Satanisma
58 versir um "Satanisma"
Versir
Síða 1 av 2Jóhannes 8:44 Jóhannes
Tit eru av einum faðir – Djevulinum – og tit fara at gera tað, sum faðir tykkara lystir. Hann var frá upphavi manndrápari og stendur ikki í sannleikanum; tí sannleiki er ikki í honum. Táið hann talar lygn, talar hann av sínum egna, tí hann er lygnari og faðir lygnarinnar.
Triðja Mósebók 19:31 Triðja Mósebók
Vendið tykkum ikki til teirra, ið mana upp deyð, og sum spáa! Leitið ikki til teirra, so tit gera tykkum órein við teimum! – Eg eri HARRIN Gud tykkara!
Fyrra Korintbrævið 10:21 Fyrra Korintbrævið
Tit kunnu ikki drekka kalik Harrans og kalik ilra anda; tit kunnu ikki hava part í borði Harrans og í borði ilra anda.
Seinna Pætursbrævið 2:1 Seinna Pætursbrævið
Eisini lygiprofetar stigu fram millum fólkið, og soleiðis skulu eisini millum tykkara verða lygilærarar, sum skulu koma sníkjandi inn við oyðandi villulærum, so teir enntá avnokta Harran, ið keypti teir – og leiða bráðan undirgang á seg sjálvar.
Seinna Pætursbrævið 2:2 Seinna Pætursbrævið
Mong skulu fylgja teimum eftir í skammloysi teirra, og vegur sannleikans skal verða spottaður fyri teirra skuld.
Seinna Pætursbrævið 2:3 Seinna Pætursbrævið
Í havisjúku skulu teir – við orðum, sum teir einki meina við – nýta tykkum til at fáa sær vinning. Men dómurin yvir teir stendur frá gamlari tíð ikki stillur, og undirgangur teirra svevur ikki.
Seinna Pætursbrævið 2:4 Seinna Pætursbrævið
Gud eirdi jú ikki einglum, táið teir syndaðu, men stoytti teimum niður í avgrundina og gav teir upp at sita fastar í hellum myrkursins til dóm.
Seinna Pætursbrævið 2:5 Seinna Pætursbrævið
Ei heldur eirdi Hann hinum forna heimi, men bjargaði Nóa, prædikara rættvísinnar, sjálvum áttanda, táið Hann læt flóðina koma yvir heim hinna gudleysu.
Seinna Pætursbrævið 2:6 Seinna Pætursbrævið
Býirnar Sodoma og Gomorra legði Hann í øsku og dømdi teir til undirgang; Hann setti teir soleiðis teimum til fyridømi, sum á komandi tíðum vildu liva í gudloysi.
Seinna Pætursbrævið 2:7 Seinna Pætursbrævið
Men Hann bjargaði hinum rættvísa Lot, sum píndist av skammleysa atburði hinna gudleysu.
Seinna Pætursbrævið 2:8 Seinna Pætursbrævið
Hesin rættvísi, sum millum teirra búði, píndist jú dag eftir dag í rættvísu sál síni av hinum lógleysu verkum, hann sá og hoyrdi.
Seinna Pætursbrævið 2:9 Seinna Pætursbrævið
Soleiðis veit Harrin at ríva hini gudræddu úr freisting, men halda hinum órættvísu føstum til revsing dómadag
Seinna Pætursbrævið 2:10 Seinna Pætursbrævið
– mest teimum, ið ganga eftir holdi í óreinari girnd og vanvirða harradømi. Frek eru tey og sjálvgóð, ikki rædd fyri at spotta dýrdir.
Seinna Pætursbrævið 2:11 Seinna Pætursbrævið
– Og einglar, sum tó eru størri í mátti og valdi, leggja ikki á tey háðandi dóm fyri Harranum!
Seinna Pætursbrævið 2:12 Seinna Pætursbrævið
Men hesi – eins og dýr, ið einki vit hava, men av náttúru eru fødd at verða fangað og ganga til grundar, skulu, aftur fyri at tey spotta tað, sum tey kenna ikki, eisini ganga til grundar í spillu síni
Seinna Pætursbrævið 2:13 Seinna Pætursbrævið
– og fáa løn órættvísinnar! At nýta dagin til vællevnað – tað dámar teimum, hesum skemdarplettum og andstygdum! Í svikum sínum gera tey sær til góða í veitslunum, tey halda við tykkum.
Seinna Pætursbrævið 2:14 Seinna Pætursbrævið
Eygu teirra eru full av hori og fáa ikki nóg mikið av synd; tey lokka ófestar sálir; hjarta teirra er uppvant í havisjúku – hesi børn banningarinnar!
Seinna Pætursbrævið 2:15 Seinna Pætursbrævið
Tey eru farin av hinum beina vegi og eru vilst við at fylgja leið Bileams, sonar Beors, sum elskaði órættvísiløn,
Seinna Pætursbrævið 2:16 Seinna Pætursbrævið
men varð revsaður fyri brot sítt: Málleyst trældýr talaði við menniskjamáli og forðaði vitloysi profetsins.
Seinna Pætursbrævið 2:17 Seinna Pætursbrævið
Hesi eru vatnleysar keldur, skýggj, ið fúka fyri storminum; niða og nátt eru teimum goymdar.
Seinna Pætursbrævið 2:18 Seinna Pætursbrævið
Tey reypa við tómum orðum og lokka soleiðis í holdslystum við siðloysi tey, sum júst høvdu sloppið sær burt frá teimum, sum ganga í villu.
Seinna Pætursbrævið 2:19 Seinna Pætursbrævið
Tey lova teimum frælsi – tey, sum sjálv eru trælir spillunnar! – Tað, sum ein er sigraður av – trælur tess er hann eisini vorðin!
Seinna Pætursbrævið 2:20 Seinna Pætursbrævið
Tí um tey við kunnskapinum um Harra og Frelsara okkara Jesus Kristus hava sloppið sær burt frá tí, sum heimurin dálkar seg við, og so aftur verða fløkt inn í tað og sigrað av tí, so er hitt seinna hjá teimum vorðið verri enn hitt fyrra.
Seinna Pætursbrævið 2:21 Seinna Pætursbrævið
Betri hevði verið teimum, at tey ikki høvdu lært veg rættvísinnar at kenna, enn at tey, eftir at hava lært hann at kenna, vendu sær burtur aftur frá hinum heilaga boði, ið teimum var givið.
Seinna Pætursbrævið 2:22 Seinna Pætursbrævið
Teimum hevur gingist eftir hinum sanna orðtaki: „Hundurin vendir sær aftur til sína egnu spýggju, og súgvin, ið vaskað er, veltir sær í skarninum.“
Sálmarnir 145:20 Sálmarnir
HARRIN varðar øll tey, sum elska Hann, men øllum gudleysum forkemur Hann.
Orðtøkini 16:5 Orðtøkini
Ein og hvør hugmóðigur er HARRANUM andstygd; vissuliga, slíkur verður ikki órevsaður.
Esaias 5:20 Esaias
Vei teimum, ið kalla hitt ónda gott og hitt góða ónt, sum gera myrkur til ljós og ljós til myrkur, gera beiskt til søtt og søtt til beiskt!
Esaias 5:21 Esaias
Vei teimum, sum eru vísir í sínum egnu eygum og klókir í sínum egnu hugsanum!
Rómverjabrævið 1:18 Rómverjabrævið
Tí vreiði Guds verður opinberað av Himli yvir alt gudloysi og alla órættvísi menniskja, sum við órættvísi kúga sannleikan.
Fyrra Korintbrævið 8:12 Fyrra Korintbrævið
Táið tit soleiðis synda móti brøðrunum og særa veiku samvitsku teirra, synda tit móti Kristusi.
Fyrra Korintbrævið 10:13 Fyrra Korintbrævið
Eingin freisting er komin á tykkum uttan menniskjalig; og Gud er trúfastur, Hann skal ikki lata tykkum verða freistað út um tað, ið tit eru ment; nei, Hann skal saman við freistingini gera eisini útgongdina úr henni, so tit fáa tolt hana.
Fyrra Korintbrævið 10:20 Fyrra Korintbrævið
Nei! Tað, sum heidningarnir ofra, ofra teir til illar andar og ikki til Gud; og eg vil ikki, at tit skulu hava samfelag við hinar illu andar.
Fyrra Korintbrævið 10:22 Fyrra Korintbrævið
Ella skulu vit vekja vreiði Harrans! Eru vit sterkari enn Hann!
Fyrra Korintbrævið 15:33 Fyrra Korintbrævið
Villist ikki! Ringur felagsskapur spillir góðar siðir!
Seinna Korintbrævið 11:14 Seinna Korintbrævið
Og ikki er undur í tí; Satan sjálvur skapir seg jú um til eingil ljósins;
Seinna Korintbrævið 11:15 Seinna Korintbrævið
tað er tí ikki mikið, um eisini tænarar hansara skapa seg um til rættvísitænarar; men endi teirra skal verða eftir verkum teirra.
Seinna Korintbrævið 11:16 Seinna Korintbrævið
Aftur sigi eg: Eingin má halda meg vera dára; men um so er – takið meðni ímóti mær sum dára, fyri at eisini eg kann rósa mær eitt sindur!
Seinna Korintbrævið 11:17 Seinna Korintbrævið
Tað, sum eg tali nú – at eg við slíkum áliti rósi mær – tali eg ikki eftir sinni Harrans, men sum í dárskapi.
Seinna Korintbrævið 11:18 Seinna Korintbrævið
Við tað at so mangir rósa sær eftir holdinum, fari eg at rósa mær við.
Seinna Korintbrævið 11:19 Seinna Korintbrævið
Tit hava jú so gott tol við dárarnar, tit, sum so klókir eru!
Seinna Korintbrævið 11:20 Seinna Korintbrævið
Tit taka tað jú við toli, um onkur ger tykkum til trælir, um onkur etur tykkum upp, um onkur fangar tykkum, um onkur ger seg stóran yvir tykkum, um onkur slær tykkum í andlitið!
Seinna Korintbrævið 11:21 Seinna Korintbrævið
Við skomm sigi eg tað, at slíkt hava vit „verið ov veikir“ til. Men tað, sum onkur ger seg stóran av – eg tali í dárskapi – geri eg meg stóran av við!
Seinna Korintbrævið 11:22 Seinna Korintbrævið
Eru teir Hebrearar? Eg við! Eru teir Ísraelsmenn? Eg við! Eru teir avkom Ábrahams? Eg við!
Seinna Korintbrævið 11:23 Seinna Korintbrævið
Eru teir tænarar Kristusar? – Eg tali í vitloysi: Eg eri tað meir! Eg havi arbeitt meir, eg havi fingið fleiri sløg, verið oftari í fangahúsi, mangan í deyðavanda.
Seinna Korintbrævið 11:24 Seinna Korintbrævið
Av Jødunum havi eg fimm ferðir fingið fjøruti sløg, frároknað eitt.
Seinna Korintbrævið 11:25 Seinna Korintbrævið
Tríggjar ferðir eri eg húðflongdur, eina ferð steinaður; tríggjar ferðir havi eg verið fyri skipbroti, eitt samdøgur havi eg verið í sjónum.
Seinna Korintbrævið 11:26 Seinna Korintbrævið
Nógv havi eg ferðast; eg havi verið í vanda av áum, í vanda millum ránsmenn, í vanda av fólki mínum, í vanda av heidningum, í vanda í býi, í vanda í oyðimørk, í vanda á sjógvi, í vanda millum falskar brøður,
Seinna Korintbrævið 11:27 Seinna Korintbrævið
í strevi og møði, mangan í náttarvøku, í hungri og tosta, mangan í føstu, kaldur og nakin.
Seinna Korintbrævið 11:28 Seinna Korintbrævið
Aftrat øllum hesum havi eg tað, sum hvønn dag ger mær ófrið: Umsorganina fyri øllum samkomunum.