heilsugóður

Triðja Jóhannesarbrævið 1:2 Triðja Jóhannesarbrævið

Tú elskaði! Eg ynski, at tær skal gangast væl á allan hátt, og at tú skalt hava heilsuna – eins og sál tíni gongst væl.

4

Seinna Sámuelsbók 8:10 Seinna Sámuelsbók

sendi hann son sín Jóram til Dávid kong at heilsa honum og ynskja honum til lukku, tí hann hevði verið í bardaga við Hadadezer og vunnið hann – tí Hadadezer hevði ofta ligið í stríði við To’i. Hann* hevði við sær silvuríløt, gullíløt og koparíløt.

3

Matteus 8:17 Matteus

fyri at tað skuldi ganga út, sum talað er við Esaiasi profeti, ið sigur: „Hann tók veikleikar okkara og bar sjúkur okkara.“

3

Markus 16:17 Markus

Og hesi tekin skulu fylgja teimum, ið trúgva: Í navni Mínum skulu tey reka út illar andar; tey skulu tala við nýggjum tungum;

3

Markus 16:18 Markus

tey skulu taka ormar upp í hendurnar; drekka tey eitur, skal tað ikki saka tey; á sjúk skulu tey leggja hendurnar, og tey skulu verða grødd.“

3

Jákupsbrævið 5:15 Jákupsbrævið

Og bønin, biðin í trúgv, skal hjálpa hinum sjúka; Harrin skal reisa hann upp, og hevur hann gjørt syndir, skulu tær verða honum fyrigivnar.

3

Jákupsbrævið 5:16 Jákupsbrævið

Játtið tí syndirnar hvør fyri øðrum, og biðið hvør fyri øðrum, fyri at tit kunnu verða grødd! Bøn, biðin av rættvísum manni, avrikar nógv, táið hon verður biðin við kraft.

3

Onnur Mósebók 15:26 Onnur Mósebók

Hann segði: „Lurtar tú eftir HARRANUM Gudi tínum, og gert tú tað, sum rætt er í eygum Hansara, aktar eftir boðum Hansara og heldur allar fyriskipanir Hansara, so skal Eg onga av teimum sjúkum leggja á teg, sum Eg legði á Egyptar – men Eg eri HARRIN, lækni tín!“

2

Onnur Mósebók 23:25 Onnur Mósebók

Tit skulu dýrka HARRAN Gud tykkara, og Hann skal signa breyð títt og vatn títt. Og Eg skal halda sjúku burtur frá tær.

2

Fimta Mósebók 32:39 Fimta Mósebók

Nú síggja tit, at Eg eri Hann – at eingin Gud er uttan Eg! Eg deyði, og Eg geri livandi, Eg særi, og Eg grøði, og eingin er, sum frelsir av hond Míni.

2

Seinna Krønikubók 7:14 Seinna Krønikubók

– um tá fólk Mítt, sum er uppkallað eftir navni Mínum, eyðmýkir seg, biður, søkir ásjón Mína og vendir um av óndu leiðum sínum, so skal Eg hoyra í Himli, fyrigeva synd teirra og grøða land teirra.

2

Sálmarnir 6:2 Sálmarnir

HARRI, straffa meg ikki í vreiði Tíni, revsa meg ikki, meðan Tú ert illur!

2

Sálmarnir 30:2 Sálmarnir

HARRI, eg geri Teg stóran, tí Tú bjargaði mær, lætst ei fíggindar mínar gleðast uppi yvir mær!

2

Sálmarnir 103:1 Sálmarnir

Eftir Dávid. Lova HARRANUM, sál mín, og alt, sum í mær er, lovi heilaga navni Hansara!

2

Sálmarnir 103:2 Sálmarnir

Lova HARRANUM, sál mín, og gloym ikki allar vælgerðir Hansara!

2

Sálmarnir 103:3 Sálmarnir

Hann er jú tann, ið fyrigevur allar misgerðir tínar og grøðir allar sjúkur tínar,

2

Sálmarnir 103:4 Sálmarnir

sum loysir lív títt frá grøvini og krýnir teg við náði og miskunn,

2

Sálmarnir 103:5 Sálmarnir

sum mettar sál tína við tí, ið gott er, so tú yngist upp aftur sum ørnin.

2

Sálmarnir 107:20 Sálmarnir

sendi orð Sítt og grøddi tey og frelsti tey frá grøvini.

2

Sálmarnir 118:17 Sálmarnir

Eg skal ikki doyggja, men liva og bera boð um verk HARRANS.

2

Sálmarnir 147:3 Sálmarnir

Hann grøðir tey, ið hava sundurbrotið hjarta, og bindur um sár teirra;

2

Orðtøkini 3:7 Orðtøkini

Ver ikki vísur í egnum eygum, óttast HARRAN og vík frá illum!

2

Orðtøkini 3:8 Orðtøkini

Tað skal vera likami tínum grøðing og geva nýggja megi í bein tíni.

2

Orðtøkini 4:20 Orðtøkini

Sonur mín! Gev orðum mínum gætur, legg oyrað til tað, ið eg sigi!

2

Orðtøkini 4:21 Orðtøkini

Lat tað ikki fara tær úr eygsjón, varða tað djúpt í hjarta tínum!

2

Orðtøkini 4:22 Orðtøkini

Tí tað er øllum teimum lív, sum finna tað, og øllum likami teirra grøðing.

2

Orðtøkini 16:24 Orðtøkini

Mild orð eru sum rennandi hunangur, sálini søt og likaminum heilsubót.

2

Orðtøkini 17:22 Orðtøkini

Glatt hjarta gevur góða heilsubót, men brotið mót sýgur mergin úr beinunum.

2

Esaias 53:5 Esaias

Men Hann varð særdur fyri brot okkara, soraður fyri misgerðir okkara; straffin varð løgd á Hann, so vit skuldu hava frið, og við sárum Hansara eru vit grødd.

2

Esaias 58:8 Esaias

Tá skal ljós títt renna upp sum morgunroðin, tá skulu sár tíni skjótt verða grødd; rættvísi tín skal ganga fyri tær, og dýrd HARRANS aftast í ferðalagi tínum.

2

Esaias 61:1 Esaias

Andi Harrans HARRANS er yvir Mær, av tí at HARRIN hevur salvað Meg at bera eyðmjúkum gleðiboð; Hann hevur sent Meg við grøðing til teirra, ið hava sundurbrotið hjarta, at boða fangum frælsi og bundnum, at tey skulu sleppa leys,

2

Esaias 61:2 Esaias

at kunngera náðiár HARRANS og hevndardag Guds okkara, at troysta øll, ið syrgja,

2

Esaias 61:3 Esaias

at geva teimum í Zion, sum syrgja, høvuðprýði í staðin fyri øsku, gleðiolju í staðin fyri sorg, lovsongsbúna í staðin fyri mótleysan anda; tey skulu verða rópt rættferðareikir, plantur HARRANS, Honum til dýrd.

2

Esaias 61:4 Esaias

Tey skulu byggja upp aftur hinar avgomlu toftir, reisa aftur tað, sum hevur ligið í oyði frá fornaldartíð; tey skulu reisa av nýggjum oyddar býir, tað, sum hevur ligið í oyði mann eftir mann.

2

Jeremias 3:22 Jeremias

Komið aftur, tit fráfalnu børn! Eg skal grøða fráføll tykkara. – „Ja, vit koma til Tín, tí Tú ert HARRIN Gud okkara!

2

Jeremias 17:14 Jeremias

Grøð meg, HARRI! So verði eg grøddur. Frels meg! So verði eg frelstur. Tí Tú ert lovsongur mín.

2

Jeremias 30:17 Jeremias

Tí Eg skal binda um hjá tær og grøða sár tíni – sigur HARRIN; tey rópa teg jú „hina burtriknu“, „Zion, sum eingin spyr eftir.“

2

Jeremias 33:6 Jeremias

Tó, Eg skal grøða sár hansara og lata tey batna; Eg skal grøða tey og lata tey síggja yvirflóð av friði og trygd.

2

Hoseas 6:1 Hoseas

„Komið, latið okkum venda við til HARRAN! Hann hevur skrætt okkum sundur, og Hann skal eisini grøða okkum; Hann sló, og Hann skal eisini binda um hjá okkum.

2

Hoseas 14:4 Hoseas

Assur skal ikki hjálpa okkum, á hestum skulu vit ikki ríða, og vit skulu ikki uppaftur siga við handaverk okkara: „Gud okkara!“ Tí hjá Tær er tað, hin faðirleysi finnur miskunn!“

2

Matteus 8:13 Matteus

So segði Jesus við høvuðsmannin: „Far! Tær verði, sum tú trúði!“ Og drongurin varð frískur í somu stund.

2

Galatiabrævið 3:13 Galatiabrævið

Kristus keypti okkum leys undan banni lógarinnar, táið Hann varð bann fyri okkum – tí skrivað er: „Bannaður er hvør tann, ið hongur á træi“ –

2

Filippibrævið 4:13 Filippibrævið

Alt eri eg mentur í Honum, sum ger meg sterkan.

2

Filippibrævið 4:19 Filippibrævið

Og Gud mín skal eftir ríkidømi Sínum fylla alla trongd tykkara í dýrd í Kristi Jesusi.

2

Fyrra Pætursbrævið 2:24 Fyrra Pætursbrævið

– sum sjálvur bar syndir okkara á likami Sínum upp á træið, fyri at vit, deyð frá syndunum, skuldu liva fyri rættvísina, og við hvørs sárum tit eru grødd.

2

Versir