krokodilla
53 versir um "krokodilla"
Versir
Síða 1 av 2Job 41:1 Job
„Eingin er so djarvur, at hann torir at arga hann – hvør vágar sær tá at seta seg upp móti Mær!
Job 41:2 Job
Hvør gav Mær nakað fyrst, so Eg skuldi givið honum viðurlag! Alt undir himli hoyrir jú Mær til!
Job 41:3 Job
Eg tigi ikki um limir hansara,* hvussu sterkur hann er, hvussu vakurt hann er skaptur.
Job 41:4 Job
Hvør var mentur at draga klædningin av honum! Hvør vágar sær inn ímillum dupultu tanngarðar hansara!
Job 41:5 Job
Hvør man fara at opna dyr gaps hansara! – Rundan um tenn hansara er ræðsla.
Job 41:6 Job
Stolt sita skjaldarøðini; hvørt teirra er fest sum við føstum innsigli.
Job 41:7 Job
Hvør skjøldurin liggur tætt at øðrum, eingin luft sleppur inn ímillum teirra.
Job 41:8 Job
Teir eru fastir hvør við annan; teir grípa hvør inn í annan og kunnu ikki skiljast sundur.
Job 41:9 Job
Táið hann nýsur, skyggir fram ljós; sum eygnalok morgunroðans eru eygu hansara.
Job 41:10 Job
Brandar rúka úr gapi hansara, neistar fúka haðani.
Job 41:11 Job
Dampur stendur úr nasagluggum hansara sum úr kókandi potti, ið sevgras brennur undir.
Job 41:12 Job
Andi hansara fær kol at loga, og logar ganga út úr gapi hansara.
Job 41:13 Job
Á hálsi hansara hevur styrki bústað sín, og angist loypur framman fyri hann.
Job 41:14 Job
Tættar sita kjøtknúturnar, sum stoyptar at kroppinum; tær vikast ikki.
Job 41:15 Job
Hart sum grót er hjarta hansara, hart sum hin niðari kvarnarsteinurin.
Job 41:16 Job
Táið hann reisist, skelva kappar; teir verða frá sær sjálvum av ræðslu.
Job 41:17 Job
Um svørð rámar hann, bítur tað ikki á honum, líka lítið lansa, kastispjót ella pílur.
Job 41:18 Job
Jarn metir hann javnt við hálm, kopar við ormstungnan við.
Job 41:19 Job
Sonur bogans* fær hann ikki at halda undan, sleingisteinarnir verða honum sum hálmur.
Job 41:20 Job
Stríðsgassar virðir hann ikki meir enn hálmstrá, og hann lær at hinum súsandi spjóti.
Job 41:21 Job
Á búkinum hevur hann hvassar eggir; hann setur merki í móruna sum foyrurnar eftir treskisleðu.
Job 41:22 Job
Djúpið fær hann at kóka sum pott; havið ger hann líkt salvuketli.
Job 41:23 Job
Aftan undan honum lýsir leið hansara; djúpið tykist vera silvurhár.
Job 41:24 Job
Einki er á jørðini, sum er harri hansara; hann er skaptur til ikki at ræðast.
Job 41:25 Job
Hann hyggur niður á alt, ið høgt er, hann er kongur yvir øllum stoltum dýrum.“
Sálmarnir 74:14 Sálmarnir
Tú soraði høvd Livjatans, Tú lætst fólkið í oyðimørkini fáa hann til føði.
Esaias 27:1 Esaias
Tann dag skal HARRIN við svørði Sínum, hinum harða, stóra og sterka, heimsøkja Livjatan, hin kvika orm, Livjatan, ormin, ið ringist, og drepa ódýrið í sjónum.
Fyrsta Mósebók 1:1 Fyrsta Mósebók
Í upphavi skapti Gud himmal og jørð.
Job 40:1 Job
Og HARRIN svaraði Job út úr storminum og segði:
Job 40:2 Job
„Gyrð lendar tínar sum maður! So skal Eg spyrja teg, og tú skalt læra Meg!
Job 40:3 Job
Ætlar tú at gera rætt Mín til einkis? Ætlar tú at døma Meg sekan, fyri at tú sjálvur kanst fáa rætt?
Job 40:4 Job
Hevur tú arm sum Gud! Kanst tú torna við rødd sum Hansara!
Job 40:5 Job
Prýð teg við stórleika og harradømi, og klæð teg í dýrd og ljóma!
Job 40:6 Job
Lat vreiði tína streyma fram, eyðmýk við eygnakasti hvønn hugmóðigan!
Job 40:7 Job
Ja, kúga við eygnakasti hvønn stoltan, og slá niður hinar gudleysu, sum teir standa har!
Job 40:8 Job
Fjal teir í moldini allar samlar, og leinkja ásjón teirra í myrkrinum!
Job 40:9 Job
Tá skal eisini Eg prísa tær fyri sigurin, ið høgra hond tín hevur vunnið!
Job 40:10 Job
Hygg Behemot*! Hann er jú verk Mítt, eins væl og tú. Hann etur gras sum neyt.
Job 40:11 Job
Hygg styrkin í lendum hansara, og mátturin í búkspongunum!
Job 40:12 Job
Halan ger hann stívan sum sedristræ; sinurnar í tjógvum hansara eru tvinnaðar saman.
Job 40:13 Job
Bein hansara eru sum koparpípur, knoturnar í honum sum jarnstengur.
Job 40:14 Job
Hann er hin fremsti av skapningum Guds, skaptur til at vera harri yvir hinum.
Job 40:15 Job
Fjøllini bera honum fóður, har sum øll hini villu dýrini spæla sær.
Job 40:16 Job
Undir lotusrunnum hvílir hann, í læ av røri og sevi.
Job 40:17 Job
Lotusrunnarnir geva honum tak og skugga, pílatrøini við løkin umkransa hann.
Job 40:18 Job
Hann óttast ikki, um so áarføri kemur; hann er tryggur, um so sjálvur Jordan fossar fram móti gapi hansara.
Job 40:19 Job
Hvør kann fanga hann, táið hann varðar seg! Hvør kann draga tog gjøgnum nasar hansara!
Job 40:20 Job
Kanst tú draga Livjatan* upp á ongli og binda tungu hansara við snøri!
Job 40:21 Job
Kanst tú draga sevtog gjøgnum nasar hansara og høgga krók gjøgnum kjálka hansara!
Job 40:22 Job
Man hann fara at bera fram fyri teg mangar eyðmjúkar bønir ella tala mjúk orð við teg!