at halda lyfti títt
26 versir um "at halda lyfti títt"
Versir
Síða 1 av 1Fjórða Mósebók 30:2 Fjórða Mósebók
Framvegis talaði Móses við høvd ætta Ísraelsmanna og segði: „Hetta er boðið, ið HARRIN hevur givið:
Sálmarnir 15:4 Sálmarnir
roknar hin vrakaða fyri einki, men heiðrar tey, sum óttast HARRAN, ei brýtur eiðin, ið hann svór sær sjálvum til skaða,
Matteus 5:33 Matteus
Uppaftur hava tit hoyrt, at sagt er við hinar gomlu: „Tú mást ikki svørja rangan eið; nei, tú skalt halda Harranum eiðir tínar.“
Matteus 5:34 Matteus
Men Eg sigi tykkum, at tit skulu als ikki svørja – ikki um Himmalin, tí hann er hásæti Guds;
Matteus 5:35 Matteus
ei heldur um jørðina, tí hon er fótaskammul Hansara; ei heldur um Jerusalem, tí tað er staður hins stóra kongs;
Matteus 5:36 Matteus
ei heldur mást tú svørja um høvd títt, tí tú fært ikki gjørt hár hvítt ella svart.
Matteus 5:37 Matteus
Nei, tala tykkara skal vera: „Ja, ja, nei, nei,“ og tað, sum meir er enn hetta, er av hinum illa.
Fimta Mósebók 23:21 Fimta Mósebók
Táið tú gert HARRANUM Gudi tínum lyfti, mást tú ikki drála at halda tað; tí HARRIN Gud tín skal krevja teg eftir tí, og tú kemur at draga skyld oman yvir teg.
Fimta Mósebók 23:22 Fimta Mósebók
Men letur tú vera at gera lyfti, so dregur tú onga skyld oman yvir teg.
Fimta Mósebók 23:23 Fimta Mósebók
Tað, ið varrar tínar hava talað, skalt tú halda og gera – við tað at tú sjálvkravdur og við tínum egna munni hevur givið HARRANUM Gudi tínum lyfti títt.
Seinna Korintbrævið 1:20 Seinna Korintbrævið
Tí so mong sum lyfti Guds eru – í Honum hava tey ja sítt; tí fáa tey eisini í Honum amen sítt, Gudi til dýrd við okkum.
Jákupsbrævið 5:12 Jákupsbrævið
Men fram um alt, brøður mínir, svørjið ikki – hvørki um Himmalin, um jørðina ella nakran annan eið! Ja tykkara veri ja, og nei tykkara nei – fyri at tit skulu ikki falla undir dómin!
Orðtøkini 20:25 Orðtøkini
Tað er menniskjanum vandafult í gáloysni at halga okkurt og so ikki fyrrenn aftaná at hugsa um tað, ið lovað varð.
Prædikarin 5:4 Prædikarin
Betri er, at tú einki lovar, enn at tú lovar og heldur tað ikki.
Prædikarin 5:5 Prædikarin
Lat ikki munn tín draga skyld oman yvir likam títt, og sig ikki við sendiboð Guds: „Eg leyp framav!“ – Manst tú vilja, at Gud skal verða vreiður um tað, ið tú sigur, og bróta niður handaverk títt!
Josva 21:45 Josva
Ikki eitt svitaðist av øllum hinum góðu orðum, ið HARRIN hevði talað við hús Ísraels – tað gekk út alt samalt.
Orðtøkini 25:14 Orðtøkini
Sum skýggj og vindur við ongum regni er tann maður, ið reypar av, at hann ætlar at geva, men heldur ikki orð.
Prædikarin 5:6 Prædikarin
Tí har sum nógvir dreymar eru, er eisini nógv fáfongd, og somuleiðis har sum mong orð eru. – Nei, óttast Gud!
Hebrearabrævið 10:23 Hebrearabrævið
Latið okkum halda óvikiliga fast við játting vónar okkara – tí Hann er trúfastur, sum gav lyftið!
Josva 2:12 Josva
Gerið mær tí nú eið um HARRAN, at tit skulu vísa fedrahúsi mínum miskunn, eins og eg havi víst tykkum miskunn, og gevið mær álítandi tekin um hetta
Josva 2:13 Josva
– at tit skulu lata faðir mín og móður mína, brøður og systrar mínar og øll teirra sleppa at liva og bjarga okkum undan deyðanum!“
Josva 2:14 Josva
Menninir svaraðu henni: „Við okkara egna lívi skulu vit svara fyri tykkara! So satt sum tit ongan lata fáa at vita um ørindi okkara, so skulu vit, táið HARRIN gevur okkum landið, vísa tær miskunn og trúfesti.“
Fyrra Kongabók 8:56 Fyrra Kongabók
„Lovaður veri HARRIN, sum hevur givið Ísrael, fólki Sínum, frið, soleiðis sum Hann lovaði! Ikki eitt orð hevur svitast av øllum hinum góðu orðum, ið Hann talaði við Mósesi, tænara Sínum.
Ápostlasøgan 23:12 Ápostlasøgan
Táið nú var vorðið dagur, tóku Jødarnir seg saman og bannaðu sær fyri, at teir skuldu hvørki leska vátt ella turt, fyrrenn teir høvdu dripið Paulus.
Ápostlasøgan 23:13 Ápostlasøgan
Teir, ið soleiðis svóru seg saman, vóru yvir 40.
Ápostlasøgan 23:14 Ápostlasøgan
Teir fóru til høvuðsprestarnar og hinar elstu og søgdu: „Vit hava bannað okkum fyri, at vit skulu einki leska, fyrrenn vit hava dripið Paulus.