hjálpari hjá presti
48 versir um "hjálpari hjá presti"
Versir
Síða 1 av 1Fyrra Timoteusarbrævið 5:17 Fyrra Timoteusarbrævið
Hinir elstu, sum eru góðir fyristøðumenn, skulu verða hildnir tvífaldan heiður verdir, mest teir, sum arbeiða í talu og læru.
Fyrra Timoteusarbrævið 5:18 Fyrra Timoteusarbrævið
Tí skriftin sigur: „Tú mást ikki múlbinda oksan, ið treskir“, og: „Arbeiðsmaðurin er løn sína verdur.“
Jeremias 3:15 Jeremias
Eg skal geva tykkum hirðar eftir hjarta Mínum; teir skulu røkta tykkum við skili og vísdómi.
Fyrsta Mósebók 12:3 Fyrsta Mósebók
Eg skal signa tey, ið signa teg, og tann, ið tær bannar, honum skal Eg banna; og í tær skulu allar ættir á jørðini verða signaðar.“
Seinna Timoteusarbrævið 2:15 Seinna Timoteusarbrævið
Ger tær ómak at vísa teg sjálvan fram sum ein, ið royndur er fyri Gudi, sum arbeiðsmann, ið einki hevur at skammast við, sum lærir sannleiksorðið rætt!
Orðtøkini 1:1 Orðtøkini
Orðtøk Sálomos, sonar Dávids, kongs Ísraels.
Orðtøkini 1:2 Orðtøkini
Av teimum kann ein læra vísdóm og tykt og skilja vitiga talu;
Orðtøkini 1:3 Orðtøkini
av teimum kann ein fáa revsing, ið ger hann klókan, og læra rættvísi, rætt og rættsinni;
Orðtøkini 1:4 Orðtøkini
tey geva hinum óroyndu klókskap, hinum ungu kunnskap og skil.
Orðtøkini 1:5 Orðtøkini
Við at lurta eftir teimum eykar hin vísi um lærdóm sín, og hin vitigi lærir at liva rætt.
Orðtøkini 1:6 Orðtøkini
Av teimum kann ein læra at skilja orðtøk og líkingamál, orð vísmanna og gátur teirra.
Orðtøkini 1:7 Orðtøkini
At óttast HARRAN er upphav kunnskapar; dárar vanvirða vísdóm og tykt.
Orðtøkini 1:8 Orðtøkini
Lurta eftir, sonur mín, táið faðir tín áminnir teg, og vraka ikki tað, ið móðir tín lærir teg!
Orðtøkini 1:9 Orðtøkini
Tí tað er yndisligur kransur um høvd títt og ketur um háls tín.
Orðtøkini 1:10 Orðtøkini
Sonur mín! Táið syndarar lokka teg, sig tá nei!
Orðtøkini 1:11 Orðtøkini
Táið teir siga: „Kom við okkum! Vit skulu lúra eftir blóði, uttan grund seta fellur fyri hini sakleysu;
Orðtøkini 1:12 Orðtøkini
sum deyðaríkið skulu vit gloypa teimum livandi, við húð og hári, sum tað gloypir teimum, ið fara niður í grøvina;
Orðtøkini 1:13 Orðtøkini
vit skulu vinna okkum góðs og gull, fylla hús okkara við ráni;
Orðtøkini 1:14 Orðtøkini
tú skalt sleppa at kasta lut um tað saman við okkum, vit skulu allir hava ein pung“
Orðtøkini 1:15 Orðtøkini
– sonur mín, far tá ikki við teimum, halt fóti tínum frá leið teirra!
Orðtøkini 1:16 Orðtøkini
Tí føtur teirra eru skjótir til hitt illa, teir eru kvikir at úthella blóð;
Orðtøkini 1:17 Orðtøkini
til onga nyttu verður netið breitt út, so allir fuglarnir síggja;
Orðtøkini 1:18 Orðtøkini
teir lúra eftir sínum egna blóði, teir seta fellur fyri seg sjálvar.
Orðtøkini 1:19 Orðtøkini
– Soleiðis gongst einum og hvørjum, ið er tráur eftir órøttum vinningi – hann tekur lívið av sínum egnu harrum!
Orðtøkini 1:20 Orðtøkini
Vísdómurin rópar á gøtuni, hann letur rødd sína ljóða á torgunum;
Orðtøkini 1:21 Orðtøkini
á gøtumótum kallar hann, mitt í ganginum; við býportrini og runt um í býnum talar hann og sigur:
Orðtøkini 1:22 Orðtøkini
„Hvussu leingi ætla tit fávitskutu at elska fávitsku, og hvussu leingi ætla spottararnir at hava gleði sína í spotti, og dárarnir at hata kunnskap?
Orðtøkini 1:23 Orðtøkini
Vendið við og aktið eftir revsing míni! So skal eg lata anda mín streyma út yvir tykkum, eg skal kunngera tykkum orð míni.
Orðtøkini 1:24 Orðtøkini
– Við tað at tit vildu ikki hoyra, táið eg rópti, við tað at eingin gav tí gætur, táið eg rætti út hond mína,
Orðtøkini 1:25 Orðtøkini
við tað at tit vanvirdu øll ráð míni og vildu ikki vita av revsing míni,
Orðtøkini 1:26 Orðtøkini
so skal eisini eg læa, táið vanlukkan rámar tykkum, eg skal spotta, táið tað kemur, sum tit óttast fyri,
Orðtøkini 1:27 Orðtøkini
táið tað, ið tit óttast fyri, kemur sum ódnarveður, og vanlukkan nærkast tykkum sum stormur, táið trongd og neyð koma á tykkum.
Orðtøkini 1:28 Orðtøkini
Tá skulu tey kalla á meg, men eg svari ikki; tey leita eftir mær, men finna meg ikki.
Orðtøkini 1:29 Orðtøkini
Aftur fyri at tey hataðu kunnskap og vrakaðu at óttast HARRAN,
Orðtøkini 1:30 Orðtøkini
vildu ikki vita av ráði mínum, men vanvirdu alla revsing mína,
Orðtøkini 1:31 Orðtøkini
so skulu tey eta ávøkstin av atburði sínum og verða mettað av sínum egnu ráðum.
Orðtøkini 1:32 Orðtøkini
Tí at hini fávitskutu venda sær burt – tað drepur tey, og sorgloysi dáranna verður undirgangur teirra.
Orðtøkini 1:33 Orðtøkini
Men tann, ið lurtar eftir mær, býr tryggur og livir í friði uttan ótta fyri vanlukku.“
Hebrearabrævið 13:17 Hebrearabrævið
Aktið vegleiðarar tykkara, og gerið, sum teir siga tykkum! Tí teir vakja yvir sálum tykkara, sum teir, ið skulu gera roknskap – so teir kunnu gera tað við gleði og ikki suffandi – tað er tykkum ikki til gagn!
Seinna Timoteusarbrævið 3:16 Seinna Timoteusarbrævið
Øll skriftin er innblást av Gudi og er nyttulig til lærdóm, til sannføring, til rættleiðing, til uppfostran í rættvísi,
Sálmarnir 134:1 Sálmarnir
Songur. Á hátíðarferðunum. Upp, lovið HARRANUM, allir tit tænarar HARRANS, tit, ið um næturnar standa í húsi HARRANS!
Sálmarnir 134:2 Sálmarnir
Lyftið upp hendur tykkara móti halgidóminum og lovið HARRANUM!
Sálmarnir 134:3 Sálmarnir
HARRIN signi teg av Zion, Hann, sum skapti himmal og jørð!
Lukas 6:38 Lukas
Gevið, so skal tykkum verða givið – gott, stappað, rist, rokað mál skal verða givið tykkum í fangið! Tí við málinum, ið tit mála við, skal tykkum verða mált aftur.“
Ápostlasøgan 20:28 Ápostlasøgan
Ansið tí eftir tykkum sjálvum og eftir øllum fylginum, har Heilagi Andin hevur sett tykkum sum umsjónarmenn at røkta samkomu Guds, sum Hann vann Sær við Sínum egna blóði!
Seinna Korintbrævið 9:7 Seinna Korintbrævið
Ein og hvør gevi, eftir sum hann setur sær fyri í hjartanum, ikki av óhugi ella av tvingsli – tí Gud elskar glaðan gevara!
Fyrra Pætursbrævið 4:10 Fyrra Pætursbrævið
Eftir sum ein og hvør hevur fingið náðigávu, tænið soleiðis hvør øðrum við henni sum góðir húshaldarar yvir margfaldu náði Guds!
Fyrra Pætursbrævið 4:11 Fyrra Pætursbrævið
Talar onkur, so tali hann sum orð Guds! Hevur onkur tænastu, so tæni hann, eftir sum Gud gevur honum kraft til tað, so Gud kann verða ærdur í øllum við Jesusi Kristi, sum eigur dýrd og mátt í aldur og allar ævir! Amen.