heimsendir

Matteus 24:36 Matteus

Men tann dag og tíma veit eingin, heldur ikki einglarnir í Himli, heldur ikki Sonurin – eingin uttan Faðirin.

9

Matteus 24:44 Matteus

Verið tí eisini tit til reiðar! Tí Menniskjasonurin kemur, tann tíma tit ikki hugsa.

5

Lukas 21:25 Lukas

Tekin skulu vera í sól, mána og stjørnum, og á jørðini skal angist og vónloysi koma á tjóðirnar; tí havið og bylgjurnar brúsa,

5

Lukas 21:26 Lukas

og menniskju ørmaktast av ótta og angist fyri tí, sum yvir jarðarríki kemur; tí kreftir himmalsins skulu skakast.

5

Opinberingin 20:1 Opinberingin

Eg sá nú eingil koma niður av himli; hann hevði í hondini lykil avgrundarinnar og stóra leinkju.

4

Opinberingin 20:2 Opinberingin

Hann tók drekan, hin gamla ormin, sum er Djevulin og Satan, bant hann fyri 1000 ár

4

Opinberingin 20:3 Opinberingin

og kastaði hann í avgrundina og læsti og innsiglaði yvir honum, fyri at hann skuldi ikki longur villleiða tjóðirnar – fyrrenn hini 1000 árini vóru á enda; eftir tað skal hann verða loystur stutta tíð.

4

Opinberingin 20:4 Opinberingin

Eg sá hásæti, og teir settust í tey; og teimum varð givið vald at halda dóm. Eg sá sálir teirra, sum hálshøgd vóru fyri Jesu vitnisburðar og fyri orðs Guds skuld, og tey, sum ikki høvdu tilbiðið dýrið ella mynd tess og ikki høvdu tikið merkið á pannuna ella á hondina; tey vórðu livandi og gjørdust kongar við Kristusi 1000 ár.

4

Opinberingin 20:5 Opinberingin

– Hini av teimum deyðu vórðu ikki livandi, fyrrenn hini 1000 árini vóru á enda. – Hetta er fyrra uppreisnin.

4

Opinberingin 20:6 Opinberingin

Sælur og heilagur er tann, sum hevur lut í fyrru uppreisnini! Yvir teimum hevur hin annar deyðin einki vald; nei, tey skulu vera prestar Guds og Kristusar og vera kongar við Honum 1000 ár.

4

Opinberingin 20:7 Opinberingin

Táið hini 1000 árini eru á enda, skal Satan verða loystur úr fangahúsi sínum.

4

Opinberingin 20:8 Opinberingin

Og hann skal fara út at villleiða fólkasløgini, sum eru við hini fýra horn jarðarinnar – Gog og Magog – og savna tey til bardaga; tal teirra er sum sjóvarsandur.

4

Opinberingin 20:9 Opinberingin

Teir komu eftir jørðini, so víð sum hon var, og kringsettu tilhald hinna heilagra og hin elskaða stað. – Men eldur fall niður av himli og oyddi teir.

4

Opinberingin 20:10 Opinberingin

Og Djevulin, sum villleiddi tey, varð kastaður í sjógvin við eldi og svávuli – sum eisini dýrið og lygiprofeturin vóru í; tey skulu verða pínd dag og nátt í aldur og allar ævir.

4

Opinberingin 20:11 Opinberingin

Eg sá nú stórt, hvítt hásæti og Hann, sum í tí sat; fyri ásjón Hansara flýddu jørð og himmal, og stað var ikki funnið teimum.

4

Opinberingin 20:12 Opinberingin

Og eg sá hini deyðu, stór og smá, standa fyri hásætinum. Bøkur vórðu latnar upp; og onnur bók varð latin upp, tað var bók lívsins. Hini deyðu vórðu dømd eftir tí, sum skrivað var í bókunum, eftir verkum sínum.

4

Opinberingin 20:13 Opinberingin

Havið gav aftur hini deyðu, sum í tí vóru; og deyðin og deyðaríkið góvu aftur hini deyðu, sum í teimum vóru. Tey vórðu dømd, hvørt eftir verkum sínum.

4

Opinberingin 20:14 Opinberingin

Deyðin og deyðaríkið vórðu kastað í eldsjógvin; hetta er hin annar deyðin – eldsjógvurin.

4

Opinberingin 20:15 Opinberingin

Um onkur ikki fanst skrivaður í bók lívsins, varð hann kastaður í eldsjógvin.

4

Matteus 24:13 Matteus

Men tann, ið heldur út líka til endan, skal verða frelstur.

3

Opinberingin 1:3 Opinberingin

Sælur er hann, ið lesur, og sæl eru tey, sum hoyra profetorðið og varðveita tað, sum harí er skrivað; tí tíðin er nær.

3

Esaias 13:9 Esaias

Dagur HARRANS kemur, ræðuligur, fullur av bræði og brennandi vreiði, at gera jørðina til oyðimørk og týna syndararnar av henni.

2

Zakarias 14:1 Zakarias

Dagur HARRANS kemur, táið fongur tín skal verða skiftur í tær.

2

Zakarias 14:2 Zakarias

Tí Eg skal savna allar tjóðir til hernað móti Jerusalem; býurin skal verða tikin, húsini rænd, og kvinnurnar neyðtiknar; og helvtin av fólkinum í staðnum skal fara í útlegd. Men tað, ið eftir er av tí, skal ikki verða oytt úr býnum.

2

Zakarias 14:3 Zakarias

Tí HARRIN skal fara í bardaga móti hesum tjóðum, eins og Hann bardist í forðum, tann dag orrustan var.

2

Zakarias 14:4 Zakarias

Tann dag skulu føtur Hansara standa á Oljufjallinum, ið er beint yvir av Jerusalem, eystanfyri; Oljufjallið skal klovna mitt tvørtur av, úr eystri í vestur, so har verður stórur dalur, við tað at onnur helvtin av fjallinum víkur norðureftir, og hin helvtin suðureftir.

2

Zakarias 14:5 Zakarias

Tit skulu flýggja til dalin millum fjøll Míni; tí dalurin millum fjøllini skal náa líka til Azel; tit skulu flýggja, sum tit flýddu undan jarðskjálvtanum á døgum Uzziasar judakongs. Tá skal HARRIN Gud mín koma – og øll hini heilagu við Tær.

2

Zakarias 14:6 Zakarias

Tann dag skal ljósið hvørva; hini skínandi himmalljós skulu verða myrk.

2

Zakarias 14:7 Zakarias

Og ein dagur skal koma – HARRIN kennir hann – hann skal hvørki vera dagur ella nátt; men móti kvøldi, tá skal verða ljóst.

2

Zakarias 14:8 Zakarias

Tann dag skulu livandi vøtn streyma út úr Jerusalem; onnur helvt teirra skal renna í eysturhavið, og onnur í vesturhavið; bæði summar og vetur skal so vera.

2

Zakarias 14:9 Zakarias

HARRIN skal tá vera kongur yvir øllum landinum; tann dag skal HARRIN vera ein, og navn Hansara eitt.

2

Zakarias 14:10 Zakarias

Alt landið, úr Geba til Rimmon sunnan fyri Jerusalem, skal verða slætti; men staðurin sjálvur skal standa háreistur á hædd síni, líka frá Benjaminsportri til staðið, har hitt fyrra portrið var – til Hornsportur – og frá Hananeltorni til vínpersur kongsins.

2

Zakarias 14:11 Zakarias

Fólkið skal búgva har; aldri aftur skal bann verða lýst yvir tað – Jerusalem skal standa trygt.

2

Zakarias 14:12 Zakarias

Men hetta skal vera plágan, ið HARRIN letur ganga yvir øll fólkasløgini, ið hava barst við Jerusalem: Hann skal lata hold teirra rotna, meðan tey standa á fótum sínum; eygu teirra skulu rotna í eygnaholunum, og tungan skal rotna í munni teirra.

2

Zakarias 14:13 Zakarias

Tann dag skal HARRIN senda stóra ræðslu á tey, so tey leggja hond hvørt á annað og lyfta hondini hvørt móti øðrum.

2

Zakarias 14:14 Zakarias

Eisini Juda skal berjast í Jerusalem, og úr øllum ættum skal góðs tjóðanna verða sankað saman, gull, silvur og klæði í stórari nøgd.

2

Zakarias 14:15 Zakarias

Sama plága skal koma yvir hestar, múldýr, kamelar, esil og øll onnur dýr í tilhaldunum.

2

Zakarias 14:16 Zakarias

Men øll tey, sum eftir verða av øllum tjóðunum, ið herjaðu á Jerusalem, skulu ár eftir ár fara hagar at tilbiðja kongin, HARRAN Gud herskaranna, og halda leyvsalahøgtíðina.

2

Zakarias 14:17 Zakarias

Er tá okkurt fólk á jørðini, sum ikki fer til Jerusalem at tilbiðja kongin, HARRAN Gud herskaranna, so skal einki regn koma hjá tí fólki.

2

Zakarias 14:18 Zakarias

Um fólk Egyptalands fer ikki avstað og kemur ikki hagar, skal einki regn koma hjá teimum heldur; hetta verður plágan, ið HARRIN letur koma yvir tjóðirnar, ið ikki fara hagar at halda leyvsalahøgtíðina;

2

Zakarias 14:19 Zakarias

hetta skal vera revsingin, ið kemur yvir Egyptaland og allar tjóðirnar, ið ikki fara hagar at halda leyvsalahøgtíðina.

2

Zakarias 14:20 Zakarias

Tann dag skal standa at lesa á bjøllum hestanna: „HARRANUM halgaður“; og pottarnir í húsi HARRANS skulu vera sum offurskálirnar fyri altarinum.

2

Zakarias 14:21 Zakarias

Hvør pottur í Jerusalem og Juda skal vera HARRANUM Gudi herskaranna halgaður, so øll tey, sum ofra, kunnu koma og taka teir at kóka í. Tann dag skal eingin Kána’anitur vera longur í húsi HARRANS Guds herskaranna.

2

Matteus 24:1 Matteus

Jesus fór nú út úr templinum og burtur haðani, og lærisveinar Hansara komu til Hansara at vísa Honum tempulbygningarnar.

2

Matteus 24:2 Matteus

Men Hann tók til orða og segði við teir: „Síggja tit ikki alt hetta? Sanniliga, sigi Eg tykkum: Her skal ikki verða latin steinur eftir á steini, sum ikki skal brótast niður.“

2

Matteus 24:3 Matteus

Táið Hann sat á Oljufjallinum, komu lærisveinar Hansara til Hansara einsæri og søgdu: „Sig okkum, nær hetta fer at henda! Og hvat er tekinið fyri, at Tú kemur, og endi er á tíðini?“

2

Matteus 24:4 Matteus

Jesus svaraði teimum: „Síggið til, at eingin villleiðir tykkum!

2

Matteus 24:5 Matteus

Tí mangir skulu koma í navni Mínum og siga: „Eg eri Kristus!“ Og teir skulu villleiða mong.

2

Matteus 24:6 Matteus

Og tit skulu hoyra um hernaðir og frætta hernaðatíðindi. Síggið til, at tit lata tykkum ikki ræða! Tí so má verða; men endin er ikki enn.

2

Matteus 24:7 Matteus

Tí tjóð skal reisast móti tjóð, og ríki móti ríki, og hungur og jarðskjálvti skal vera víða hvar.

2

Versir