háur aldur / elli
15 versir um "háur aldur / elli"
Versir
Síða 1 av 1Orðtøkini 16:31 Orðtøkini
Grá hár eru vøkur krúna; hon er at finna á rættvísivegi.
Esaias 46:4 Esaias
Líka til elliár tykkara eri Eg hin sami, og inntil hár tykkara gránar, skal Eg bera tykkum; Eg havi gjørt tað, og Eg skal eisini hereftir lyfta tykkum, Eg skal bera og frelsa tykkum.
Job 12:12 Job
Eru elli og vísdómur eitt og tað sama, ella langt lív og vit!
Sálmarnir 92:14 Sálmarnir
tey eru plantað í húsi HARRANS, grógva í forgørðum Guds okkara;
Sálmarnir 71:9 Sálmarnir
Kasta meg ikki frá Tær í elli míni, og svík meg ikki, nú mátturin svinnur!
Sálmarnir 71:18 Sálmarnir
Svík meg so heldur ikki, táið eg verði gamal og gráur, Gud! Enn skal eg kunngera øllum komandi ættum arm Tín, øllum teimum, ið koma skulu, mátt Tín.
Triðja Mósebók 19:32 Triðja Mósebók
Tú skalt reisa teg fyri hinum gráu hárum og heiðra hin gamla; tú skalt óttast Gud tín. – Eg eri HARRIN!
Job 5:26 Job
Í fullbúnari elli skalt tú fara í grøvina, eins og bundi verða borin til hús á tíma sínum.
Sálmarnir 37:25 Sálmarnir
Eg havi verið ungur og eri vorðin gamal; men ikki havi eg sæð hin rættvísa vinaleysan ella avkom hansara leita eftir breyði.
Sálmarnir 90:10 Sálmarnir
Lív okkara varir 70 ár – ella 80 ár, táið styrkin er nógv; og táið tað er frægast, er tað møði og fáfongd; tí skjótt er tað yvirstaðið, vit flúgva avstað.
Orðtøkini 17:6 Orðtøkini
Krúna hinna gomlu er barnabørn, og prýði barnanna er fedrar teirra.
Orðtøkini 20:29 Orðtøkini
Prýði hinna ungu er styrki teirra, og heiður hinna gomlu er hini gráu hár.
Esaias 40:31 Esaias
Men tey, sum bíða eftir HARRANUM, fáa nýggja kraft, tey lyfta veingjunum sum ørnir; tey renna – og møðast ikki, tey ganga – og lúgvast ikki!
Seinna Korintbrævið 4:16 Seinna Korintbrævið
Vit missa tí ikki mótið; nei, um so útvortis menniskja okkara gongur til grundar, endurnýggjast tó innvortis menniskja okkara dag frá degi.
Titusarbrævið 2:2 Titusarbrævið
At gamlir menn skulu vera fráhaldandi, siðprúðir, høviskir, heilbjargnir í trúnni, í kærleikanum, í tolinum;