rebellious
23 versir um "rebellious"
Versir
Síða 1 av 1Ezekiel 2:6 Ezekiel
Men tú, menniskjasonur! Ræðst teir ikki, óttast ikki orð teirra! Tí notur og tornir eru rundan um teg, og millum skorpiónir býrt tú. Óttast ikki orð teirra og ræðst ikki fyri andliti teirra! – Tí ólýðin ætt eru teir.
Ezekiel 2:7 Ezekiel
Nei, tala orð Míni til teirra, um teir nú lurta eftir ella ikki! – Tí ólýdnir eru teir.
Ezekiel 2:8 Ezekiel
Men tú, menniskjasonur! Lurta eftir tí, sum Eg sigi við teg! Ver ikki ólýðin sum henda ólýdna ætt! Lat upp munnin og et tað, ið Eg her gevi tær!“
Onnur Mósebók 21:24 Onnur Mósebók
– Eyga fyri eyga, tonn fyri tonn, hond fyri hond, fót fyri fót,
Onnur Mósebók 21:25 Onnur Mósebók
brent fyri brent, sár fyri sár, kúlu fyri kúlu!
Fimta Mósebók 28:47 Fimta Mósebók
Aftur fyri at tú tænti ikki HARRANUM Gudi tínum við gleði og av hjartans lysti, meðan tú hevði yvirflóð av øllum,
Fimta Mósebók 28:48 Fimta Mósebók
so skalt tú sleppa at tæna fíggindum tínum, sum HARRIN skal senda ímóti tær, í hungri og tosta, nakin og saknandi alt; Hann skal leggja jarnok á háls tín, inntil Hann hevur gjørt enda á tær.
Fyrra Sámuelsbók 15:15 Fyrra Sámuelsbók
Saul svaraði: „Teir tóku tað við frá Amalekitum; fólkið spardi tað besta av smáfænum og neytunum, til at ofra tað til HARRAN Gud tín; men hitt hava vit sligið við banni.“
Fyrra Sámuelsbók 15:16 Fyrra Sámuelsbók
Tá segði Sámuel við Saul: „Tig nú, so skal eg lata teg vita tað, sum HARRIN í nátt hevur sagt mær!“ Hann svaraði: „Tala!“
Fyrra Sámuelsbók 15:17 Fyrra Sámuelsbók
Sámuel segði: „Táið tú vart lítil í egnum eygum, gjørdist tú høvd yvir ættum Ísraels, og HARRIN salvaði teg til kong yvir Ísrael.
Fyrra Sámuelsbók 15:18 Fyrra Sámuelsbók
Og HARRIN sendi teg avstað og segði: „Far og slá hasar syndararnar, Amalekitar, við banni, og barst við teir, inntil tú hevur gjørt enda á teimum!“
Fyrra Sámuelsbók 15:19 Fyrra Sámuelsbók
Hví aktaði tú tá ikki orð HARRANS, men kastaði teg yvir herfongin og gjørdi tað, sum ónt var í eygum HARRANS?“
Fyrra Sámuelsbók 15:20 Fyrra Sámuelsbók
Saul svaraði Sámuel: „Eg havi aktað orð HARRANS og eri farin leiðina, ið HARRIN sendi meg; eg havi tikið Agag, kong Amaleks, við higar, og sligið Amalek við banni!
Fyrra Sámuelsbók 15:21 Fyrra Sámuelsbók
Men fólkið tók av fonginum smáfæ og neyt, tað besta av hinum bannlýsta, til at ofra tað til HARRAN Gud tín, í Gilgal.“
Fyrra Sámuelsbók 15:22 Fyrra Sámuelsbók
Men Sámuel segði: „Man HARRIN leggja líka mikið í brennioffur og sláturoffur sum í lýdni fyri orði HARRANS! Nei! Lýdni er meiri vert enn sláturoffur, og at lurta eftir er meiri vert enn veðrafiti!
Fyrra Sámuelsbók 15:23 Fyrra Sámuelsbók
Tí ikki at vilja akta, tað er gandasynd, og at vera sjálvráðin er at dýrka avgudar og hava húsgudar! Aftur fyri at tú hevur vrakað orð HARRANS, hevur Hann vrakað teg – tú skalt ikki verða verandi kongur!“
Fyrra Sámuelsbók 15:24 Fyrra Sámuelsbók
Tá segði Saul við Sámuel: „Eg havi syndað, tí eg havi brotið boð HARRANS og orð tíni – men eg óttaðist fólkið og eftirlíkaði teimum.
Fyrra Sámuelsbók 15:25 Fyrra Sámuelsbók
Men fyrigev mær nú synd mína og kom aftur við mær, so eg kann tilbiðja HARRAN!“
Fyrra Sámuelsbók 15:26 Fyrra Sámuelsbók
Men Sámuel segði við Saul: „Eg komi ikki aftur við tær! Aftur fyri at tú hevur vrakað orð HARRANS, hevur HARRIN vrakað teg – tú skalt ikki verða verandi kongur yvir Ísrael!“
Fyrra Sámuelsbók 15:27 Fyrra Sámuelsbók
So vendi Sámuel sær og skuldi fara. Men Saul tók í hornið á kappa hansara, og tað varð skrætt av.
Fyrra Sámuelsbók 15:28 Fyrra Sámuelsbók
Tá segði Sámuel við hann: „HARRIN hevur í dag skrætt kongadømið yvir Ísrael frá tær og givið einum øðrum tað, einum, sum er betri enn tú!
Fyrra Sámuelsbók 15:29 Fyrra Sámuelsbók
Vissuliga, Hann lýgur ikki og angrar ikki, trúfasti Gud Ísraels – Hann er ikki menniskja, so Hann skuldi angrað!“
Fyrra Sámuelsbók 15:30 Fyrra Sámuelsbók
Saul svaraði: „Eg havi syndað; men lat nú kortini hinar elstu í fólki mínum og Ísrael síggja, at tú ærir meg – kom aftur við mær, so skal eg tilbiðja HARRAN Gud tín!“