avgudur
50 versir um "avgudur"
Versir
Síða 1 av 1Esaias 44:9 Esaias
Teir, ið gera útskornar myndir, eru einki allir samlir; kæru gudar teirra eru til onga nyttu, og tey, sum geva teimum vitnisburð, síggja ikki og vita ikki – fyri at tey skulu verða til skammar!
Esaias 44:10 Esaias
Hvør hevur gjørt gud og stoypt mynd – til onga nyttu?
Esaias 44:11 Esaias
Nei, allir teir, ið halda seg til hana, skulu verða til skammar – og meistararnir eru jú menniskju sjálvir! Lat teir koma saman allar samlar, lat teir stíga fram! Teir skulu ræðast, teir skulu verða til skammar – hvør ein!
Esaias 44:12 Esaias
Jarnsmiðurin nýtir meitil sín og arbeiðir við koleld; hann evnar myndina til við homrum og arbeiðir upp á hana við sterka armi sínum; hann verður svangur, meðan hann arbeiðir, og máttleysur; hann drekkur ikki vatn, og verður linur.
Esaias 44:13 Esaias
Træsmiðurin strekkir út máliband og merkir fyri við stift, telgir træið til við knívi og merkir fyri við passara; hann ger tað vorðið sum menniskju, sum vakran mann, at standa í húsi.
Esaias 44:14 Esaias
Ein fer og høggur sedristrø, tekur steineik og eik og velur sær eitt av trøunum í skóginum; hann plantar furutræ, og regnið ger, at tað veksur.
Esaias 44:15 Esaias
Og maðurin nýtir tað til brenni; hann tekur av tí og vermir seg við tí; hann kyndir eisini upp og bakar breyð við tí – og so ger hann eisini gud av tí og tilbiður hann, hann ger útskorna mynd av tí og leggur seg á knæ fyri tí!
Esaias 44:16 Esaias
Helvtina av tí brennir hann upp; við ta helvtina steikir hann kjøtið, sum hann skal eta; hann steikir steik og mettar seg; hann vermir seg eisini og sigur: „Á, nú varð eg heitur, eg kenni hitan!“
Esaias 44:17 Esaias
– Og av tí, ið eftir er, ger hann gud, útskorna mynd, sum hann leggur seg á knæ fyri og tilbiður, biður til og sigur við: „Frels meg, tú ert Gud mín!“
Esaias 44:18 Esaias
– Teir skilja einki, teir fata einki, tí Hann* hevur klínt eygu teirra saman, so teir síggja einki, hert hjarta teirra, so teir skilja einki!
Esaias 44:19 Esaias
Hann* leggur sær tað ikki á hjarta, og hann hevur ikki so frægt vit og skil, at hann sigur: „Helvtina av tí havi eg brent; eg havi eisini bakað breyð við gløðurnar; eg havi steikt kjøt og etið – og tað, ið eftir er, skuldi eg gjørt til andstygd,** fyri træspreki skuldi eg lagt meg á knæ!“
Esaias 44:20 Esaias
– Tann, ið heldur seg til tað, sum einki er uttan øska, hevur dárað hjarta fingið av leið, so hann bjargar ikki sál síni og sigur: „Tað er jú lygn, hetta, sum eg haldi í høgru hond!“
Fyrra Korintbrævið 10:14 Fyrra Korintbrævið
Flýggið tí avgudadýrkanina, elskaðu míni!
Onnur Mósebók 20:3 Onnur Mósebók
Tú mást ikki hava aðrar gudar enn Meg.
Onnur Mósebók 20:4 Onnur Mósebók
Tú mást onga skurðmynd gera tær, ei heldur nakra mynd, av tí, sum er uppi í himli, av tí, sum er niðri á jørðini, ella av tí, sum er í vatninum undir jørðini;
Onnur Mósebók 20:5 Onnur Mósebók
tú mást ikki tilbiðja og ikki dýrka tað; tí Eg, HARRIN Gud tín, eri álvarsamur Gud, sum líka í triðja og fjórða lið straffar børnini fyri misgerðir fedranna, tey, ið hata Meg,
Fyrra Jóhannesarbrævið 5:21 Fyrra Jóhannesarbrævið
Børn míni! Varðið tykkum fyri avgudunum!
Triðja Mósebók 19:4 Triðja Mósebók
Tit mugu ikki venda tykkum til avgudarnar og ikki gera tykkum stoyptar gudar. – Eg eri HARRIN Gud tykkara!
Ápostlasøgan 17:29 Ápostlasøgan
Táið vit nú eru ætt Guds, mugu vit ikki halda, at Guddómurin er líkur gulli, silvuri ella steini, nøkrum, ið gjørt er av hegni og hugsan manna.
Fimta Mósebók 4:15 Fimta Mósebók
Ansið tykkum tí nú væl, so satt sum tit hava lív tykkara kært – tí tit sóu ikki Hann, ið talaði, tann dag ið HARRIN talaði við tykkum á Horeb mitt út úr eldinum –
Fimta Mósebók 4:16 Fimta Mósebók
so tit gera ikki slíka synd, at tit evna tykkum til nakra útskorna mynd, avgudamynd av nøkrum slagi, sum líkist manni ella kvinnu
Fimta Mósebók 4:17 Fimta Mósebók
ella onkrum fýrføttum dýri á jørðini, onkrum fugli við veingjum, sum undir himli flýgur,
Fimta Mósebók 4:18 Fimta Mósebók
onkrum dýri, ið á jørðini skríður, ella onkrum fiski í vatninum undir jørðini!
Fimta Mósebók 4:19 Fimta Mósebók
Táið tú lyftir eygum tínum móti himli og sært sólina, mánan og stjørnurnar, allan her himmalsins, varða teg tá, at tú letur teg ikki dára, so tú tilbiður og dýrkar tey – tey, ið HARRIN Gud tín hevur givið øllum tjóðum undir øllum himlinum!
Sálmarnir 115:4 Sálmarnir
Avgudar teirra eru silvur og gull, handaverk manna;
Sálmarnir 115:5 Sálmarnir
teir hava munn, men tala ikki, eygu, men síggja ikki;
Sálmarnir 115:6 Sálmarnir
teir hava oyru, men hoyra ikki; teir hava nøs, men lukta ikki;
Sálmarnir 115:7 Sálmarnir
teir hava hendur, men føla ikki, føtur, men ganga ikki; teir hava einki mál í barkanum.
Sálmarnir 115:8 Sálmarnir
Sum teir eru, verða tey, sum gera teir, ein og hvør, ið lítur á teir.
Sálmarnir 135:15 Sálmarnir
Avgudar heidninganna eru silvur og gull, handaverk manna;
Sálmarnir 135:16 Sálmarnir
teir hava munn, men tala ikki, eygu, men síggja ikki;
Sálmarnir 135:17 Sálmarnir
teir hava oyru, men hoyra ikki, og eingin andadráttur er í munni teirra.
Sálmarnir 135:18 Sálmarnir
Sum teir eru, so verða tey, ið gera teir, ein og hvør, ið lítur á teir.
Jeremias 10:3 Jeremias
Tí siðir tjóðanna eru fáfongd. Teir fella træ í skóginum, og træsmiðurin evnar tað til við øksini;
Jeremias 10:4 Jeremias
við silvuri og gulli prýða teir tað, við seymi og hamara festa teir tað, so tað riðar ikki.
Jeremias 10:5 Jeremias
Teir* eru sum ræða í melóngarði og duga ikki at tosa; teir mugu verða bornir, tí teir duga ikki at ganga. Ræðist ikki teir! Teir fáa jú einki ilt gjørt, og líka lítið eru teir mentir at gera gott.
Rómverjabrævið 1:22 Rómverjabrævið
Meðan tey róstu sær av at vera vís, vórðu tey dárar
Rómverjabrævið 1:23 Rómverjabrævið
og skiftu dýrd hins ódeyðiliga Guds um við mynd, ið líktist deyðiligum menniskja og fuglum, fýrføttum dýrum og skriðdýrum.
Rómverjabrævið 1:24 Rómverjabrævið
Tí gav Gud tey eisini upp í hjartans lystir teirra til óreinsku, til at vanæra likam síni hvørt við øðrum.
Rómverjabrævið 1:25 Rómverjabrævið
Tey høvdu jú skift sannleika Guds um við lygn og ærdu og dýrkaðu skapningin fram um skaparan, Hann, sum hálovaður er í allar ævir. Amen.
Opinberingin 9:20 Opinberingin
Men hini menniskjuni – tey, sum ikki vórðu dripin í hesum plágum – vendu ikki við frá verkum handa sína; tey góvu ikki uppat at tilbiðja hinar illu andar og avgudarnar av gulli, silvuri, kopari, steini og træi – sum hvørki fáa hugt, hoyrt ella gingið.
Triðja Mósebók 26:1 Triðja Mósebók
„Tit mugu ikki gera tykkum avgudar; skurðmyndir ella minnissteinar mugu tit ikki reisa tykkum og ikki seta steinar við myndum í landi tykkara fyri at tilbiðja hjá teimum; tí Eg eri HARRIN Gud tykkara!
Fimta Mósebók 5:7 Fimta Mósebók
Tú mást ikki hava aðrar gudar enn Meg.
Fimta Mósebók 5:8 Fimta Mósebók
Tú mást onga skurðmynd gera tær, onga mynd av tí, sum uppi í himli er, av tí, sum niðri á jørðini er, ella av tí, sum er í vatninum undir jørðini;
Fimta Mósebók 5:9 Fimta Mósebók
tú mást ikki tilbiðja og ikki dýrka tað; tí Eg, HARRIN Gud tín, eri álvarsamur Gud, sum líka í triðja og fjórða lið straffar børnini fyri misgerðir fedranna – teirra, ið hata Meg –
Fimta Mósebók 27:15 Fimta Mósebók
„Bannaður veri tann maður, ið ger útskorna ella stoypta mynd, HARRANUM andstygd – handaverk smiðs – og reisir tað í loynd!“ Og alt fólkið skal svara: „Amen!“
Esaias 2:8 Esaias
– Og land teirra er fult av avgudum! Handaverk sítt tilbiðja tey, tað, sum fingrar teirra hava gjørt!
Lukas 16:13 Lukas
Eingin tænari kann tæna tveimum harrum; tí annaðhvørt hatar hann annan og elskar annan, ella heldur hann seg til annan og vanvirðir annan. – Tit kunnu ikki tæna Gudi og mammon.“
Fyrra Korintbrævið 6:9 Fyrra Korintbrævið
Vita tit ikki, at hini órættvísu skulu ikki arva ríki Guds? Villist ikki! Hvørki siðloysingar, avgudadýrkarar ella horkallar, hvørki tey, sum lata seg brúka til synd móti náttúruni, ella tey, sum gera hesa synd,
Fyrra Korintbrævið 6:10 Fyrra Korintbrævið
hvørki tjóvar, havisjúk ella drykkjumenn, hvørki baktalarar ella ránsmenn skulu arva ríki Guds!