demónbundni

Markus 5:1 Markus

So komu teir yvir um vatnið, til land Gerasena.

3

Markus 5:2 Markus

Við tað sama sum Hann var farin upp úr bátinum, kom ímóti Honum út úr grøvunum maður við óreinum anda.

3

Markus 5:3 Markus

Hann hevði tilhald sítt har í grøvunum, og eingin kundi longur binda hann, nei, ikki um tað so var við leinkjum.

3

Markus 5:4 Markus

Tí hann hevði mangan verið bundin við fótjørnum og leinkjum; leinkjurnar hevði hann skrætt av sær, og fótjørnini hevði hann slitið sundur, og eingin kundi temja hann.

3

Markus 5:5 Markus

Hann var altíð, bæði dag og nátt, í grøvunum og í fjøllunum, rópti og meinslaði seg sjálvan við steinum.

3

Markus 5:6 Markus

Táið hann nú sá Jesus langt burtur, rann hann til Hansara, kastaði seg niður fyri Honum

3

Markus 5:7 Markus

og rópti hart: „Hvat havi eg við Teg at gera, Jesus, Sonur hins hægsta Guds! Eg taki Teg í eið um Gud, at Tú pínir meg ikki!“

3

Markus 5:8 Markus

Tí Hann segði við hann: „Far út úr manninum, óreini andi!“

3

Markus 5:9 Markus

Tá spurdi Hann hann: „Hvussu eitur tú?“ Hann svaraði Honum: „Legión er navn mítt; tí vit eru nógvir.“

3

Markus 5:10 Markus

Hann bønaði Hann nú, ikki at reka teir burt haðani av leið.

3

Markus 5:11 Markus

Nú lá har við fjallið stórt svínafylgi og át.

3

Markus 5:12 Markus

Og teir bóðu Hann: „Send okkum í svínini, so vit kunnu fara í tey!“

3

Markus 5:13 Markus

Hann gav teimum loyvi til tað. Tá fóru hinir óreinu andarnir út og fóru í svínini; og fylgið, eini 2000 í tali, stoytti sær út av bakkanum í vatnið og druknaði í vatninum.

3

Markus 5:14 Markus

Men svínahirðarnir tóku til beins og fóru og søgdu frá tí inni í staðnum og í bygdunum har. Og fólk fór út at síggja, hvat tað var, ið hent hevði.

3

Markus 5:15 Markus

Táið tey nú komu til Jesus, sóu tey hann, ið settur hevði verið av illum andum – sum legiónin hevði verið í – sita ílatnan og við seg sjálvan; og tey óttaðust.

3

Markus 5:16 Markus

Men teir, ið sæð høvdu, søgdu teimum frá, hvussu til hevði gingist við honum, ið settur hevði verið av illum andum, og um svínini.

3

Markus 5:17 Markus

Tá fóru tey at biðja Hann um at fara burtur av leiðum teirra.

3

Markus 5:18 Markus

Táið Hann so fór í bátin, bað hin, ið settur hevði verið av illum andum, um loyvi at vera hjá Honum.

3

Markus 5:19 Markus

Hann gav honum tó ikki loyvi til tað, men segði við hann: „Far heim til tín sjálvs, til tíni egnu, og sig teimum frá stórverkunum, ið Harrin hevur gjørt fyri teg, og at Hann hevur miskunnað tær!“

3

Markus 5:20 Markus

Tá fór hann avstað og fór at kunngera í Dekapolis stórverkini, ið Jesus hevði gjørt fyri hann; og øll undraðust.

3

Hann varð gitin um alt Sýrland, og tey komu til Hansara við øllum sjúkum, sum vóru heimsøkt av ymiskum sjúkdómum og plágum, bæði teimum, ið vóru sett av illum andum, niðurfalssjúkum og lamnum; og Hann grøddi tey.

2

Matteus 8:28 Matteus

Táið Hann so var yvirum komin, til land Gadarena, møttu Honum tveir, sum vóru settir av illum andum; teir komu út úr grøvunum og vóru ógvuliga óðir, so eingin slapp fram tann vegin.

2

Matteus 8:29 Matteus

Teir róptu: „Hvat hava vit við Teg at gera, Tú Sonur Guds! Ert Tú komin higar at pína okkum, áðrenn tíð er?“

2

Matteus 8:30 Matteus

Langt frá teimum lá stórt svínafylgi og át.

2

Matteus 8:31 Matteus

Hinir illu andarnir bóðu Hann nú: „Rekur Tú okkum út, so loyv okkum at fara í svínafylgið!“

2

Matteus 8:32 Matteus

Hann segði við teir: „Farið!“ Tá fóru teir út og fóru í svínini. Og alt fylgið leyp út av bakkanum í vatnið og druknaði í vatninum.

2

Matteus 8:33 Matteus

Men hirðarnir flýddu og fóru inn í býin og søgdu frá øllum – og hvussu gingist hevði við teimum, ið settir høvdu verið av illum andum.

2

Matteus 8:34 Matteus

Tá fór allur býurin út at møta Jesusi, og táið tey sóu Hann, bóðu tey Hann fara burt av leiðum sínum.

2

Matteus 10:1 Matteus

Hann kallaði nú hinar tólv lærisveinar Sínar til Sín og gav teimum vald yvir óreinum andum, at reka teir út, og at grøða hvørja sjúku og hvønn veikleika.

2

Lukas 8:26 Lukas

Teir hildu nú til lands, har sum Gadarenar búðu, beint yvir av Galilea.

2

Lukas 8:27 Lukas

Táið Hann steig á land, møtti Honum maður úr býnum, sum í langar tíðir hevði verið settur av illum andum og ikki verið í klæðum og ikki havt tilhald í húsum, men í grøvunum.

2

Lukas 8:28 Lukas

Táið hann sá Jesus, skar hann í róp, fall niður fyri Honum og rópti: „Hvat havi eg við Teg at gera, Jesus, Sonur hins Hægsta Guds! Eg biði Teg um, at Tú pínir meg ikki.“

2

Lukas 8:29 Lukas

Tí Hann beyð hinum óreina andanum at fara út úr manninum. Mangan hevði hann gripið hann; og hann varð bundin við leinkjum og fótjørnum, og vakt varð hildin yvir honum; men hann sleit sundur tað, sum hann varð bundin við, og varð av hinum illa andanum rikin út í oyðimarkirnar.

2

Lukas 8:30 Lukas

Jesus spurdi hann nú: „Hvussu eitur tú?“ Hann svaraði: „Legión“ – tí nógvir illir andar vóru farnir í hann.

2

Lukas 8:31 Lukas

Og teir bóðu Hann um ikki at siga við teir, at teir skuldu fara niður í avgrundina.

2

Lukas 8:32 Lukas

Nú var har stórt svínafylgi, sum lá og át á fjallinum; teir bóðu Hann tá loyva sær at fara í svínini, og Hann gav teimum loyvi til tað.

2

Lukas 8:33 Lukas

Tá fóru hinir illu andarnir út úr manninum og í svínini, og fylgið stoytti sær út av bakkanum í vatnið og druknaði.

2

Lukas 8:34 Lukas

Men táið hirðarnir sóu tað, sum hent hevði, flýddu teir og søgdu frá tí inni í staðnum og í bygdunum.

2

Lukas 8:35 Lukas

Fólk kom tá út at síggja tað, sum hent hevði; tey komu til Jesus og funnu mannin, ið hinir illu andarnir vóru farnir út úr, sitandi við føtur Jesusar, ílatnan og við seg sjálvan; tá óttaðust tey.

2

Lukas 8:36 Lukas

Teir, ið sæð høvdu, søgdu teimum nú frá, hvussu hann, ið settur hevði verið av illum andum, var hjálpin.

2

Lukas 8:37 Lukas

Alt fólkið á teimum leiðum har hjá Gadarenum bað Hann tá um at fara burt frá sær; tí stór ræðsla var á teimum. So fór Hann í bátin og fór avstað aftur.

2

Lukas 8:38 Lukas

Men maðurin, sum hinir illu andarnir vóru farnir út úr, bað Hann loyva sær at vera hjá Honum; men Hann læt hann fara frá Sær og segði:

2

Lukas 8:39 Lukas

„Far heimaftur til tín sjálvs og sig frá stórverkunum, ið Gud hevur gjørt fyri teg!“ Tá fór hann avstað og kunngjørdi um allan býin stórverkini, ið Jesus hevði gjørt fyri hann.

2

Ápostlasøgan 16:16 Ápostlasøgan

Nú hendi tað, einaferð vit fóru út til bønastaðið, at vit møttu gentu, ið hevði spádómsanda, og sum vann harrum sínum nógva inntøku við at spáa.

2

Ápostlasøgan 16:17 Ápostlasøgan

Hon gekk aftan á Paulusi og okkum, rópti og segði: „Hesir menn eru tænarar hins hægsta Guds, og teir kunngera tykkum frelsuvegin!“

2

Ápostlasøgan 16:18 Ápostlasøgan

Hetta gjørdi hon í nógvar dagar. Tá harmaðist Paulus um tað, og hann vendi sær og segði við andan: „Í navni Jesu Krists sigi eg við teg, at tú skalt fara út úr henni!“ Og hann fór út í somu stund.

2

Efesusbrævið 6:10 Efesusbrævið

Og síðani: Verðið sterk í Harranum og í kraft veldis Hansara!

2

Efesusbrævið 6:11 Efesusbrævið

Latið tykkum í øll herklæði Guds, so tit kunnu vera ment at standa tykkum móti svikaálopum Djevulsins!

2

Efesusbrævið 6:12 Efesusbrævið

Tí hjá okkum stendur bardagin ikki við blóð og hold, men við tignirnar og veldini, við harrar heimsins í hesum myrkri, við andaher óndskaparins í himmalrúminum.

2

Efesusbrævið 6:13 Efesusbrævið

Farið tí í øll herklæði Guds, so tit kunnu vera ment at gera mótstøðu hin ónda dag og standa eftir at hava vunnið sigur á øllum!

2

Versir