resurrection of christ
120 versir um "resurrection of christ"
Versir
Síða 1 av 3Fyrra Pætursbrævið 1:3 Fyrra Pætursbrævið
Lovaður veri Gud og Faðir Harra okkara Jesu Krists, sum eftir stóru miskunn Síni hevur endurføtt okkum til livandi vón við uppreisn Jesu Krists frá hinum deyðu
Lukas 24:1 Lukas
Men fyrsta dagin í vikuni, tíðliga, í lýsingini, komu tær til grøvina og høvdu við sær hinar angandi urtirnar, ið tær høvdu gjørt til.
Lukas 24:2 Lukas
Og tær funnu steinin veltan frá grøvini.
Lukas 24:3 Lukas
Táið tær so fóru inn í hana, funnu tær ikki likam Harrans Jesusar.
Lukas 24:4 Lukas
Táið tær nú ikki vistu, hvat tær skuldu hugsa um hetta, stóðu hjá teimum tveir menn í skínandi klæðum.
Lukas 24:5 Lukas
Tær ræddust og boygdu andlit síni móti jørðini. Men teir søgdu við tær: „Hví leita tit eftir hinum livandi millum hini deyðu!
Lukas 24:6 Lukas
Hann er ikki her, Hann er risin upp; minnist tað, ið Hann talaði til tykkara, meðan Hann enn var í Galilea, hvussu Hann segði,
Lukas 24:7 Lukas
at Menniskjasonurin skuldi verða givin syndigum menniskjum upp í hendur og verða krossfestur og rísa upp aftur triðja dagin!“
Lukas 24:8 Lukas
Tá mintust tær orð Hansara.
Lukas 24:9 Lukas
Tær fóru nú avstað aftur frá grøvini og søgdu alt hetta fyri hinum ellivu og fyri øllum hinum.
Lukas 24:10 Lukas
Tað vóru Maria Magdalena, Jóhanna og Maria, móðir Jákup, og hinar kvinnurnar við teimum; tær søgdu ápostlunum hetta.
Lukas 24:11 Lukas
Men orð teirra tyktust teimum at vera leyst tos; teir trúðu teimum ikki.
Lukas 24:12 Lukas
Men Pætur reistist og leyp út til grøvina, og táið hann bukkaði seg niður, sá hann einki uttan línklæðini liggja har; hann fór tá aftur til hús í undran um tað, ið hent hevði.
Lukas 24:13 Lukas
Tveir av teimum fóru sama dagin til bygd, ið æt Emmaus og var 60 stadiur frá Jerusalem.
Lukas 24:14 Lukas
Teir tosaðu hvør við annan um alt hetta, ið hent hevði.
Lukas 24:15 Lukas
Meðan teir nú tosaðu saman og spurdu hvør annan, kom Jesus sjálvur til teirra og fylgdist við teimum.
Lukas 24:16 Lukas
Men eygu teirra vórðu hildin aftur, so teir kendu Hann ikki.
Lukas 24:17 Lukas
Hann segði við teir: „Hvat er tað, tit tosa um hvør við annan, meðan tit ganga?“ Og teir stóðu sorgarfullir.
Lukas 24:18 Lukas
Annar teirra – hann æt Kleopas – svaraði Honum: „Ert Tú einsamallur so fremmandur í Jerusalem, at Tú veitst ikki, hvat har hevur hent hesar dagar?“
Lukas 24:19 Lukas
Hann spurdi teir: „Hvat tá?“ Teir svaraðu Honum: „Tað við Jesusi úr Nazaret, sum var profetur, mektigur í verki og orði fyri Gudi og øllum fólkinum,
Lukas 24:20 Lukas
og hvussu høvuðsprestarnir og ráðharrar okkara hava givið Hann upp til deyðadóm og krossfest Hann.
Lukas 24:21 Lukas
Vit vónaðu, at Hann var tann, ið skuldi endurloysa Ísrael; men tó – oman á alt hetta er í dag triði dagurin, síðani hetta hendi.
Lukas 24:22 Lukas
So hava eisini nakrar av kvinnum okkara gjørt okkum ovfarnar. Tær vóru tíðliga í morgun við grøvina
Lukas 24:23 Lukas
og funnu ikki likam Hansara; so komu tær og søgdu, at tær høvdu sæð sjón – einglar, sum høvdu sagt, at Hann livir.
Lukas 24:24 Lukas
Nakrir av teimum, ið við okkum vóru, fóru tá út til grøvina og funnu tað so, sum kvinnurnar høvdu sagt; men Hann sóu teir ikki.“
Lukas 24:25 Lukas
Tá segði Hann við teir: „Tit lítið hugsandi og trekhjartaðu at trúgva øllum tí, ið profetarnir hava talað!
Lukas 24:26 Lukas
Átti Kristus ikki at líða hetta og so fara inn til dýrd Sína!“
Lukas 24:27 Lukas
Hann byrjaði nú frá Mósesi og frá øllum profetunum og útlegði fyri teimum tað, sum í øllum skriftunum var sagt um Hann.
Lukas 24:28 Lukas
Nú nærkaðust teir bygdini, ið teir fóru til, og Hann lætst, sum Hann ætlaði Sær longur.
Lukas 24:29 Lukas
Tá noyddu teir Hann og søgdu: „Verð hjá okkum, tí tað líður at kvøldi, og dagurin hallar!“ Tá fór Hann inn at vera hjá teimum.
Lukas 24:30 Lukas
Táið Hann so sat til borðs við teimum, tók Hann breyðið, signaði og breyt tað og gav teimum.
Lukas 24:31 Lukas
Tá vórðu eygu teirra latin upp, og teir kendu Hann; men so hvarv Hann teimum úr sjón.
Lukas 24:32 Lukas
Teir søgdu nú hvør við annan: „Brann ikki hjartað í okkum, táið Hann talaði við okkum á vegnum og læt okkum upp skriftirnar!“
Lukas 24:33 Lukas
Og teir reistust í sama tíma og fóru aftur til Jerusalem; har funnu teir hinar ellivu savnaðar, og teir, ið við teimum vóru. Teir søgdu:
Lukas 24:34 Lukas
„Tað er satt, at Harrin er risin upp – Hann er sæddur av Símuni!“
Lukas 24:35 Lukas
Tá søgdu teir frá tí, sum hent hevði á vegnum, og hvussu Hann varð kendur av teimum, táið Hann breyt breyðið.
Lukas 24:36 Lukas
Meðan teir nú tosaðu um hetta, stóð Hann sjálvur mitt ímillum teirra; og Hann segði við teir: „Friður veri við tykkum!“
Lukas 24:37 Lukas
Tá óttaðust teir og ræddust og hildu, at tað var anda, teir sóu.
Lukas 24:38 Lukas
Men Hann segði við teir: „Hví ræðast tit, og hví kemur ivi upp í hjørtum tykkara?
Lukas 24:39 Lukas
Hyggið hendur Mínar og føtur Mínir, at tað eri Eg sjálvur! Nemið við Meg og síggið! Andi hevur jú ikki hold og bein, sum tit síggja, Eg havi!“
Lukas 24:40 Lukas
Táið Hann hevði sagt hetta, vísti Hann teimum hendur Sínar og føtur Sínar.
Lukas 24:41 Lukas
Og táið teir ikki trúðu enn – fyri gleði – og undraðust, segði Hann við teir: „Hava tit okkurt etandi her?“
Lukas 24:42 Lukas
Tá góvu teir Honum stykki av steiktum fiski og nakað av hunangskøku.
Lukas 24:43 Lukas
Hann tók tað og át tað fyri eygum teirra.
Lukas 24:44 Lukas
Og Hann segði við teir: „Hetta eru orð Míni, sum Eg talaði við tykkum, meðan Eg enn var hjá tykkum, at alt mátti ganga út, sum skrivað er um Meg í Móselóg, profetunum og sálmunum.“
Lukas 24:45 Lukas
So læt Hann upp vit teirra, so teir skiltu skriftirnar.
Lukas 24:46 Lukas
Og Hann segði við teir: „So er skrivað, at Kristus skuldi líða og triðja dagin rísa upp frá hinum deyðu,
Lukas 24:47 Lukas
og at í navni Hansara umvending og syndafyrigeving skal verða prædikað fyri øllum fólkasløgum, og byrjast í Jerusalem.
Lukas 24:48 Lukas
Tit eru vitni um hetta.
Lukas 24:49 Lukas
Og Eg sendi yvir tykkum tað, sum Faðir Mín hevur lovað; men tit skulu verða í staðnum, inntil tit verða latnir í kraft av hæddini.“