í seyðaklæðum, men eru glúpskir úlvar innan!

2

Matteus 7:16 Matteus

Av ávøkstum teirra skulu tit kenna teir. Hentar nakar vínber av tornum ella fikur av tistlum!

2

Matteus 7:17 Matteus

Soleiðis ber hvørt gott træ góðan ávøkst; men hitt ringa træið ber ringan ávøkst.

2

Matteus 7:18 Matteus

Gott træ kann ikki bera ringan ávøkst, og ringt træ kann ikki bera góðan ávøkst.

2

Matteus 7:19 Matteus

Hvørt træ, sum ikki ber góðan ávøkst, verður høgt niður og kastað í eldin.

2

Matteus 7:20 Matteus

Tí skulu tit kenna teir av ávøkstum teirra.

2

Matteus 7:21 Matteus

Ikki ein og hvør, sum sigur við Meg: „Harri, Harri!“ skal koma inn í ríki Himmiríkis – nei, tann, ið ger vilja Faðirs Míns, sum er í Himli.

2