kríggið í Irak
81 versir um "kríggið í Irak"
Versir
Síða 1 av 2Jeremias 51:1 Jeremias
So sigur HARRIN: Eg lati koma skaðaveður yvir Bábel, yvir tey, sum í Leb-Kamai* búgva.
Jeremias 51:2 Jeremias
Eg sendi fremmandar móti Bábel; teir skulu kasta tað sum korn og tøma land tess, ja, úr øllum ættum skulu teir leggja á tað vanlukkudagin.
Jeremias 51:3 Jeremias
Móti honum, ið spennir boga, skal bogamaðurin spenna boga sín, og móti honum, ið errin gongur í brynju síni. – Eirið ikki hinum ungu hjá tí, sláið allan her tess við banni!
Jeremias 51:4 Jeremias
Dripnir menn skulu falla í landi Kaldeara, gjøgnumstungnir á gøtunum har.
Jeremias 51:5 Jeremias
Tí Ísrael og Juda eru ikki einkjur, gloymdar av Gudi sínum, HARRANUM Gudi herskaranna – tóat land teirra er fult av skyld móti hinum heilaga í Ísrael.
Jeremias 51:6 Jeremias
Flýggið út úr Bábel – hvør og ein má bjarga lívi sínum! Varðið tykkum, at tit ganga ikki undir við misbroti tess! Hevndartíð HARRANS er tað; Hann lønir Bábel aftur tað, ið tað hevur gjørt.
Jeremias 51:7 Jeremias
Bábel var gullsteyp í hond HARRANS; tað gjørdi alla jørðina drukna; av víni tess drukku tjóðirnar; tí bóru tjóðirnar seg at sum vitleysar.
Jeremias 51:8 Jeremias
Men alt í einum er Bábel fallið og sorað sundur. Venið tykkum um tað, farið eftir balsam fyri plágu tess – kanska tað kundi verðið grøtt!
Jeremias 51:9 Jeremias
„Vit hava roynt at grøða Bábel, men ikki stóð til at grøða tað. Rýmið frá tí og latið okkum fara hvør til land sítt! Tí dómurin yvir tað røkkur líka til himmals, stígur upp at skýggjunum.
Jeremias 51:10 Jeremias
HARRIN hevur latið rættvísa málevni okkara koma fram í ljósið; komið, latið okkum í Zion kunngera verk HARRANS Guds okkara!“
Jeremias 51:11 Jeremias
Hvessið pílarnar, takið skjøldirnar! HARRIN hevur vakt anda medarakonga; tí móti Bábel miðar ætlan Hansara, Hann ætlar at forkoma tí; tí tað er hevnd HARRANS – hevndin fyri tempul Hansara.
Jeremias 51:12 Jeremias
Reisið merki móti múrum Bábels, haldið sterka vakt, setið út vaktarmenn, leggið menn á lúr! Tí HARRIN hevur bæði upphugsað og setur í verk tað, ið Hann hevur talað móti teimum, sum í Bábel búgva.
Jeremias 51:13 Jeremias
Tú, sum býrt við stór vøtn, tú, ið eigur nógvar skattir! Endi tín er komin, girnd tín hevur nátt mál sítt.
Jeremias 51:14 Jeremias
HARRIN Gud herskaranna hevur svorið um Seg sjálvan: Um Eg so havi fylt teg við menniskjum sum við grashoppum, skal tó verða hevjað sigursróp yvir tær!
Jeremias 51:15 Jeremias
Hann er tann, ið við kraft Síni skapti jørðina, við vísdómi Sínum grundfesti jarðarríki og við viti Sínum tandi út himmalin.
Jeremias 51:16 Jeremias
Táið Hann letur rødd Sína ljóða, brúsa vøtnini í himli! Hann letur skýggj stíga upp frá enda jarðarinnar, sendir snarljós við regni og letur vind koma út úr goymslum Sínum.
Jeremias 51:17 Jeremias
Sum dárar standa øll menniskju og skilja einki; hvør gullsmiður verður til skammar av útskornu mynd síni; tí stoyptu myndir hansara eru lygn, og eingin andi er í teimum.
Jeremias 51:18 Jeremias
Tær eru fáfongd, verk, ið verður havt til spott; táið heimsøkingartíð teirra kemur, skulu tær ganga til grundar.
Jeremias 51:19 Jeremias
Ikki er arvalutur Jákups teimum líkur; nei, Hann er tann, ið hevur skapt alt og ættina, sum er arvalutur Hansara – HARRIN Gud herskaranna er navn Hansara.
Jeremias 51:20 Jeremias
Tú* ert hamari Mín, hervápn Mítt; við tær sori Eg sundur fólkasløg; við tær geri Eg enda á kongaríkjum;
Jeremias 51:21 Jeremias
við tær sori Eg sundur hest og hestmann; við tær sori Eg sundur vagn og vagnstýrara;
Jeremias 51:22 Jeremias
við tær sori Eg sundur mann og kvinnu; við tær sori Eg sundur gamlan og ungan, unglinga og moyggj;
Jeremias 51:23 Jeremias
við tær sori Eg sundur hirða og fylgi; við tær sori Eg sundur akurmannin og oksar hansara; við tær sori Eg sundur jallar og landsstjórar.
Jeremias 51:24 Jeremias
– Men Eg skal fyri eygum tykkara løna Bábel og øllum, sum í Kaldea búgva, alt tað illa, ið teir hava gjørt Zion – sigur HARRIN.
Jeremias 51:25 Jeremias
Ja, Eg skal hitta teg, oyðingarfjall títt – sigur HARRIN – tú, ið forkemur allari jørðini! Eg skal rætta út hond Mína móti tær og stoyta tær oman av homrunum og gera teg til brent fjall!
Jeremias 51:26 Jeremias
Úr tær skal eingin taka stein til hornstein ella grundarstein; nei, til ævigar oyðimarkir skalt tú verða – sigur HARRIN.
Jeremias 51:27 Jeremias
Reisið merki í landinum, blásið í lúður millum tjóðirnar, vígið fólkasløg til bardaga móti tí, kallið saman móti tí ríki Ararats, Minni og Askenaz, setið høvuðsmenn móti tí, leiðið fram hestar sum lodnar grashoppur!
Jeremias 51:28 Jeremias
Vígið fólkasløg til bardaga móti tí, kongar Media, jallarnar og landsstjórarnar har og alt landið, ið hann* ræður yvir!
Jeremias 51:29 Jeremias
Tá nøtrar jørðin og bivar; tí útint verður tað, ið HARRIN hevði í huga móti Bábel: At gera Bábelsland til oyðimørk, sum eingin býr í.
Jeremias 51:30 Jeremias
Kappar Bábels geva uppat at berjast; teir sita stillir í borgunum, kraft teirra er burtur; teir eru vorðnir sum kvinnur; bústaðir tess verða avbrendir, porturstengur tess eru avstøktar.
Jeremias 51:31 Jeremias
Ein rennarin skundar sær móti øðrum, ein boðberin móti øðrum – til at bera bábelskongi boð um, at staður hansara er tikin, allur sum hann er;
Jeremias 51:32 Jeremias
vaðini eru tikin, tjarnirnar eru turkaðar upp við eldi, og herfólkið er ræðslusligið.
Jeremias 51:33 Jeremias
Tí so sigur HARRIN Gud herskaranna, Gud Ísraels: Dóttir Bábel er sum treskipláss, táið tað verður troðið; áðrenn langt umlíður, kemur heystartíð hennara.
Jeremias 51:34 Jeremias
Nebukadnezar bábelskongur hevur etið okkum, hevur forkomið okkum, hevur sett okkum burt sum tómt ílat, hevur gloypt okkum sum dreki, hevur fylt búk sín við leskiliga mati mínum; hann hevur rikið okkum burt.
Jeremias 51:35 Jeremias
„Órætturin, ið eg havi tolt í holdi mínum, komi yvir Bábel!“ – mugu tey siga, sum í Zion búgva. – „Og blóð mítt komi yvir tey, sum í Kaldea búgva!“ – má Jerusalem siga.
Jeremias 51:36 Jeremias
Tí sigur HARRIN so: Eg flyti mál títt og hevni fyri teg, og Eg skal turka upp hav tess og lata keldu tess torna.
Jeremias 51:37 Jeremias
Bábel skal verða til grótrúgvu, sjakalabústaður, til ræðslu og til spott, so eingin býr har.
Jeremias 51:38 Jeremias
Teir brøla allir sum ungar leyvur, teir murra sum leyvuungar.
Jeremias 51:39 Jeremias
Táið teir eru vorðnir heitir, skal Eg gera drykkjuveitslu fyri teimum og gera teir druknar, so teir verða kátir; síðani skulu teir sovna í ævigan svøvn og ikki vakna aftur – sigur HARRIN.
Jeremias 51:40 Jeremias
Eg skal leiða teir oman sum lomb at verða dripnar, sum veðrar og bukkar.
Jeremias 51:41 Jeremias
Sum Sesak* er vunnið og tikið, tað, ið var stoltleiki alrar jarðarinnar! Sum Bábel er vorðið til ræðslu millum tjóðirnar!
Jeremias 51:42 Jeremias
Havið hevur lagt yvir Bábel, hevur fjalt tað við brúsandi bylgjum sínum.
Jeremias 51:43 Jeremias
Býir tess eru vorðnir oyðimørk, turt land og heiði, land, sum eingin býr í, og sum einki menniskjabarn ferðast um.
Jeremias 51:44 Jeremias
Eg heimsøki Bel í Bábel og taki út úr munni hansara tað, ið hann hevur gloypt; fólkasløg skulu ikki streyma til hansara meir. Eisini múrur Bábels er fallin.
Jeremias 51:45 Jeremias
Farið út úr tí, fólk Mítt – hvør og ein bjargi lívinum undan brennandi vreiði HARRANS!
Jeremias 51:46 Jeremias
Verið ikki mótfallin og rædd av tíðindunum, sum í landinum ganga – um eini tíðindi hoyrast eitt ár, og síðani næsta árið onnur tíðindi, og um yvirgangur ræður í landinum, og ein harrin reisist móti øðrum!
Jeremias 51:47 Jeremias
Tí skulu dagar koma, táið Eg heimsøki útskornu myndir Bábels, og alt land tess skal verða til skammar, allir menn tess skulu verða dripnir og falla har.
Jeremias 51:48 Jeremias
Himmal og jørð og alt, sum teimum er í, skulu fegnast yvir Bábel; tí norðaneftir skulu oyðararnir koma yvir tað – sigur HARRIN.
Jeremias 51:49 Jeremias
Ja, tit av Ísrael, sum dripin eru – eisini Bábel skal falla! Og tit um alla jørðina, sum dripin eru – eisini tey, sum í Bábel búgva, skulu falla!
Jeremias 51:50 Jeremias
Tit, sum undan svørðinum eru sloppin – haldið avstað, steðgið ikki á, minnist HARRAN úr hinum fjarlagda landi, og minnist Jerusalem!