sivilisatión
212 versir um "sivilisatión"
Versir
Síða 1 av 5Hebrearabrævið 12:28 Hebrearabrævið
Táið vit nú fáa ríki, sum ikki kann verða rist, so latið okkum tá vera takksom og harvið tæna Gudi, Honum til tokka, við gudræðslu og ótta!
Hebrearabrævið 12:29 Hebrearabrævið
Tí Gud okkara er oyðandi eldur.
Hebrearabrævið 13:1 Hebrearabrævið
Bróðurkærleikin vari við!
Hebrearabrævið 13:2 Hebrearabrævið
Gloymið ikki at vera gestablíð! Tí harvið hava nøkur – uttan at vita tað – havt einglar til gestir.
Hebrearabrævið 13:3 Hebrearabrævið
Minnist fangarnar, sum høvdu tit sjálv verið fangar við! Minnist tey, sum ilt líða, sum tey, ið eisini sjálv eru í likami!
Hebrearabrævið 13:4 Hebrearabrævið
Hjúnabandið veri hildið í æru hjá øllum, og hjúnasongin veri ódálkað! Tí siðloysingar og horkallar skal Gud døma.
Hebrearabrævið 13:5 Hebrearabrævið
Atferð tykkara veri uttan peningakærleika, verið nøgd við tað, sum tit hava! Hann hevur jú sjálvur sagt: „Eg skal als ikki sleppa tær og als ikki fara frá tær“ –
Hebrearabrævið 13:6 Hebrearabrævið
so vit kunnu siga við fríum móti: „Harrin er hjálpari mín, eg skal ikki óttast – hvat kann menniskja gera mær!“
Hebrearabrævið 13:7 Hebrearabrævið
Minnist vegleiðarar tykkara, sum hava talað orð Guds til tykkara! Aktið eftir, hvussu teir endaðu lív sítt, og eftirfylgið so trúgv teirra!
Hebrearabrævið 13:8 Hebrearabrævið
Jesus Kristus er hin sami í gjár og í dag og í allar ævir.
Hebrearabrævið 13:9 Hebrearabrævið
Latið tykkum ikki villleiða av alskyns fremmandum lærum! Tað er gott, at hjartað verður styrkt við náðini, ikki við mati – sum ongan bata hevur verið teimum til, sum fingust við hann!
Hebrearabrævið 13:10 Hebrearabrævið
Vit hava altar, sum teir, ið tæna við tabernaklið, ongan rætt hava at eta av.
Hebrearabrævið 13:11 Hebrearabrævið
Dýrini, hvørja blóð av høvuðsprestinum verður borið inn í halgidómin sum bót fyri synd – kroppar teirra verða jú brendir uttan fyri tilhaldið.
Hebrearabrævið 13:12 Hebrearabrævið
Tí var tað eisini, Jesus leið uttan fyri portrið – fyri at Hann við Sínum egna blóði kundi halga fólkið.
Hebrearabrævið 13:13 Hebrearabrævið
Latið okkum tá fara út til Hansara, út um tilhaldið, berandi vanæru Hansara!
Hebrearabrævið 13:14 Hebrearabrævið
– Vit hava jú ongan verðandi stað her; vit søkja hin komandi.
Hebrearabrævið 13:15 Hebrearabrævið
Latið okkum tá – við Honum – altíð bera Gudi fram lovoffur – tað er ávøkstur varra, sum lova navni Hansara!
Hebrearabrævið 13:16 Hebrearabrævið
Men gloymið ikki at gera væl og geva øðrum burtur av frá tykkum! Slík offur líkar Gudi.
Hebrearabrævið 13:17 Hebrearabrævið
Aktið vegleiðarar tykkara, og gerið, sum teir siga tykkum! Tí teir vakja yvir sálum tykkara, sum teir, ið skulu gera roknskap – so teir kunnu gera tað við gleði og ikki suffandi – tað er tykkum ikki til gagn!
Hebrearabrævið 13:18 Hebrearabrævið
Biðið fyri okkum! Tí tað líta vit á, at vit hava góða samvitsku, og vit vilja fegin bera okkum rætt at á allan hátt.
Hebrearabrævið 13:19 Hebrearabrævið
Og hetta áminni eg tykkum tess meiri at gera, fyri at eg tess skjótari kann verða givin tykkum aftur.
Hebrearabrævið 13:20 Hebrearabrævið
Gud friðarins, sum við blóði av ævigum sáttmála førdi hin stóra seyðahirða, Harra okkara Jesus, upp frá hinum deyðu,
Hebrearabrævið 13:21 Hebrearabrævið
Hann geri tykkum fullkomin í øllum góðum, til at gera vilja Sín, og Hann virki í tykkum tað, sum Honum toknast, við Jesusi Kristi! Honum veri dýrd í aldur og allar ævir! Amen.
Hebrearabrævið 13:22 Hebrearabrævið
Eg biði tykkum, brøður – tolið hetta áminningarorð – eg havi jú skrivað stutt til tykkara!
Hebrearabrævið 13:23 Hebrearabrævið
Eg veit at siga tykkum, at Timoteus, bróðir okkara, er leysgivin; kemur hann skjótt, komi eg saman við honum at síggja tykkum.
Hebrearabrævið 13:24 Hebrearabrævið
Heilsið øllum vegleiðarum tykkara og øllum hinum heilagu! Tey úr Italia lata heilsa tykkum.
Hebrearabrævið 13:25 Hebrearabrævið
Náðin veri við tykkum øllum!
Orðtøkini 8:1 Orðtøkini
Hoyrið! Vísdómurin rópar, og vitið letur rødd sína hoyrast.
Orðtøkini 8:2 Orðtøkini
Uppi á heyggjum við vegin stendur hann, á vegamótum;
Orðtøkini 8:3 Orðtøkini
við portrini, har sum farið verður út úr býnum, har sum farið verður inn um liðini, rópar hann hart:
Orðtøkini 8:4 Orðtøkini
„Eg kalli á tykkum, menn, og rødd mín ljóðar til menniskjabørnini.
Orðtøkini 8:5 Orðtøkini
Lærið klókskap, tit fávitskutu, lærið vit, tit dárar!
Orðtøkini 8:6 Orðtøkini
Hoyrið! Tí um tað, ið høgt er, tali eg, og eg lati upp varrar mínar við rættvísum orðum;
Orðtøkini 8:7 Orðtøkini
tunga mín talar sannleika, og gudloysi er vørrum mínum andstygd.
Orðtøkini 8:8 Orðtøkini
Øll orð muns míns eru røtt, einki falskt ella rangvørgt er í teimum.
Orðtøkini 8:9 Orðtøkini
Tey eru øll somul hinum vitiga einføld og teimum røtt, sum hava funnið kunnskap.
Orðtøkini 8:10 Orðtøkini
Takið við tykt míni heldur enn silvuri, takið við kunnskapi heldur enn útvaldum gulli!
Orðtøkini 8:11 Orðtøkini
Tí vísdómur er betri enn perlur, og av øllum dýrgripum er eingin sum hann.
Orðtøkini 8:12 Orðtøkini
Eg, vísdómurin, havi klókskap í ogn, og eg dugi at finna vitig ráð.
Orðtøkini 8:13 Orðtøkini
At óttast HARRAN er at hata hitt illa; stoltleika, hugmóð, hin ónda vegin og hin falska munnin, hetta hati eg.
Orðtøkini 8:14 Orðtøkini
Eg eigi ráð og vísdóm, eg havi vit, eg havi styrki.
Orðtøkini 8:15 Orðtøkini
Við mær stýra kongarnir, og við mær áseta høvdingarnir tað, ið rætt er.
Orðtøkini 8:16 Orðtøkini
Við mær ráða stjórnarmenninir og stórmenninir, ja, allir dómarar á jørðini.
Orðtøkini 8:17 Orðtøkini
Eg elski tey, sum elska meg, og tey, sum leita eftir mær, skulu finna meg.
Orðtøkini 8:18 Orðtøkini
Hjá mær er ríkidømi og heiður, gamalt arvagóðs og rættvísi.
Orðtøkini 8:19 Orðtøkini
Ávøkstur mín er betri enn gull, ja, fínasta gull, og vinningurin, ið eg gevi, er betri enn útvalt silvur.
Orðtøkini 8:20 Orðtøkini
Á rættferðarvegi gangi eg, mitt á rættvísigøtum;
Orðtøkini 8:21 Orðtøkini
tí gevi eg teimum, ið elska meg, sannan ríkdóm í arv og fylli goymslur teirra.
Orðtøkini 8:22 Orðtøkini
Meg skapti HARRIN sum fyrsta verk Sítt, í forðum, áðrenn Hann skapti nakað annað.
Orðtøkini 8:23 Orðtøkini
Frá ævunum eri eg vorðin til, frá upphavi, áðrenn jørðin var.