Nablus
68 versir um "Nablus"
Versir
Síða 2 av 2Dómararnir 9:44 Dómararnir
Abimelek og flokkurin, ið við honum var, lupu fram og tóku støðu við býportrið; men hinir báðir flokkarnir herjaðu á tey, sum úti á markini vóru, og høgdu tey niður.
Dómararnir 9:45 Dómararnir
Og eftir at Abimelek allan dagin ígjøgnum hevði gjørt álop á býin, tók hann hann, drap fólkið har, breyt býin niður og stroyddi salt á hann.
Dómararnir 9:46 Dómararnir
Táið menninir í Sikemsborg hoyrdu hetta, fóru teir allir inn í tornið, sum hoyrdi til tempul El-Berits.*
Dómararnir 9:47 Dómararnir
Við tað sama sum Abimelek fekk at vita, at allir menninir í Sikemsborg høvdu savnað seg,
Dómararnir 9:48 Dómararnir
fór hann við øllum monnum sínum niðan á Zalmonfjall. Har tók hann eina øks og høgdi greinar av trøunum, tók tær upp, legði tær á økslina og segði við menninar, ið við honum vóru: „Skundið tykkum og gerið tað sama, sum tit sóu, eg gjørdi!“
Dómararnir 9:49 Dómararnir
Allir menninir høgdu tá hvør sína byrði av greinum og fylgdu eftir Abimelek; so løgdu teir greinarnar upp við torninum og settu við teimum eld á tornið. Soleiðis doyði eisini alt fólkið í Sikemsborg, úti við 1000 menn og kvinnur.
Dómararnir 9:50 Dómararnir
Síðani fór Abimelek til Tebez, og hann kringsetti staðin og tók hann.
Dómararnir 9:51 Dómararnir
Inni í býnum var sterkt torn; hagar flýddu bæði menn og kvinnur, øll, sum í býnum vóru; og tey stongdu eftir sær og fóru upp á takið á torninum.
Dómararnir 9:52 Dómararnir
Abimelek helt tá fram at torninum og kringsetti tað; men táið hann gekk fram at portri tornsins og ætlaði at seta eld á tað,
Dómararnir 9:53 Dómararnir
kastaði kvinna kvarnarstein niður á høvd hansara og soraði skallan.
Dómararnir 9:54 Dómararnir
Abimelek rópti tá skundisliga á vápnasvein sín: „Drag svørðið og drep meg, so ikki skal verða sagt, at kvinna hevur dripið meg!“ Vápnasveinurin stakk tá svørðið ígjøgnum hann, so hann doyði.
Dómararnir 9:55 Dómararnir
Men táið Ísraelsmenn sóu, at Abimelek var deyður, fóru teir hvør heim til sín.
Dómararnir 9:56 Dómararnir
Soleiðis hevndi Gud illgerðina, ið Abimelek gjørdi faðir sínum, táið hann drap teir 70 brøður sínar.
Dómararnir 9:57 Dómararnir
Og alt tað ónda, ið Sikemsmenn høvdu gjørt, læt Gud koma oman yvir teirra egna høvd. Á henda hátt kom bann Jótams, sonar Jerubba’als, oman yvir teir.
Jóhannes 4:5 Jóhannes
So kom Hann til bý í Samaria, sum eitur Sikar, stutt frá jarðarstykkinum, ið Jákup gav Jósefi, syni sínum.
Jóhannes 4:6 Jóhannes
Har var brunnur Jákups. Jesus – sum var móður av ferðini – sat nú har við brunnin; tað var um sætta tíman.
Jeremias 41:5 Jeremias
komu menn úr Sikem, Silo og Samaria, 80 menn, við skegginum rakaðum av, við skræddum klæðum og við skurðum í holdinum; teir høvdu við sær matoffur og roykilsi til at bera fram í húsi HARRANS.
Ápostlasøgan 8:25 Ápostlasøgan
Táið teir nú høvdu vitnað og talað orð Harrans, fóru teir aftur til Jerusalem, og teir kunngjørdu evangeliið í nógvum av bygdum Samverja.