dóttir Jairusar
49 versir um "dóttir Jairusar"
Versir
Síða 1 av 1Matteus 9:18 Matteus
Meðan Hann talaði hetta við teir, kom ein fyristøðumaður, fall niður fyri Honum og segði: „Dóttir mín er júst deyð; men kom, legg hond Tína á hana, so verður hon livandi!“
Matteus 9:19 Matteus
Tá reistist Jesus og fór við honum, og lærisveinar Hansara eisini.
Matteus 9:20 Matteus
Nú kom ein kvinna, sum í tólv ár hevði havt blóðsótt, til Hansara aftanífrá og nam við klædnafald Hansara.
Matteus 9:21 Matteus
Tí hon segði við sær sjálvari: „Bert eg nemi við klæði Hansara, verði eg hjálpin.“
Matteus 9:22 Matteus
Tá vendi Jesus Sær á, og táið Hann sá hana, segði Hann: „Ver hugreyst, dóttirin! Trúgv tín hevur frelst teg.“ Og kvinnan varð grødd frá somu stund.
Matteus 9:23 Matteus
Táið Jesus nú kom inn í hús fyristøðumansins og sá floytublásararnar og fólkahópin, ið gjørdi óljóð, segði Hann:
Matteus 9:24 Matteus
„Farið burtur! Gentan er ikki deyð; hon svevur.“ Tá læðu tey at Honum.
Matteus 9:25 Matteus
Men táið fólkahópurin var koyrdur út, fór Hann innar og tók í hond hennara, og gentan reistist.
Matteus 9:26 Matteus
Hetta spurdist allastaðni har um vegir.
Markus 5:22 Markus
Tá kom ein sýnagogustjóri – Jairus æt hann; og táið hann sá Hann, fall hann niður fyri fótum Hansara.
Markus 5:23 Markus
Hann bað Hann bønliga og segði: „Lítla dóttir mín liggur og stríðist; hevði Tú viljað komið og lagt hendurnar á hana, so hon kann verða hjálpin og liva!“
Markus 5:24 Markus
Tá fór Hann avstað við honum, og nógv fólk fylgdi Honum, og tey trokaðust um Hann.
Markus 5:25 Markus
Nú var kvinna, sum hevði havt blóðsótt í tólv ár.
Markus 5:26 Markus
Hon hevði útstaðið nógv av mongum læknum; alt, ið hon átti, hevði hon latið afturfyri, og onga hjálp hevði hon fingið, men var heldur versnað.
Markus 5:27 Markus
Hon hevði hoyrt um Jesus og kom nú aftanfrá mitt ímillum fólkið og nam við klæði Hansara.
Markus 5:28 Markus
Tí hon segði: „Fái eg nomið, um tað so bert er við klæði Hansara, verði eg hjálpin.“
Markus 5:29 Markus
Við tað sama tornaði blóðkelda hennara, og hon kendi í likami sínum, at hon var vorðin frísk av plágu síni.
Markus 5:30 Markus
Men alt fyri eitt sum Jesus kendi við Sær sjálvum kraftina, ið út gekk frá Honum, vendi Hann Sær á í fólkahópinum og segði: „Hvør nam við klæði Míni?“
Markus 5:31 Markus
Lærisveinar Hansara søgdu við Hann: „Tú sært, at fólkið trokar Teg, og Tú spyrt: „Hvør nam við Meg?““
Markus 5:32 Markus
Men Hann hugdi rundan um Seg fyri at fáa eyga á hana, ið gjørt hetta hevði.
Markus 5:33 Markus
Kvinnan – sum visti, hvat hana hevði hent – kom nú rødd og skelvandi og fall niður fyri Honum og segði Honum alt, sum tað var.
Markus 5:34 Markus
Tá segði Hann við hana: „Dóttirin! Trúgv tín hevur frelst teg! Far í friði og ver frísk av plágu tíni!“
Markus 5:35 Markus
Meðan Hann enn talaði, komu nøkur frá sýnagogustjóranum og søgdu: „Dóttir tín er deyð; hví ómakar tú Meistaran longur!“
Markus 5:36 Markus
Men Jesus hoyrdi orðið, ið sagt varð, og segði við sýnagogustjóran: „Óttast ikki, trúgv bert!“
Markus 5:37 Markus
Hann læt ongan fáa loyvi at koma við Sær uttan Pætur og Jákup, og Jóhannes, bróður Jákup.
Markus 5:38 Markus
So komu teir til hús sýnagogustjórans, og har sá Hann mongd av fólki, sum helt gang og græt og venaði seg illa.
Markus 5:39 Markus
Hann fór tá inn og segði við tey: „Hví gera tit óljóð og gráta? Barnið er ikki deytt, tað svevur!“
Markus 5:40 Markus
Tey læðu at Honum. Men Hann koyrdi tey øll út; so tók Hann faðir og móður barnsins við Sær, og teir, ið við Honum vóru, og fór inn, hagar sum barnið var.
Markus 5:41 Markus
Og Hann tók í hondina á barninum og segði við hana: „Talita kumi!“ Tað er útlagt: „Genta, Eg sigi tær: Reis teg upp!“
Markus 5:42 Markus
Við tað sama reisti gentan seg upp og gekk umkring; tí hon var tólv ára gomul. Og tey vórðu heilt frá sær sjálvum, so ovfarin vóru tey.
Markus 5:43 Markus
Men Hann forbeyð teimum strangliga at lata nakran fáa hetta at vita; og Hann segði, at tey skuldu geva henni at eta.
Lukas 8:41 Lukas
Tá kom har maður, ið æt Jairus, og sum var fyristøðumaður fyri sýnagoguni; hann fall niður fyri fótum Jesusar og bað Hann koma inn hjá sær;
Lukas 8:42 Lukas
tí einkadóttir hansara – hon var um tólv ár – lá og stríddist. Táið nú Jesus fór avstað, trokaðist fólkið um Hann.
Lukas 8:43 Lukas
Og ein kvinna, sum í tólv ár hevði havt blóðsótt, og hevði latið alt, ið hon átti, til læknar og onga hjálp kunnað fingið frá nøkrum,
Lukas 8:44 Lukas
kom aftanífrá og nam við klædnafald Hansara; við tað sama steðgaði blóðsótt hennara.
Lukas 8:45 Lukas
Tá spurdi Jesus: „Hvør var tað, sum nam við Meg?“ Táið eingin vildi vera við tað, søgdu Pætur og teir, ið við Honum vóru: „Meistari, fólkið trokar og treingir Teg jú!“
Lukas 8:46 Lukas
Men Jesus segði: „Onkur nam við Meg; tí Eg kendi, at kraft gekk út frá Mær.“
Lukas 8:47 Lukas
Táið kvinnan nú sá, at tað var ikki dult, kom hon skelvandi og fall niður fyri Honum og segði, so alt fólkið hoyrdi, hví hon hevði nomið við Hann, og hvussu hon við tað sama varð grødd.
Lukas 8:48 Lukas
Tá segði Hann við hana: „Dóttirin, trúgv tín hevur frelst teg; far í friði!“
Lukas 8:49 Lukas
Meðan Hann enn talaði, kom ein heiman frá sýnagogustjóranum og segði við hann: „Dóttir tín er deyð; ómaka ikki Meistaran!“
Lukas 8:50 Lukas
Men táið Jesus hoyrdi tað, segði Hann við hann: „Óttast ikki, trúgv bert, so skal hon verða frísk!“
Lukas 8:51 Lukas
Táið Hann so kom til húsið, loyvdi Hann ongum at koma inn við Sær uttan Pæturi, Jóhannesi og Jákupi og faðir og móður gentuna.
Lukas 8:52 Lukas
Tey grótu øll har og venaðu seg uppi yvir henni; men Hann segði: „Grátið ikki! Hon er ikki deyð, hon svevur.“
Lukas 8:53 Lukas
Tá læðu tey at Honum; tey vistu jú, at hon var deyð.
Lukas 8:54 Lukas
Men Hann tók í hond hennara og rópti: „Genta, reis teg upp!“
Lukas 8:55 Lukas
Tá kom andi hennara aftur, og hon reistist upp alt fyri eitt; og Hann beyð, at tey skuldu geva henni at eta.
Lukas 8:56 Lukas
Foreldur hennara vórðu ovfarin. Men Hann beyð teimum ongum at siga tað, sum hent hevði.
Markus 5:21 Markus
Táið Jesus nú var farin yvirum aftur í bátinum, savnaðist nógv fólk rundan um Hann, og Hann var við vatnið.
Lukas 8:40 Lukas
Táið Jesus nú kom aftur, tók fólkið ímóti Honum, tí øll bíðaðu eftir Honum.