maður skal ikki liggja hjá manni
43 versir um "maður skal ikki liggja hjá manni"
Versir
Síða 1 av 1Triðja Mósebók 18:22 Triðja Mósebók
Tú mást ikki liggja hjá mannfólki, soleiðis sum ein liggur hjá kvinnu – tað er andstygd!
Triðja Mósebók 20:13 Triðja Mósebók
Liggur maður hjá øðrum manni, sum ligið verður hjá kvinnu, so hava teir báðir gjørt viðurstyggiliga gerð; teir skulu lata lív, blóðskyld hvílir á teimum!
Fyrra Korintbrævið 6:9 Fyrra Korintbrævið
Vita tit ikki, at hini órættvísu skulu ikki arva ríki Guds? Villist ikki! Hvørki siðloysingar, avgudadýrkarar ella horkallar, hvørki tey, sum lata seg brúka til synd móti náttúruni, ella tey, sum gera hesa synd,
Fyrra Korintbrævið 6:10 Fyrra Korintbrævið
hvørki tjóvar, havisjúk ella drykkjumenn, hvørki baktalarar ella ránsmenn skulu arva ríki Guds!
Rómverjabrævið 1:26 Rómverjabrævið
Tí gav Gud tey upp til vanærandi lystir: Kvinnur teirra skiftu hin náttúrliga umgangin um við tann, sum er ímóti náttúruni;
Rómverjabrævið 1:27 Rómverjabrævið
og somuleiðis hildu eisini menninir uppat við hinum náttúrliga umganginum við kvinnuna og brendu í lysti sínum hvør eftir øðrum, so at menn drivu skemdarverk við monnum – og fingu á sær sjálvum lønina fyri villu sína – sum rætt var.
Rómverjabrævið 1:28 Rómverjabrævið
Og sum tey hildu tað einki vera vert at hava kunnskapin um Gud, so gav eisini Gud tey upp til sinni, ið einki er vert, til at gera tað, sum ósømiligt er
Onnur Mósebók 22:19 Onnur Mósebók
Ein og hvør, ið hevur við kríatúr at gera, skal lata lív.
Triðja Mósebók 18:1 Triðja Mósebók
HARRIN talaði framvegis við Móses og segði:
Triðja Mósebók 18:2 Triðja Mósebók
„Tala við Ísraelsmenn og sig við teir: „Eg eri HARRIN Gud tykkara!
Triðja Mósebók 18:3 Triðja Mósebók
Tit mugu ikki bera tykkum at, sum tey bera seg at í Egyptalandi, har sum tit hava búð, ei heldur, sum tey bera seg at í Kána’anslandi, sum Eg lati tykkum koma í – tit mugu ikki fylgja eftir siðum teirra.
Triðja Mósebók 18:4 Triðja Mósebók
Eftir boðum Mínum skulu tit gera, og lógir Mínar skulu tit halda, so tit fylgja eftir teimum. – Eg eri HARRIN Gud tykkara!
Triðja Mósebók 18:5 Triðja Mósebók
Ja, tit skulu halda lógir Mínar og boð Míni; tað menniskja, ið ger eftir teimum, skal liva við teimum – Eg eri HARRIN!
Triðja Mósebók 18:6 Triðja Mósebók
Eingin av tykkum má koma nakrari kvinnu nær, sum er nærskyld við hann, so hann lyftir burtur av blygd hennara. – Eg eri HARRIN!
Triðja Mósebók 18:7 Triðja Mósebók
Tú mást ikki lyfta burtur av blygd faðirs tíns – við at lyfta burtur av blygd móður tínar; hon er móðir tín, tú mást ikki lyfta burtur av blygd hennara!
Triðja Mósebók 18:8 Triðja Mósebók
Tú mást ikki lyfta burtur av blygd konu faðirs tíns – tað er blygd faðirs tíns!
Triðja Mósebók 18:9 Triðja Mósebók
Tú mást ikki lyfta burtur av blygd systur tínar – hon veri nú dóttir faðir tín ella dóttir móður tína, hon veri nú fødd heima ella uttan fyri heimið.
Triðja Mósebók 18:10 Triðja Mósebók
Tú mást ikki lyfta burtur av blygd sonardóttur ella dótturdóttur tínar – tað er tín egna blygd!
Triðja Mósebók 18:11 Triðja Mósebók
Blygd dóttur konu faðirs tíns – sum hon eigur við faðir tínum – mást tú ikki lyfta burtur av – hon er systir tín!
Triðja Mósebók 18:12 Triðja Mósebók
Tú mást ikki lyfta burtur av blygd faðirsystur tínar – hon er nærskyld við faðir tín!
Triðja Mósebók 18:13 Triðja Mósebók
Tú mást ikki lyfta burtur av blygd móðursystur tínar – hon er nærskyld við móður tína!
Triðja Mósebók 18:14 Triðja Mósebók
Tú mást ikki lyfta burtur av blygd pápabeiggja tíns – konu hansara mást tú ikki koma nær; hon er faðirsystir tín!
Triðja Mósebók 18:15 Triðja Mósebók
Tú mást ikki lyfta burtur av blygd sonarkonu tínar; hon er kona son tín, burtur av blygd hennara mást tú ikki lyfta!
Triðja Mósebók 18:16 Triðja Mósebók
Tú mást ikki lyfta burtur av blygd bróðurkonu tínar – tað er blygd bróður tíns!
Triðja Mósebók 18:17 Triðja Mósebók
Hevur tú lyft burtur av blygdini á eini kvinnu, so mást tú ikki eisini lyfta burtur av blygd dóttur hennara; heldur ikki sonardóttur ella dótturdóttur hennara mást tú taka og lyfta burtur av blygd teirra; tær eru jú nærskyldar við hana, slíkt er skammiligur atburður!
Triðja Mósebók 18:18 Triðja Mósebók
Tú mást ikki giftast við konusystur tíni, meðan kona tín livir, so at tú setur ilt ímillum tær við at lyfta burtur av blygdini á báðum.
Triðja Mósebók 18:19 Triðja Mósebók
Tú mást ikki koma kvinnu nær og lyfta burtur av blygd hennara, meðan hon hevur mánasjúku sína.
Triðja Mósebók 18:20 Triðja Mósebók
Tú mást ikki liggja hjá konu næsta tíns og gera teg óreinan við henni.
Triðja Mósebók 18:21 Triðja Mósebók
Tú mást ikki geva avkom títt at verða ofrað til Molok; tú mást ikki vanhalga navn Guds tíns. – Eg eri HARRIN!
Triðja Mósebók 18:23 Triðja Mósebók
Tú mást ikki hava við nakað kríatúr at gera og gera teg óreinan við tí; ei heldur má nøkur kvinna lata nakað kríatúr hava við seg at gera – tað er skemdargerð!
Triðja Mósebók 18:24 Triðja Mósebók
Gerið tykkum ikki órein við nøkrum slíkum! Við øllum slíkum gjørdu tey seg órein, heidningafólkini, ið Eg reki út fyri tykkum.
Triðja Mósebók 18:25 Triðja Mósebók
Av hesum varð landið óreint, og Eg heimsøkti tað fyri misgerð teirra, so at landið spýði út íbúgvar sínar.
Triðja Mósebók 18:26 Triðja Mósebók
Haldið tit tí lógir Mínar og boð Míni, bæði tit sjálv og hin fremmandi, ið hjá tykkum býr, og gerið ongar av hesum viðurstyggiligu gerðum!
Triðja Mósebók 18:27 Triðja Mósebók
Tí alt hetta viðurstyggiliga gjørdu tey, ið búðu í landinum fyri tykkum, og soleiðis varð landið óreint.
Triðja Mósebók 18:28 Triðja Mósebók
Annars skal landið spýggja tykkum út, tí tit gera tað óreint, sum tað spýði út fólkið, ið var har fyri tykkum.
Triðja Mósebók 18:29 Triðja Mósebók
Tí ein og hvør, ið ger okkurt av hesum viðurstyggiliga, skal verða týndur úr fólki sínum – ja, hvør tann, ið slíkt ger!
Triðja Mósebók 18:30 Triðja Mósebók
Aktið tí eftir boðunum, ið Eg gevi tykkum, og takið ikki eftir nøkrum av teimum viðurstyggiligu siðum, ið tey hava havt undan tykkum, so tit gera tykkum órein við teimum! – Eg eri HARRIN Gud tykkara!““
Rómverjabrævið 1:29 Rómverjabrævið
– fylt upp av alskyns órættvísi, ilsku, havisjúku, óndskapi; tey eru full av øvund, morði, klandri, sviki, rangvørgum sinni;
Rómverjabrævið 1:30 Rómverjabrævið
tey eru oyrnatutl, baktalarar, gudhatarar, yvirgangskroppar, hugmóðig, geiparar, duga væl at finna upp ilt, foreldrum ólýðin,
Rómverjabrævið 1:31 Rómverjabrævið
skilaleys, trúleys, kærleiksleys, miskunnarleys.
Rómverjabrævið 1:32 Rómverjabrævið
Og tóat tey kenna rættvísa dóm Guds, at tey, sum slíkt gera, eru deyðasek, gera tey tað kortini ikki bert, men halda eisini við teimum, sum gera tað.
Fyrsta Mósebók 2:24 Fyrsta Mósebók
Tí fer maðurin frá faðir og móður og heldur seg til konu sína, og tey bæði verða eitt hold.
Fyrra Timoteusarbrævið 1:10 Fyrra Timoteusarbrævið
siðloysingar, tey, sum synda móti náttúruni, menniskjatjóvar, lygnarar, meinsvorin – og alt annað, sum er ímóti hini heilnæmu læru,