Jesus sum andaligur brúðgómur

Esaias 54:5 Esaias

Tí skapari tín er ektamaður tín – HARRIN Gud herskaranna er navn Hansara – og hin Heilagi í Ísrael er loysnari tín; Gud alrar jarðarinnar kallast Hann.

6

Hoseas 2:19 Hoseas

Eg skal trúlova Meg við tær til ævigar tíðir; Eg skal trúlova Meg við tær í rættvísi og rætti, í náði og miskunn;

4

Seinna Korintbrævið 11:2 Seinna Korintbrævið

Tí eg krevji tykkum heilt, sum Gud krevur; eg trúlovaði tykkum jú við einum manni, fyri at leiða Kristusi fram reina moyggj.

4

Esaias 54:1 Esaias

Fegnast, tú ófruktbara, tú, ið ikki hevur føtt! Sker í gleðisong og ver fró, tú, sum ikki hevur havt verkir! Tí børn hinnar einsligu kvinnu eru fleiri enn hennara, sum hevur mann – sigur HARRIN.

3

Esaias 54:2 Esaias

Rúmka stað tjalds tíns, lat teir spenna út teppi bústaðar tíns, forða tí ikki! Ger tjaldtog tíni long og slá hælirnar fastar!

3

Esaias 54:3 Esaias

Tí tú skalt breiða teg út, bæði til høgru og til vinstru, og avkom títt skal taka fólkasløg í ogn og byggja upp aftur oyddar býir.

3

Óttast ikki – tú skalt ikki verða til skammar! Lat ikki spottið gera tær mun – tú skalt ikki standa vónbrotin! Nei, skomm ungdóms tíns skalt tú gloyma, og vanæru einkjutíðar tínar skalt tú ikki minnast longur.

3

Esaias 54:6 Esaias

Tí sum vrakaða konu við sorg í hjartanum kallar HARRIN teg, og ungdómsbrúður – hvør fer at havna hana! sigur Gud tín.

3

Esaias 54:7 Esaias

Lítla løtu vendi Eg tær bakið, men í stórari miskunn skal Eg savna teg.

3

Esaias 54:8 Esaias

Táið vreiði Mín rann útav, fjaldi Eg lítla løtu ásjón Mína fyri tær, men við ævigari náði miskunni Eg tær – sigur HARRIN, endurloysari tín.

3

Esaias 54:9 Esaias

Sum nóaflóð er hetta Mær; so sum Eg svór, at nóaflóð skuldi ikki koma yvir jørðina uppaftur, havi Eg nú svorið, at Eg skal ikki verða illur við teg ella deila teg.

3

Esaias 54:10 Esaias

Tí víst kunnu fjøllini fara úr stað, og heyggjarnir vikast; men miskunn Mín skal ikki víkja frá tær, og friðarsáttmáli Mín skal ikki vikast – sigur HARRIN, Hann, sum miskunnar tær.

3

Esaias 54:11 Esaias

Tú arma, sum stormur hevur heimsøkt, sum onga troyst hevur funnið! Eg byggi teg upp við smaragdum og leggi grund tína av safirum;

3

Esaias 54:12 Esaias

Eg geri múrtindar tínar av rubinum, portur tíni av karfunklum og allan múrin rundan um teg av dýrum steinum!

3

Esaias 54:13 Esaias

Øll børn tíni skulu verða lærd av HARRANUM, og børn tíni skulu njóta miklan frið.

3

Esaias 54:14 Esaias

Við rættvísi skalt tú verða grundfest; lat angist vera langt frá tær, tí tú skalt einki hava at óttast! Ver trygg fyri ræðslu, tí hon skal ikki koma tær nær!

3

Esaias 54:15 Esaias

Taka teir seg saman ímóti tær, er tað ikki eftir vilja Mínum; teir, sum taka seg saman ímóti tær, skulu falla fyri tær.

3

Esaias 54:16 Esaias

Tað eri Eg, ið skapi smiðin, sum blæsur í koleldin og framleiðir amboð til verk sítt, og tað eri Eg, ið skapi oyðaran til at forkoma.

3

Esaias 54:17 Esaias

Einki vápn, ið smíðað verður móti tær, skal fáa sigur, og hvørja tungu, sum reisir søk móti tær, skalt tú fáa dómfelda. – Hetta er arvur tænara HARRANS og rætturin, ið teir fáa frá Mær – sigur HARRIN.

3

Hoseas 2:14 Hoseas

Tí skal Eg lokka hana og leiða hana út í oyðimørkina og tosa blídliga við hana.

3

Hoseas 2:15 Hoseas

Síðani skal Eg geva henni víngarðar hennara aftur og gera henni Akorsdal* til vónportur; har skal hon syngja, sum táið hon var ung, sum tann dag hon fór út av Egyptalandi.

3

Hoseas 2:16 Hoseas

Tann dag – sigur HARRIN – skalt tú rópa: „Maður mín!“ og ikki longur rópa á Meg: „Ba’al mín!“

3

Hoseas 2:17 Hoseas

Nøvn Ba’alanna skal Eg taka burtur úr munni hennara; teir skulu ikki verða tiknir upp á tunguna aftur.

3

Hoseas 2:20 Hoseas

Eg skal trúlova Meg við tær í trúfesti, og tú skalt kenna HARRAN.

3

Opinberingin 19:7 Opinberingin

Latið okkum gleðast og fegnast og geva Honum dýrdina! Tí brúdleyp lambsins er komið, og brúður Hansara hevur gjørt seg til.

3

Opinberingin 19:8 Opinberingin

Henni er givið at lata seg í fínt línklæði, reint og skínandi!“ – Línklæðið er rættvísiverk hinna heilagra.

3

Opinberingin 19:9 Opinberingin

Hann segði við meg: „Skriva: „Sæl eru tey, sum boðin eru til brúdleypsnátturða lambsins!““ – Og hann segði við meg: „Hetta eru hini sonnu orð Guds!“

3

Esaias 62:3 Esaias

Tú skalt vera føgur krúna í hond HARRANS og kongligt høvuðprýði í hond Guds tíns.

2

Esaias 62:4 Esaias

Tú skalt ikki longur verða kallað „hin vrakaða“, ei heldur skal land títt longur verða kallað „oyðimørk“; nei, tú skalt eita „hon, ið eg havi hug á“, og land títt skal eita „ektakona“ – tí HARRIN hevur hug á tær, og land títt skal verða tikið til ekta.

2

Esaias 62:5 Esaias

Tí eins og ungur maður tekur moyggj til ekta, skulu børn tíni taka teg til ekta; og eins og brúðgómur gleðist yvir brúður, skal Gud tín gleðast yvir teg.

2