kend fólk
134 versir um "kend fólk"
Versir
Síða 1 av 3Onnur Mósebók 22:20 Onnur Mósebók
Tann, ið ofrar til avgudarnar og ikki bert til HARRAN, skal verða bannlýstur.
Job 15:21 Job
Ræðslutónar ljóða fyri oyrum hansara; mitt í friðinum kemur oyðarin á hann.
Markus 10:1 Markus
So reistist Hann og fór haðani, gjøgnum landið hinumegin Jordan til tað landið, sum hoyrir til Judea. Aftur savnaðist nógv fólk um Hann, og Hann lærdi tey aftur, sum Hann var vanur.
Markus 10:2 Markus
Tá komu Fariseararnir og spurdu Hann – fyri at freista Hann: „Hevur maður loyvi at skiljast frá konu síni?“
Markus 10:3 Markus
Hann svaraði teimum: „Hvat boð hevur Móses givið tykkum?“
Markus 10:4 Markus
Teir søgdu: „Móses gav loyvi at skriva skilnaðarbræv og skiljast frá henni.“
Markus 10:5 Markus
Jesus segði við teir: „Tí hjørtu tykkara eru so hørð, skrivaði hann tykkum hetta boð.
Markus 10:6 Markus
Men úr upphavi, táið Gud skapti alt, skapti Hann tey til mann og kvinnu.
Markus 10:7 Markus
Tí skal maðurin fara frá faðir sínum og móður síni og halda seg til konu sína,
Markus 10:8 Markus
og tey skulu verða eitt hold. So eru tey tá ikki longur tvey, men eitt hold.
Markus 10:9 Markus
Tað, sum tí Gud hevur bundið saman, má menniskja ikki skilja sundur.“
Markus 10:10 Markus
Heima við hús spurdu lærisveinarnir Hann aftur um hetta.
Markus 10:11 Markus
Hann svaraði teimum: „Tann, ið skilst frá konu síni og giftist við aðrari, drívur hor móti henni.
Markus 10:12 Markus
Og skilst kona frá manni sínum og giftist við øðrum, drívur hon hor.“
Markus 10:13 Markus
Tey bóru smá børn til Hansara, fyri at Hann skuldi nema við tey; men lærisveinarnir høvdu at teimum, ið bóru tey.
Markus 10:14 Markus
Táið Jesus sá tað, varð Hann vreiður og segði við teir: „Latið hini smáu børn koma til Mín, forðið teimum ikki! Tí ríki Guds hoyrir slíkum til.
Markus 10:15 Markus
Sanniliga, sigi Eg tykkum: Tann, ið ikki tekur ímóti ríki Guds eins og lítið barn, skal als ikki koma inn í tað.“
Markus 10:16 Markus
So tók Hann tey í favnin, legði hendurnar á tey og signaði tey.
Markus 10:17 Markus
Táið Hann tá fór út á vegin, kom ein rennandi, fall á knæ fyri Honum og spurdi Hann: „Góði Meistari, hvat skal eg gera, fyri at eg kann arva ævigt lív?“
Markus 10:18 Markus
Jesus segði við hann: „Hví kallar tú Meg góðan? Eingin er góður uttan ein, tað er Gud.
Markus 10:19 Markus
Tú veitst boðini: „Tú mást ikki dríva hor“; „tú mást ikki drepa“; „tú mást ikki stjala“; „tú mást ikki bera rangan vitnisburð“; „tú mást ikki gera svik“; „ær faðir tín og móður tína!““
Markus 10:20 Markus
Hann svaraði Honum: „Meistari, alt hetta havi eg hildið, frá tí eg var ungur!“
Markus 10:21 Markus
Tá hugdi Jesus upp á hann, fekk kærleika til hansara og segði við hann: „Eitt fattast tær: Far avstað, sel alt, ið tú eigur, og gev hinum fátæku tað! So skalt tú eiga skatt í Himli; kom so og fylg Mær!“
Markus 10:22 Markus
Men hann varð illa við av hesi talu og fór sorgarfullur burtur; tí hann var ógvuliga ríkur.
Markus 10:23 Markus
Tá hugdi Jesus rundan um Seg og segði við lærisveinar Sínar: „Hvussu torført er ikki teimum, ið hava ríkdóm, at koma inn í ríki Guds!“
Markus 10:24 Markus
Ræðsla kom á lærisveinarnar av orðum Hansara. Tá tók Jesus aftur til orða og segði við teir: „Børn! Hvussu torført er ikki teimum, ið seta álit sítt á ríkdóm, at koma inn í ríki Guds!
Markus 10:25 Markus
Lættari er kameli at fara gjøgnum nálareyga, enn ríkum at fara inn í ríki Guds.“
Markus 10:26 Markus
Tá kom ovurhonds ræðsla á teir, og teir søgdu hvør við annan: „Hvør kann tá verða frelstur!“
Markus 10:27 Markus
Jesus hugdi upp á teir og segði: „Menniskjum er tað ómøguligt, men ikki Gudi; tí alt er Gudi møguligt.“
Markus 10:28 Markus
Pætur tók til orða og segði við Hann: „Vit eru farnir frá øllum og hava fylgt Tær!“
Markus 10:29 Markus
Jesus svaraði: „Sanniliga, sigi Eg tykkum: Eingin er, sum er farin frá húsi, brøðrum, systrum, móður, faðir, børnum ella jørð fyri Mína skuld og fyri evangeliums skuld,
Markus 10:30 Markus
uttan hann skal fáa tað hundraðfalt aftur, nú í hesi tíðini hús, brøður, systrar, møður, børn og jørð, við atsóknum, og í hinum komandi heimi ævigt lív.
Markus 10:31 Markus
Men mong, sum eru hini fyrstu, skulu verða hini síðstu, og hini síðstu hini fyrstu.“
Markus 10:32 Markus
Teir vóru nú á ferð niðan til Jerusalem; Jesus gekk undan teimum, og teir vóru fullir av ótta, og tey, sum fylgdu við, vóru rødd. Tá tók Hann aftur hinar tólv til Sín og fór at siga teimum, hvussu Honum skuldi gangast:
Markus 10:33 Markus
„Vit fara nú niðan til Jerusalem. Menniskjasonurin skal verða givin høvuðsprestunum og hinum skriftlærdu upp í hendur, og teir skulu døma Hann til deyða og geva Hann heidningunum upp í hendur.
Markus 10:34 Markus
Teir skulu spotta Hann, spýta á Hann, húðfleingja Hann og drepa Hann, og tríggjar dagar eftir skal Hann rísa upp.“
Markus 10:35 Markus
Tá fóru Jákup og Jóhannes, synir Zebedeus, til Hansara og søgdu: „Meistari, vit vilja fegnir, at Tú skalt gera tað fyri okkum, sum vit nú fara at biðja Teg um!“
Markus 10:36 Markus
Hann spurdi teir: „Hvat vilja tit tá, at Eg skal gera fyri tykkum?“
Markus 10:37 Markus
Teir søgdu við Hann: „Gev okkum, at vit sleppa at sita, annar við høgru, og annar við vinstru lið Tína, í dýrd Tíni!“
Markus 10:38 Markus
Jesus segði við teir: „Tit vita ikki, hvat tit biðja um! Kunnu tit drekka kalikin, ið Eg drekki, ella doypast við dópinum, ið Eg verði doyptur við?“
Markus 10:39 Markus
Teir svaraðu Honum: „Tað kunnu vit!“ Tá segði Jesus við teir: „Kalikin, ið Eg drekki, skulu tit drekka, og við dópinum, ið Eg verði doyptur við, skulu tit doypast;
Markus 10:40 Markus
men at sita við høgru og vinstru lið Mína hoyrir ikki Mær til at geva; tað verður givið teimum, ið tað er ætlað.“
Markus 10:41 Markus
Táið hinir tíggju hoyrdu hetta, vórðu teir illir inn á Jákup og Jóhannes.
Markus 10:42 Markus
Tá rópti Jesus teir til Sín og segði við teir: „Tit vita, at teir, ið roknast fyri høvdingar tjóðanna, valda teimum, og at stórmenn teirra lata tær kenna vald sítt.
Markus 10:43 Markus
So er ikki hjá tykkum; nei, tann tykkara, sum stórur vil verða, skal vera tænari tykkara;
Markus 10:44 Markus
og tann, ið fremstur vil verða av tykkum, skal vera trælur hjá øllum.
Markus 10:45 Markus
Tí Menniskjasonurin er heldur ikki komin at lata onnur tæna Sær, men at tæna og geva lív Sítt sum loysigjald fyri mong.“
Markus 10:46 Markus
Teir komu nú til Jeriko. Og táið Hann fór út úr Jeriko saman við lærisveinum Sínum og nógvum fólki, sat sonur Timeus, Bartimeus, blindur biddari, við vegin.
Markus 10:47 Markus
Táið hann hoyrdi, at tað var Jesus úr Nazaret, fór hann at rópa: „Sonur Dávids, Jesus, miskunna mær!“
Markus 10:48 Markus
Mong høvdu at honum, at hann skuldi tiga; men hann rópti nógv harðari enn: „Sonur Dávids, miskunna mær!“