Maria Magdalena

Lukas 8:1 Lukas

Eftir hetta ferðaðist Hann um gjøgnum býir og bygdir og prædikaði og kunngjørdi evangeliið um ríki Guds, og hinir tólv við Honum,

5

Lukas 8:2 Lukas

somuleiðis nakrar kvinnur, ið grøddar vóru frá illum andum og sjúkum: Maria, ið kallaðist Magdalena, sum sjey illir andar vóru farnir út úr,

5

Lukas 8:3 Lukas

Jóhanna, sum gift var við Kuza, húsfúta Heródesar, Súsanna og mangar aðrar, ið tæntu teimum við tí, sum tær áttu.

5

Markus 16:9 Markus

Men táið Hann var risin upp, árla fyrsta dagin í vikuni, opinberaðist Hann fyrst fyri Mariu Magdalenu, sum Hann hevði rikið sjey illar andar út úr.

4

Jóhannes 19:25 Jóhannes

Við kross Jesusar stóðu móðir Hansara og systir móður Hansara, Maria, kona Klopas, og Maria Magdalena.

4

Jóhannes 20:11 Jóhannes

Men Maria stóð uttanfyri við grøvina og græt. Sum hon nú græt, boygdi hon seg niður og hugdi inn í grøvina;

4

Jóhannes 20:12 Jóhannes

hon sá tá tveir einglar í hvítum klæðum sita, annan við høvdalagið og annan við fótalagið, har sum likam Jesusar hevði ligið.

4

Jóhannes 20:13 Jóhannes

Teir søgdu við hana: „Kvinna, hví grætur tú?“ Hon svaraði teimum: „Tí teir hava tikið Harra mín, og eg veit ikki, hvar teir hava lagt Hann!“

4

Jóhannes 20:14 Jóhannes

Táið hon hetta hevði sagt, vendi hon sær og sá Jesus standa har; men hon visti ikki, at tað var Jesus.

4

Jesus segði við hana: „Kvinna, hví grætur tú? Hvørjum leitar tú eftir?“ Hon helt tað vera urtagarðsmannin og segði við Hann: „Harri, hevur Tú borið Hann burt, so sig mær, hvar Tú hevur lagt Hann, so skal eg taka Hann!“

4

Jóhannes 20:16 Jóhannes

Jesus segði við hana: „Maria!“ Tá vendi hon sær og segði við Hann á hebraiskum: „Rabbuni!“ (tað er meistari).

4

Jóhannes 20:17 Jóhannes

Jesus segði við hana: „Nem ikki við Meg! Eg eri ikki enn farin upp til Faðir Mín; nei, far til brøður Mínar og sig við teir, at Eg fari upp til Faðir Mín og Faðir tykkara, til Gud Mín og Gud tykkara!“

4

Jóhannes 20:18 Jóhannes

Maria Magdalena fór og segði lærisveinunum: „Eg havi sæð Harran!“ – og at Hann hevði sagt hetta við hana.

4

Markus 15:40 Markus

Har vóru eisini nakrar kvinnur, ið stóðu langt burturfrá og hugdu at; millum teirra vóru eisini Maria Magdalena og Maria, móðir yngra Jákup og Jóses, og Saloma –

3

Markus 15:47 Markus

Men Maria Magdalena og Maria, móðir Jóses, sóu, hvar Hann varð lagdur.

3

Markus 16:1 Markus

Táið sabbaturin var farin, keyptu Maria Magdelena, Maria, móðir Jákup, og Saloma angandi salvur til at fara og salva Hann.

3

Lukas 24:10 Lukas

Tað vóru Maria Magdalena, Jóhanna og Maria, móðir Jákup, og hinar kvinnurnar við teimum; tær søgdu ápostlunum hetta.

3

Jóhannes 20:1 Jóhannes

Fyrsta dagin í vikuni kom Maria Magdalena tíðliga til grøvina, meðan enn var myrkt; hon sá tá, at steinurin var tikin frá grøvini.

3

Matteus 27:56 Matteus

Millum teirra var Maria Magdalena, Maria, móðir Jákup og Jóses, og móðir Zebedeussynirnar.

2

Matteus 27:61 Matteus

Men Maria Magdalena og hin Maria vóru har; tær sótu beint yvir av grøvini.

2

Matteus 28:1 Matteus

Eftir sabbatin, táið lýsti av fyrsta degi í vikuni, komu Maria Magdalena og hin Maria út at hyggja at grøvini.

2

Lukas 7:36 Lukas

Ein av Farisearunum bað Hann koma og eta hjá sær; Hann fór tá inn hjá Farisearanum og setti Seg til borðs.

2

Lukas 7:37 Lukas

Og har í býnum var syndafull kvinna; táið hon fekk at vita, at Hann sat til borðs heima hjá Farisearanum, kom hon við alabasturkrukku við salvu

2

Lukas 7:38 Lukas

og stóð aftan fyri Hann, við føtur Hansara, græt og fór at væta føtur Hansara við tárum sínum, turkaði teir við hári sínum, kysti føtur Hansara og salvaði teir við salvuni.

2

Lukas 7:39 Lukas

Táið nú Farisearin, ið hevði boðið Honum inn, sá hetta, segði hann við sær sjálvum: „Var hesin profetur, so visti Hann, hvør og hvussu henda kvinna er, ið nemur við Hann, at hon er syndafull kvinna.“

2

Lukas 7:40 Lukas

Tá tók Jesus til orða og segði við hann: „Símun, Eg havi nakað at siga við teg!“ Hann svaraði: „Meistari, sig tað!“

2

Lukas 7:41 Lukas

„Ein maður, ið lænti út pening, átti hjá tveimum; annar skyldaði honum 500 denarar, og annar 50.

2

Lukas 7:42 Lukas

Við tað at teir nú einki áttu at gjalda við, gav hann báðum tað eftir. Hvør teirra man nú fara at elska hann meiri?“

2

Lukas 7:43 Lukas

Símun svaraði: „Eg haldi, tann, ið hann gav meiri eftir.“ Tá segði Hann við hann: „Tú dømdi beint!“

2

Lukas 7:44 Lukas

So vendi Hann Sær móti kvinnuni og segði við Símun: „Sært tú hesa kvinnu! Eg kom inn hjá tær – tú gavst Mær ikki vatn til føtur Mínar, men hon vætti føtur Mínar við tárum sínum og turkaði teir við hári sínum.

2

Lukas 7:45 Lukas

Tú gavst Mær ongan koss, men hon helt ikki uppat at kyssa føtur Mínar, frá tí Eg kom inn.

2

Lukas 7:46 Lukas

Tú salvaði ikki høvd Mítt við olju, men hon salvaði føtur Mínar við salvu.

2

Lukas 7:47 Lukas

Tí sigi Eg tær: Hinar mongu syndir hennara eru henni fyrigivnar – hon hevur jú elskað nógv. Men tann, ið lítið verður fyrigivið, elskar lítið.“

2

Lukas 7:48 Lukas

So segði Hann við hana: „Syndir tínar eru fyrigivnar.“

2

Lukas 7:49 Lukas

Tá fóru teir, ið sótu til borðs við Honum, at siga við sær sjálvum: „Hvør er hesin, ið líka fyrigevur syndir!“

2

Lukas 7:50 Lukas

Men Hann segði við kvinnuna: „Trúgv tín hevur frelst teg; far í friði!“

2

Lukas 8:4 Lukas

Táið nú nógv fólk streymaði saman, og tey fóru út til Hansara úr hvørjum býi, segði Hann í líknilsi:

2

Lukas 8:5 Lukas

„Sáðmaður fór út at sáa sáð sítt. Í tí hann sáaði, fall nakað við vegin; tað varð traðkað niður, og fuglar himmalsins ótu tað upp.

2

Lukas 8:6 Lukas

Nakað fall í gaddajørð; táið tað vaks upp, følnaði tað, av tí at tað hevði ikki vætu.

2

Lukas 8:7 Lukas

Nakað fall mitt ímillum tornir; men tornirnir vuksu upp við og køvdu tað.

2

Lukas 8:8 Lukas

Men nakað fall í góða jørð; tað vaks upp og bar hundraðfalda grøði.“ Í tí Hann segði hetta, rópti Hann: „Tann, ið oyru hevur at hoyra við, hann hoyri!“

2

Lukas 8:9 Lukas

Tá spurdu lærisveinar Hansara Hann, hvat hetta líknilsi hevði at týða.

2

Lukas 8:10 Lukas

Hann segði: „Tykkum er givið at kenna loyndarmál Guds ríkis; men hinum verður tað givið í líknilsum, fyri at tey við síggjandi eygum einki skulu síggja og við hoyrandi oyrum einki fata.

2

Lukas 8:11 Lukas

Men hetta er líknilsið: Sáðið er orð Guds.

2

Lukas 8:12 Lukas

Og tey við vegin eru tey, sum hoyra tað; men so kemur Djevulin og tekur burt orðið úr hjarta teirra, fyri at tey skulu ikki trúgva og verða frelst.

2

Lukas 8:13 Lukas

Tey í gaddajørð eru tey, sum taka við orðinum við gleði, táið tey hoyra tað; men hesi hava ikki rót; tey trúgva eina tíð og falla frá freistingarstundina.

2

Lukas 8:14 Lukas

Tað, sum fall millum tornir, eru tey, ið hava hoyrt og so fara avstað og verða køvd av stúran og ríkidømi og lystum lívsins og bera ikki búnan ávøkst.

2

Lukas 8:15 Lukas

Men tað í hini góðu jørðini eru tey, sum, táið tey hava hoyrt orðið, goyma tað í vøkrum og góðum hjarta og bera ávøkst í tolni.

2

Lukas 8:16 Lukas

Eingin, ið tendrar ljós, fjalir tað undir ílati ella setur tað undir song; nei, hann setur tað í ljósastaka, fyri at tey, sum inn koma, kunnu síggja ljósið.

2

Lukas 8:17 Lukas

Tí einki er dult, sum ikki skal koma upp, og einki er loynt, sum ikki skal verða kunnigt og koma fyri ljósið.

2

Versir