at vera takksamur
71 versir um "at vera takksamur"
Versir
Síða 1 av 2Fyrra Tessalonikabrævið 5:18 Fyrra Tessalonikabrævið
Takkið í øllum førum – tað er vilji Guds við tykkum í Kristi Jesusi!
Sálmarnir 107:1 Sálmarnir
Prísið HARRANUM, tí Hann er góður, náði Hansara varir í allar ævir!
Hebrearabrævið 12:28 Hebrearabrævið
Táið vit nú fáa ríki, sum ikki kann verða rist, so latið okkum tá vera takksom og harvið tæna Gudi, Honum til tokka, við gudræðslu og ótta!
Efesusbrævið 5:20 Efesusbrævið
og takkið altíð Gudi og Faðirinum fyri alt, í navni Harra okkara Jesu Krists!
Kolossibrævið 3:15 Kolossibrævið
Friður Kristusar ráði í hjørtum tykkara, hann, sum tit eisini vórðu kallað til í einum likami – og verðið takksom!
Kolossibrævið 3:16 Kolossibrævið
Latið orð Kristusar búgva ríkliga millum tykkara, so tit í øllum vísdómi læra og áminna hvørt annað við sálmum, lovsongum og andaligum vísum og syngja yndisliga í hjørtum tykkara fyri Gudi!
Kolossibrævið 3:17 Kolossibrævið
Alt, sum tit gera í orði ella verki – gerið tað alt í navni Harrans Jesusar, takkandi Gudi Faðir við Honum!
Sálmarnir 118:1 Sálmarnir
Takkið HARRANUM, tí Hann er góður, náði Hansara varir í allar ævir!
Sálmarnir 118:2 Sálmarnir
Tað sigi Ísrael, tí náði Hansara varir í allar ævir!
Sálmarnir 118:3 Sálmarnir
Tað sigi hús Árons, tí náði Hansara varir í allar ævir!
Sálmarnir 118:4 Sálmarnir
Tað sigi tey, ið óttast HARRAN, tí náði Hansara varir í allar ævir!
Sálmarnir 118:5 Sálmarnir
Út úr trongdini kallaði eg á HARRAN; HARRIN svaraði mær og leiddi meg út á rúmt land.
Sálmarnir 118:6 Sálmarnir
HARRIN er við mær, eg óttist ikki; hvat kann maður fáa gjørt mær!
Sálmarnir 118:7 Sálmarnir
HARRIN, Hann er hjálpari mín; eg skal við gleði skoða teir, ið hata meg.
Sálmarnir 118:8 Sálmarnir
Betri er at søkja sær skjól hjá HARRANUM enn at líta á menniskju;
Sálmarnir 118:9 Sálmarnir
betri er at søkja sær skjól hjá HARRANUM enn at líta á høvdingar.
Sálmarnir 118:10 Sálmarnir
Allir heidningar kringseta meg; í navni HARRANS skal eg høgga teir niður;
Sálmarnir 118:11 Sálmarnir
teir eru rundan um meg, ja, teir kringseta meg; í navni HARRANS skal eg høgga teir niður;
Sálmarnir 118:12 Sálmarnir
sum býflugur eru teir rundan um meg, men teir sløkna sum eldur í tornum; í navni HARRANS skal eg høgga teir niður.
Sálmarnir 118:13 Sálmarnir
Hart varð eg raktur, fyri at eg skuldi falla; men HARRIN hjálpti mær.
Sálmarnir 118:14 Sálmarnir
Styrki og lovsongur mín er HARRIN, og Hann varð mær til frelsu.
Sálmarnir 118:15 Sálmarnir
Fagnaðar- og sigursróp hoyrast í tjøldum hinna rættvísu; høgra hond HARRANS ger stórverk.
Sálmarnir 118:16 Sálmarnir
Høgra hond HARRANS setur høgt, høgra hond HARRANS ger stórverk.
Sálmarnir 118:17 Sálmarnir
Eg skal ikki doyggja, men liva og bera boð um verk HARRANS.
Sálmarnir 118:18 Sálmarnir
Hart tyktaði HARRIN meg, men til deyðan gav Hann meg ikki upp.
Filippibrævið 4:6 Filippibrævið
Stúrið ongum fyri, nei, latið í øllum tað, sum tit ynskja, koma fram fyri Gud í ákallan og bøn við tøkk!
Jákupsbrævið 1:17 Jákupsbrævið
Øll góð gáva og øll fullkomin gáva er omanífrá og kemur niður frá Faðir ljósanna, sum ikki er broyting ella skiftandi skuggi hjá.
Sálmarnir 106:1 Sálmarnir
Halleluja! Lovið HARRANUM, tí Hann er góður, náði Hansara varir í allar ævir!
Seinna Korintbrævið 9:15 Seinna Korintbrævið
Gudi veri tøkk fyri ósigiligu gávu Hansara!
Seinna Timoteusarbrævið 1:7 Seinna Timoteusarbrævið
Tí Gud gav okkum ikki anda mótloysis, men anda kraftar, kærleika og siðprýðis.
Sálmarnir 20:4 Sálmarnir
Hann minnist øll matoffur tíni og taki brennioffur títt fyri gott! – Sela.
Sálmarnir 30:12 Sálmarnir
– Og Tú umskifti sorg mína í dans, lætst meg úr syrgibúnanum og gyrdi meg við gleði,
Sálmarnir 100:4 Sálmarnir
Farið inn í portur Hansara við takkarsongi, við lovsongi inn í forgarðar Hansara, takkið Honum og lovið navni Hansara!
Sálmarnir 105:1 Sálmarnir
Prísið HARRANUM, ákallið navn Hansara, kunngerið millum fólkasløgini stórverk Hansara!
Efesusbrævið 2:8 Efesusbrævið
Tí av náði eru tit frelst, við trúgv – og tað ikki av tykkum sjálvum, tað er gáva Guds,
Efesusbrævið 5:1 Efesusbrævið
Verðið tí eftirfylgjarar Guds sum elskað børn,
Efesusbrævið 5:2 Efesusbrævið
og livið í kærleika, eins og Kristus elskaði okkum og gav Seg sjálvan fyri okkum sum gávu og offur, Gudi til tokkaligan anga!
Efesusbrævið 5:3 Efesusbrævið
Men siðloysi og øll óreinska og havisjúka má ikki so mikið sum nevnast millum tykkara, soleiðis sum heilagum sømir,
Efesusbrævið 5:4 Efesusbrævið
ei heldur skammleysur atburður, dáratala og ótilhoyriligt skemt – einki av hesum sømir seg – nei, heldur takkargerð.
Efesusbrævið 5:5 Efesusbrævið
Tí tað vita og skilja tit, at eingin siðloysingur ella óreinur hevur arv í ríki Kristusar og Guds, ei heldur nakar havisjúkur – sum jú er avgudadýrkari.
Efesusbrævið 5:6 Efesusbrævið
Latið ongan dára tykkum við tómum orðum! Fyri slíkt kemur vreiði Guds yvir børn ólýdnisins.
Efesusbrævið 5:7 Efesusbrævið
Havið tí einki við tey at gera!
Efesusbrævið 5:8 Efesusbrævið
Tit vóru jú myrkur fyrr, men nú eru tit ljós í Harranum; livið sum børn ljósins!
Efesusbrævið 5:9 Efesusbrævið
Ávøkstur ljósins vísir seg jú í allari góðsku og rættvísi og í øllum sannleika.
Efesusbrævið 5:10 Efesusbrævið
– Ja, rannsakið, hvat Harranum toknast!
Efesusbrævið 5:11 Efesusbrævið
Og havið einki samfelag við verk myrkursins, sum ongan ávøkst bera, nei, revsið tey heldur!
Efesusbrævið 5:12 Efesusbrævið
Tí tað, sum av teimum verður gjørt í loyndum, er skomm enntá at taka upp á tunguna!
Efesusbrævið 5:13 Efesusbrævið
Men alt hetta verður opinberað, táið tað verður revsað av ljósinum; alt, sum opinberað verður, er jú ljós.
Efesusbrævið 5:14 Efesusbrævið
Tí sigur skriftin: „Vakna, tú, ið svevur, og rís upp frá hinum deyðu, so skal Kristus lýsa tær!“
Efesusbrævið 5:15 Efesusbrævið
Aktið tí væl eftir, hvussu tit liva, ikki sum óvís, men sum vís,