Ísrael sum statur

Jeremias 31:23 Jeremias

So sigur HARRIN Gud herskaranna, Gud Ísraels: Einaferð enn skal verða sagt í Judalandi og í býunum har – táið Eg vendi lagnu teirra: „HARRIN signi teg, rættvísibústaðurin, tú hitt heilaga fjallið!“

5

Jeremias 31:24 Jeremias

Og Juda við øllum býum sínum skal búgva har saman sum bøndur og sum hirðar, ið flyta higar og hagar.

5

Jeremias 31:25 Jeremias

Tí Eg skal lívga hina troyttu sál, og hvørja ørmaktaða sál skal Eg metta.

5

Jeremias 31:26 Jeremias

Við hetta vaknaði eg og hugdi rundan um meg, og svøvnurin hevði verið mær søtur.

5

Jeremias 31:27 Jeremias

Dagar skulu koma – sigur HARRIN – táið Eg skal sáa menniskjasáð og dýrasáð í øllum Ísraelslandi og Judalandi.

5

Jeremias 31:28 Jeremias

Og eins og Eg havi vakt yvir teimum til at slíta upp og til at ríva og bróta niður, forkoma teimum og plága tey, soleiðis skal Eg eisini vakja yvir teimum til at byggja og planta – sigur HARRIN.

5

Jeremias 31:29 Jeremias

Á teimum døgum skal ikki longur verða sagt: „Fedrarnir ótu súr vínber, og børnini fingu sárar tenn.“

5

Jeremias 31:30 Jeremias

Nei, ein og hvør skal doyggja fyri sítt egna misbrot – ein og hvør, ið etur súr vínber, skal sjálvur fáa sárar tenn.

5

Jeremias 31:31 Jeremias

Dagar koma – sigur HARRIN – táið Eg skal gera nýggjan sáttmála við hús Ísraels og við hús Juda,

5

ikki sáttmála sum hann, ið Eg gjørdi við fedrar teirra, tann dag Eg tók í hond teirra til at leiða teir út av Egyptalandi – sáttmálan við Meg, sum teir brutu, tóat Eg var rætti Harri teirra – sigur HARRIN.

5

Jeremias 31:33 Jeremias

Nei, hetta er sáttmálin, ið Eg skal gera við hús Ísraels eftir teir dagarnar – sigur HARRIN: Eg skal leggja lóg Mína í sinni teirra og skriva hana í hjarta teirra; Eg skal vera Gud teirra, og tey skulu vera fólk Mítt.

5

Jeremias 31:34 Jeremias

Tey skulu ikki longur læra, hvør næsta sín og hvør bróður sín, og siga: „Kenn HARRAN!“ Tí tey skulu øll kenna Meg, bæði smá og stór – sigur HARRIN – tí Eg skal fyrigeva misbrot teirra og ikki longur minnast synd teirra.

5

Jeremias 31:35 Jeremias

So sigur HARRIN, Hann, ið setti sólina at lýsa um dagin og mánan og stjørnurnar at lýsa um náttina, eftir fastari lóg – Hann, ið øsir upp havið, so bylgjurnar brúsa, Hann, ið eitur HARRIN Gud herskaranna:

5

Jeremias 31:36 Jeremias

Táið hesar lógir ikki longur eru í gildi fyri ásjón Míni – sigur HARRIN – skal eisini ætt Ísraels halda uppat at vera tjóð fyri ásjón Míni allar dagar.

5

Jeremias 31:37 Jeremias

So sigur HARRIN: Táið himmalin haruppi verður máldur, og grundvøllir jarðarinnar harniðri verða granskaðir út, skal Eg eisini vraka ætt Ísraels fyri alt tað, ið tey hava gjørt – sigur HARRIN.

5

Jeremias 31:38 Jeremias

Dagar koma – sigur HARRIN – táið býurin verður bygdur HARRANUM frá Hananeltorni líka at Hornsportri.

5

Jeremias 31:39 Jeremias

Haðani skal málisnørið ganga beint á Garebsheyggj og síðani taka aðra leið – til Goa.

5

Jeremias 31:40 Jeremias

Og allur dalurin við hinum deyðu kroppunum og øskuni og allar markirnar líka at Kidronsløki, at horni Rossaporturs, fyri eystan, skulu vera HARRANUM halgað; har skal aldri í allar ævir aftur nakað verða slitið upp ella brotið niður.

5

Esaias 11:12 Esaias

Hann skal reisa hermerki fyri fólkini, savna hinar burtriknu menn Ísraels og sanka hinar sundurspjaddu kvinnur Juda, úr hinum fýra hornum jarðarinnar.

4

Esaias 43:5 Esaias

Óttast ikki! Eg eri við tær. Úr eystri lati Eg avkom títt koma, og úr vestri savni Eg teg.

4

Esaias 43:6 Esaias

Eg skal siga við norðrið: „Kom higar við teimum!“ við suðrið: „Halt teimum ikki, lat synir Mínar koma úr fjarløgu og døtur Mínar frá enda jarðarinnar,

4

Fimta Mósebók 30:3 Fimta Mósebók

tá skal HARRIN Gud tín venda lagnu tíni og vísa tær náði og savna teg saman aftur frá øllum fólkunum, ið HARRIN Gud tín hevur spjatt teg ímillum.

3

Ezekiel 37:12 Ezekiel

Profetera tí og sig við tey: So sigur Harrin HARRIN: Eg opni gravir tykkara og lati tykkum, fólk Mítt, koma upp úr grøvum tykkara; og Eg flyti tykkum inn í Ísraelsland.

3

Ezekiel 39:1 Ezekiel

Tú, menniskjasonur! Profetera móti Gog og sig: So sigur Harrin HARRIN: Eg komi yvir teg, Gog, høvdingi yvir Ros, Mesek og Tubal!

2

Ezekiel 39:2 Ezekiel

Eg skal venda tær við, reka teg fram, lata teg koma úr ytsta Norðurlandi og leiða teg niðan á Ísraelsfjøll.

2

Ezekiel 39:3 Ezekiel

Eg skal sláa bogan úr vinstru hond tíni og lata pílarnar detta úr høgru hond tíni.

2

Ezekiel 39:4 Ezekiel

Á Ísraelsfjøllum skalt tú falla, tú og allir skarar tínir og fólkasløgini, ið við tær eru; alskyns rovfuglum og hinum villu dýrunum á markini gevi Eg teg til føði.

2

Ezekiel 39:5 Ezekiel

Á markini skalt tú falla; tí Eg havi talað – sigur Harrin HARRIN.

2

Ezekiel 39:6 Ezekiel

Eg skal senda eld móti Magog og móti teimum, ið trygt búgva á oyggjunum – og tey skulu sanna, at Eg eri HARRIN.

2

Ezekiel 39:7 Ezekiel

Eg skal kunngera heilaga navn Mítt millum Ísrael, fólk Mítt, og ikki longur lata heilaga navn Mítt verða vanhalgað – og tjóðirnar skulu sanna, at Eg eri HARRIN, hin heilagi í Ísrael.

2

Ezekiel 39:8 Ezekiel

Ja, tað kemur, og tað verður – sigur Harrin HARRIN; hetta er dagurin, ið Eg havi talað um.

2

Ezekiel 39:9 Ezekiel

Tá skulu teir, sum búgva í býum Ísraels, fara út og kynda eld og halda hann brennandi við herklæðum, við smáum og stórum skjøldum, við bogum, pílum, støvum og spjótum; í sjey ár skulu teir halda eldin brennandi við hesum;

2

Ezekiel 39:10 Ezekiel

teir skulu ikki fara út á markina eftir viði og ikki høgga í skógunum; nei, við herklæðunum skulu teir halda eldin brennandi. Teir skulu ræna frá ránsmonnum sínum og herja herjarar sínar – sigur Harrin HARRIN.

2

Ezekiel 39:11 Ezekiel

Tann dag skal Eg geva Gog gravstað í Ísrael, Ferðamannadal eystan fyri havið;* hann skal steingja ferðafólki vegin. Har skulu teir jarða Gog og alt lið hansara, og teir skulu rópa hann Gogsliðsdal.

2

Ezekiel 39:12 Ezekiel

Sjey mánaðir skal hús Ísraels vera um at jarða teir og soleiðis reinsa landið.

2

Ezekiel 39:13 Ezekiel

Alt fólkið í landinum skal vera um at jarða teir, og tað skal vera teimum til rós, tann dag Eg opinberi dýrd Mína – sigur Harrin HARRIN.

2

Ezekiel 39:14 Ezekiel

Teir skulu velja nakrar menn, sum støðugt skulu ferðast um landið, og aðrar, sum saman við teimum, ið ferðast um landið, skulu jarða allar, ið enn liggja eftir á markini um alt landið – til at reinsa tað. Táið sjey mánaðir eru umlidnir, skulu teir leita við sama lagi.

2

Ezekiel 39:15 Ezekiel

Táið ein teirra, sum ferðast um landið, á ferð síni sær menniskjabein, skal hann seta upp merki har, inntil teir, ið jarða skulu, fáa jarðað tað í Gogsliðsdali.

2

Ezekiel 39:16 Ezekiel

Eisini skal býur har bera navnið Hamona.* Soleiðis skulu teir reinsa landið.

2

Ezekiel 39:17 Ezekiel

Og tú, menniskjasonur! So sigur Harrin HARRIN: Sig við alskyns fuglar og við øll hini villu dýrini á markini: Savnist saman og komið, tyrpist saman úr øllum ættum til sláturofrið, ið Eg drepi fyri tykkum, veldigt sláturoffur á Ísraelsfjøllum – tit skulu eta kjøt og drekka blóð!

2

Ezekiel 39:18 Ezekiel

Kjøtið av køppum skulu tit eta, og blóðið úr høvdingum jarðarinnar skulu tit drekka – úr veðrum, lombum, bukkum og tarvum – allir eru fitaðir í Basan.

2

Ezekiel 39:19 Ezekiel

Tit skulu eta feitt, inntil tit eru mett, og drekka blóð, inntil tit eru drukkin – av sláturofrinum, ið Eg drepi fyri tykkum.

2

Ezekiel 39:20 Ezekiel

Tit skulu verða mettað við borð Mítt við ríðihestum og vagnhestum, við køppum og alskyns hermonnum – sigur Harrin HARRIN.

2

Ezekiel 39:21 Ezekiel

Eg skal opinbera dýrd Mína millum tjóðirnar, og øll fólkasløg skulu síggja dómin, ið Eg havi hildið, og hond Mína, ið Eg havi lagt á tey.

2

Ezekiel 39:22 Ezekiel

Hús Ísraels skal sanna, at Eg, HARRIN, eri Gud teirra – frá tí degi og framvegis.

2

Ezekiel 39:23 Ezekiel

Og tjóðirnar skulu sanna, at tað var fyri misgerð sína, hús Ísraels varð flutt burtur – aftur fyri at tey vóru Mær trúleys, so Eg fjaldi ásjón Mína fyri teimum og gav tey í hendur fígginda teirra, og tey fullu fyri svørði øll somul.

2

Ezekiel 39:24 Ezekiel

Eftir óreinsku teirra og lógbrotum teirra gjørdi Eg við tey og fjaldi ásjón Mína fyri teimum.

2

Ezekiel 39:25 Ezekiel

Tí sigur Harrin HARRIN so: Nú skal Eg venda lagnu Jákups og vísa øllum húsi Ísraels náði og vera íðin fyri heilaga navni Mínum.

2

Ezekiel 39:26 Ezekiel

Tey skulu gloyma skomm sína og alt trúloysið, ið tey hava víst Mær – táið tey búgva trygt í landi sínum, og eingin ræðir tey.

2

Ezekiel 39:27 Ezekiel

Ja, táið Eg leiði tey aftur frá tjóðunum og savni tey saman úr londum fígginda teirra og prógvi Meg heilagan á teimum, so mangar tjóðir síggja,

2