Lurvilig fólk
82 versir um "Lurvilig fólk"
Versir
Síða 1 av 2Titusarbrævið 1:16 Titusarbrævið
Tey siga, at tey kenna Gud, men tey avnokta Hann við verkum sínum; tí tey eru andstyggilig og ólýðin og duga einki gott verk til.
Fyrra Pætursbrævið 5:8 Fyrra Pætursbrævið
Verið edrú, vakið! Mótstøðumaður tykkara, Djevulin, gongur um sum brølandi leyva og leitar eftir, hvørjum hann fær gloypt.
Fyrra Pætursbrævið 5:9 Fyrra Pætursbrævið
Standið honum ímóti, føst í trúnni! Tit vita jú, at hesar somu líðingar eru lagdar á brøður tykkara í heiminum.
Fyrra Pætursbrævið 5:10 Fyrra Pætursbrævið
Men Gud alrar náði, sum kallaði tykkum til ævigu dýrd Sína í Kristi Jesusi eftir líðing stutta tíð, Hann skal fullkoma, staðfesta, styrkja, grundfesta tykkum
Seinna Pætursbrævið 2:3 Seinna Pætursbrævið
Í havisjúku skulu teir – við orðum, sum teir einki meina við – nýta tykkum til at fáa sær vinning. Men dómurin yvir teir stendur frá gamlari tíð ikki stillur, og undirgangur teirra svevur ikki.
Esaias 30:1 Esaias
Vei hinum fráfalnu børnum, sigur HARRIN, teimum, sum fullføra ráð ið ikki eru frá Mær, og gera sáttmála, uttan at Andi Mín er við, so tey dunga synd oman á synd,
Esaias 30:2 Esaias
tey, sum fara suður til Egyptalands uttan at hava ráðlagt við Meg, at leita sær eftir vernd hjá Farao og søkja sær lívd í skugga Egyptalands!
Esaias 30:3 Esaias
Men vernd Faraos skal verða tykkum til skomm, og lívdin í skugga Egyptalands til skemd.
Esaias 30:4 Esaias
– Tí høvdingar teirra* eru komnir til Zoan, og sendiboð teirra koma líka til Hanes.
Esaias 30:5 Esaias
– Allir verða teir til skammar av tjóð, ið ikki er ment at hjálpa teimum, ikki er til gagn og bata, men eina til skomm og vanæru.
Esaias 30:6 Esaias
Spádómur um dýrini, sum fara suðureftir. Um land við vanda og angist, sum honleyva og leyva hava tilhald í, haraftrat høggormur og flogdreki, føra teir á eslabaki góðs sítt og á kamelakúlum skattir sínar til tjóð, ið ikki er ment at hjálpa teimum!
Esaias 30:7 Esaias
Aldri nakrantíð skal Egyptaland hjálpa! Tí kalli Eg tað: „Stórskrólarin, ið einki avrikar!“
Esaias 30:8 Esaias
Far nú og skriva tað á talvu, so tey síggja, og merk tað upp í bók, so tað á komandi tíðum og í allar ævir kann standa sum vitnisburður!
Esaias 30:9 Esaias
Tí tað er ólýðið fólk, trúleys børn, børn, ið ikki vilja hoyra lóg HARRANS,
Esaias 30:10 Esaias
sum siga við síggjararnar: „Síggið ongar sjónir!“ og við profetarnar: „Tit skulu ikki profetera fyri okkum tað, ið rætt er! Talið okkum smikrandi orð, skoðið okkum tað, ið svikaligt er,
Esaias 30:11 Esaias
víkið burt av leiðini, sneiðið av gøtuni, latið okkum vera í friði fyri hinum Heilaga Ísraels!“
Esaias 30:12 Esaias
Tí sigur hin Heilagi Ísraels so: „Við tað at tit vraka hetta orð og líta á yvirgang og sniðgøtur – og styðja tykkum á slíkt –
Esaias 30:13 Esaias
skal hetta misbrot verða tykkum sum hóttandi, vaksandi riva á høgum múri, sum knappliga, í eygnabragdi, raplar niður;
Esaias 30:14 Esaias
hann verður brotin sundur, eins og leirílat verður sorað og ikki spart, so ikki so frægt brot fæst av molunum, sum eldur berst við av eldstaðnum, ella vatn oysist við úr brunninum.“
Esaias 30:15 Esaias
Tí so segði Harrin HARRIN, hin heilagi Ísraels: „Venda tit við og halda tykkum í friði, skulu tit verða frelst; í stilli og áliti skal styrki tykkara vera.“ – Men tit vildu ikki!
Esaias 30:16 Esaias
Tit søgdu: „Nei, á hestum skulu vit fúka!“ – Tí skulu tit flýggja! – „Og á kvikum gangarum skulu vit ríða!“ – Tí skulu teir, ið jagstra tykkum, vera kvikir!
Esaias 30:17 Esaias
Túsund skulu flýggja fyri hóttan eins mans; bert fimm menn hótta, skulu tit flýggja, inntil tað, ið eftir er av tykkum, er sum flaggstong á fjalstindi og sum hermerki á heyggi.
Esaias 30:18 Esaias
Tí drálar HARRIN at náða tykkum, og tí heldur Hann Seg langt burtur – á hæddini – við miskunn Síni móti tykkum; tí HARRIN er Gud dómsins – sæl eru øll tey, sum bíða eftir Honum.
Esaias 30:19 Esaias
Ja, tú fólk, sum býrt í Zion, í Jerusalem, tú skalt ikki støðugt gráta; Hann skal vera tær náðigur, táið tú rópar; táið Hann hoyrir tað, svarar Hann tær.
Esaias 30:20 Esaias
Harrin skal geva tykkum neyðarbreyð og trongdarvatn; og tá skulu lærarar tínir ikki fjala seg longur, nei, eygu tíni skulu síggja lærarar tínar.
Esaias 30:21 Esaias
Og táið tú fert av leið – til høgru ella til vinstru – skulu oyru tíni hoyra orð ljóða aftan fyri teg: „Hetta er vegurin, gangið eftir honum!“
Esaias 30:22 Esaias
Tá skalt tú meta óreinar silvurpláturnar á útskornu myndum tínum og gullpláturnar á stoyptu myndum tínum; tú skalt kasta tær burt sum skarn; „út hiðani!“ skalt tú siga við tær.
Esaias 30:23 Esaias
Tá skal Hann geva sáðnum, ið tú sáar í jørðina, regn, og breyðið, ið jørð tín ber, skal geva sterka og góða føði. Tann dag skal fæ títt liggja og eta á víðum grasfløtum;
Esaias 30:24 Esaias
neytini og eslini, ið arbeiða á markini, skulu eta saltað fóðurbland, sum reinsað er við skuplu og kvísl.
Esaias 30:25 Esaias
Á hvørjum høgum fjalli og hvørji brattari hædd skulu springa upp keldur við rennandi vatni – tann dagin hitt stóra blóðbað verður, táið tornini falla.
Esaias 30:26 Esaias
Ljós mánans skal verða sum ljós sólarinnar, og ljós sólarinnar skal verða sjey ferðir so bjart, sum ljós sjey daga – tann dag HARRIN bindur um skaða fólks Síns og grøðir sárini av sløgunum, tað fekk.
Esaias 30:27 Esaias
Navn HARRANS kemur úr fjarløgu; brennandi er vreiði Hansara, og tjúkkur er roykurin, ið upp stígur; varrar Hansara skúma av vreiði, og tunga Hansara er sum oyðandi eldur.
Esaias 30:28 Esaias
Vreiðiblástur Hansara er sum á í áarføri – maður stendur undir háls; Hann skal sálda fólkini í sáldi oyðingarinnar og leggja í munn tjóðanna boksl, sum fær tey at villast.
Esaias 30:29 Esaias
Songur tykkara skal ljóða, sum ta náttina høgtíðin byrjar, og hjartansgleði skal vera, sum táið við floytuspæli verður farið niðan á fjall HARRANS, til klett Ísraels.
Esaias 30:30 Esaias
HARRIN skal lata ljóða veldigu rødd Sína og vísa arm Sín, sum slær niður í brennandi vreiði og oyðandi loga, í stormi, grovregni og heglingi.
Esaias 30:31 Esaias
Assur skal ræðast rødd HARRANS, táið Hann slær hann við stavinum.
Esaias 30:32 Esaias
Hvørt slag av stavinum, ið HARRIN eftir ráði Sínum letur falla á hann, skal verða sligið við trummu- og sitaraljóði, og ferð eftir ferð skal Hann lyfta armi Sínum og stríða móti honum.
Esaias 30:33 Esaias
Tí eldstaður er langt síðani gjørdur til; eisini konginum er hann gjørdur til, og djúpur og víður er hann; bál hansara hevur eld og við í mongd; sum svávulstreymur fær andi HARRANS hann upp at loga.
Seinna Korintbrævið 12:10 Seinna Korintbrævið
Og tí havi eg gott mót í veikleika, í ringari viðferð, í neyð, í atsóknum, í angist fyri Kristusar skuld; tí táið eg eri veikur, eri eg sterkur.
Seinna Timoteusarbrævið 3:11 Seinna Timoteusarbrævið
í atsóknum, í líðingum – slíkum, sum á meg komu í Antiokia, í Ikonium, í Lystra. Slíkar atsóknir havi eg útstaðið, men Harrin hevur bjargað mær úr teimum øllum.
Jákupsbrævið 1:5 Jákupsbrævið
Men fattast onkrum av tykkum vísdóm, so biði hann til Gud um hetta, Hann, sum gevur øllum gjarna og brigslar ikki – so skal hann verða honum givin!
Fyrra Pætursbrævið 4:12 Fyrra Pætursbrævið
Tit elskaðu! Undrist ikki á eldin, ið komin er yvir tykkum til at royna tykkum – sum tað var nakað undarligt, ið hendi tykkum!
Jeremias 2:19 Jeremias
Óndskapur tín er tað, ið tyktar teg, og fráføll tíni eru tað, ið straffa teg; kenn tí og síggj, at tað er ónt og beiskt, at tú vendir HARRANUM Gudi tínum bakið, og at ótti fyri Mær ikki er komin á teg! – sigur Harrin, HARRIN Gud herskaranna.
Rómverjabrævið 16:19 Rómverjabrævið
Øll hava hoyrt um lýdni tykkara; tí gleðist eg um tykkum. Men eg vil, at tit skulu vera vísir í tí, sum gott er, og einfaldir í tí, sum ilt er.
Fyrra Timoteusarbrævið 4:1 Fyrra Timoteusarbrævið
Men Andin sigur beint fram, at á komandi tíðum skulu nøkur falla frá trúnni og halda seg til villleiðandi andar og lærdómar ilra anda
Fyrra Timoteusarbrævið 4:2 Fyrra Timoteusarbrævið
við hykli lygilærara, sum eru brennimerktir í síni egnu samvitsku,
Fyrra Timoteusarbrævið 4:3 Fyrra Timoteusarbrævið
sum forbjóða at giftast og geva boð um at halda seg frá føði, ið Gud hevur skapt, fyri at tey, sum trúgva og hava lært sannleikan at kenna, skulu njóta hana við tøkk.
Fyrra Timoteusarbrævið 4:4 Fyrra Timoteusarbrævið
Tí allur skapningur Guds er góður, og einki at vraka, táið tikið verður ímóti tí við tøkk;
Fyrra Timoteusarbrævið 4:5 Fyrra Timoteusarbrævið
tí tað verður halgað við orði Guds og bøn.
Fyrra Timoteusarbrævið 4:6 Fyrra Timoteusarbrævið
Táið tú lærir brøðurnar hetta, ert tú góður tænari Krists Jesu, sum verður fostraður upp við orðum trúarinnar og hinnar góðu læru, ið tú hevur fylgt.