at trúgva á teg sjálvan
83 versir um "at trúgva á teg sjálvan"
Versir
Síða 1 av 2Orðtøkini 3:5 Orðtøkini
Lít á HARRAN av øllum hjarta tínum, men lít ikki á vit títt!
Orðtøkini 3:6 Orðtøkini
Kenn Hann á øllum leiðum tínum! So skal Hann gera gøtur tínar rættar.
Esaias 41:10 Esaias
– Óttast ikki! Eg eri við tær! Ver ikki mótfallin! Eg eri Gud tín! Eg styrki teg og hjálpi tær og haldi tær uppi við høgru hond rættvísi Mínar!
Filippibrævið 4:13 Filippibrævið
Alt eri eg mentur í Honum, sum ger meg sterkan.
Orðtøkini 16:9 Orðtøkini
Hjarta menniskjans upphugsar veg tess, men HARRIN stýrir fetum tess.
Orðtøkini 28:26 Orðtøkini
Tann, ið lítur á vit sítt, er dári, men tann, ið gongur fram í vísdómi, verður bjargaður.
Esaias 40:31 Esaias
Men tey, sum bíða eftir HARRANUM, fáa nýggja kraft, tey lyfta veingjunum sum ørnir; tey renna – og møðast ikki, tey ganga – og lúgvast ikki!
Hebrearabrævið 11:1 Hebrearabrævið
Trúgv er full vissa um tað, sum vónað verður, sannføring um tað, sum ikki sæst.
Markus 9:23 Markus
Jesus segði við hann: „Um Eg eri mentur! Alt er honum møguligt, sum trýr!“
Markus 11:24 Markus
Tí sigi Eg tykkum: Alt, ið tit biðja um og vilja hava – trúgvið, at tit hava fingið tað, so skal tykkum verða so!
Sálmarnir 30:5 Sálmarnir
Lovsyngið HARRANUM, tit heilagu Hansara, og prísið heilaga navni Hansara!
Orðtøkini 3:1 Orðtøkini
Sonur mín! Gloym ikki tað, ið eg læri teg, lat hjarta títt goyma boð míni!
Orðtøkini 3:2 Orðtøkini
Tí langt lív og mong ár at liva og frið skulu tey geva tær í ríkum máli.
Orðtøkini 3:3 Orðtøkini
Lat ikki kærleika og trúfesti víkja frá tær, bind tær tey um hálsin, skriva tey á talvu hjarta tíns!
Orðtøkini 3:4 Orðtøkini
So skalt tú finna náði og fáa yndi, í eygum Guds og manna.
Orðtøkini 3:7 Orðtøkini
Ver ikki vísur í egnum eygum, óttast HARRAN og vík frá illum!
Orðtøkini 3:8 Orðtøkini
Tað skal vera likami tínum grøðing og geva nýggja megi í bein tíni.
Orðtøkini 3:9 Orðtøkini
Ær HARRAN við tí, ið tú eigur, og við tí fyrsta av allari grøði tíni!
Orðtøkini 3:10 Orðtøkini
So skulu úthús tíni fyllast av yvirflóð, og vínberjaløgurin skal renna útav í persum tínum.
Orðtøkini 3:11 Orðtøkini
Sonur mín! Virð ikki lítið tykt HARRANS, og ver ikki ótolin, táið Hann revsar teg!
Orðtøkini 3:12 Orðtøkini
Tí HARRIN revsar tann, ið Hann elskar, Hann straffar sonin, ið er Honum kærur.
Orðtøkini 3:13 Orðtøkini
Sælur er tann, ið hevur funnið vísdóm, sælt er tað menniskja, ið vinnur sær vit.
Orðtøkini 3:14 Orðtøkini
Tí betri er at vinna vísdóm enn at vinna silvur, og vinningurin, ið hann gevur, er betri enn gull.
Orðtøkini 3:15 Orðtøkini
Hann er dýrabarari enn perlur, og av øllum dýrgripum tínum er eingin sum hann.
Orðtøkini 3:16 Orðtøkini
Langt lív hevur hann í høgru hond, ríkdóm og heiður í vinstru.
Orðtøkini 3:17 Orðtøkini
Vegir hansara eru lívsælir vegir, og allar gøtur hansara eru lukka.
Orðtøkini 3:18 Orðtøkini
Hann er teimum lívsins træ, sum grípa hann, og lukkuligur tann, ið ikki sleppir honum!
Orðtøkini 3:19 Orðtøkini
Við vísdómi hevur HARRIN grundfest jørðina; við viti hevur Hann bygt himmalin.
Orðtøkini 3:20 Orðtøkini
Við kunnskapi Hansara streymaðu hini djúpu vøtn fram, og við honum lata skýggini døgg dryppa niður.
Orðtøkini 3:21 Orðtøkini
– Sonur mín! Lat ikki vísdóm og klókskap víkja frá eygum tínum, gev teimum gætur!
Orðtøkini 3:22 Orðtøkini
So skulu tey vera sál tíni lív og hálsi tínum prýði.
Orðtøkini 3:23 Orðtøkini
Tá skalt tú trygt ganga leið tína og ikki sláa fótin ímóti.
Orðtøkini 3:24 Orðtøkini
Táið tú legst, skalt tú ikki óttast, og táið tú ert lagstur, skal svøvnur tín vera søtur.
Orðtøkini 3:25 Orðtøkini
Tá nýtist tær ikki at óttast fyri bráðari ræðslu ella fyri ódnini, táið hon brestur á yvir hinum gudleysu.
Orðtøkini 3:26 Orðtøkini
Tí HARRIN skal vera álit títt, og Hann skal varða fót tín frá snerruni.
Orðtøkini 3:27 Orðtøkini
Sýt ikki teimum hjálp, sum hava hana fyri neyðini – so satt sum tú ert mentur at lata hana!
Orðtøkini 3:28 Orðtøkini
Sig ikki við næsta tín: „Far, og kom aftur! Eg skal geva tær í morgin!“ – táið tú fært gjørt tað alt fyri eitt!
Orðtøkini 3:29 Orðtøkini
Legg ikki upp ónd ráð móti næsta tínum, táið hann heldur seg búgva tryggan hjá tær!
Orðtøkini 3:30 Orðtøkini
Kjakast ongan við uttan grund, táið hann einki ilt hevur gjørt tær!
Orðtøkini 3:31 Orðtøkini
Øvunda ikki yvirgangskropp, og vel onga av øllum leiðum hansara!
Orðtøkini 3:32 Orðtøkini
Tí hin falski er HARRANUM andstygd, men hini sannhjartaðu eru næstu vinir Hansara.
Orðtøkini 3:33 Orðtøkini
Í húsi hins gudleysa er bann HARRANS, men bústað rættvísra signar Hann.
Orðtøkini 3:34 Orðtøkini
Spottarar spottar Hann, men eyðmjúkum gevur Hann náði.
Orðtøkini 3:35 Orðtøkini
Hini vísu arva heiður, men dárarnir fáa skomm í løn.
Orðtøkini 4:1 Orðtøkini
Hoyrið, børn míni, táið ein faðir áminnir tykkum, lurtið eftir, so tit kunnu læra klókskap!
Orðtøkini 4:2 Orðtøkini
Tí góðan lærdóm gevi eg tykkum; sleppið ikki tí, ið eg læri tykkum!
Orðtøkini 4:3 Orðtøkini
Tí táið eg var sonur heima hjá faðir, táið eg var lítil og einasta barn móður,
Orðtøkini 4:4 Orðtøkini
lærdi hann meg og segði við meg: „Lat hjarta títt halda fast orðum mínum, varða boð míni, so skalt tú liva!
Orðtøkini 4:5 Orðtøkini
Keyp vísdóm, keyp vit, gloym ikki og vík ikki frá orðum muns míns!
Orðtøkini 4:6 Orðtøkini
Slepp ikki vísdóminum, so skal hann halda vakt yvir tær, elska hann, so skal hann vera vernd tín!