borgarlig ólýdni
104 versir um "borgarlig ólýdni"
Versir
Síða 1 av 3Ápostlasøgan 5:29 Ápostlasøgan
Men Pætur og hinir ápostlarnir svaraðu: „Ein eigur at lýða Gud meir enn menniskju!
Jákupsbrævið 4:17 Jákupsbrævið
Tann, sum tí veit, hvussu hann skal gera rætt, og ger tað ikki, honum er tað synd.
Rómverjabrævið 13:1 Rómverjabrævið
Hvørt menniskja veri teimum yvirvøldum lýðið, sum yvir tí eru! Tí eingin yvirvøld er, sum ikki er frá Gudi; tær, ið eru, eru settar av Gudi –
Rómverjabrævið 13:2 Rómverjabrævið
so at tann, sum setur seg upp ímóti yvirvøldini, stendur tí ímóti, sum Gud hevur fyriskipað; men tey, sum standa ímóti, skulu fáa dóm sín.
Rómverjabrævið 13:3 Rómverjabrævið
Tí teir, ið stýra, eru ikki góðum verkum ein ótti, men óndum. Vilt tú sleppa frá at óttast yvirvøldina – ger tað, sum gott er, so skalt tú fáa rós frá henni!
Rómverjabrævið 13:4 Rómverjabrævið
Tí hon er tænari Guds, tær til góða. Men gert tú tað, sum ónt er, so óttast! Tí hon ber ikki svørðið til einkis; hon er tænari Guds, hevnari, honum til revsing, sum ger tað, ið ilt er.
Rómverjabrævið 13:5 Rómverjabrævið
Tí er neyðugt at vera lýðin, ikki bert tí revsing er, men eisini fyri samvitskunnar skuld.
Rómverjabrævið 13:6 Rómverjabrævið
Tí lata tit jú eisini skattir; tí teir eru tænarar Guds, sum júst hava hetta starv.
Rómverjabrævið 13:7 Rómverjabrævið
Gjaldið øllum tað, ið tit skylda – honum skatt, sum skatt skal hava, honum toll, sum toll skal hava, honum ótta, sum ótta skal hava, honum heiður, sum heiður skal hava!
Ápostlasøgan 5:28 Ápostlasøgan
„Vit góvu tykkum av álvara tað boð, at tit máttu ikki læra í hesum navni; og nú hava tit fylt Jerusalem við læru tykkara og ætla at føra blóðið av hesum manni yvir okkum!“
Ápostlasøgan 4:18 Ápostlasøgan
So róptu teir teir inn og forbuðu teimum heilt at tala ella læra í navni Jesusar.
Ápostlasøgan 4:19 Ápostlasøgan
Men Pætur og Jóhannes svaraðu teimum: „Dømið sjálvir, um tað er rætt fyri Gudi at lýða tykkum meir enn Gud!
Ápostlasøgan 4:20 Ápostlasøgan
Vit kunnu jú ikki lata vera at tala um tað, sum vit hava sæð og hoyrt!“
Onnur Mósebók 1:15 Onnur Mósebók
Kongurin í Egyptalandi segði nú við tær hebraisku jarðarmøðurnar – onnur teirra æt Sifra, og onnur Pua:
Onnur Mósebók 1:16 Onnur Mósebók
„Táið tit hjálpa teimum hebraisku kvinnunum at eiga, ansið tá væl eftir, táið barnið kemur! Er tað drongur, so drepið hann, men er tað genta, so kann hon liva!“
Onnur Mósebók 1:17 Onnur Mósebók
Men jarðarmøðurnar óttaðust Gud og gjørdu ikki, sum kongurin í Egyptalandi segði við tær – tær lótu dreingjabørnini liva.
Onnur Mósebók 1:18 Onnur Mósebók
Tá sendi kongurin í Egyptalandi boð eftir jarðarmøðrunum og segði við tær: „Hví bera tit tykkum so at og lata dreingjabørnini liva!“
Onnur Mósebók 1:19 Onnur Mósebók
Men jarðarmøðurnar svaraðu Farao: „Tær hebraisku kvinnurnar eru ikki sum tær egyptisku – tær eru so raskar; áðrenn jarðarmóðirin kemur til teirra, hava tær longu átt!“
Onnur Mósebók 1:20 Onnur Mósebók
– Og Gud læt gangast jarðarmøðrunum væl; og fólkið nørdist og varð ovurhonds nógv í tali.
Onnur Mósebók 1:21 Onnur Mósebók
– Aftur fyri at jarðarmøðurnar óttaðust Gud, gav Hann teimum avkom.
Onnur Mósebók 1:22 Onnur Mósebók
Tá gav Farao øllum fólki sínum hetta boð: „Øll dreingjabørn, ið fødd verða,* skulu tit kasta í Nilá, men gentubørnini kunnu tit lata liva!“
Dániel 3:1 Dániel
Nebukadnezar kongur læt gera mynd av gulli, 60 alin høga og 6 alin breiða, og hann læt reisa hana í Duradali í landspartinum Bábel.
Dániel 3:2 Dániel
So sendi Nebukadnezar kongur út menn, ið skuldu stevna saman jøllunum, landsstjórunum, landshøvdingunum, ráðharrunum, skattmeistarunum, hinum lógkønu, dómarunum og øllum embætismonnum í landspørtunum, og geva teimum boð um at koma til vígslu myndarinnar, ið Nebukadnezar kongur hevði latið reisa.
Dániel 3:3 Dániel
Tá komu teir saman, jallarnir, landsstjórarnir, landshøvdingarnir, ráðharrarnir, skattmeistararnir, hinir lógkønu, dómararnir og allir embætismenn í landspørtunum – til vígslu myndarinnar, ið Nebukadnezar kongur hevði latið reisa; teir stigu fram fyri myndina, ið Nebukadnezar hevði latið reisa.
Dániel 3:4 Dániel
Nú rópti róparin við harðari rødd: „Hetta veri tykkum sagt, tit av øllum tjóðum, ættum og tungumálum:
Dániel 3:5 Dániel
Táið tit hoyra ljóðið av hornum, floytum, sitarum, hørpum, saltarum, sekkjapípum og alskyns øðrum ljóðførum, skulu tit falla niður og tilbiðja gullmyndina, ið Nebukadnezar kongur hevur latið reisa.
Dániel 3:6 Dániel
Tann, ið ikki fellur niður og tilbiður, skal í somu stund verða kastaður í hin brennandi eldsovnin.“
Dániel 3:7 Dániel
Við tað sama sum nú alt fólkið hoyrdi ljóðið av hornum, floytum, sitarum, hørpum, saltarum og alskyns øðrum ljóðførum, fullu tey tí – av øllum tjóðum, ættum og tungumálum – niður og tilbóðu gullmyndina, ið Nebukadnezar kongur hevði latið reisa.
Dániel 3:8 Dániel
Men í sama viðfangi stigu nakrir kaldeiskir menn fram við klagu móti Jødunum.
Dániel 3:9 Dániel
Teir tóku til orða og søgdu við Nebukadnezar kong: „Kongurin livi í allar ævir!
Dániel 3:10 Dániel
Kongurin! Tú gavst tað boð, at hvørt eitt menniskja, ið hoyrdi ljóðið av hornum, floytum, sitarum, hørpum, saltarum, sekkjapípum og alskyns øðrum ljóðførum, skuldi falla niður og tilbiðja gullmyndina,
Dániel 3:11 Dániel
og at tann, ið ikki fall niður og tilbað, skuldi verða kastaður í hin brennandi eldsovnin.
Dániel 3:12 Dániel
Men nú eru her nakrir jødiskir menn, sum tú hevur sett at stýra landspartinum Bábel – Sadrak, Mesak og Abed-Nego; hesir menn hava einki lagt í boð títt, kongurin! Teir dýrka ikki gudar tínar, og gullmyndina, ið tú hevur latið reisa, tilbiðja teir ikki.“
Dániel 3:13 Dániel
Tá varð Nebukadnezar uppøstur og illur og beyð, at Sadrak, Mesak og Abed-Nego skuldu verða leiddir fram; hesir menn vórðu tá leiddir fram fyri kongin.
Dániel 3:14 Dániel
Nebukadnezar tók til orða og segði við teir: „Eru tað uppløgd ráð, Sadrak, Mesak og Abed-Nego, at tit dýrka ikki gud mín og tilbiðja ikki gullmyndina, ið eg havi latið reisa?
Dániel 3:15 Dániel
Hoyrið nú: Eru tit til reiðar, táið tit hoyra ljóðið av hornum, floytum, sitarum, hørpum, saltarum, sekkjapípum og alskyns øðrum ljóðførum, at falla niður og tilbiðja myndina, ið eg havi latið gera, so er gott; men tilbiðja tit hana ikki, skulu tit í somu stund verða kastaðir í hin brennandi eldsovnin – og hvør er tann Gud, ið er mentur at bjarga tykkum úr hondum mínum!“
Dániel 3:16 Dániel
Sadrak, Mesak og Abed-Nego svaraðu konginum: „Nebukadnezar! Okkum nýtist ikki at svara tær orð upp á hetta.
Dániel 3:17 Dániel
Gud okkara, sum vit dýrka, er mentur at bjarga okkum; úr hinum brennandi eldsovni og av hond tíni skal Hann frelsa, kongurin!
Dániel 3:18 Dániel
Men um so er, at Hann ger tað ikki, skalt tú vita, kongurin, at vit dýrka ikki gudar tínar, og tilbiðja ei heldur gullmyndina, ið tú hevur latið reisa!“
Dániel 3:19 Dániel
Tá varð Nebukadnezar so ovurhonds illur við Sadrak, Mesak og Abed-Nego, at andlit hansara umbroyttist. Hann tók til orða og segði, at ovnurin skuldi verða gjørdur sjey ferðir so heitur, sum hann var vanur at vera.
Dániel 3:20 Dániel
So segði hann við nakrar raskar menn, sum vóru í heri hansara, at teir skuldu binda Sadrak, Mesak og Abed-Nego og kasta teir í hin brennandi eldsovnin.
Dániel 3:21 Dániel
Hesir menn vórðu tá í skjúrtum, kyrtlum, køppum og hinum klæðum sínum bundnir og kastaðir í hin brennandi eldsovnin.
Dániel 3:22 Dániel
Við tað at nú orð kongsins var so strangt, og ovnurin so ovurhonds upphitaður, brendi login menninar til deyða, sum høvdu borið Sadrak, Mesak og Abed-Nego upp hagar.
Dániel 3:23 Dániel
Men hesir tríggir menn – Sadrak, Mesak og Abed-Nego – vórðu bundnir kastaðir niður í hin brennandi eldsovnin.
Dániel 3:24 Dániel
Tá varð Nebukadnezar kongur sligin av ræðslu og leyp á føtur. Hann tók til orða og segði við ráðharrar sínar: „Kastaðu vit ikki tríggjar menn bundnar í eldin?“ Teir svaraðu konginum: „Jú, vissuliga, kongurin!“
Dániel 3:25 Dániel
Hann tók aftur til orða og segði: „Men eg síggi fýra menn ganga leysar inni í eldinum, og á teimum sæst einki mein – og hin fjórði sær út sum gudasonur!“
Dániel 3:26 Dániel
So fór Nebukadnezar yvir at durum hins brennandi eldsovns. Hann tók til orða og segði: „Sadrak, Mesak og Abed-Nego, tit tænarar hins hægsta Guds! Komið út higar!“ Tá komu Sadrak, Mesak og Abed-Nego út úr eldinum.
Dániel 3:27 Dániel
Jallarnir, landsstjórarnir, landshøvdingarnir og ráðharrar kongsins komu saman; teir sóu, at eldurin hevði einki vald havt yvir likamunum á hesum monnum, at hárið var ikki svidnað á høvdi teirra, og at einki sást á skjúrtum teirra; tað var ikki so mikið, sum at brendaroykur gekk at teimum.
Dániel 3:28 Dániel
Tá tók Nebukadnezar til orða og segði: „Lovaður veri Gud Sadraks, Mesaks og Abed-Negos, sum sendi eingil Sín og frelsti tænarar Sínar, teir, ið settu lít sína til Hansara og gjørdu móti boði kongsins og vágaðu lívið, tí teir ongan annan gud enn Gud sín vildu dýrka ella tilbiðja!
Dániel 3:29 Dániel
Tí gevi eg nú tað boð, at tann, ið sigur nakað ilt um Gud Sadraks, Mesaks og Abed-Negos – hann veri av tí tjóð, tí ætt og tí tungumáli, hann vera vil – skal verða høgdur sundur, og hús hansara gjørt til skarndunga; tí eingin annar Gud er til, sum soleiðis er mentur at frelsa.“