Hagar

Fyrsta Mósebók 16:1 Fyrsta Mósebók

Sárai, kona Ábram, átti honum eingi børn. Men Sárai hevði egyptiska trælkvinnu, ið æt Hagar.

15

Fyrsta Mósebók 16:2 Fyrsta Mósebók

Sárai segði nú við Ábram: „HARRIN hevur jú gjørt meg ófruktbara; far tí inn til trælkvinnu mína – kanska eg kann fáa avkom gjøgnum hana!“ Ábram gjørdi, sum Sárai segði.

15

Fyrsta Mósebók 16:3 Fyrsta Mósebók

Sárai, kona Ábram, tók tá og læt Ábram, mann sín, fáa Hagar, ta egyptisku trælkvinnu sína, til konu – tað vóru tá 10 ár, síðani Ábram búsettist í Kána’anslandi!

15

Fyrsta Mósebók 16:4 Fyrsta Mósebók

Hann fór nú inn til Hagar, og hon varð við barn. Men táið hon sá, at hon var vorðin við barn, vanvirdi hon frú sína.

15

Fyrsta Mósebók 16:5 Fyrsta Mósebók

Tá segði Sárai við Ábram: „Órætturin, ið eg líði, er tín skuld! Eg havi sjálv givið tær trælkvinnu mína í favn, og nú hon sær, at hon er við barn, vanvirðir hon meg. HARRIN skal vera dómari millum meg og teg!“

15

Fyrsta Mósebók 16:6 Fyrsta Mósebók

Ábram svaraði Sárai: „Tú ræður jú yvir trælkvinnu tíni – ger við hana, sum tær tykir gott!“ Tá fór Sárai illa við henni, so at hon flýddi frá henni.

15

Fyrsta Mósebók 16:7 Fyrsta Mósebók

Men eingil HARRANS fann hana við vatnkelduna í oyðimørkini, við kelduna á vegnum til Sur.

15

Fyrsta Mósebók 16:8 Fyrsta Mósebók

Hann segði: „Hagar, trælkvinna Sárai, hvaðani kemur tú, og hvar ætlar tú tær?“ Hon svaraði: „Eg eri flýdd frá Sárai, frú míni.“

15

Fyrsta Mósebók 16:9 Fyrsta Mósebók

Tá segði eingil HARRANS við hana: „Far aftur til frú tína og eyðmýk teg undir hond hennara!“

15

Fyrsta Mósebók 16:10 Fyrsta Mósebók

Og eingil HARRANS segði við hana: „Eg skal lata avkom títt verða so nógv í tali, at tað skal ikki kunna teljast.“

15

Fyrsta Mósebók 16:11 Fyrsta Mósebók

Framvegis segði eingil HARRANS við hana: „Tú ert nú við barn og skalt eiga son; honum skalt tú geva navnið Ísmael;* tí HARRIN hevur hoyrt tað, ið tú hevur liðið.

15

Fyrsta Mósebók 16:12 Fyrsta Mósebók

Hann skal verða eitt villesil av einum menniskja; hond hansara skal vera móti øllum, og hvørs mans hond móti honum; og hann skal liggja í stríði við allar brøður sínar.“

15

Fyrsta Mósebók 16:13 Fyrsta Mósebók

So gav hon HARRANUM, ið talað hevði við hana, hetta navnið: „Tú ert Gud, sum sær!“ – tí hon segði: „Er tað tó so, at eg havi fingið at síggja Hann, sum sær meg!“

15

Fyrsta Mósebók 16:14 Fyrsta Mósebók

Tí varð hesin brunnur kallaður Be’er-Lahai-Ro’i;* hann er millum Kades og Bered.

15

Fyrsta Mósebók 16:15 Fyrsta Mósebók

Hagar átti Ábrami son, og Ábram gav syninum, ið Hagar átti honum, navnið Ísmael.

15

Fyrsta Mósebók 16:16 Fyrsta Mósebók

Ábram var 86 ár, táið Hagar átti honum Ísmael.

15

Fyrsta Mósebók 21:8 Fyrsta Mósebók

Drongurin vaks nú upp og varð lagdur av brósti; og Ábraham gjørdi gestaboð, tann dagin ið Ísakur varð lagdur av brósti.

11

Fyrsta Mósebók 21:9 Fyrsta Mósebók

Men Sára sá, at sonur Hagar, ta egyptisku kvinnuna, hann, ið hon hevði átt Ábrahami, hann spottaði.

11

Fyrsta Mósebók 21:10 Fyrsta Mósebók

Tá segði hon við Ábraham: „Rek hesa trælkvinnu og son hennara burt! Sonur hesa trælkvinnu skal ikki arva saman við Ísaki, syni mínum!“

11

Fyrsta Mósebók 21:11 Fyrsta Mósebók

Hetta gjørdi Ábrahami ógvuliga ilt – fyri sonar hansara skuld.

11

Fyrsta Mósebók 21:12 Fyrsta Mósebók

Men Gud segði við Ábraham: „Lat tað ikki gera tær ilt fyri drongin og trælkvinnu tína! Ger í allar mátar, sum Sára sigur við teg! Tí í Ísaki er tað, at avkom skal verða uppkallað eftir tær.

11

Fyrsta Mósebók 21:13 Fyrsta Mósebók

Men eisini son trælkvinnuna skal Eg gera til eitt fólk – hann er jú avkom títt!“

11

Fyrsta Mósebók 21:14 Fyrsta Mósebók

Tíðliga morgunin eftir tók Ábraham tá breyð og skinnsekk við vatni og fekk Hagar tað at bera millum herðarnar; hann gav henni eisini drongin og læt hana síðani fara. Sum hon nú gekk, viltist hon í oyðimørkini Be’erseba,

11

Fyrsta Mósebók 21:15 Fyrsta Mósebók

og vatnið í sekkinum varð uppi; tá legði hon drongin undir ein runn

11

Fyrsta Mósebók 21:16 Fyrsta Mósebók

og fór og setti seg nakað burturfrá, okkurt um eitt bogaskot; tí hon hugsaði: „Eg orki ikki at síggja drongin doyggja!“ Har sat hon nakað burtur frá, og hon skar í at gráta.

11

Fyrsta Mósebók 21:17 Fyrsta Mósebók

Men Gud hoyrdi málið í dronginum, og eingil Guds rópti á Hagar av himli og segði við hana: „Hvat bagir tær, Hagar? Óttast ikki, Gud hevur hoyrt málið í dronginum, har sum hann liggur!

11

Fyrsta Mósebók 21:18 Fyrsta Mósebók

Reis teg, hjálp dronginum á føtur og leið hann! Eg skal gera hann til stórt fólk.“

11

Fyrsta Mósebók 21:19 Fyrsta Mósebók

Gud læt nú eygu hennara upp, so at hon rakti við brunn við vatni; tá fór hon og fylti sekkin við vatni og gav dronginum at drekka.

11

Fyrsta Mósebók 21:20 Fyrsta Mósebók

Gud var við dronginum; hann vaks upp og búði í oyðimørkini og varð bogamaður.

11

Fyrsta Mósebók 21:21 Fyrsta Mósebók

Hann búði í Paransoyðimørk, og mamma hansara tók honum konu úr Egyptalandi.

11

Fyrsta Mósebók 25:12 Fyrsta Mósebók

Hetta er ættarbók Ísmaels, sonar Ábrahams, hansara, sum Ábraham fekk við Hagar, tí egyptisku trælkvinnu Sáru.

9

Galatiabrævið 4:24 Galatiabrævið

Hetta hevur jú myndarliga merking; tí hesar kvinnur eru sáttmálarnir báðir; annar er sáttmálin av Sinaifjalli, sum føðir børn til trældóm – tað er Hagar.

9

Galatiabrævið 4:25 Galatiabrævið

Tí „Hagar“ er Sinaifjall í Arabia og svarar til Jerusalem, ið nú er; tí tað er í trældómi við børnum sínum.

9

Fyrsta Mósebók 17:20 Fyrsta Mósebók

Og viðvíkjandi Ísmael, so havi eg bønhoyrt teg – Eg skal signa hann og lata hann nørast og geva honum eitt ómetaligt avkom: tólv høvdingar skal hann fáa til synir, og Eg skal gera hann til eitt stórt fólk.

7

Fyrsta Mósebók 25:18 Fyrsta Mósebók

Teir búðu frá Havila til Sur, sum er beint yvir av Egyptalandi, og fram ímóti Assur. Hann kom í stríð við allar brøður sínar.

3

Versir