ruth

Rutt 3:6 Rutt

So fór hon oman á treskiplássið og gjørdi, á allan hátt sum vermóðir hennara hevði álagt henni.

2

Rutt 3:7 Rutt

Táið Boaz hevði etið og drukkið og var í góðum lagi, fór hann og legðist við enda korndungans; tá kom hon spakuliga og lyfti upp kappan við føtur hansara og legðist har.

2

Rutt 3:8 Rutt

Á midnátt varð maðurin kløkkur, og táið hann settist upp undir seg, sá hann, at kvinna lá við føtur hansara.

2

Rutt 3:9 Rutt

Hann segði tá: „Hvør ert tú?“ Hon svaraði: „Eg eri Rutt, tænastukvinna tín – breið út kappahorn títt yvir tænastukvinnu tína, tí tú ert loysari mín!“

2

Rutt 3:10 Rutt

Tá segði hann: „HARRIN signi teg, dóttir mín! Tú hevur nú víst enn meiri kærleika enn áður – at tú ert ikki farin eftir hinum ungu dreingjunum, hvørki fátækum ella ríkum!

2

Rutt 3:11 Rutt

Óttast tí nú ikki, dóttir mín! Alt tað, ið tú sigur, skal eg gera fyri teg; tí alt fólkið í býi mínum veit, at tú ert dugnalig kvinna.

2

Rutt 3:12 Rutt

Tað er, sum tú sigur: Eg eri loysari tín; men annar loysari er, sum er nærri enn eg.

2

Rutt 3:13 Rutt

Verð nú her í nátt! Vil hann so í morgin loysa teg – gott, so lat hann tað! Men hevur hann ikki hug at loysa teg, so loysi eg teg – so satt sum HARRIN livir! Verð nú liggjandi inntil í morgin ári!“

2

Rutt 3:14 Rutt

Hon varð tá liggjandi við føtur hansara inntil um morgunin; men hon reistist, áðrenn fólk enn kendu hvørt annað, tí hann hugsaði: „Tað má ikki spyrjast, at kvinna er komin higar á treskiplássið!“

2

Rutt 3:15 Rutt

Síðani segði hann: „Kom higar við kápuni, ið tú ert í – halt hana fram!“ Og táið hon helt hana fram, máldi hann seks mál av byggi og gav henni tað at bera. So fór hon inn í býin.

2

Rutt 3:16 Rutt

Táið hon kom til vermóður sína, segði vermóðirin: „Hvussu gekst, dóttir mín?“ Hon segði henni tá alt, ið maðurin hevði gjørt við hana,

2

Rutt 3:17 Rutt

og segði: „Hesi seks málini av byggi gav hann mær, tí hann segði: „Tú skalt ikki koma tómhent heim til vermóður tína!““

2

Rutt 3:18 Rutt

Tá segði hon: „Halt teg nú kvirra, dóttir mín, inntil tú fært at síggja, hvussu gongur! Tí tann maðurin gevst ikki, fyrrenn hann fær hesi viðurskifti gjørd av, og tað í dag!“

2

Rutt 4:1 Rutt

Men Boaz var farin niðan í býportrið og hevði sett seg har. Tá kom hann júst gangandi, loysarin, ið Boaz hevði tosað um; og Boaz segði: „Kom og set teg her!“ Hann kom tá og setti seg.

2

Rutt 4:2 Rutt

So rópti Boaz til sín tíggju av hinum elstu í býnum og segði: „Setið tykkum her!“ Teir settust.

2

Rutt 4:3 Rutt

Síðani segði hann við loysaran: „Jørðina, ið bróðir okkara Elimelek átti, hana hevur No’omi selt, hon, sum er komin aftur úr Móabslandi.

2

Tí hugsaði eg, at eg skuldi lata teg vita tað og siga: Keyp hana, meðan teir, ið her sita, og hinir elstu í fólki mínum eru hjástaddir! Vilt tú loysa hana, so ger tað, og vilt tú ikki, sig so til, fyri at eg kann vita tað! Tí eingin annar er at loysa hana enn tú, og eftir teg eg sjálvur!“ Hann svaraði: „Eg skal loysa hana!“

2

Rutt 4:5 Rutt

Tá segði Boaz: „Men samstundis sum tú keypir jørðina frá No’omi, keypir tú hana eisini frá Móabitkvinnuni Rutt, konu hansara, sum deyður er, til á arvaluti hansara at reisa navn hansara, sum deyður er!“

2

Rutt 4:6 Rutt

Nú svaraði loysarin: „So kann eg ikki verða loysari, tí eg komi tá at spilla mín egna arvalut. – Loys tú tað, ið eg skuldi loyst, tí eg kann ikki gera tað!“

2

Rutt 4:7 Rutt

– Nú var tað í gomlum døgum siður í Ísrael, táið maður skuldi staðfesta loysing ella avtala býti, at tá læt hann seg úr skógvinum og fekk hinum partinum hann, og hetta galt sum vitnisburður í Ísrael.

2

Rutt 4:8 Rutt

Tí segði loysarin við Boaz: „Keyp tú tað!“ – Og í tí sama læt hann seg úr skógvinum.

2

Rutt 4:9 Rutt

Tá segði Boaz við teir elstu og alt fólkið: „Tit eru í dag vitni um, at eg havi keypt frá No’omi alt tað, ið Elimelek átti, og alt tað, ið Kiljon og Malon áttu.

2

Rutt 4:10 Rutt

Eisini Móabitkvinnuna Rutt, einkju Malons, havi eg vunnið mær til konu, til á arvaluti hansara at reisa navn hansara, sum deyður er, so navn hansara, sum deyður er, ikki skal doyggja út millum brøður hansara og úr portri heimstaðar hansara – tað eru tit í dag vitni um!“

2

Rutt 4:11 Rutt

Tá segði alt fólkið, sum í býportrinum var, og hinir elstu: „Ja, tað eru vit vitni um! HARRIN lati kvinnuna, ið nú kemur í hús títt, verða sum Rakul og Leu, tær báðar, sum bygdu hús Ísraels! Tær veitist vald í Efrata, og navn títt verði prísað í Betlehem!

2

Rutt 4:12 Rutt

Hús títt verði sum hús Perez, hann, ið Tamar átti Juda, við eftirkomarunum, ið HARRIN fer at geva tær við hesi ungu kvinnu!“

2

Rutt 4:13 Rutt

So tók Boaz Rutt til sín, og hon varð kona hansara; og táið hann fór inn til hennara, læt HARRIN hana verða við barn, og hon átti son.

2

Rutt 4:14 Rutt

Tá søgdu kvinnurnar við No’omi: „Lovaður veri HARRIN, sum ikki læt tær fattast loysara í dag! Og navn hansara veri prísað í Ísrael!

2

Rutt 4:15 Rutt

Hann skal vera tær troystari og hjálp tín á elliárum; tí sonarkona tín, sum vísti tær kærleika, hevur átt hann, hon, ið er tær betri enn sjey synir!“

2

Rutt 4:16 Rutt

No’omi tók barnið og legði tað í fangið og varð fosturmóðir tess.

2

Rutt 4:17 Rutt

Og grannkonurnar søgdu: „No’omi hevur fingið son!“ – Og tær góvu honum navn og kallaðu hann Obed. Hann varð faðir Ísai, faðir Dávid.

2

Rutt 4:18 Rutt

Hetta er ættarbók Perez: Perez fekk sonin Hezron;

2

Rutt 4:19 Rutt

Hezron fekk sonin Ram; Ram fekk sonin Amminadab;

2

Rutt 4:20 Rutt

Amminadab fekk sonin Nason; Nason fekk sonin Salmon;

2

Rutt 4:21 Rutt

Salmon fekk sonin Boaz; Boaz fekk sonin Obed;

2

Rutt 4:22 Rutt

Obed fekk sonin Ísai; Ísai fekk sonin Dávid.

2

Versir