nútíðarhendingar
75 versir um "nútíðarhendingar"
Versir
Síða 1 av 2Orðtøkini 3:21 Orðtøkini
– Sonur mín! Lat ikki vísdóm og klókskap víkja frá eygum tínum, gev teimum gætur!
Orðtøkini 12:25 Orðtøkini
Hjartasorg nívir til jarðar, men blídligt orð gleðir.
Lukas 21:24 Lukas
Tey skulu falla fyri svørðsegg og verða herleidd til allar tjóðir, og Jerusalem skal liggja niðurtraðkað av heidningum, inntil tíð heidninganna er at enda.
Lukas 21:25 Lukas
Tekin skulu vera í sól, mána og stjørnum, og á jørðini skal angist og vónloysi koma á tjóðirnar; tí havið og bylgjurnar brúsa,
Lukas 21:26 Lukas
og menniskju ørmaktast av ótta og angist fyri tí, sum yvir jarðarríki kemur; tí kreftir himmalsins skulu skakast.
Lukas 21:27 Lukas
Tá skal Menniskjasonurin verða sæddur koma í skýnum við mátti og miklari dýrd.
Efesusbrævið 5:11 Efesusbrævið
Og havið einki samfelag við verk myrkursins, sum ongan ávøkst bera, nei, revsið tey heldur!
Seinna Pætursbrævið 3:1 Seinna Pætursbrævið
Hetta er longu, tit elskaðu, annað brævið, eg skrivi tykkum; og í báðum havi eg við áminning vakt reina hug tykkara
Seinna Pætursbrævið 3:2 Seinna Pætursbrævið
til at minnast orðini, ið frammanundan eru talað av hinum heilagu profetum, og boð Harrans og Frelsarans, sum ápostlar tykkara hava kunngjørt.
Seinna Pætursbrævið 3:3 Seinna Pætursbrævið
Fyrst og fremst skulu tit vita hetta, at á síðstu døgum skulu koma spottarar, sum spotta og ganga eftir sínum egnu lystum
Seinna Pætursbrævið 3:4 Seinna Pætursbrævið
og siga: „Hvat verður av lyftinum um komu Hansara! Frá tí fedrarnir sovnaðu, er jú alt vorðið verandi, sum tað hevur verið, líka frá byrjan skapningsins!“
Seinna Pætursbrævið 3:5 Seinna Pætursbrævið
– Við vilja eru teir blindir fyri hesum, at frá fyrndartíð vóru himlar til, og jørð, sum var vorðin til av vatni og við vatni – við orði Guds;
Seinna Pætursbrævið 3:6 Seinna Pætursbrævið
og við tí gekk heimurin, ið tá var, undir í vatnflóðini.
Seinna Pætursbrævið 3:7 Seinna Pætursbrævið
Men himlarnir, ið nú eru, og jørðin, verða við sama orði goymd – eldinum! Tey verða hildin uppi – til tann dag hini gudleysu menniskju skulu verða dømd og ganga til grundar.
Seinna Pætursbrævið 3:8 Seinna Pætursbrævið
Men hesum eina mugu tit ikki vera blind fyri, tit elskaðu, at ein dagur er Harranum sum túsund ár, og túsund ár sum ein dagur.
Seinna Pætursbrævið 3:9 Seinna Pætursbrævið
Harrin er ikki seinførur við lyftinum – tóat summi halda tað vera seinføri – nei, Hann er langmóðigur fyri tykkara skuld; tí Hann vil ikki, at nakar skal fortapast, men at øll skulu koma til umvending.
Seinna Pætursbrævið 3:10 Seinna Pætursbrævið
Men dagur Harrans skal koma – sum tjóvur; tá skulu himlarnir forganga í hørðum duna, frumevnini loysast sundur í brennandi hita, og jørðin og alt, ið henni er á, brenna upp.
Seinna Pætursbrævið 3:11 Seinna Pætursbrævið
– Táið nú alt hetta loysist sundur – hvussu eiga tit tá ikki at stevna eftir heilagari atferð og gudsótta,
Seinna Pætursbrævið 3:12 Seinna Pætursbrævið
meðan tit vænta og skunda undir komu Guds dags, sum skal gera, at himlarnir loysast sundur í eldi, og frumevnini bráðna av brennandi hita!
Seinna Pætursbrævið 3:13 Seinna Pætursbrævið
Men vit vænta eftir lyfti Hansara nýggjar himlar og nýggja jørð, har rættvísi býr.
Seinna Pætursbrævið 3:14 Seinna Pætursbrævið
Táið tit nú, elskaðu míni, vænta hetta, so leggið tykkum eina við at finnast lýtaleys og ólastandi fyri Honum, í friði!
Seinna Pætursbrævið 3:15 Seinna Pætursbrævið
Og roknið langmóð Harra okkara fyri frelsu! Hetta er tað, sum elskaði bróðir okkara Paulus hevur skrivað tykkum eftir vísdóminum, ið honum er givin.
Seinna Pætursbrævið 3:16 Seinna Pætursbrævið
Tað ger hann eisini í øllum brøvum sínum, táið hann í teimum talar um hetta; í teimum er eitt og annað, sum torført er at skilja, og sum hini ólærdu og ófestu útleggja skeivt – hetta gera tey eisini við hinar skriftirnar, sær sjálvum til undirgang.
Seinna Pætursbrævið 3:17 Seinna Pætursbrævið
Táið tit nú vita hetta frammanundan, elskaðu míni, so varðið tykkum, at tit verða ikki rivin við av villu hinna gudleysu og falla úr tykkara egnu føstu støðu,
Seinna Pætursbrævið 3:18 Seinna Pætursbrævið
nei, vaksið í náði og kunnskapi Harra og Frelsara okkara Jesu Krists! Honum veri dýrdin, bæði nú og í allar ævir! Amen.
Fyrsta Mósebók 12:1 Fyrsta Mósebók
HARRIN segði við Ábram: „Far úr landi tínum, frá skyldfólki tínum og frá húsi faðirs tíns – til landið, ið Eg skal vísa tær!
Fyrsta Mósebók 12:2 Fyrsta Mósebók
Eg skal gera teg til stórt fólk; Eg skal signa teg og gera navn títt stórt, og tú skalt verða signing.
Fyrsta Mósebók 12:3 Fyrsta Mósebók
Eg skal signa tey, ið signa teg, og tann, ið tær bannar, honum skal Eg banna; og í tær skulu allar ættir á jørðini verða signaðar.“
Fyrsta Mósebók 12:4 Fyrsta Mósebók
Ábram fór tá avstað, sum HARRIN hevði sagt við hann, og Lot fór við honum. Ábram var 75 ár, táið hann fór úr Karan.
Fyrsta Mósebók 12:5 Fyrsta Mósebók
Ábram tók Sárai, konu sína, og Lot, bróðurson sín, og alt tað, ið teir áttu – sum teir høvdu savnað sær – og fólkið, ið teir høvdu fingið sær í Karan; og tey fóru avstað og tóku leiðina móti Kána’anslandi – og komu til Kána’ansland.
Fyrsta Mósebók 12:6 Fyrsta Mósebók
Ábram ferðaðist nú gjøgnum landið, líka til tað heilaga staðið í Sikem, til eikina More. – Tá búðu Kána’anitar har í landinum.
Fyrsta Mósebók 12:7 Fyrsta Mósebók
Men HARRIN opinberaði Seg fyri Ábrami og segði: „Avkomi tínum gevi Eg hetta landið!“ Tá reisti hann har HARRANUM altar, Honum, sum hevði opinberað Seg fyri honum.
Fyrsta Mósebók 12:8 Fyrsta Mósebók
Síðani fór hann haðani og fór til fjøllini eystan fyri Betel; har reisti hann tjald sítt, so hann hevði Betel vestanfyri og Ai eystanfyri. Og hann reisti har HARRANUM altar og ákallaði navn HARRANS.
Fyrsta Mósebók 12:9 Fyrsta Mósebók
Haðani flutti Ábram seg so við og við móti Suðurlandinum.
Fyrsta Mósebók 12:10 Fyrsta Mósebók
Nú kom hungursneyð í landinum; tá fór Ábram til Egyptalands at búgva har sum fremmandur, við tað at hungursneyðin var so svár í landinum.
Fyrsta Mósebók 12:11 Fyrsta Mósebók
Táið nú ikki var langt eftir hjá honum til Egyptalands, segði hann við Sárai, konu sína: „Eg veit, tú ert ein vøkur kvinna.
Fimta Mósebók 31:8 Fimta Mósebók
HARRIN – Hann, sum gongur á odda hjá tær – Hann skal vera við tær; Hann skal ikki sleppa tær og ikki fara frá tær; tú skalt ikki óttast og ikki ræðast!“
Sálmarnir 52:2 Sálmarnir
Táið Doeg Edomitur kom og segði Saul frá, at Dávid var farin inn hjá Ahimelek.
Prædikarin 3:1 Prædikarin
Alt hevur stund sína, og hvør fyritøka undir himli hevur tíð sína.
Prædikarin 3:2 Prædikarin
At verða føddur hevur tíð sína, og at doyggja hevur tíð sína; at planta hevur tíð sína, og at ríva upp tað, ið plantað er, hevur tíð sína;
Prædikarin 3:3 Prædikarin
at drepa hevur tíð sína, og at grøða hevur tíð sína; at ríva niður hevur tíð sína, og at byggja upp hevur tíð sína;
Prædikarin 3:4 Prædikarin
at gráta hevur tíð sína, og at læa hevur tíð sína; at syrgja hevur tíð sína, og at dansa hevur tíð sína;
Prædikarin 3:5 Prædikarin
at kasta burtur steinar hevur tíð sína, og at sanka steinar hevur tíð sína; at taka í favn hevur tíð sína, og at halda seg frá favntaki hevur tíð sína;
Prædikarin 3:6 Prædikarin
at leita hevur tíð sína, og at missa hevur tíð sína; at goyma hevur tíð sína, og at kasta burtur hevur tíð sína;
Prædikarin 3:7 Prædikarin
at skræða sundur hevur tíð sína, og at seyma saman hevur tíð sína; at tiga hevur tíð sína, og at tala hevur tíð sína;
Prædikarin 3:8 Prædikarin
at elska hevur tíð sína, og at hata hevur tíð sína; ófriður hevur tíð sína, og friður hevur tíð sína.
Rómverjabrævið 15:13 Rómverjabrævið
Gud vónarinnar fylli tykkum við allari gleði og øllum friði í trúnni, so tit kunnu vera rík í vónini við kraft Heilaga Andans!
Ezekiel 38:1 Ezekiel
Orð HARRANS kom til mín; Hann segði:
Ezekiel 38:2 Ezekiel
Menniskjasonur! Vend andliti tínum móti Gog í Magogslandi, høvdinga yvir Ros, Mesek og Tubal – profetera móti honum!
Ezekiel 38:3 Ezekiel
Tú skalt siga: So sigur Harrin HARRIN: Eg komi yvir teg, Gog, høvdingi yvir Ros, Mesek og Tubal!