Dávid dansaði
23 versir um "Dávid dansaði"
Versir
Síða 1 av 1Seinna Sámuelsbók 6:14 Seinna Sámuelsbók
Og Dávid dansaði fyri ásjón HARRANS, alt tað hann var mentur; hann var í lívkyrtli av líni.
Sálmarnir 149:3 Sálmarnir
Tey skulu lova navni Hansara við dansi, lovsyngja Honum við trummu og sitara.
Sálmarnir 150:1 Sálmarnir
Halleluja! – Lovið Gudi í halgidómi Hansara, lovið Honum í sterka hvølvi Hansara!
Sálmarnir 150:2 Sálmarnir
Lovið Honum fyri veldigu verk Hansara, lovið Honum fyri stóru dýrd Hansara!
Sálmarnir 150:3 Sálmarnir
Lovið Honum við hornblástri, lovið Honum við hørpu og sitara!
Sálmarnir 150:4 Sálmarnir
Lovið Honum við trummu og dansi, lovið Honum við streingjaleiki og floytu!
Sálmarnir 150:5 Sálmarnir
Lovið Honum við ljómandi skáltrummum, lovið Honum við gellandi skáltrummum!
Sálmarnir 150:6 Sálmarnir
Alt, ið andadrátt hevur, lovi HARRANUM! – Halleluja!
Seinna Sámuelsbók 6:20 Seinna Sámuelsbók
Men táið Dávid kom heimaftur at signa hús sítt, kom Mikal, dóttir Saul, út ímóti honum og segði: „Tað er ikki eiti, sum kongur Ísraels er ærdur í dag, hann, sum í dag hevur gingið nakin, so arbeiðskonur tænara hansara hava sæð, eins og skammleys fólk plaga at gera!“
Sálmarnir 30:11 Sálmarnir
HARRI, hoyr og ver mær náðigur, HARRI, ver hjálpari mín!“
Sálmarnir 149:1 Sálmarnir
Halleluja! – Syngið HARRANUM nýggjan song, prís Hansara í samkomu hinna heilagu!
Sálmarnir 149:2 Sálmarnir
Ísrael skal gleðast í skapara sínum, børn Zions skulu frøast í kongi sínum.
Sálmarnir 149:4 Sálmarnir
Tí HARRIN hevur tokka til fólk Sítt, Hann prýðir hini eyðmjúku við frelsu.
Sálmarnir 149:5 Sálmarnir
Tey, sum óttast Gud, skulu frøast í dýrd, tey skulu rópa av gleði á legum sínum.
Sálmarnir 149:6 Sálmarnir
Lovsongur til Gud er í munni teirra, og tvíeggjað svørð í hond teirra
Sálmarnir 149:7 Sálmarnir
fyri at fullføra hevnd á heidningunum, straff á fólkasløgunum,
Sálmarnir 149:8 Sálmarnir
fyri at binda kongar teirra við leinkjum, stórmenn teirra við jarnketum,
Sálmarnir 149:9 Sálmarnir
fyri at fullføra fyriskrivaðan dóm á teimum. – Hetta er øllum hinum heilagu Hansara heiður. – Halleluja!
Prædikarin 3:4 Prædikarin
at gráta hevur tíð sína, og at læa hevur tíð sína; at syrgja hevur tíð sína, og at dansa hevur tíð sína;
Onnur Mósebók 15:20 Onnur Mósebók
Tá tók Mirjam profetinna, systir Áron, trummu í hondina, og allar kvinnurnar fylgdu henni eftir við trummum og dansi.
Fyrra Sámuelsbók 18:6 Fyrra Sámuelsbók
Men táið teir komu heim – táið Dávid kom aftur, eftir at hann hevði felt Filistaran – fóru kvinnurnar úr øllum býum Ísraels ímóti Saul við songi og dansi, við trummum, gleðirópum og spæli.
Fyrra Sámuelsbók 18:7 Fyrra Sámuelsbók
Og kvinnurnar, ið dansaðu, sungu: „Saul feldi síni túsund, men Dávid síni tíggjutúsund!“
Fyrra Krønikubók 15:29 Fyrra Krønikubók
Men táið sáttmálaørk HARRANS kom inn í Dávidsstað, hugdi Mikal, dóttir Saul, út um vindeygað; og táið hon sá Dávid kong hoppa og dansa, vanvirdi hon hann í hjartanum.