jubileumsárið
78 versir um "jubileumsárið"
Versir
Síða 2 av 2Triðja Mósebók 25:51 Triðja Mósebók
Eru enn mong ár eftir, skal hann í loysigjald lata so mikið av tí, ið hann varð keyptur fyri, sum svarar til hesi ár.
Triðja Mósebók 25:52 Triðja Mósebók
Men eru árini fá eftir til fagnaðarárið, skal hann gera upp við hann eftir teimum; hann skal í loysigjald lata tað, ið svarar til árini, ið hann hevur eftir.
Triðja Mósebók 25:53 Triðja Mósebók
Sum dagløntur arbeiðsmaður, ið tænir ár eftir ár, skal hann vera hjá honum; tú mást ikki tola, at hann við harðskapi valdar yvir honum.
Triðja Mósebók 25:54 Triðja Mósebók
Men verður hann ikki loystur á ein av hesum háttum, skal hann verða givin fríur fagnaðarárið, bæði hann og børn hansara.
Triðja Mósebók 25:55 Triðja Mósebók
Tí Mær hoyra Ísraelsmenn til sum tænarar; teir eru tænarar Mínir, sum Eg leiddi út av Egyptalandi. – Eg eri HARRIN Gud tykkara!“
Fimta Mósebók 15:1 Fimta Mósebók
„Sjeyndahvørt ár skalt tú lata vera eftirgevingarár.
Fimta Mósebók 15:2 Fimta Mósebók
Eftirgevingarárið skal haldast so: Ein og hvør, ið eigur nakað hjá næsta sínum, sum hann hevur lænt honum, skal geva honum tað eftir; hann skal ikki krevja næsta og bróður sín, táið eftirgevingarár er lýst fyri HARRANUM.
Fimta Mósebók 15:3 Fimta Mósebók
– Útlendingin kanst tú krevja; men tað, ið tú eigur hjá bróður tínum, skalt tú geva eftir.
Fimta Mósebók 15:4 Fimta Mósebók
– Men eingin fátækur verður hjá tær; tí HARRIN Gud tín skal ríkliga signa teg í landinum, sum HARRIN Gud tín gevur tær í arv og ogn
Fimta Mósebók 15:5 Fimta Mósebók
– um tú bert hoyrir rødd HARRANS Guds tíns, so tú aktar væl eftir at halda øll hesi boð, sum eg í dag áleggi tær.
Fimta Mósebók 15:6 Fimta Mósebók
Tí HARRIN Gud tín skal signa teg, sum Hann hevur lovað tær; tú skalt læna mongum tjóðum, men sjálvur skalt tú ongum noyðast at læna frá, og tú skalt ráða yvir mongum tjóðum, men tær skulu ikki ráða yvir tær.
Fimta Mósebók 15:7 Fimta Mósebók
Táið ein fátækur er hjá tær, ein av brøðrum tínum í onkrum av býunum í landinum, sum HARRIN Gud tín gevur tær, mást tú ikki vera harðhjartaður og lata hondina aftur fyri hinum fátæka bróður tínum;
Fimta Mósebók 15:8 Fimta Mósebók
nei, tú skalt lata hondina upp fyri honum og læna honum tað, ið honum fattast, og sum honum tørvar.
Fimta Mósebók 15:9 Fimta Mósebók
Varða teg, at ikki ljótur tanki kemur upp í hjarta tínum, so tú sigur: „Nú kemur skjótt sjeynda árið, eftirgevingarárið,“ og tú so hyggur við illum eygum á hin fátæka bróður tín og letur hann einki fáa! Tí hann fer tá at rópa til HARRAN undan tær, og tú fært synd á teg.
Fimta Mósebók 15:10 Fimta Mósebók
Av góðum huga skalt tú geva honum, og tað má ikki gera hjarta tínum ilt, táið tú gevur honum; tí so skal HARRIN Gud tín signa teg í øllum arbeiði tínum og í øllum, sum tú fert undir at gera.
Fimta Mósebók 15:11 Fimta Mósebók
Tí fátæk koma altíð at vera í landinum; tí gevi eg tær hetta boð: Tú skalt lata upp hondina fyri bróður tínum, fyri hinum treingjandi og fátæka, ið tú hevur í landi tínum.
Fimta Mósebók 15:12 Fimta Mósebók
Táið onkur av fólki tínum – hebraiskur maður ella hebraisk kvinna – verður seldur tær, skal hann tæna hjá tær í seks ár, men sjeynda árið skalt tú geva hann frían, so hann kann fara, hvar hann vil.
Fimta Mósebók 15:13 Fimta Mósebók
Táið tú gevur hann frían, skalt tú ikki lata hann fara tómhentan frá tær;
Fimta Mósebók 15:14 Fimta Mósebók
nei, tú skalt lata hann fáa ríkligt við sær av smáfæi tínum, av treskiplássi tínum og úr vínpersu tíni; av tí, ið HARRIN Gud tín hevur signað teg við, skalt tú geva honum.
Fimta Mósebók 15:15 Fimta Mósebók
Tú skalt minnast, at tú hevur sjálvur verið trælur í Egyptalandi, og at HARRIN Gud tín fríaði teg út; tí gevi eg tær hetta boð.
Fimta Mósebók 15:16 Fimta Mósebók
Men sigur hann við teg: „Eg havi ikki hug at fara frá tær“ – tí hann hevur tað gott hjá tær og er góður við teg og tíni –
Fimta Mósebók 15:17 Fimta Mósebók
so skalt tú taka sýl og stinga hann gjøgnum oyra hansara inn í dyrnar; so skal hann vera trælur tín við alla. Á sama hátt skalt tú gera við trælkvinnu tína.
Fimta Mósebók 15:18 Fimta Mósebók
– Lat ikki falla tær tungt at geva hann frían og lata hann fara frá tær! Tí í seks ár hevur hann tænt hjá tær, og daglønt fólk høvdu kostað tær dupult so mikið – og HARRIN Gud tín skal signa teg í øllum, sum tú gert.
Fimta Mósebók 15:19 Fimta Mósebók
Alt frumborið av hannslagi, sum kýr tínar kálva, og smáfæ títt lembir, skalt tú halga HARRANUM Gudi tínum; tú skalt ikki nýta hitt frumborna undan kúm tínum at arbeiða við, og tú mást ikki klippa ullina av hinum frumborna undan smáfæi tínum.
Fimta Mósebók 15:20 Fimta Mósebók
Fyri ásjón HARRANS Guds tíns skulu tú og hús títt á hvørjum ári eta tað á staðnum, sum HARRIN útvelur.
Fimta Mósebók 15:21 Fimta Mósebók
Men er nakað lýti á tí – er tað lamið ella blint, ella hevur tað nakað annað ringt lýti – so skalt tú ikki ofra tað til HARRAN Gud tín.
Fimta Mósebók 15:22 Fimta Mósebók
Heima í býum tínum kanst tú eta tað; bæði hin óreini og hin reini kunnu eta tað, sum tað høvdu verið skógargeitir ella hjørtir.
Fimta Mósebók 15:23 Fimta Mósebók
Men blóðið mást tú ikki eta; tú skalt lata tað renna út á jørðina sum vatn.“