páskarsunnudagur

Matteus 28:1 Matteus

Eftir sabbatin, táið lýsti av fyrsta degi í vikuni, komu Maria Magdalena og hin Maria út at hyggja at grøvini.

6

Matteus 28:2 Matteus

Tá varð stórur jarðskjálvti; tí eingil Harrans kom niður av Himli, steig til og velti burt steinin og setti seg á hann.

6

Matteus 28:3 Matteus

Hann var sum snarljós at síggja, og klæði hansara vóru hvít sum kavi.

6

Matteus 28:4 Matteus

Av ræðslu fyri honum skulvu teir, ið hildu vakt, og vórðu sum deyðir.

6

Matteus 28:5 Matteus

Men eingilin tók til orða og segði við kvinnurnar: „Ræðist ikki! Eg veit, at tit leita eftir Jesusi, hinum krossfesta.

6

Matteus 28:6 Matteus

Hann er ikki her; Hann er risin upp, sum Hann hevur sagt – komið og síggið staðið, har Harrin lá!

6

Matteus 28:7 Matteus

Og skundið tykkum avstað og sigið við lærisveinar Hansara, at Hann er risin upp frá hinum deyðu! Hann fer undan tykkum til Galilea; har skulu tit síggja Hann. Nú havi eg sagt tykkum tað.“

6

Matteus 28:8 Matteus

Tær skundaðu sær tá burtur frá grøvini við ótta og stórari gleði og lupu avstað at siga lærisveinum Hansara tað.

6

Matteus 28:9 Matteus

Men tá kom Jesus ímóti teimum og segði: „Heilar!“ Tá komu tær og tóku um føtur Hansara og tilbóðu Hann.

6

Matteus 28:10 Matteus

Jesus segði við tær: „Óttist ikki! Farið og sigið við brøður Mínar, at teir skulu fara til Galilea! Har skulu teir síggja Meg.“

6

Lukas 24:1 Lukas

Men fyrsta dagin í vikuni, tíðliga, í lýsingini, komu tær til grøvina og høvdu við sær hinar angandi urtirnar, ið tær høvdu gjørt til.

5

Lukas 24:2 Lukas

Og tær funnu steinin veltan frá grøvini.

5

Lukas 24:3 Lukas

Táið tær so fóru inn í hana, funnu tær ikki likam Harrans Jesusar.

5

Lukas 24:4 Lukas

Táið tær nú ikki vistu, hvat tær skuldu hugsa um hetta, stóðu hjá teimum tveir menn í skínandi klæðum.

5

Lukas 24:5 Lukas

Tær ræddust og boygdu andlit síni móti jørðini. Men teir søgdu við tær: „Hví leita tit eftir hinum livandi millum hini deyðu!

5

Lukas 24:6 Lukas

Hann er ikki her, Hann er risin upp; minnist tað, ið Hann talaði til tykkara, meðan Hann enn var í Galilea, hvussu Hann segði,

5

Lukas 24:7 Lukas

at Menniskjasonurin skuldi verða givin syndigum menniskjum upp í hendur og verða krossfestur og rísa upp aftur triðja dagin!“

5

Lukas 24:9 Lukas

Tær fóru nú avstað aftur frá grøvini og søgdu alt hetta fyri hinum ellivu og fyri øllum hinum.

5

Lukas 24:10 Lukas

Tað vóru Maria Magdalena, Jóhanna og Maria, móðir Jákup, og hinar kvinnurnar við teimum; tær søgdu ápostlunum hetta.

5

Lukas 24:11 Lukas

Men orð teirra tyktust teimum at vera leyst tos; teir trúðu teimum ikki.

5

Lukas 24:12 Lukas

Men Pætur reistist og leyp út til grøvina, og táið hann bukkaði seg niður, sá hann einki uttan línklæðini liggja har; hann fór tá aftur til hús í undran um tað, ið hent hevði.

5

Jóhannes 20:1 Jóhannes

Fyrsta dagin í vikuni kom Maria Magdalena tíðliga til grøvina, meðan enn var myrkt; hon sá tá, at steinurin var tikin frá grøvini.

5

Jóhannes 20:2 Jóhannes

Tá leyp hon avstað og kom til Símun Pætur og hin lærisveinin, hann, sum Jesus elskaði, og segði við teir: „Teir hava tikið Harran úr grøvini, og vit vita ikki, hvar teir hava lagt Hann!“

5

Jóhannes 20:3 Jóhannes

Pætur og hin lærisveinurin fóru tá avstað og komu til grøvina.

5

Jóhannes 20:4 Jóhannes

Teir lupu báðir avstað saman; men hin lærisveinurin rann undan, skjótari enn Pætur, og kom fyrr til grøvina.

5

Jóhannes 20:5 Jóhannes

Táið hann boygdi seg niður, sá hann línklæðini liggja har; men hann fór tó ikki inn.

5

Jóhannes 20:6 Jóhannes

Nú kom Símun Pætur – sum var aftan á honum; hann fór inn í grøvina og sá, at línklæðini lógu har,

5

Jóhannes 20:7 Jóhannes

og at sveittadúkurin, sum hevði verið á høvdi Hansara, lá ikki saman við línklæðunum, men lá samanlagdur á øðrum staði, fyri seg sjálvan.

5

Jóhannes 20:8 Jóhannes

Tá fór eisini hin lærisveinurin inn, hann, sum fyrr var komin til grøvina; og hann sá og trúði.

5

Jóhannes 20:9 Jóhannes

Tí enn skiltu teir ikki skriftina, at Hann skuldi rísa upp frá hinum deyðu.

5

Jóhannes 20:10 Jóhannes

Lærisveinarnir fóru tá heimaftur til sín sjálvs.

5

Jóhannes 20:11 Jóhannes

Men Maria stóð uttanfyri við grøvina og græt. Sum hon nú græt, boygdi hon seg niður og hugdi inn í grøvina;

5

Jóhannes 20:12 Jóhannes

hon sá tá tveir einglar í hvítum klæðum sita, annan við høvdalagið og annan við fótalagið, har sum likam Jesusar hevði ligið.

5

Jóhannes 20:13 Jóhannes

Teir søgdu við hana: „Kvinna, hví grætur tú?“ Hon svaraði teimum: „Tí teir hava tikið Harra mín, og eg veit ikki, hvar teir hava lagt Hann!“

5

Jóhannes 20:14 Jóhannes

Táið hon hetta hevði sagt, vendi hon sær og sá Jesus standa har; men hon visti ikki, at tað var Jesus.

5

Jesus segði við hana: „Kvinna, hví grætur tú? Hvørjum leitar tú eftir?“ Hon helt tað vera urtagarðsmannin og segði við Hann: „Harri, hevur Tú borið Hann burt, so sig mær, hvar Tú hevur lagt Hann, so skal eg taka Hann!“

5

Jóhannes 20:16 Jóhannes

Jesus segði við hana: „Maria!“ Tá vendi hon sær og segði við Hann á hebraiskum: „Rabbuni!“ (tað er meistari).

5

Jóhannes 20:17 Jóhannes

Jesus segði við hana: „Nem ikki við Meg! Eg eri ikki enn farin upp til Faðir Mín; nei, far til brøður Mínar og sig við teir, at Eg fari upp til Faðir Mín og Faðir tykkara, til Gud Mín og Gud tykkara!“

5

Jóhannes 20:18 Jóhannes

Maria Magdalena fór og segði lærisveinunum: „Eg havi sæð Harran!“ – og at Hann hevði sagt hetta við hana.

5

Markus 16:1 Markus

Táið sabbaturin var farin, keyptu Maria Magdelena, Maria, móðir Jákup, og Saloma angandi salvur til at fara og salva Hann.

4

Markus 16:2 Markus

Og ógvuliga tíðliga um morgunin fyrsta dagin í vikuni komu tær til grøvina, táið sólin kom undan.

4

Markus 16:3 Markus

Tær søgdu nú hvør við aðra: „Hvør skal velta okkum steinin frá gravarmunnanum?“

4

Markus 16:4 Markus

Men táið tær hugdu upp, fingu tær at síggja, at steinurin var veltur burtur; hann var ógvuliga stórur.

4

Markus 16:5 Markus

Og táið tær komu inn í grøvina, sóu tær ungan mann í síðum hvítum klæðum sita høgrumegin; og tær ræddust.

4

Markus 16:6 Markus

Men hann segði við tær: „Ræðist ikki! Tit leita eftir Jesusi úr Nazaret, hinum krossfesta; Hann er risin upp, Hann er ikki her; hyggið, har er staðið, har teir løgdu Hann!

4

Markus 16:7 Markus

Men farið avstað, sigið við lærisveinar Hansara og við Pætur, at Hann fer undan tykkum til Galilea. Har skulu tit síggja Hann, sum Hann hevur sagt tykkum.“

4

Markus 16:8 Markus

Tá fóru tær út og flýddu burtur frá grøvini; tí bivan og ræðsla var komin á tær; og tær søgdu ongum nakað, tí tær óttaðust.

4

Rómverjabrævið 14:9 Rómverjabrævið

Tí doyði jú Kristus og varð livandi aftur, at Hann skuldi vera Harri yvir bæði livandi og deyðum.

4

Esaias 53:5 Esaias

Men Hann varð særdur fyri brot okkara, soraður fyri misgerðir okkara; straffin varð løgd á Hann, so vit skuldu hava frið, og við sárum Hansara eru vit grødd.

3