sacrifices
52 versir um "sacrifices"
Versir
Síða 1 av 2Fyrra Sámuelsbók 15:22 Fyrra Sámuelsbók
Men Sámuel segði: „Man HARRIN leggja líka mikið í brennioffur og sláturoffur sum í lýdni fyri orði HARRANS! Nei! Lýdni er meiri vert enn sláturoffur, og at lurta eftir er meiri vert enn veðrafiti!
Rómverjabrævið 12:1 Rómverjabrævið
Eg áminni tykkum tí, brøður, við miskunn Guds, at bera fram likam tykkara sum livandi, heilagt, Gudi dámligt offur – hetta er andaliga gudsdýrkan tykkara.
Sálmarnir 51:16 Sálmarnir
Fría meg frá blóðskyld, Gud, Frelsugud mín – so skal tunga mín fegnast um rættferð Tína!
Sálmarnir 51:17 Sálmarnir
Harri, lat upp varrar mínar – so skal muður mín kunngera prís Títt!
Markus 12:33 Markus
Og at elska Hann av øllum hjarta sínum, av øllum viti sínum og av allari styrki síni, og at elska næsta sín sum seg sjálvan – tað er meiri enn øll brennioffur og sláturoffur.“
Efesusbrævið 5:2 Efesusbrævið
og livið í kærleika, eins og Kristus elskaði okkum og gav Seg sjálvan fyri okkum sum gávu og offur, Gudi til tokkaligan anga!
Triðja Mósebók 17:11 Triðja Mósebók
Tí sálin í øllum holdi er í blóðinum, og Eg havi givið tykkum tað at nýta á altarinum at gera bót fyri sálir tykkara; tað er blóðið, ið ger bót, tí sálin er í tí.
Esaias 1:11 Esaias
Hvat skal Eg gera við hesi mongu sláturoffur tykkara! sigur HARRIN; Mær leiðist við veðrabrennioffur og gøðingarkálvafiti, Eg skoyti ikki um blóð tarva, lamba og bukka.
Hebrearabrævið 9:22 Hebrearabrævið
Ja, næstan alt verður eftir lógini reinsað við blóði, og uttan at blóð verður úthelt, fæst ikki fyrigeving.
Fyrra Pætursbrævið 2:5 Fyrra Pætursbrævið
og latið tykkum sjálv – sum livandi steinar – byggja upp til andaligt hús, heilagan prestaskap, at bera fram andalig offur, sum við Jesusi Kristi toknast Gudi!
Triðja Mósebók 1:1 Triðja Mósebók
HARRIN kallaði á Móses og talaði við hann úr samkomutjaldinum og segði:
Triðja Mósebók 1:2 Triðja Mósebók
„Tala við Ísraelsmenn og sig við teir: „Táið onkur av tykkum vil bera HARRANUM fram offur av fænum, kann hann taka offur sítt annaðhvørt av neytunum ella av smáfænum.
Triðja Mósebók 1:3 Triðja Mósebók
Er tað brennioffur, ið hann vil bera fram, og hann tekur tað av neytunum, skal tað vera lýtaleyst kríatúr av hannslagi; hann skal koma at durum samkomutjaldsins við tí, so hann verður væl toknaður fyri ásjón HARRANS.
Triðja Mósebók 1:4 Triðja Mósebók
Og hann skal leggja hondina á høvd offurdýrsins; so verður tað væl toknað og bøtir fyri hann.
Triðja Mósebók 1:5 Triðja Mósebók
Síðani skal hann drepa hin unga tarvin fyri ásjón HARRANS, og synir Áron, prestarnir, skulu bera fram blóðið og sletta tað rundan um á altarið, ið stendur fyri durum samkomutjaldsins.
Triðja Mósebók 1:6 Triðja Mósebók
So skal hann fletta offurdýrið og lima tað sundur.
Triðja Mósebók 1:7 Triðja Mósebók
Og synir Áron, prestin, skulu kynda eld á altarinum og leggja við á eldin.
Triðja Mósebók 1:8 Triðja Mósebók
So skulu synir Áron, prestarnir, leggja stykkini saman við høvdinum og tálgini oman á viðin, ið lagdur er á altareldin.
Triðja Mósebók 1:9 Triðja Mósebók
Innvølurin og føturnir skulu verða vaskaðir í vatni, og so skal presturin brenna alt samalt á altarinum; tað er brennioffur, eldoffur, HARRANUM til góðan anga.
Triðja Mósebók 1:10 Triðja Mósebók
Tekur hann brennioffur sítt av smáfænum, av seyðinum ella geitunum, so skal tað vera lýtaleyst kríatur av hannslagi.
Triðja Mósebók 1:11 Triðja Mósebók
Hann skal drepa tað norðan fyri altarið, fyri ásjón HARRANS, og synir Áron, prestarnir, skulu sletta blóðið úr tí rundanum á altarið.
Triðja Mósebók 1:12 Triðja Mósebók
So skal hann skera tað sundur, og presturin skal leggja stykkini saman við høvdinum og tálgini oman á viðin, ið lagdur er á altareldin.
Triðja Mósebók 1:13 Triðja Mósebók
Innvølurin og føturnir skulu verða vaskaðir í vatni, og so skal presturin bera alt samalt fram og brenna tað á altarinum; tað er brennioffur, eldoffur, HARRANUM til góðan anga.
Triðja Mósebók 1:14 Triðja Mósebók
Eru tað fuglar, ið hann tekur HARRANUM til brennioffur, so skal hann taka offur sítt av turtildúvum ella av dúvuungum.
Triðja Mósebók 1:15 Triðja Mósebók
Presturin skal bera fuglin fram at altarinum, snara høvdið av honum og brenna tað á altarinum; og blóðið skal verða kroyst út inn móti síðu altarsins.
Triðja Mósebók 1:16 Triðja Mósebók
So skal hann taka kjósina út við gorinum, sum í henni er, og blaka hana á øskudungan eystan fyri altarið.
Triðja Mósebók 1:17 Triðja Mósebók
Síðani skal hann kryvja fuglin við veingjunum á; teir má hann ikki skilja frá. Og so skal presturin brenna hann á altarinum, á viðinum, ið lagdur er á eldin; tað er brennioffur, eldoffur, HARRANUM til góðan anga.“
Hebrearabrævið 10:1 Hebrearabrævið
Lógin hevur bert skugga hinna komandi góða, ikki sonnu mynd teirra; tí kann hon aldri við ofrunum, ið teir altíð hvørt ár av nýggjum bera fram, gera tey fullkomin, sum koma fram við teimum.
Hebrearabrævið 10:2 Hebrearabrævið
Annars høvdu tey jú hildið uppat at borið tey fram, av tí at hini ofrandi ikki longur høvdu havt syndir á samvitskuni, táið tey eina ferð vóru reinsað.
Hebrearabrævið 10:3 Hebrearabrævið
Men við hesum ofrum verður hvørt ár mint um syndir.
Hebrearabrævið 10:4 Hebrearabrævið
Tað er jú ómøguligt, at blóð tarva og bukka kann taka burtur syndir.
Hebrearabrævið 10:5 Hebrearabrævið
Tí sigur Hann, táið Hann kemur í heimin: „Sláturoffur og matoffur vildi Tú ikki hava, men likam gjørdi Tú Mær til;
Hebrearabrævið 10:6 Hebrearabrævið
brennioffur og syndoffur líkaði Tær ikki.
Hebrearabrævið 10:7 Hebrearabrævið
Tá segði Eg: „Hygg, Eg komi – í bókrulluni er skrivað um Meg – at gera vilja Tín, Gud!““
Hebrearabrævið 10:8 Hebrearabrævið
– Eftir at Hann fyrst hevur sagt: „Sláturoffur, matoffur, brennioffur og syndoffur vildi Tú ikki hava, og tey líkaði Tær ikki“ – og tey verða tó borin fram eftir lógini –
Hebrearabrævið 10:9 Hebrearabrævið
so hevur Hann harnæst sagt: „Hygg, Eg komi at gera vilja Tín!“ – Hann tekur hitt fyrra burtur fyri at seta hitt seinna í staðin –
Hebrearabrævið 10:10 Hebrearabrævið
og við hesum vilja eru vit halgað við ofring likams Jesu Krists eina ferð fyri allar!
Hebrearabrævið 10:11 Hebrearabrævið
Ein og hvør prestur stendur dagliga og ger tænastu og ber fram somu offur ferð eftir ferð – sum tó aldri kunnu taka burtur syndir;
Hebrearabrævið 10:12 Hebrearabrævið
men Hann hevur borið fram eitt offur fyri syndir og hevur síðani við alla sett Seg við høgru hond Guds
Hebrearabrævið 10:13 Hebrearabrævið
og bíðar nú bert eftir, at fíggindar Hansara skulu verða lagdir fótum Hansara til skammul.
Hebrearabrævið 10:14 Hebrearabrævið
Tí við einum ofri hevur Hann við alla gjørt tey fullkomin, sum halgað verða.
Hebrearabrævið 10:15 Hebrearabrævið
Tað vitnar eisini Heilagi Andin fyri okkum. Tí eftir at Hann hevur sagt:
Hebrearabrævið 10:16 Hebrearabrævið
„Hetta er sáttmálin, Eg skal gera við tey eftir teir dagar“, sigur Harrin: „Eg skal leggja lógir Mínar í hjørtu teirra, og Eg skal skriva tær í sinni teirra,
Hebrearabrævið 10:17 Hebrearabrævið
og syndir teirra og lógbrot teirra skal Eg ikki minnast aftur.“
Hebrearabrævið 10:18 Hebrearabrævið
Men har sum fyrigeving er fyri tey, er ikki longur offur fyri synd.
Mika 6:6 Mika
– „Við hvørjum skal eg stíga fram fyri HARRAN, boyggja meg niður fyri Gudi á hæddini? Skal eg stíga fram fyri Hann við brenniofrum, við vetringum?
Mika 6:7 Mika
Man HARRANUM líka veðrar í túsundtali, oljuløkir í tíggjutúsundtali? Skal eg lata hin frumborna mín fyri misbrot mítt, lívsfrukt mína sum syndoffur fyri sál mína?“
Mika 6:8 Mika
– Hann hevur opinberað tær, menniskja, hvat gott er! Hvat annað krevur HARRIN av tær, enn at tú skalt gera rætt, fegin vísa kærleika og liva eyðmjúkt við Gudi tínum!
Jóhannes 1:29 Jóhannes
Dagin eftir sá hann Jesus koma til sín og segði: „Hygg lamb Guds, sum tekur burt synd heimsins!
Filippibrævið 4:18 Filippibrævið
Nú havi eg nóg mikið av øllum og havi yvirflóð; mær trýtur ikki, nú eg við Epafroditusi havi fingið gávu tykkara – yndisligan anga, offur, fagnað av Gudi og Honum til gleði.