Samson og Delilah

Dómararnir 16:4 Dómararnir

Síðani varð hann góður við eina kvinnu í Sorekdali; hon æt Dalila.

10

Tá komu høvdingar Filistara til hennara og søgdu við hana: „Fá nú lokkað út úr honum, hvat tað er, ið ger hann so óføra sterkan, og hvussu vit kunnu fáa vald á honum, so vit fáa bundið og kúgað hann! So skulu vit geva tær 1100 seklar av silvuri hvør.“

10

Dómararnir 16:6 Dómararnir

Dalila segði nú við Samson: „Góði, sig mær, hvat tað er, ið ger teg so óføra sterkan, og hvussu tú kanst bindast og kúgast!“

10

Dómararnir 16:7 Dómararnir

Samson svaraði henni: „Verði eg bundin við sjey nýggjum streingjum, sum ikki eru turrir enn, so vikni eg og verði sum ein og hvør annar.“

10

Dómararnir 16:8 Dómararnir

Filistarahøvdingarnir komu tá til hennara við sjey nýggjum streingjum, sum ikki vóru turrir enn, og við teimum bant hon hann;

10

Dómararnir 16:9 Dómararnir

samstundis hevði hon menn liggjandi á lúri í kamarinum. So segði hon við hann: „Filistarar eru á tær, Samson!“ Men hann sleit streingirnar av, sum hørtráður brestur, táið hann kemur at eldi, og tað kom ikki upp, hví hann var so sterkur.

10

Dómararnir 16:10 Dómararnir

Tá segði Dalila við Samson: „Tú hevur jú svikið meg og logið fyri mær! Góði, sig mær nú, hvussu tú kanst bindast!“

10

Dómararnir 16:11 Dómararnir

Hann svaraði henni: „Verði eg bundin við nýggjum togum, sum aldri hava verið nýtt til nakað, so vikni eg og verði sum ein og hvør annar.“

10

Dómararnir 16:12 Dómararnir

Tá tók Dalila nýggj tog og bant hann. So segði hon við hann: „Filistarar eru á tær, Samson!“ – Samstundis lógu menn á lúri í kamarinum. Men hann sleit togini av ørmunum, sum tað hevði verið tráður.

10

Dómararnir 16:13 Dómararnir

Tá segði Dalila við Samson: „Higartil hevur tú svikið meg og logið fyri mær; sig mær nú, hvussu tú kanst bindast!“ Hann svaraði henni: „Táið tú vevur teir sjey hárlokkarnar á høvdi mínum inn í garnið í vevinum!“

10

Dómararnir 16:14 Dómararnir

Hon sló teir so fastar við slagbumminum og segði við hann: „Filistarar eru á tær, Samson!“ Tá vaknaði hann upp úr svøvni og skræddi bæði slagbummin og garnið úr.

10

Dómararnir 16:15 Dómararnir

Tá segði hon við hann: „Hvussu fært tú sagt, at tú ert góður við meg, táið tú ikki hevur álit á mær! Nú hevur tú svikið meg tríggjar ferðir og ikki sagt mær, hvat tað er, ið ger teg so óføra sterkan!“

10

Dómararnir 16:16 Dómararnir

Táið hon nú soleiðis dag eftir dag píndi og plágaði hann við orðum sínum, varð hann so keddur av tí, at hann kundi nærum doyð.

10

Dómararnir 16:17 Dómararnir

Og so læt hann hjartað heilt upp fyri henni og segði við hana: „Eingin rakiknívur er komin á høvd mítt, tí eg havi verið Nasireari Guds líka frá móðurlívi; verður hárið rakað av mær, so missi eg styrki mína og vikni og verði sum ein og hvør annar.“

10

Dómararnir 16:18 Dómararnir

Við tað at Dalila dugdi at síggja, at nú hevði hann opnað hjartað heilt fyri henni, sendi hon boð eftir filistarahøvdingunum og læt siga: „Komið nú higar, nú hevur hann latið hjartað heilt upp fyri mær!“ Filistarahøvdingarnir komu so til hennara og høvdu peningin við sær.

10

Dómararnir 16:19 Dómararnir

So fekk hon hann at sovna í fangi sínum, og so rópti hon ein mann, sum rakaði teir sjey hárlokkarnar av honum. Tá fór hann at vikna, og styrkin veik frá honum.

10

Dómararnir 16:20 Dómararnir

Nú segði hon: „Filistarar eru á tær, Samson!“ Tá vaknaði hann og hugsaði: „Víst skal eg sleppa hesa ferðina sum áður og slíta meg leysan!“ – Men hann visti ikki, at HARRIN var vikin frá honum!

10

Dómararnir 16:21 Dómararnir

So løgdu Filistarar hond á hann og stungu út eygu hansara; síðani fóru teir til Gaza við honum og bundu hann við tveimum koparleinkjum; og hann noyddist at mala korn í fangahúsinum.

10

Hebrearabrævið 11:32 Hebrearabrævið

– Tó, hví skal eg tala meir! Tíðin hevði jú ikki rokkið til, um eg skuldi sagt frá Gideon, Barak, Samson, Jefta, Dávid, Sámuel og profetunum,

6

Dómararnir 16:1 Dómararnir

Einaferð fór Samson til Gaza. Har sá hann skøkju og fór inn til hennara.

5

Dómararnir 16:2 Dómararnir

Táið fólkið í Gaza frætti, at Samson var komin hagar, fóru teir og løgdu seg á lúr eftir honum við býportrið; men teir hildu seg kvirrar alla náttina, tí teir søgdu: „Vit skulu steðga inntil lýsir; tá skulu vit drepa hann!“

5

Dómararnir 16:3 Dómararnir

Samson varð nú liggjandi hálva náttina; men á midnátt fór hann upp, tók í hurðar býportursins og báðar porturstólparnar, rykti teir upp saman við portursláini, legði tað alt samalt á herðarnar og bar tað niðan á tind fjalsins, ið er beint yvir av Hebron.

5

Dómararnir 14:1 Dómararnir

Einaferð fór Samson til Timna; har sá hann kvinnu, eina av døtrum Filistara.

4

Dómararnir 14:2 Dómararnir

Táið hann kom aftur haðani, segði hann faðir sínum og móður síni frá tí: „Eg sá kvinnu í Timna, eina av døtrum Filistara; hana mugu tit fáa mær til konu!“

4

Dómararnir 14:3 Dómararnir

Faðir og móðir hansara svaraðu honum: „Er tá eingin kvinna millum allar døtur skyldmenn tínar ella í øllum fólki tínum, síðani tú ætlar at fara og taka tær konu hjá hinum óumskornu Filistarum!“ Men Samson segði við faðir sín: „Nei, hana mást tú fáa mær, tí tað er hana, ið eg eri góður við!“

4

Dómararnir 14:4 Dómararnir

Faðir og móðir hansara vistu ikki, at hetta kom frá HARRANUM, sum leitaði høvi til stríð við Filistarar. – Um hesa tíðina vóru Filistarar harrar yvir Ísrael.

4

Dómararnir 14:5 Dómararnir

Samson og faðir og móðir hansara fóru nú til Timna, og táið tey komu at víngørðunum við Timna, kom ung leyva brølandi ímóti honum.

4

Dómararnir 14:6 Dómararnir

Tá kom Andi HARRANS yvir hann, og hann skræddi hana sundur við berum hondum, sum tað hevði verið geitarlamb; men faðir sínum og móður síni segði hann ikki tað, ið hann hevði gjørt.

4

Dómararnir 14:7 Dómararnir

So fór hann og bað um kvinnuna; tí Samson var góður við hana.

4

Dómararnir 14:8 Dómararnir

Táið hann so eina tíð eftir kom aftur at giftast við henni, fór hann burtur frá vegnum at hyggja at hini deyðu leyvuni, og tá var ein flokkur av býflugum og hunangur í leyvurænum.

4

Dómararnir 14:9 Dómararnir

Hann tók tá hunangin upp í hendurnar og át av honum, meðan hann gekk; og táið hann kom til faðir sín og móður sína, gav hann teimum burturav, og tey ótu; men hann segði teimum ikki, at tað var úr ræi leyvunnar, hann hevði tikið hunangin.

4

Dómararnir 14:10 Dómararnir

Táið nú faðir hansara kom til kvinnuna, gjørdi Samson gildi har, soleiðis sum teir ungu dreingirnir plagdu at gera.

4

Dómararnir 14:11 Dómararnir

So skjótt sum tey sóu hann, valdu tey 30 brúðarsveinar, sum skuldu vera hjá honum.

4

Dómararnir 14:12 Dómararnir

Við teir segði Samson: „Eg skal bera tykkum upp gátu; gita tit mær hana, áðrenn teir sjey gildisdagarnir eru gingnir – og gita tit hana beint – skal eg geva tykkum 30 fínar skjúrtur og 30 høgtíðarklædningar;

4

Dómararnir 14:13 Dómararnir

men duga tit ikki at gita hana, skulu tit geva mær 30 fínar skjúrtur og 30 høgtíðarklædningar.“ Teir svaraðu: „Ber upp gátu tína, lat okkum hoyra hana!“

4

Dómararnir 14:14 Dómararnir

Tá segði hann við teir: „Úr etaranum kom matur, og úr tí sterka kom søtt.“ – Men tríggir dagar gingu, og teir vóru ikki førir fyri at gita gátuna.

4

Dómararnir 14:15 Dómararnir

Sjeynda dagin søgdu teir við konu Samson: „Lokka mann tín at siga okkum, hvussu gátan skal gitast! Annars brenna vit bæði teg og hús faðirs tíns inni! – Hava tit boðið okkum higar at arma okkum út!“

4

Dómararnir 14:16 Dómararnir

Kona Samson hekk nú yvir hann við gráti og segði: „Tú hatar meg bert og elskar meg ikki! Tú hevur borið landsmonnum mínum upp gátu, og mær hevur tú ikki sagt, hvussu hon skal gitast!“ Hann svaraði henni: „Eg havi hvørki sagt pápa ella mammu tað – skuldi eg tá sagt tær tað!“

4

Dómararnir 14:17 Dómararnir

Men hon hekk yvir hann við gráti, allar sjey dagarnar ið gildið stóð, og sjeynda dagin segði hann henni, hvussu gátan skuldi gitast – av tí at hann fekk ikki frið fyri henni. Og so segði hon landsmonnum sínum tað.

4

Dómararnir 14:18 Dómararnir

Sjeynda dagin, áðrenn sólin gekk undir, søgdu so menninir í býnum við hann: „Hvat er søtari enn hunangur, og hvat er sterkari enn leyva!“ Men hann svaraði teimum: „Høvdu tit ikki pløgt við kvígu míni, so høvdu tit ikki gitt gátu mína!“

4

Dómararnir 14:19 Dómararnir

So kom Andi HARRANS yvir hann, og hann fór til Askalon og drap 30 menn har, tók klæði teirra og læt teir, ið gátuna høvdu gitt, fáa tey til høgtíðarklæði. Og vreiði hansara tendraðist, og hann fór heimaftur til hús faðirs síns.

4

Dómararnir 14:20 Dómararnir

Men kona Samson varð givin tí brúðarsveininum, sum hann hevði valt sær til fylgissvein.

4

Dómararnir 15:1 Dómararnir

Nakað eftir hetta – tað var, meðan teir heystaðu hveitina – kom Samson at vitja konu sína og hevði geitarlamb við. Hann segði: „Lat meg sleppa inn í kamarið til konu mína!“ Men tað vildi faðir hennara ikki lova honum;

4

Dómararnir 15:2 Dómararnir

hann segði: „Eg ivaðist ikki í, at tú hevði kastað hatur á hana; tí læt eg brúðarsvein tín fáa hana. Men hin yngra systirin er vakrari enn hon; tak hana í staðin fyri!“

4

Dómararnir 15:3 Dómararnir

Tá segði Samson við tey: „Hesa ferð eri eg ikki at lasta, um eg geri Filistarum ilt!“

4

Dómararnir 15:4 Dómararnir

So fór Samson og fangaði 300 revar; síðani fekk hann sær kyndlar, bant halarnar saman á tveimum og tveimum og festi ein kyndil mitt ímillum báðar halarnar.

4

Dómararnir 15:5 Dómararnir

So tendraði hann í kyndlarnar, slepti revunum inn í akrar Filistaranna og brendi soleiðis upp bæði bundi, óskorið korn og oljugarðar.

4

Dómararnir 15:6 Dómararnir

Filistarar spurdu nú: „Hvør hevur gjørt hetta?“ Og svarað varð: „Samson, dótturmaður Timnitin; tað var, tí hann tók konu hansara og læt brúðarsvein hansara fáa hana.“ Tá fóru Filistarar og brendu bæði hana og faðir hennara inni.

4

Dómararnir 15:7 Dómararnir

Men Samson segði við teir: „Bera tit tykkum so at, skal eg ikki binda frið, fyrrenn eg fái hevnt meg á tykkum!“

4

Dómararnir 15:8 Dómararnir

So bardi hann teir bæði sundur og saman, so har varð stórt mannafall. Síðani fór hann niður í gjónna við Etam og varð verandi har.

4