at mótgera og kvetta fólk
53 versir um "at mótgera og kvetta fólk"
Versir
Síða 1 av 2Rómverjabrævið 14:15 Rómverjabrævið
Verður nú volt bróður tínum sorg við mati tínum, so er atferð tín ikki longur í kærleika. Leið ikki við mati tínum tann í undirgang, sum Kristus er deyður fyri!
Fyrra Korintbrævið 10:23 Fyrra Korintbrævið
Alt er loyviligt – men ikki alt er gagnligt! Alt er loyviligt – men ikki alt byggir upp!
Fyrra Korintbrævið 10:24 Fyrra Korintbrævið
Eingin søki sítt egna, men ein og hvør næstans!
Fyrra Korintbrævið 10:25 Fyrra Korintbrævið
Alt, sum í kjøtbúð verður selt, kunnu tit eta og ikki fyri samvitskunnar skuld spyrja meir um tað;
Fyrra Korintbrævið 10:26 Fyrra Korintbrævið
tí jørðin og alt, ið hana fyllir, hoyrir Harranum til.
Fyrra Korintbrævið 10:27 Fyrra Korintbrævið
Og býður onkur av hinum vantrúgvandi tykkum inn – og tit vilja fara – so kunnu tit eta alt, ið fyri tykkum verður sett, og ikki fyri samvitskunnar skuld spyrja meir um tað.
Fyrra Korintbrævið 10:28 Fyrra Korintbrævið
Men sigur onkur við tykkum: „Hetta er offurkjøt!“ so latið vera at eta tað – fyri hansara skuld, sum segði tykkum tað, og fyri samvitskunnar skuld!
Fyrra Korintbrævið 10:29 Fyrra Korintbrævið
– Eg meini ikki við eins egnu samvitsku, men samvitsku næstans; tí hví skal frælsi mítt verða dømt av samvitsku eins annars!
Fyrra Korintbrævið 10:30 Fyrra Korintbrævið
Njóti eg tað við tøkk, hví skal eg tá verða útspiltur fyri tað, sum eg takki fyri!
Fyrra Korintbrævið 10:31 Fyrra Korintbrævið
Annaðhvørt tit tí eta ella drekka – ella hvat tit gera – so gerið alt Gudi til dýrd!
Fyrra Korintbrævið 10:32 Fyrra Korintbrævið
Verið ongum til ástoyt, hvørki Jødum, Grikkum ella samkomu Guds!
Lukas 17:1 Lukas
Og Hann segði við lærisveinar Sínar: „Ómøguligt er annað, enn at tað, sum voldir fall, má koma, men vei tí, sum tað kemur við!
Lukas 17:2 Lukas
Tað var honum betri, at mylnusteinur varð hongdur um háls hansara, og hann varð kastaður í havið, enn at hann skuldi vera einum av hesum smáu til ástoyt.
Lukas 17:3 Lukas
Varðið tykkum! Syndar bróðir tín, so hav at honum, og angrar hann, so fyrigev honum!
Lukas 17:4 Lukas
Og um hann so sjey ferðir um dagin syndar móti tær og sjey ferðir kemur aftur til tín og sigur: „Eg angri tað!“ – so skalt tú fyrigeva honum.“
Lukas 17:5 Lukas
Ápostlarnir søgdu við Harran: „Gev okkum meiri trúgv!“
Lukas 17:6 Lukas
Tá segði Harrin: „Høvdu tit trúgv sum sinnopskorn, so kundu tit sagt við hetta morberjatræ: „Rív teg upp við rót og planta teg í havið!“ – Og tað skuldi aktað tykkum.
Lukas 17:7 Lukas
Men hvør tykkara, sum hevur tænara, ið pløgir ella situr hjá kríatúrum, sigur við hann, táið hann kemur heim av markini: „Far alt fyri eitt og set teg til borðs!“
Lukas 17:8 Lukas
Man hann ikki heldur siga við hann: „Ger til tað, sum eg skal hava til nátturða, og gyrð teg og gakk mær til handa, meðan eg eti og drekki – so kanst tú eta og drekka!“
Lukas 17:9 Lukas
Man hann takka tænaranum fyri, at hann gjørdi tað, ið honum var álagt! Eg haldi ikki.
Lukas 17:10 Lukas
Soleiðis skulu eisini tit, táið tit hava gjørt alt, ið tykkum er álagt, siga: „Vit eru ónýtir tænarar; vit hava einki gjørt uttan tað, ið vit vóru skyldigir at gera.““
Lukas 17:11 Lukas
Á ferðini til Jerusalem lá leið Hansara mitt ímillum Samaria og Galilea.
Lukas 17:12 Lukas
Táið Hann nú fór inn í eina bygd, møttu Honum 10 spitalskir menn, sum stóðu langt burtur.
Lukas 17:13 Lukas
Teir róptu hart: „Jesus, meistari, miskunna okkum!“
Lukas 17:14 Lukas
Táið Hann sá teir, segði Hann við teir: „Farið og latið prestarnar sýna tykkum!“ Meðan teir nú vóru á veg, vórðu teir reinsaðir.
Lukas 17:15 Lukas
Og ein teirra kom aftur, táið hann sá, at hann var grøddur, og prísaði Gudi við harðari rødd;
Lukas 17:16 Lukas
hann fall á andlit sítt fyri fótum Hansara og takkaði Honum – og hesin var Samverji.
Lukas 17:17 Lukas
Tá svaraði Jesus: „Vórðu teir ikki tíggju reinsaðir! Hvar eru hinir níggju?
Lukas 17:18 Lukas
Fanst eingin, sum kom aftur at geva Gudi dýrd, uttan hesin fremmandi?“
Lukas 17:19 Lukas
Og Hann segði við hann: „Reis teg og far avstað – trúgv tín hevur frelst teg!“
Lukas 17:20 Lukas
Táið Hann av Farisearunum varð spurdur, nær ríki Guds fór at koma, svaraði Hann teimum: „Ríki Guds kemur ikki á tann hátt, at tað sæst við eygunum.
Lukas 17:21 Lukas
Heldur ikki fer at verða sagt: „Hygg, her er tað!“ ella: „Hygg, har er tað!“ Tí ríki Guds er innan í tykkum.“
Lukas 17:22 Lukas
Hann segði við lærisveinarnar: „Dagar skulu koma, táið tit skulu tráa eftir at síggja ein av døgum Menniskjasonarins, og tit skulu ikki fáa hann at síggja.
Lukas 17:23 Lukas
Og sagt fer at verða við tykkum: „Hygg, her er Hann!“ „Hygg, har er Hann!“ – Farið ikki, og leypið ikki eftir tí!
Lukas 17:24 Lukas
Tí eins og snarljósið, táið tað skyggir, lýsir líka úr øðrum enda himmalsins í hin, so skal Menniskjasonurin vera á degi Sínum.
Lukas 17:25 Lukas
Men fyrst má Hann líða nógv og verða vrakaður av hesi ætt.
Lukas 17:26 Lukas
Sum tað gekk á døgum Nóa, so skal eisini verða á døgum Menniskjasonarins:
Lukas 17:27 Lukas
Tey ótu og drukku, tey giftust og vórðu burturgift, líka til tann dag Nóa fór inn í ørkina, og flóðin kom og gjørdi enda á øllum.
Lukas 17:28 Lukas
Somuleiðis, sum tað gekk á døgum Lots: Tey ótu og drukku, tey keyptu og seldu, tey plantaðu og bygdu;
Lukas 17:29 Lukas
men tann dag Lot fór úr Sodoma, regnaði eldur og svávul niður av himli og gjørdi enda á teimum øllum
Lukas 17:30 Lukas
– so skal eisini vera, tann dag Menniskjasonurin opinberast.
Lukas 17:31 Lukas
Tann dag má tann, ið er á takinum og hevur lutir sínar í húsinum, ikki fara niður eftir teimum, og heldur ikki má tann, ið úti á markini er, fara aftur til hús.
Lukas 17:32 Lukas
Minnist konu Lot!
Lukas 17:33 Lukas
Tann, ið roynir at bjarga lívi sínum, skal missa tað, og tann, ið missir tað, skal bjarga tí.
Lukas 17:34 Lukas
Eg sigi tykkum: Ta nátt skulu tvey vera í eini song; annað skal verða tikið við, og annað skal verða latið eftir.
Lukas 17:35 Lukas
Tvær kvinnur skulu mala á somu kvørn; onnur skal verða tikin við, og onnur skal verða latin eftir.
Lukas 17:36 Lukas
Tveir menn skulu vera úti á markini; annar skal verða tikin við, og annar skal verða latin eftir.“
Lukas 17:37 Lukas
Tá svaraðu teir Honum: „Hvar, Harri?“ Hann segði við teir: „Har sum ræið er, flykkjast eisini ørnirnar.“
Sálmarnir 72:12 Sálmarnir
Tí Hann skal frelsa hin fátæka, ið rópar, hin arma, ið ongan hjálparmann hevur.
Jákupsbrævið 3:9 Jákupsbrævið
Við henni signa vit Harran og Faðirin, og við henni banna vit menniskjum, ið eru skapt eftir mynd Guds!