at vera yvirtikin av streyminum
45 versir um "at vera yvirtikin av streyminum"
Versir
Síða 1 av 1Matteus 19:26 Matteus
Men Jesus hugdi upp á teir og segði við teir: „Menniskjum er hetta ómøguligt; men Gudi er alt møguligt.“
Seinna Timoteusarbrævið 1:7 Seinna Timoteusarbrævið
Tí Gud gav okkum ikki anda mótloysis, men anda kraftar, kærleika og siðprýðis.
Sálmarnir 119:105 Sálmarnir
Orð Títt er fóti mínum lykt og ljós á leið míni.
Sálmarnir 118:1 Sálmarnir
Takkið HARRANUM, tí Hann er góður, náði Hansara varir í allar ævir!
Sálmarnir 118:2 Sálmarnir
Tað sigi Ísrael, tí náði Hansara varir í allar ævir!
Sálmarnir 118:3 Sálmarnir
Tað sigi hús Árons, tí náði Hansara varir í allar ævir!
Sálmarnir 118:4 Sálmarnir
Tað sigi tey, ið óttast HARRAN, tí náði Hansara varir í allar ævir!
Sálmarnir 118:5 Sálmarnir
Út úr trongdini kallaði eg á HARRAN; HARRIN svaraði mær og leiddi meg út á rúmt land.
Sálmarnir 118:6 Sálmarnir
HARRIN er við mær, eg óttist ikki; hvat kann maður fáa gjørt mær!
Sálmarnir 118:7 Sálmarnir
HARRIN, Hann er hjálpari mín; eg skal við gleði skoða teir, ið hata meg.
Sálmarnir 118:8 Sálmarnir
Betri er at søkja sær skjól hjá HARRANUM enn at líta á menniskju;
Sálmarnir 118:9 Sálmarnir
betri er at søkja sær skjól hjá HARRANUM enn at líta á høvdingar.
Sálmarnir 118:10 Sálmarnir
Allir heidningar kringseta meg; í navni HARRANS skal eg høgga teir niður;
Sálmarnir 118:11 Sálmarnir
teir eru rundan um meg, ja, teir kringseta meg; í navni HARRANS skal eg høgga teir niður;
Sálmarnir 118:12 Sálmarnir
sum býflugur eru teir rundan um meg, men teir sløkna sum eldur í tornum; í navni HARRANS skal eg høgga teir niður.
Sálmarnir 118:13 Sálmarnir
Hart varð eg raktur, fyri at eg skuldi falla; men HARRIN hjálpti mær.
Sálmarnir 118:14 Sálmarnir
Styrki og lovsongur mín er HARRIN, og Hann varð mær til frelsu.
Sálmarnir 118:15 Sálmarnir
Fagnaðar- og sigursróp hoyrast í tjøldum hinna rættvísu; høgra hond HARRANS ger stórverk.
Sálmarnir 118:16 Sálmarnir
Høgra hond HARRANS setur høgt, høgra hond HARRANS ger stórverk.
Sálmarnir 118:17 Sálmarnir
Eg skal ikki doyggja, men liva og bera boð um verk HARRANS.
Sálmarnir 118:18 Sálmarnir
Hart tyktaði HARRIN meg, men til deyðan gav Hann meg ikki upp.
Esaias 40:31 Esaias
Men tey, sum bíða eftir HARRANUM, fáa nýggja kraft, tey lyfta veingjunum sum ørnir; tey renna – og møðast ikki, tey ganga – og lúgvast ikki!
Seinna Korintbrævið 1:8 Seinna Korintbrævið
Tí vit vilja ikki, brøður, at trongdin, ið kom á okkum í Asia, skal vera tykkum ókunnig; hon var ovurhonds tung, meir enn vit vóru mentir at bera, so at vit enntá ikki høvdu mót um lív;
Seinna Korintbrævið 1:9 Seinna Korintbrævið
ja, vit høvdu gjørt upp við okkum sjálvar, at vit máttu doyggja, fyri at vit skuldu ikki líta á okkum sjálvar, men á Gud, sum reisir upp hini deyðu.
Seinna Korintbrævið 1:10 Seinna Korintbrævið
Og Hann frelsti okkum – og frelsir okkum – úr hesum stóra deyðavanda; til Hansara hava vit sett vón okkara, at Hann eisini hereftir skal frelsa okkum,
Seinna Korintbrævið 1:11 Seinna Korintbrævið
við tað at tit við koma okkum til hjálpar við forbøn tykkara. Soleiðis skal av mongum munnum ljóða ríklig tøkk fyri okkum, fyri náðina, ið okkum er víst.
Sálmarnir 61:1 Sálmarnir
Til songmeistaran. Við streingjaleiki. Eftir Dávid.
Sálmarnir 61:2 Sálmarnir
Gud, hoyr róp mítt, lurta eftir bøn míni!
Sálmarnir 61:3 Sálmarnir
Frá enda jarðarinnar rópi eg til Tín, meðan hjarta mítt ørmaktast. – Leið meg til klettin, sum er hægri enn eg!
Sálmarnir 61:4 Sálmarnir
Tí Tú ert skjól mítt, sterkt torn móti fíggindanum.
Sálmarnir 61:5 Sálmarnir
Lat meg í allar ævir búgva í tjaldi Tínum, lat meg finna lívd í veingjaskugga Tínum! – Sela.
Sálmarnir 61:6 Sálmarnir
Ja, Tú, Gud, hevur hoyrt lyfti míni, Tú hevur uppfylt ynski teirra, ið óttast navn Títt!
Sálmarnir 61:7 Sálmarnir
Tú skalt leggja dagar aftrat døgum kongsins, ár Hansara skulu vara mann eftir mann.
Sálmarnir 61:8 Sálmarnir
Hann skal sita í hásæti allar ævir fyri ásjón Guds; set náði og sannleika at varðveita Hann!
Orðtøkini 3:5 Orðtøkini
Lít á HARRAN av øllum hjarta tínum, men lít ikki á vit títt!
Orðtøkini 3:6 Orðtøkini
Kenn Hann á øllum leiðum tínum! So skal Hann gera gøtur tínar rættar.
Jákupsbrævið 5:11 Jákupsbrævið
Vit prísa jú tey sæl, sum hava hildið út. Tit hava hoyrt um tol Jobs og vita um útgongdina, ið Harrin gjørdi; tí Harrin er sára náðiríkur og miskunnsamur.
Esaias 41:10 Esaias
– Óttast ikki! Eg eri við tær! Ver ikki mótfallin! Eg eri Gud tín! Eg styrki teg og hjálpi tær og haldi tær uppi við høgru hond rættvísi Mínar!
Esaias 43:1 Esaias
Men nú – so sigur HARRIN, Hann, sum skapti teg, Jákup, Hann, sum myndaði teg, Ísrael: Óttast ikki! Eg havi frelst teg, Eg havi kallað teg við navni, tú ert Mín!
Esaias 43:2 Esaias
Gongur tú gjøgnum vøtn, eri Eg við tær, gjøgnum streymar, skulu teir ikki leggja yvir teg; gongur tú gjøgnum eld, skalt tú ikki brenna teg, og login skal ikki saka teg.
Jóhannes 16:13 Jóhannes
Men táið Hann, Andi sannleikans, kemur, skal Hann leiða tykkum í allan sannleikan. Tí Hann skal ikki tala av Sær sjálvum, nei, tað, sum Hann hoyrir, skal Hann tala, og tað, sum koma skal, fer Hann at kunngera tykkum.
Sálmarnir 46:10 Sálmarnir
Hann ger enda á kríggi um alla jørðina; bogan brýtur Hann sundur, støkkir spjótið av, vagnarnar brennir Hann upp.
Seinna Timoteusarbrævið 2:4 Seinna Timoteusarbrævið
Eingin, sum er í hertænastu, letur seg fanga av umhugsan fyri hesum lívi; tí hann vil toknast honum, sum tók hann í tænastu.
Jákupsbrævið 1:17 Jákupsbrævið
Øll góð gáva og øll fullkomin gáva er omanífrá og kemur niður frá Faðir ljósanna, sum ikki er broyting ella skiftandi skuggi hjá.
Fyrra Jóhannesarbrævið 2:16 Fyrra Jóhannesarbrævið
Tí alt, sum í heiminum er – lystur holdsins, lystur eygnanna og stoltleiki lívsins – er ikki av Faðirinum, men av heiminum.