røð og vegleiðing
57 versir um "røð og vegleiðing"
Versir
Síða 1 av 2Orðtøkini 12:15 Orðtøkini
Vegur dárans er beinur í hansara egnu eygum, men tann, ið lurtar eftir ráðum, er vísur.
Orðtøkini 11:14 Orðtøkini
Har sum einki stýri er, fellur fólkið, men har sum nógvir ráðgevarar eru, gongst væl.
Fyrra Kongabók 12:6 Fyrra Kongabók
Rehabeam kongur ráðførdi seg nú við hinar gomlu, sum høvdu staðið í tænastu hjá Sálomo, faðir hansara, táið hann livdi; hann spurdi teir: „Hvat ráða tit mær at svara hesum fólki?“
Fyrra Kongabók 12:7 Fyrra Kongabók
Teir svaraðu honum: „Um tú í dag ert hesum fólki til vildar, gert, sum teir siga við teg, og svarar teimum við góðum orðum, so verða teir tænarar tínir allar dagar.“
Fyrra Kongabók 12:8 Fyrra Kongabók
Men hann fór ikki eftir ráðunum, ið hinir gomlu løgdu honum, men ráðførdi seg við teir ungu, ið vóru vaksnir upp saman við honum, og sum nú stóðu í tænastu hjá honum.
Fyrra Kongabók 12:9 Fyrra Kongabók
Hann spurdi teir: „Hvat ráða tit okkum at svara hesum fólki, ið hevur sagt við meg: „Lætt um okið, ið faðir tín legði á okkum!““
Fyrra Kongabók 12:10 Fyrra Kongabók
Teir ungu, ið vóru vaksnir upp saman við honum, svaraðu honum: „So skalt tú siga við hetta fólk, sum segði við teg: „Faðir tín gjørdi ok okkara svárt, men lætt tú okkum um tað!“ – so skalt tú siga við teir: „Lítlifingur mín er tjúkkari enn lendar faðirs míns!
Fyrra Kongabók 12:11 Fyrra Kongabók
Hevur nú pápi lagt svárt ok á tykkum, so skal eg gera ok tykkara enn svárari; hevur pápi revsað tykkum við koyrlum, so skal eg revsa tykkum við skorpiónum!““
Fyrra Kongabók 12:12 Fyrra Kongabók
Jeroboam og alt fólkið komu nú til Rehabeam triðja dagin – sum kongurin hevði sagt: „Komið aftur til mín um tríggjar dagar!“
Fyrra Kongabók 12:13 Fyrra Kongabók
Og tá gav kongurin fólkinum hart svar; hann fór ikki eftir ráðunum, ið hinir gomlu høvdu lagt honum,
Fyrra Kongabók 12:14 Fyrra Kongabók
men svaraði teimum, sum teir ungu høvdu rátt til: „Hevur pápi gjørt ok tykkara svárt, so skal eg gera ok tykkara enn svárari; hevur pápi revsað tykkum við koyrlum, so skal eg revsa tykkum við skorpiónum!“
Fyrra Kongabók 12:15 Fyrra Kongabók
– Kongurin lurtaði tá ikki eftir fólkinum – HARRIN beindi tað so, fyri at orð Hansara skuldi ganga út, tað, ið HARRIN við Ahia úr Silo hevði talað við Jeroboam, son Nebat.
Fyrra Kongabók 12:16 Fyrra Kongabók
Táið nú alt Ísrael sá, at kongurin lurtaði ikki eftir teimum, svaraði fólkið konginum hetta: „Hvønn lut eiga vit í Dávidi! Vit hava ongan part í syni Ísai! Til tjøld tíni, Ísrael! Síggj nú sjálvur til hús títt, Dávid!“ So fór alt Ísrael heimaftur.
Fyrra Kongabók 12:17 Fyrra Kongabók
Men yvir teimum Ísraelsmonnum, sum búðu í býunum í Juda, yvir teimum varð Rehabeam kongur.
Fyrra Kongabók 12:18 Fyrra Kongabók
Tá sendi Rehabeam kongur Adoram – hann, ið var yvir pliktarbeiðsmonnunum – út til teirra; men alt Ísrael steinaði hann til deyða, og Rehabeam kongur sjálvur noyddist at skunda sær upp í vagn sín og flýggja til Jerusalem.
Fyrra Kongabók 12:19 Fyrra Kongabók
Soleiðis fall Ísrael frá húsi Dávids – og so hevur verið til henda dag.
Sálmarnir 32:8 Sálmarnir
„Eg skal læra teg, og vísa tær vegin, ið tú skalt ganga, Eg skal leggja tær ráð við at hyggja á teg.“
Orðtøkini 16:1 Orðtøkini
Ráð hjartans hoyra menniskjanum til, men svarið, ið tungan gevur, kemur frá HARRANUM.
Orðtøkini 16:2 Orðtøkini
Allar leiðir mansins eru reinar í hansara egnu eygum, men HARRIN vigar andarnar.
Orðtøkini 16:3 Orðtøkini
Gev HARRANUM verk tíni í hond, so skulu ráð tíni fáa framgongd!
Orðtøkini 16:4 Orðtøkini
Alt skapti HARRIN, hvørt til sítt, hin gudleysa við – til vanlukkudagin!
Orðtøkini 16:5 Orðtøkini
Ein og hvør hugmóðigur er HARRANUM andstygd; vissuliga, slíkur verður ikki órevsaður.
Orðtøkini 16:6 Orðtøkini
Við kærleika og trúfesti verður misgerð javnað, og við ótta HARRANS flýggjar ein frá illum.
Orðtøkini 16:7 Orðtøkini
Táið HARRANUM líkar atburð mansins, ger Hann, at um tað so eru fíggindar hansara, binda teir frið við hann.
Orðtøkini 16:8 Orðtøkini
Betri er lítið við rættvísi enn stórur vinningur við órætti.
Orðtøkini 16:9 Orðtøkini
Hjarta menniskjans upphugsar veg tess, men HARRIN stýrir fetum tess.
Orðtøkini 16:10 Orðtøkini
Gudsdómur er á vørrum kongsins; ei ger muður hansara mistak, táið hann dømir.
Orðtøkini 16:11 Orðtøkini
Rættur bismari og rættar vektskálir hoyra HARRANUM til; øll loddini í posanum eru verk Hansara.
Orðtøkini 16:12 Orðtøkini
Gudleysur atburður er kongum andstygd; tí við rættvísi verður hásætið grundfest.
Orðtøkini 16:13 Orðtøkini
Rættvísar varrar líkar kongum; teir elska tann, ið talar av sonnum hjarta.
Orðtøkini 16:14 Orðtøkini
Vreiði kongsins er boð deyðans, men vísur maður dugir at stilla hana.
Orðtøkini 16:15 Orðtøkini
Í ljósi ásjónar kongsins er lív, og náði hansara er sum regnskýggj um várið.
Orðtøkini 16:16 Orðtøkini
At vinna vísdóm – hvussu mangan betri er ikki tað enn gull! Og at vinna vit er meiri vert enn silvur.
Orðtøkini 16:17 Orðtøkini
Vegur hinna sannhjartaðu er at halda seg frá illum; tann, ið aktar eftir leið síni, varðar lív sítt.
Orðtøkini 16:18 Orðtøkini
Framman undan undirgangi gongur hugmóð, og framman undan falli stoltleiki.
Orðtøkini 16:19 Orðtøkini
Betri er at vera eyðmjúkur saman við neyðstøddum enn at skifta fong við stoltum.
Orðtøkini 16:20 Orðtøkini
Væl gongst honum, ið gevur orðinum gætur; sælur tann, ið lítur á HARRAN!
Orðtøkini 16:21 Orðtøkini
Tann, sum er vísur í hjartanum, verður kallaður vitigur, og søtleiki varranna eykar lærdóm.
Orðtøkini 16:22 Orðtøkini
Klókskapur er teimum kelda lívsins, sum eiga hann, men straff dáranna er teirra egni dárskapur.
Orðtøkini 16:23 Orðtøkini
Hjarta hins vísa ger munn hansara vitigan og leggur meiri og meiri lærdóm á varrar hansara.
Orðtøkini 16:24 Orðtøkini
Mild orð eru sum rennandi hunangur, sálini søt og likaminum heilsubót.
Orðtøkini 16:25 Orðtøkini
Mong leið tykist manninum røtt – og so er endi hennara kortini leiðir deyðans!
Orðtøkini 16:26 Orðtøkini
Svongd arbeiðsmansins arbeiðir fyri hann, tí muður hansara koyrir undir hann.
Orðtøkini 16:27 Orðtøkini
Níðingurin grevur vanlukkugravir; tað er, sum eldur hevði brent á vørrum hansara.
Orðtøkini 16:28 Orðtøkini
Falskur maður elvir stríð, og oyratutl skilir vin frá vini.
Orðtøkini 16:29 Orðtøkini
Yvirgangskroppurin lokkar næsta sín og leiðir hann inn á veg, sum ikki er góður.
Orðtøkini 16:30 Orðtøkini
Tann, ið letur eyguni saman fyri at upphugsa svik, og tann, ið læsir saman varrarnar, hevur longu fullført hitt illa.
Orðtøkini 16:31 Orðtøkini
Grá hár eru vøkur krúna; hon er at finna á rættvísivegi.
Orðtøkini 16:32 Orðtøkini
Hin tolni er betri enn veldigur kappi; størri er at stýra sinni sínum enn at taka ein stað.
Orðtøkini 16:33 Orðtøkini
Í barminum verður luturin ristur, men hann fellur altíð, sum HARRIN vil.